Dutɛrɔnome 5:14 - Yálá laawoo hɛɓɛ (dc)

¹⁴ Kɛlaa voló mɛ̨ihveelɛ yələ, Yai-Laa ka wɔ Yálái nwɔ túwɔ́ yələ li, nwɔ hvįįtɔɔ yələ li. Ka hvo kóló walawala lɔpee ta kɛ a volói tii, kaa-oo, ka lon ɉinąą-oo, ka lon nɛ̨ąą-oo; ə mą kɛ ka wɔ luwɔ hinąą da luwɔ nɛ̨ąą; ə mą kɛ ka wɔ nįŋɛ̨i ɓə, ka wɔ hoohvaalən gbɛli, da ka wɔ taatɛlɛɛ lɔpee. Ə mą kɛ nwɛ̨ąi di kaa heeni ka wɔ taaɠaai hu. A kɛ tii ka wɔ kóló kɛ nuą, ɉinąą da nɛ̨ąą di pɛli di hviitɔɔi yɛ kaa.

Yálá laawoo hɛɓɛ

¹⁴ Kɛlaa voló mɛ̨ihveelɛ yələ, Yai-Laa ka wɔ Yálái nwɔ túwɔ́ yələ li, nwɔ hvįįtɔɔ yələ li. Ka hvo kóló walawala lɔpee ta kɛ a volói tii, kaa-oo, ka lon ɉinąą-oo, ka lon nɛ̨ąą-oo; ə mą kɛ ka wɔ luwɔ hinąą da luwɔ nɛ̨ąą; ə mą kɛ ka wɔ nįŋɛ̨i ɓə, ka wɔ hoohvaalən gbɛli, da ka wɔ taatɛlɛɛ lɔpee. Ə mą kɛ nwɛ̨ąi di kaa heeni ka wɔ taaɠaai hu. A kɛ tii ka wɔ kóló kɛ nuą, ɉinąą da nɛ̨ąą di pɛli di hviitɔɔi yɛ kaa.

Bible

¹⁴ Kɛ́lɛ káfe tíi kɛ̀ a ŋ̀ele kûui lɔ́ɔlu mɛi feerɛ ɣelei, kpɛ́ni fêi, gáa a ɣele kûu maa waa Yâwɛɛ mɛni ma. Káfe tíi kɛ̀ a maa ɣelei tí, kálônii sinaai, kpaa máŋ kálônii nɛyãai, káluɛ sinaai, kpaa nɛyãai, káwɛlɛ sooi, kpaa zoo-faleŋ, kpaa kátaa-tulɛ-ŋai, da ŋɔ̃ya-ŋai díkaa ká pɛ́rɛ-ŋai lai. Káfe ǹɛɛ naa káyee sinaai, kpaa máŋ nɛyãai dí tíi da kɛ́ a maa ɣelei tí.

Dutɛrɔnome 5:14 ပူးပေါင်းရင်းမြစ်များ

Zɛnɛse 2:2

Yálá ə gɛ́ kóló kəlee kɛ ə kpɛɛ la, voló mɛ̨ihveelɛ yələ, ə hee, ə vįitɔɔ gɛ kóló kəlee ɓa.

Nehemi 13:15

Nąąlɔwai tii hu, ŋį́ nuą kaa Ɉuda lɔi hu diɛ di wɔ viɲəɠaa ya kulɔ a túwɔ́ lɔwɔ yələ, daɠaa daa mɔ̨nun naa di wɔ hoohvaalənŋąąi pulu, da lɔɔ, viɲə ɓáɠaa, ɓɔ́ɔ́laa ɓa, tiɛ̨ huwui lɔpee gəlee, diɛ lɔ la Ɉerusalɛmə daai a túwɔ́ lɔwɔ yələ, volói tii ɓə, di kɛi di wɔ hɛnŋąą tii lɔwɔ too la, ŋį́ haŋą diɛ.

Nehemi 13:16

Yili pulu, Tirə nuąi kɛ heeni Ɉerusalɛmə daai, di kɛi pa a hɔ̨wɔ̨lee, da lɔwɔ tiɛ̨ huwui lɔpee gəlee diɛ nɔwɔtɔɔ Ɉuda nuą diɛ, a túwɔ́ lɔwɔ yələ.

Nehemi 13:21

Ŋą́ mo diɛ, gɛ́ diɛ: «Lə mɛ̨nį ɓa ka káá ɉį́i pulu pələ kaa yii laa? Ka pənə ka da kɛ, ŋį́ ka hon.» Ə həɠə volói tii ɓa, di hvo kɛa kɛi pa a túwɔ́ lɔwɔ yələ.

Nehemi 5:5

Kɛlaa yaan, kwa ku kaayɔwɔɠaa ku kɔ́lɔ ə ɓo lɔ tɔ̨nɔ̨, ku lonnii da di lonnii di kɔ́lɔ ə ɓo tɔ̨nɔ̨. Bələi mąn gaa la tii, mąąnɛ̨ɛ̨ ku ku lon ɉinąą da ku lon nɛ̨ąą taɠaa tɛɛ luwɔlaa hu. Ku lon nɛ̨ąą taɠaa kaa mun kɛa luwɔlaa hu. Ku hva pɛli mɛ̨nįi lɔpee ta kɛi, ku wɔ tíiɠaai da ku wɔ viɲə yɛɛɠaai kaa kɛa nu takpɛliɠaa yəi.»

Lɛɛ gbɔwɔ ɓa 23:12

«‹Hvoló mɛ̨ida yee mu, ə́ kɛ kóló kɛ. Kɛlaa, vóló mɛ̨ihveelɛ yələ, ə́ túwɔ́ ə́ ə́ hvįįtɔɔ, ə́ wɔ nįŋɛ̨i da ə́ wɔ hoohvaalən di di hviitɔɔi, ɛlɛɛ, ə́ wɔ luwɔ nɛ̨ą lon da nwɛ̨ą di di hvina kulɔ.

Levetekɔ 23:3

«Nu kəlee ə mąą kóló kɛ hvóló mɛ̨ida yee mu, kɛlaa, voló mɛ̨ihveelɛ yələ kaa a hvįįtɔɔ hvóló; ka ka ɲąąkpɔn a mąą yələ, ka náá mąąwiɛ. Ka hvo kóló ta lɔpee kɛ a mąą yələ. Yai-Laa nwɔ hvólói li, ɓɛi lɔpee ka kɛ laa heeni, ka ka kili lɛɛ ɉu.

Markə 2:27

Jesus ə mo nwɔ̨nɔ̨ diɛ, yɛ diɛ: «Hvįįtɔɔ yələ ə pɛli lɔ nu mąą mɛ̨nį ɓa, nu hvo pɛli li hvįįtɔɔ yələ mąą mɛ̨nį ɓa.

Lukə 23:56

Nɛa tii di pənə də li di pulu, di wulɔ kun nɛ̨ɛ̨ kɛ pələ pɛli, əgɛ, di bu Jesus powa ɓa. Hvįįtɔɔ yələ, di di hvii tɔɔ yɛ pələi di bɛ̨ɛ̨ la tɔ́n ɉɛɓɛ́ hu.

Dutɛrɔnome 5:13

'Ka ka mąą kóló kəlee kɛ hvóló mɛ̨ida yee mu.

Hebreu 4:4

Hvo gaai, di kɛ voló mɛ̨ihveelɛ yələ ɓa: Yálá ə vįitɔɔ gɛ kóló ɓa a vóló mɛ̨ihveelɛ yələ.