Dutɛrɔnome 5:32 - Yálá laawoo hɛɓɛ (dc)

³² Ka tɔɔ a ka nwąnąi, kaa túwɔ́ yɛ́ bələi Yai-Laa ka wɔ Yálái ə ka tí la. Ka hvo həɠə bələ mɛ̨i, ka hvo tɔɔ takpa-takpa.

Yálá laawoo hɛɓɛ

³² Ka tɔɔ a ka nwąnąi, kaa túwɔ́ yɛ́ bələi Yai-Laa ka wɔ Yálái ə ka tí la. Ka hvo həɠə bələ mɛ̨i, ka hvo tɔɔ takpa-takpa.

Bible

³² “Mɛni ma, Eezuɛ-ƃela, ka káwoli tɔ́ɔ m̀ɛnii ma Káɣâlai Yâwɛɛ a pâi mòi kaai. Káfe da kùla ma kpaa máŋ ká da pú ma.

Dutɛrɔnome 5:32 ပူးပေါင်းရင်းမြစ်များ

Tɔɔɓɛlaa veelɛ 17:37

Díɓoɠaa, dɔ́n nwooɠaa, ɉaláá kulɔ pələ, da nɔi hon bələɠaai ə bɛ̨ɛ̨ a ka mąą mɛ̨nį, ka tɔɔ a ka nwąnąąi, ka di kɛ a yələ kəlee, 'ka hvo ɲɔw haliɠaa diɛ.

Tɔɔɓɛlaa veelɛ 21:8

Yili ɓa, və́ kɛa pai Israɛlə lonnii mąą kwɛai nɔi ŋɛ̨i ŋą́ dɛɛ di kalaɓɔlɔni pɔ, mą, akɛ mɛ̨nįɠaai ŋą́ mo diɛ, da gɛ. Diɛ hiɛ a kpaaləi ŋą́ dɛɛ nwɔ́ tímun Moisə pɔ, yɛ nɛ diɛ.»

Tɔɔɓɛlaa veelɛ 22:2

Ɉosiasə ə hiɛ a ɉaŋąą Yai-Laa ɲɛ̨i ɓa, ə hvilɛn gbɔlɔɔ gala Davidə nwɔ pələi mɛ̨i, hvə li ŋɛ̨i hvo li ŋɛ̨i.

Mąątɛ̨nɛ̨ 125:5

Kɛlaa, nuąi daa həɠə bələ mɛ̨i, di hiɛ pələ kpɛli kpəlaanŋąąi, Yai-Laa ə di kpɛ, da mɛ̨nį ɲɔ̨n gɛ nuą; Liilaa ə kɛ Israɛlə mɛ̨i.

Mąątɛ̨nɛ̨ 19:12

Ə́ wɔ tímun yaa kpinįį a kili hɔlɔɓo ɉu, a ɲee kanąn a mo mą, a tɔ̨nɔ̨ hɔlɔɓo ɉu.

Mąątɛ̨nɛ̨ 80:19

A kɛ kɛa tii, ku hva ku mąąkwɛa yɛ́ a yələ ta; 'ku laahɔnmo yɛnɛ̨ɛ̨, akɛti kwa ə́ təli a ə́ laa.

Hanwon 3:2

Mąąhɔlɔɓo, ɉaalai ɓə ə́ yíi a kwɛa la, ə́ wɔ kwɛlanŋaa hu ə kwɛa, ɲąą ə nɛ̨ɛ̨.

Hanwon 4:27

'Hvə́ li ə́ ɓamįiyee hu, 'hvə́ li ə́ kɔ́ɓɛyee hu, 'Hvó ə́ kɔ́wɔ hvilɛn mɛ̨nį ɲɔ̨n ɉu.

Azaya 30:21

Woo kaa pai kɛi tooi ka wəlii, yɛ ka tənən dɔɔ, akɛ mąąnɛ̨ɛ̨ ka li ɓa-mįi-yee hu pələ, a wala kɛti kɛɓɛyee hu pələ, yɛ kɛ kaa: «Bələ ka, 'ka ɉon na.»

Izikiɛ 20:19

Ɲą́ą́ ɓə gáá a Yai-Laa ka wɔ Yálái, 'ka nwɔ́ tiɓoɠaai hon, ka lɛɛ nwɔ́ tɔ́n nwooɠaai pulu; ka di pɔ mɛ̨nį kɛ.

Izikiɛ 37:24

Nwɔ́ tí mun Davidə ɓə pai kɛi tɔɔlaa kɛi di mɛ̨i; di kəlee di mɛ̨i kaa mun ə ɓo tanɔ̨n. Di kaa pai kɛi hiɛi a nwɔ́ lɔi hu yíi ɓo pələ, diɛ lɛɛ nwɔ́ tɔ́n nwooɠaa pulu, diɛ di pɔ mɛ̨nį kɛ.

Dutɛrɔnome 11:32

Ka tɔɔ a ka nwąnąi, dɔ́nŋąą, da nɔi mąą tɔ́nŋąąi kpɔ gáá dɛɛi ka pɔ háákələi, ka di pɔ yii ɓo.

Dutɛrɔnome 17:11

Mɛ̨nįɠaa di kaa pai moi kaa, ka hvilɛn bulu, ka hvo həɠə mɛ̨i, ka ɉon di. Ka hvə həɠə nwooɠaai da mo kaa di mɛ̨i, kaa li ɓa mįi yee hu, a wala kɛ tii, kɔ́ɓɛyee hu.

Dutɛrɔnome 17:20

Hvo kɛ gaa gbɔwɔ ŋąą kɛnɛ̨i nąn nonnii mɛ̨i, hvo həɠə dɔ́n nwooɠaa pulu, yɛ li mamįiyee mɛ̨i, a wala kɛ tii gɔɓɛ yee mɛ̨i. A gɛ tii, a nwɔ tɔɔlaa voló hu kwɛa gbɔwɔ yəi, dɔɔlaa hu ə nɛ̨ɛ̨ mą da nąn nonnii kəlee.

Dutɛrɔnome 24:8

Ka gɛ a nɛlɛɛ hvólóɲɔ̨n ɉuwui lɔpee gəlee ɓa; mɛ̨nįɠaa ɉaláá kulɔ nuą Levi lonnii da mo kaa mɛ̨nįi tii hu, ka ɉon a nɛlɛɛ; ka bɔ mɛ̨nį kɛ. Ka tɔɔ a ka nwąnąąi, ka túwɔ́ yɛ bələi ŋą mo la diɛ.

Dutɛrɔnome 28:14

akɛ nwɔ pələɠaa ŋɛ̨i gáá dɛɛi ka pɔ háákələi, ka wala həɠə mɛ̨i, kaa li ɓa mįi yee hu, a wala kɛ tii, kɔ́ɓɛyee hu; ɛlɛɛ, akɛ ka wala hvilɛn haliɠaa pulu, kaa kwɛli hvilɛn diɛ.

Dutɛrɔnome 29:8

«Yili ɓa, mąąnɛ̨ɛ̨ ka ka yee kɛ mįnɛ̨i ŋɛ̨i ka Yálá ni ka ɉəɠə ɉu wooɠaa diɛ, kaa bɔ túwɔ́ ɓo. Yili pɔ pələ ɓə ka kɛ́ mɛ̨nįɠaa hu a nɛ̨ɛ̨ la.

Dutɛrɔnome 6:17

Mąąnɛ̨ɛ̨ ka Yai-Laa ka wɔ Yálái nwɔ tíɓoɠaa kɛ, da nwɔ tɔ́n nwooɠaa, da nwɔ lɔi hu yíi ɓo pələɠaa, yaai Ə naa ka nwuɔ̨.

Dutɛrɔnome 6:25

Bələi gwa kɛ la a tələnmo nuą, bələ ka tii; Ya ɓaa gu nwɔ tíɓoɠaai tii kəlee kɛ Yai-Laa gu wɔ Yálái ɲɛ̨i ɓa, yɛ bələi ə gu tí la.»

Dutɛrɔnome 6:3

Israɛlə ə́ wəli tɔɔ, 'ka tɔɔ a ka nwąnąi, ka di pɔ mɛ̨nį kɛ, ka gɛ tii, ka kɛ nwun nąnɛ̨ɛ̨ hu, ka huwu yɛ ɓɛlɛ yɛ bələi Yai-Laa ka nąnni di wɔ Yálái ə naakwɛlanmo la kaa; a lɔi lɛlɛɛ ɓɛi hɛn gəlee a lɛlɛ laa.

Dutɛrɔnome 8:1

Díɓoɠaa kpɔ ŋą ka tí a gɛɛ háákələi, ka tɔɔ a ka nwąnąi ka ɉon, əgɛ, ka lɛɛ yɛnɛ̨ɛ̨, ka huwu ə ɓɛlɛ, ka tamą; nɔi Yai-Laa ə gwɛla, ə naakwɛlanmo ka nąnni diɛ, ka lɔ nɔi tii hu, ka hee laa.

Zasua 1:7

Yii mąąnɛ̨ɛ̨ ə́ gɛ, ya ɓaa ə́ ə́ liikpələ, ə́ ə́ huwalawala, dɔ́n ŋɛ̨i ŋį́ mą́ą́ pamą nwɔ́ tímun Moisə ɓa, ə́ túwɔ́ pələ ə pɛli dɔ́n tii ɓa. Hvó həɠə mɛ̨i hvó li ɓɛ pələ da ɓɛ pələ, yili ɓə a gɛ, ə́ kɛ mɛ̨nį kəlee hu ə nɛ̨ɛ̨ ɓɛi ə kaa lii laa.

Zasua 23:6

Yili ɓa tii, ka tɔɔ kɛa a ka nwąnąi! 'Ka ka ɲąąwala, 'ka túwɔ́ yɛlɛ-tɛtɛ; yɛ bələi bɛ̨ɛ̨i la Moisə nwɔ tɔ́n ɉɛɓɛ́i hu! 'Ka hvo ka mąą kwɛa mą! Ka hvo li ŋɛ̨i, ka hvo li ŋɛ̨i!

Piɛrə veelɛ 2:21

Mąąhɔlɔɓo, viɛlaɓoɔi kɛ, di lɛɛ di kpɔɔ ɓa, ə tɛɛ dɛ̨ą pələi ŋɛ̨i kɔ́lɔn ŋąą ɓa di yəi, di pənə di həɠə Yálá nwɔ liɛwoo lɛlɛɛ ŋɛ̨i mɛ̨i, yii di mɛ̨n.