Dutɛrɔnome 6:13 - Yálá laawoo hɛɓɛ (dc)

¹³ Yai-Laa ka wɔ Yálái ɓə mąąnɛ̨ɛ̨ ka ɲɔw mą. Ya ɓə mąąnɛ̨ɛ̨ ka tí mą. Naa hu ɓə mąąnɛ̨ɛ̨ ka ka kwɛla la.

Yálá laawoo hɛɓɛ

¹³ Yai-Laa ka wɔ Yálái ɓə mąąnɛ̨ɛ̨ ka ɲɔw mą. Ya ɓə mąąnɛ̨ɛ̨ ka tí mą. Naa hu ɓə mąąnɛ̨ɛ̨ ka ka kwɛla la.

Bible

¹³ Ka ƃaa-kɛ-maa tɛ́ɛ bɔ́, ká tíi kɛ́ mì. Ǹyaa nɔ́ ƃé ka káfoo a ǹáa.

Dutɛrɔnome 6:13 ပူးပေါင်းရင်းမြစ်များ

Zɛnɛse 24:3

'Ə́ kwɛla a Yai-Laa laa, yai a yələkɔlɔn da lɔi di pɛli Yálá, yɛ́ mą́ą́: Hvó pai Kanaan lɔi hu nɛ̨ɛ̨nu ta həɠəi, hvó dɛɛ nón bɔ a nɛ̨ą.

Tɔɔɓɛlaa veelɛ 17:36

Yai-Laa tii ka kulɔ Eziptə lɔi hu a nwɔ huwalawala yee kɔ̨nwɔ̨n, ya ɓə mąąnɛ̨ɛ̨ ka kwɛli hvilɛn mą, ka ɲɔw mą, ɛlɛɛ, ka haláá kulɔ mą.

Mąątɛ̨nɛ̨ 15:4

Ɲɛ̨i mu, mąąnɛ̨ɛ̨ di tɛɠɛɓo nɛ̨ŋɛ̨n ɉəɠəmun ɉu. Kɛlaa, nuąi da ɲɔw Yai-Laa ɓa, a di mąąwiɛ, ə mą kɛ, aa gwɛla a ɲee lɛɛ pələ ɉu, hva nwoo lɛɛ.

Mąątɛ̨nɛ̨ 63:11

Kɔ́ kɔ́ ɓowa ə tɛɛ di hu, 'di lɛɛ a lɔwɔ-yilɛɠaa kɔ̨nɔ̨n.

Lɛɛ gbɔwɔ ɓa 20:7

«'Hvó Yai-Laa ə wɔ Yálá laa ɓo kpɛli-kpɛli. Mąąhɔlɔɓo, nui a naa ɓo kpɛli-kpɛli, Yai-Laa a mąą nui hutɔɔ.

Lɛɛ gbɔwɔ ɓa 23:25

Yai-Laa ka wɔ Yálái ɓə ka káá pai kɛi kwɛli hvilɛn ɉii mą, ka gɛ tii, gáá pai lúwɔ́ tooi ka kɔ̨nɔ̨n ma, da ka wɔ yáɠaai diɛ, gɛ́ ɲɔ̨n mąą kwɛa kaa.

Azaya 45:23

Ŋą́ą́ gwɛla, a gbį́nįlee, mɛ̨nį hąŋąnŋąą ɓə a kulɔ ná, Vá nwóó ɲali bulu. «Nu kəlee kaa pai pui gbəlin na, nííla, nɛ̨n gəlee yɛ gwɛla a Náá.

Azaya 48:1

'Ka ka wəli tɔɔ mɛ̨nįi ŋɛ̨i ɓa, Ɉakɔbə nwɔ pɛ́lɛ́i mu nuą, kaa Israɛlə laa kaa kaa, kaai kulɔ Ɉuda huwu hu, kaai ka ka kwɛla a Yai-Laa laa, kaa Israɛlə nwɔ Yálái hvɛli kɛlɛ kɛlɛ, Kɛlaa, hva kɛ tələnmolaa hu da tɛ̨ą mɛ̨nį.

Azaya 65:16

Nui lɔpee pai kɛi bɔ lúwɔ ə kɛ mą, yɛ̨nɛ̨ɛ̨ ɓɛ, da lúwɔ kɛ mą: «Tɛ̨ą-Yálá laa hu.» Nui lɔpee pai kɛi bɔ ə gwɛla ɓɛ yɛnɛ̨ɛ̨, gaa pai gwɛlai a «Tɛ̨ą-Yálá laa.» Mąąhɔlɔɓo, di kaa pai lɛ̨ąi mɔ̨nɔ̨ tɔlɔɔɠaai diɛ, di hva kɛa kɛ ɲɛ̨́i mu.

Ɉeremi 12:16

Akɛ da tɔɔ a di nwąnąąi, diɛ di túwɔ́ a nɛlɛɛ yɛ nwɔ́ nuą, diɛ di mąą kwɛli a di woo kwɛlɛɛ a náá, yɛ́ bələi lɔ di nwɔ́ nuą mąą kwɛli la a di woo kwɛlɛɛ Baalə ɓa, diɛ kɛ mą: «A tɛ̨ą Yai-Laa kaa a vulú» da gɛ tii, da di heei hɔlɔɓo nwɔ́ nuą lɔwai.

Ɉeremi 4:2

Akɛ, yá ə́ woo kwɛlɛ mɛ̨nį ta hu a Yai-Laa, ə́ gɛ a tɛ̨ą, a tələnmoɔ laa, a ə́ kwəi kwɛlɛɛ; lɔiɠaa kaa pai lúwɔ́ tooi di kpɔɔ ɓa náá hu, diɛ di kpɔɔ mąątɛ̨nɛ̨ náá hu.

Ɉeremi 5:2

Nuą di mą kɛ di kwɛlai diɛ kɛ: «Kpɔ Yai-Laa laa hu.» Daa di kwɛla a lɛɛ.

Ɉeremi 5:7

Ɉerusalɛmə taa! Mɛ̨nį kɛ pələ a kɛ tii, ŋį́ pɛli ə́ mąą hvaalɛɛi ləi? Ə́ lonni daa nɛ́ɛ́ laa, diɛ di kwɛla hali ɓa. Ŋą́ di yee laholon, diɛ di kpɔɔ kɛ a wɛlii kɛ nuą, di pulu tɔɔ wɛli kɛ Nɛ̨ɛ̨nu yee bɛlɛ́ laaləi, diɛ nąą mąąkɔ̨nwɔ̨.

Levetekɔ 19:12

Ka hvo ka kwɛla a Náá lɛɛ mɛ̨nį hu, yili a kɛ nəi a ə́ wɔ Yálá laa kala mɛ̨nį. Ɲą́ą́ ɓə gáá a Yai-Laa.

Maafîu 4:10

Jesus ə nwoo ɲąąpənə yɛ mą: «Ɓilihi həɠə búlú! Mąąhɔlɔɓo, bɛ̨ɛ̨i Yálá laawoo hɛɓɛ́ hu, diɛ mą: ‹Kwɛli hvilɛn ə́ Ną́mu Yálá yaa kɔ́w tɔ̨nɔ̨ gbən ɓa, ə́ mąąwiɛ tɛɛ bɔ.›»

Maafîu 5:33

«Ka mɛ̨n nwɔ̨nɔ̨ ŋɛ̨i, di wɔlɔ mo ka kálá pɔlɔni diɛ, diɛ mą: ‹Ya ə kwɛla hvo kɛ a lɛɛ. Kɛlaa, mɛ̨nį ya ə́ kwɛla ɉu, mąąnɛ̨ɛ̨ ə́ bɔ mɛ̨nį kɛ Nąmu Yálá ɲɛ̨i ɓa.›

Lukə 4:8

Jesus ə nwoo pulu pənə yɛ mą: «Bɛɛn Yálá laawoo hɛɓɛ́ hu yɛ mą: ‹Kwɛli hvilɛn Ną́mu Yálá yaa tɔ̨nɔ̨ ma. Ə́ tiɓo kɛ mą.›»

Dutɛrɔnome 10:12

Yii hu kɛa, Israɛlə lonnii, ə həli kaa! Lə ɓə Yai-Laa ka wɔ Yálái kaa bɔ ka gɛ mą? Mɛ̨nįi ɲɛ̨i kaa dɔwɔ, ya ɓaa: ka ɲɔw Yai-Laa ka wɔ Yálái ɓa, a, lɛɛi ka mo nwooɠaa pulu; kaa Yai-Laa ka wɔ Yálái wɛli la kɛ, kaa tí mą a kwəi kwələ laa, a ka wɔ huwalawala kəlee, da ka wɔ yɛnɛ̨ɛ̨ kɛ pələ kəlee.

Dutɛrɔnome 10:20

Yai-Laa ka wɔ Yálái ɓə mąąnɛ̨ɛ̨ ka ɲɔw mą, kaa tí mą, ya ɓə ka ka kwɛla a naa.

Dutɛrɔnome 13:4

Mąą hvo nɛ̨ɛ̨li, ka hvo ka wəli tɔɔ mɛ̨nį hukulɔ mun tii ɓa, a wala kɛ tii, ɉįi kaamun tii. Mąąhɔlɔɓo, Yai-Laa ka wɔ Yálá ka tii pai kɛi ka hukɔɔn ɉii, ə gɛ, ə ka káá a nuąi da Yai-Laa ka wɔ Yálái wɛlilakɛ a di kwəi tɔ̨nɔ̨, a di nwąnąi kpɔ-kpɔɔ.

Dutɛrɔnome 13:5

Yai-Laa ka wɔ Yálá ɓə mąąnɛ̨ɛ̨ ka hvilɛn bulu, ya ɓə mąąnɛ̨ɛ̨ ka ɲɔw mą. Nwɔ tɔ́n mə mąąnɛ̨ɛ̨ ka ɉon; nwoo ɓə mąąnɛ̨ɛ̨ ka ka wəli tɔɔ mą. Yai-Laa ɓə mąąnɛ̨ɛ̨ ka tí mą, ɛlɛɛ, yaa ɓə mąąnɛ̨ɛ̨ ka kanąn mą.

Dutɛrɔnome 5:11

«'Ka hvo Yai-Laa ka wɔ Yálái laa ɓo kpɛli-kpɛli mɛ̨nį hu; mąąhɔlɔɓo, nui a Yai-Laa laa ɓo kpɛli-kpɛli mɛ̨nį hu, Yai-Laa hva nɛɛ lɔ tii, yii hvo ɉutɔɔ li.

Dutɛrɔnome 5:29

Ə li kɛmun da naa kɛ di kwəi, diɛ ɲɔw Mą́ą́, diɛ nwɔ́ tíɓoɠaai kəlee kɛ a yələ kəlee, yili ə li kɛ a di wɔ nwun na nɛ̨ɛ̨, da di lonnii, kpɛɛ hvo li kɛ mą.

Dutɛrɔnome 6:2

'Ka ɲɔw Yai-Laa ka wɔ Yálái ɓa; kaa-oo, ka lonnii-oo, ka mąninni-oo da ka mąnin bulu mąninŋąą kəlee, 'ka nwɔ́ tíɓoɠaa da nwɔ tɔ́n nwooɠaai kəlee pɔ mɛ̨nį kɛ, ka wɔ yɛnɛ̨ɛ̨ kəlee hu, ka yíi a kwɛa.

Zasua 2:12

A kɛ tii kɛa, ka ka kwɛla a Yai-Laa laa, kaa diɛ; bələi ŋɛ̨i ŋį́ ka hon na a nɛlɛɛ, ka káá lɔ pai ɲą́ą́ kwa ɲə́i bɛlɛ́n nuą ku hon ɉii tii a nɛlɛɛ. Ka kɔ́lɔn ɉɛn da tɛɛ bɔ́,

Zasua 23:7

Nu huwuɠaa ŋɛ̨i daa lɛɛ ka kwɛlɛ, 'ka hvo humun a di túwɔ́ pələ, 'ka hvo di wɔ haliɠaa hvɛli; 'ka hvo ka kwɛla a di wɔ haliɠaa ta laa, 'ka hvo mąąwiɛ tɛɛ di pɔ, 'ka hvo pɛlɛ di kɔ́wɔ mu.

Zasua 24:14

Ɉosue yɛ diɛ: «Ə həli kɛa kaa! Ka ɲɔw Yai-Laa ɓa, ka tí mą a ka kwəi kwɛlɛɛ, ka lɛɛ nwoo mu. Ɉaliɠaai ka nąnni di kɛi mąąwiɛ Efratə yá pulu pələ, da Eziptə lɔi hu, ka di kulɔ ka lɔwai, ɛlɛɛ, ka tí Yai-Laa ɓa.

Samuɛlə dɔlɔɔ 20:3

Davidə ə gwɛla ma, yɛ mą: «Ə́ nąn gili kaa ɉu, yɛ gwa yɛ́ gu nɛɛi. Gaa giliŋąhiɛ yɛ kɛ diɛ: ‹Maa hvo nɛ̨ɛ̨li Ɉonatan gili hvo pu ɉu; a nee ɉukulɔ Davidə ɓa.› Kɛlaa, gáá gwɛlai a Yai-Laa laa, da ə́ wɔ yii yɛnɛ̨ɛ̨ kpɔ-kpɔ, ɉáá mɛ̨nį mąą hvo kwɛa li mą́ą́ kpɛli tiikpə.»

Samuɛlə dɔlɔɔ 7:3

Samuɛlə yɛ Israɛlə nuą diɛ: «Akɛ ka káá pai Yai-Laa pɔ a ka lii kəlee, ka ká yee kulɔ ɉaliɠaa tii hu, ka gulɔ ka lɔwai, da ɉaliɠaa ŋɛ̨i a Astarteɠaa; ka ká kilitɔɔ Yai-La ɓa, ka kóló kɛ mą yaa tɔ̨nɔ̨, gaa ka kulɔi Filisti nuą yəi.»