Dutɛrɔnome 5:15 - Yálá laawoo hɛɓɛ (dc)

¹⁵ Mąąnɛ̨ɛ̨ ka kili ə pu ɉu kaa, ka kɛ a luwɔɠaa Eziptə lɔi hu. Ɛlɛɛ, Yai-Laa ka wɔ Yálái ə ka kulɔ laa a vaŋą kɛnɛ̨, a nwɔ huwalawalai ɲəi, hɛn da hva tɔɔ na. Yili mąą mɛ̨nį ɓə Yai-Laa ka wɔ Yálái ə ka tí la, yɛ ka túwɔ́ yələ mąą həɠə.

Yálá laawoo hɛɓɛ

¹⁵ Mąąnɛ̨ɛ̨ ka kili ə pu ɉu kaa, ka kɛ a luwɔɠaa Eziptə lɔi hu. Ɛlɛɛ, Yai-Laa ka wɔ Yálái ə ka kulɔ laa a vaŋą kɛnɛ̨, a nwɔ huwalawalai ɲəi, hɛn da hva tɔɔ na. Yili mąą mɛ̨nį ɓə Yai-Laa ka wɔ Yálái ə ka tí la, yɛ ka túwɔ́ yələ mąą həɠə.

Bible

¹⁵ Ka gɔ́lɔŋ a gɛɛ ká kɛ̀ a luɛ-ŋa Ize lɔii su. Káɣâlai Yâwɛɛ ƃé kákùla naa é pá a káa a ŋɔwála-walai. Mɛni ƃé a m̀ôi la kâa a gɛɛ ká ŋ̀elei kûui ŋí mɛi káa a maa waa.

Dutɛrɔnome 5:15 ပူးပေါင်းရင်းမြစ်များ

Zɛnɛse 15:13

Yai-Laa yɛ Abramə ɓa: «'Gɔlɔn yɛ kɛ: Ə́ huwu kaa pai kɛi nwɛ̨ą lɔi hu a luwɔ, diɛ di mɔ̨nɔ̨ɓo kwɛlan nwun-nąąn ɲee mu.

Zɛnɛse 19:16

Yii kɛa Lɔtə ə kɛi mąątínɛ̨n, malakaɠaa di ɉon a ɲee, di nɛ̨ą hon da nonnii nɛ̨ąą hveelɛi, di di kulɔ Sodomə daai, mąąhɔlɔɓo, Yai-Laa ə kɛ ɓɔ di nwun mąą ə ɓo.

Mąątɛ̨nɛ̨ 116:16

Nɛ̨ɛ̨ yɛ́ Yai-Laa, mąąhɔlɔɓo gáá a ə́ wɔ tímun, gáá a ə́ wɔ luwɔnɛ̨ąi lon ɉulɔnu; yaa ɲíli yɛliɠaa hvoloon.

Mąątɛ̨nɛ̨ 136:12

A vaŋą kɛ̨nɛ̨, a ɲee kɔ́nwɔ̨n ɉu wala wala! Mąąhɔlɔɓo, nwɔ wɛlikɛmąąlaa ɲɛ̨n deei hvo mą!

Lɛɛ gbɔwɔ ɓa 13:14

«Ka lonnii da ka mąnįn kɛ tinąą tɔwɔ pələ, diɛ kɛ mą: ‹Lə mɛ̨nį ɓa ka káá gɛi ti?› Ka kɛ diɛ: ‹Yai-Laa nwɔ huwalawalai hɛn da hva tɔɔ na, ɉaalai hu ɓə ə ku kulɔ la luwɔlaahu Eziptə.

Lɛɛ gbɔwɔ ɓa 13:16

«Yili kaa pai kɛi a bɛ̨ɛ̨ huwɔ kɔ́lɔ palaa hu, ɲiliɛ ə́ nwun ma da ə́ ɓonwon ma, ə kɛ a kili lɛɛ ɉu hɛn, yii a nɛ yɛ Yai-Laa, nwɔ huwalawalai hɛn da hva tɔɔ na, ɉaalai hu ɓə ə gu kulɔ la Eziptə.»

Lɛɛ gbɔwɔ ɓa 13:3

Moisə ə mo nuą diɛ, yɛ diɛ: «Volói ŋɛ̨i Yai-Laa ə ka kulɔ la Eziptə lɔi hu, luwɔlaa hu, ka ka kili lɛɛ ɉu, mąąhɔlɔɓo, nwɔ huwalawala yee ɓə ə ka kulɔ la laa. Mąą hvólói ti a həli, lɛɠɛ yii dɛ hɛn gaa ɉu, nu ta hvo mįi.

Lɛɛ gbɔwɔ ɓa 13:9

Ɉɛlii ti pu mɛ̨nį ka yəi, gaa a kili lɛɛ ɉu, ka doo ka yee ɓa, ka da yili ka ɲɛ̨i mɛ̨i; əgɛ, Yai-Laa nwɔ tɔ́n nąą kili hvo pa kpɛɛ ka ɲą. Mąąhɔlɔɓo, ya ɓə ka kulɔ luwɔlaa hu a nwɔ huwalawalai hɛn da hva tɔɔ na.

Lɛɛ gbɔwɔ ɓa 20:11

Mąąhɔlɔɓo, Yai-Laa ə yələkɔlɔn, lɔi, gboloyá, da ɉu hɛnŋąą kəlee pɛli hvóló mɛ̨ida yee mu, kɛlaa, ə vįitɔɔ a voló mɛ̨ihveelɛ yələ. Yili ɓə gɛ, Yai-Laa ə lúwɔ́ too vįitɔɔ yələi ti ɓa, ə gɛ a hvóló mąąhəɠɛɛ.

Lɛɛ gbɔwɔ ɓa 6:6

Yili ɓa, 'mo Israɛlə lonnii diɛ, yɛ́ diɛ: «Ɲą́ą́ ɓə a Yai-Laa, gáá pai ka kulɔi bɔlɔtɛ laa ŋɛ̨i hu Eziptə, Ŋį́ ka kulɔ mɔ̨nɔ̨ hu, Gáá ka nwun mąąɓoi a nwɔ́ huwalawala laa, yai hɛn da hva tɔɔ na.

Azaya 63:9

Ɛlɛɛ di kɛɛ di wɔ mɔ̨nɔ̨ɠaa hu, yaa kpɛli ə mɔ̨nɔ̨ mįi. Malakai ŋɛ̨i a nwɔ tímun, ya ɓə di nwunmąąɓo nwɔ wɛlikɛmąąlaa, da nwɔ nu ɲɛ̨imąąwɛli kaa laa haalai, yaa kpinįį ɓə di nwun mąąɓo, ə di mąą mɛ̨nį həɠə nwuɔ̨, yɛ di kpəŋə, yələ kəlee, ɲɛnɛ̨ɛ̨ yii aa tɛɛ ɉu.

Danîa 9:15

«Ku Ną́mu Yálá, ɓɛlɔwai ə́ ə́ wɔ nu huwuɠaai kulɔ la Eziptə lɔi hu a ə́ wɔ yee walawala laa, yili ə́ ə́ laa lɛlɛɛ tɛ, háá ɓa háá, ə́ laa kaa ni nuą la. Kɛlaa, ku wɛi, ku kulɔ ə́ woo mu, ku kaa a hɔn mąą nuą.

Dutɛrɔnome 15:15

Mąąnɛ̨ɛ̨ ka ka kiliŋąhiɛ, kaa diɛ, ka kɛ a luwɔɠaa Eziptə lɔi hu, ɛlɛɛ, Yai-Laa ka wɔ Yálái ɓə ka nwun mąąɓo. Yili mąą mɛ̨nį ɓə gɛi, gɛ́ dɔ́nŋąą ŋɛ̨i tɛɛ la ka pɔ háákələi.

Dutɛrɔnome 16:12

Ka ka kili lɛɛ ɉu, kaa diɛ, ka kɛ a luwɔɠaa Eziptə lɔi hu. Dɔnŋąą ŋɛ̨i gáá dɛɛi ka pɔ, ka ɉon a nɛlɛɛ, ka bɔ mɛ̨nį kɛ.

Dutɛrɔnome 26:8

Ə ku kulɔ Eziptə lɔi hu a nwɔ huwalawala yii hɛn da hva tɔɔ na, a ɲee walawalaa, ə kpalo ɓɛla ku mɔ̨nɔ̨ ɓo nuą diɛ, a kpalo mɛ̨nį da kwɛlɛɛn mɛ̨nį kpɛa kpɛaaɠaa.

Dutɛrɔnome 5:6

«Ɲą́ą́ ɓə gáá a Yai-Laa ka wɔ Yálá, Ɲą́ą́ ɓə ka kulɔ Eziptə lɔi hu, nuwɔ pɛlɛ́i tii mu.

Dutɛrɔnome 9:12

Nąąlɔwai Yai-Laa yɛ mą́ą́: «Ə́ muhəɠə, ə́ kɛhu ə yɛɛ! Mąąhɔlɔɓo, yɛ́ nuąi daa túwɔ́ pələ ɲɔ̨n gulɔ. Ə́ wɔ nuą ŋɛ̨i ə́ di kulɔ Eziptə lɔi hu, ɉu hvo nii kpɛli kwɛa li; bələi ŋį́ nɛ diɛ, daa həɠə mɛ̨i, daa kwɛli həɠeen daa bɛli a hɛn da mąąnįnįn.»

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.