Dutɛrɔnome 5:4 - Yálá laawoo hɛɓɛ (dc)

⁴ Yai-Laa ə pələ ɓo kaa ɲee tonna, nwɔ̨n ɉąąi, ka ɲɛ̨i heɛ ka kee ni diɛ.

Yálá laawoo hɛɓɛ

⁴ Yai-Laa ə pələ ɓo kaa ɲee tonna, nwɔ̨n ɉąąi, ka ɲɛ̨i heɛ ka kee ni diɛ.

Bible

⁴ È kɛ̀ lônoi kápɔ ká kɛ́ ŋ̀óo mɛ̀ni gɛ́ kùla ǹyéei su.

Dutɛrɔnome 5:4 ပူးပေါင်းရင်းမြစ်များ

Lɛɛ gbɔwɔ ɓa 19:9

Yai-Laa yɛ Moisə ɓa: «Gáá pai ŋį́ həli kpɔ yɛ́ tulɔ kpinįn ɉuwia hu, nɔi lonnii diɛ pɛli nwóó mɛ̨n ɉii, ɓɛlɔwai gáá pai kɛi pələ ɓoi la yɛ́, diɛ pɛli laai ə́ la a yələ kəlee.» Moisə ə nɔi lonnii woo laa həli Yai-Laa ɓa.

Lɛɛ gbɔwɔ ɓa 20:1

Yálá ɓə nwooɠaa ŋɛ̨i kəlee ɓo, yɛ diɛ:

Lɛɛ gbɔwɔ ɓa 33:11

Yai-Laa ə kɛi pələ ɓo Moisə ɓa, da yaa di ɲɛ̨i heɛ di kee ɓa, yɛ nu a kɛi pələ ɓo mɛlan ma, yili pulu, Moisə ə kɛi pənə yɛ pa muwu la, kɛlaa, bɔ mun ŋɛ̨i kɛ a Nun lon Ɉosue, hvo kɛi tee gee kaa kələ mu.

Lonon mo 12:8

Ŋą́ kɛ gáá mɛ̨nį ɓoi mą ŋą́ mo mą a ɉu pɔ̨nɔ̨ɔ̨, yɛ kwa kɛi ku kee ɲɛ̨ilai kaa. Ɛlɛɛ, a Yai-Laa koloon ɉu kaa. Ka tɔɔ pələ kɛ ləi, kaa nwɔ́ tímun Moisə laa pələ ɓo?»

Lonon mo 14:14

Nɔi ŋɛ̨i ku kaa ɉu, Eziptə nuą daa mɛ̨nį tii hukulɔ diɛ. Daa bələ mɛ̨n diɛ; yɛ́ Yai-Laa, ə́ kaa nuąi ŋɛ̨i lɔwai, ɛlɛɛ, yɛ́ ə́ kpɔɔ lɛ diɛ, kaa ka kee kaa. Di gɔlɔn diɛ; yɛ́ Yai-Laa, yɛ́ ɓə ə́ kaa di mɛ̨i a tulɔ kpinįn, hvóló ŋą yɛ́ ɓo di ɲɛ̨i tɔwɔ, kpinįi, yɛ́ ɓo di mɛ̨i nwɔ̨n nən ɉu.

Dutɛrɔnome 34:10

Gulaa Moisə pulu, Yálá kwəi mɛ̨nį ɓomun da hvo kɛa hɔlɔɓo Israɛlə lɔi hu, yii da Yai-Laa di kɛi mɛ̨nį ɓo di kee ɓa laaləi da laaləi.

Dutɛrɔnome 4:12

Ɛlɛɛ, Yai-Laa yɛ pələ ɓo kaa nwɔ̨n nən ɉu, woo ta yɛ tɔɔ kaa mɛ̨n, kɛlaa, ka hvo kɛi nu kaa, nwoo lɔ ɓə kɛi tɔɔ.

Dutɛrɔnome 4:15

Ka ka kpɔwɔ hon a nɛlɛɛ, ka gɔlɔn kaa diɛ, ɲələi Yai-Laa ə kɛi mɛ̨nį ɓo la kaa nwɔ̨n nən ɉu Horɛbə yee nwuɔ̨, ka hvo hɛn nɔpee ta mąą nįnįn gaa nwɔ̨n nən tii hu.

Dutɛrɔnome 4:33

Nu huwu ta, aa ta yálá ta woo mɛ̨n, yɛ hvaa nwɔ̨n nən ɉu, ɛlɛɛ, mąą nu huwui yɛ lɛɛ a vulú yɛ bələi ə kɛ la a kaa?

Dutɛrɔnome 4:36

Ə lɛɛ yələkɔlɔn ɉu, yɛ ka mąąkwɛli a nwoo, ka lɛɛ lɔi mɛ̨i, ə nwɔ nwɔ̨n gɛnɛ̨i lɛ kaa, ɛlɛɛ, ka nwooɠaa mɛ̨n nwɔ̨n nən ɉu.

Dutɛrɔnome 5:22

Yai-Laa ə mɛ̨nįɠaai ŋɛ̨i ɓo ka kəlee kaa, ka ɲąąkpɔnŋąą, ə kɛ ɲee nwuɔ̨ nwɔ̨n ɉąą nwɔ̨n nulu da tulɔ kpinįn ɉuwia hu, a nwoo kɛnɛ̨, ɛlɛɛ, hvo mɛ̨nį ta pɛlɛ mą. Ə di pɛ̨ɛ̨ kwɛni ɓɛla hveelɛ mɛ̨i, ə gwɛni ɓɛlaɠaai tii tɛɛ bɔ́.