Dutɛrɔnome 4:9 - Yálá laawoo hɛɓɛ (dc)

⁹ Ka ka kpɔwɔ hon a nɛlɛɛ, mɛ̨nįɠaa kpɔ ka gaa a ka ɲɛ̨ikɔw, nąą kili hvo kpɛɛ ka ŋą ka yíi hvóló kəlee hu; ka hvo lɛ̨ą mą, ka mɛ̨nįɠaa tii hukulɔ ka lonnii diɛ da ka mąnįn bulu mąnįnŋąą kəlee.

Yálá laawoo hɛɓɛ

⁹ Ka ka kpɔwɔ hon a nɛlɛɛ, mɛ̨nįɠaa kpɔ ka gaa a ka ɲɛ̨ikɔw, nąą kili hvo kpɛɛ ka ŋą ka yíi hvóló kəlee hu; ka hvo lɛ̨ą mą, ka mɛ̨nįɠaa tii hukulɔ ka lonnii diɛ da ka mąnįn bulu mąnįnŋąą kəlee.

Bible

⁹ Ka kákpîŋ mɛi káa ká mɛni maa kpɛɛ a ǹɛ́lɛɛ káfa lâa nia la dɔ̂ŋ-ŋai dîa. Ka dɔ̂ŋ-ŋai lɛ́ kálônii dîa da díwɔ̂ lonii.

Dutɛrɔnome 4:9 ပူးပေါင်းရင်းမြစ်များ

Zɛnɛse 18:19

Abrahamə ŋɛ̨i ɓə ŋą́ ɉəɠə ɉu, da non, ə mą kɛ non ɉuwuhu nuą, əgɛ, di nwɔ́ tɔ́nŋąąi hon, ya ɓə a gɛ, diɛi tii di wɔ tələnmolaa da di wɔ mɛ̨nį haŋąą pɔ, ŋą́ mįnɛ̨ pɔ mɛ̨nį kɛ diɛ.»

Mąątɛ̨nɛ̨ 119:11

Mɛ̨nįɠaai ə́ mo, ŋą́ di kanąn níi pɔ, əgɛ, və́ pa nəi nɛ̨ŋɛ̨n ɉəɠə yɛ́.

Mąątɛ̨nɛ̨ 71:18

Bələi mąn ŋą́ą́ pɔlɔ la nwún aa powa, Yálá, 'hvó ə́ kili kulɔ ɉú hvó nɛ́ɛ́ gbɔ́wɔ yee kɔ́nma; 'gɛ, gɛ́ pɛli ə́ wɔ huwalawala kɛ mɛ̨nįɠaa hukulɔi nuąi yɛnɛ̨ɛ̨ yiihu diɛ, da nuąi pai lɛɛi di pulu, ŋį́ ə́ wɔ kpakololaa lɛ diɛ.

Lɛɛ gbɔwɔ ɓa 10:2

Ŋą́ yili kɛ tii, ə gɛ, bələi ŋį́ mɛ̨nįɠaa kɛ la Eziptə lɔi hu, ka gɔ́lɔn a Yai-Laa. Ə́ pa kɛ ɉukulɔi ə́ lonnii diɛ da di wɔɔ lonnii.»

Lɛɛ gbɔwɔ ɓa 23:13

«‹Mɛ̨niɠaa kpɔ ŋą́ mo kaa, ka gəlee hon a nɛlɛɛ, ka hvo kwɛli hvilɛn haliɠaa diɛ, nu ta hvo kpɛli di laa mɛ̨n ka la.

Hanwon 1:8

Nón, mɛ̨nįi ə́ nąn gaa ə́ kalan ɉii la, ə́ wəli tɔɔ mą, 'Hvó lɛ̨ą ə́ lee nwɔ liɛwoo ɓa.

Hanwon 23:26

Nón, ə́ kilitɔɔ mą́ą́, ə́ ɉíɛ pələ pɔɔ həɠə.

Hanwon 3:21

Nón, kɛ gili-gili laa, mɛ̨nį hukpɛ kili, mąą hvo kwɛa ə́ ɲɛ̨i mu, 'hvó lɛ̨ą mɛ̨nį hveelɛi tii ɓa.

Hanwon 7:1

Nón, 'hvó lɛ̨ą nwóó ɓa, ə́ kili lɛɛ niɛwooɠaa hu.

Azaya 38:19

Nui lɔ vulú kɔ́lɔi, yaa tɔ̨nɔ̨ lɔ ɓə a ə́ laa tɛ, yɛ bələi gáá gɛi la haa kəlee. Lon gáá nąn gaa pai ə́ wɔ wɛlikɛmąąlaa hu kulɔi nonnii diɛ.

Azaya 42:20

Yáá mɛ̨nį tamąą kaa, kɛlaa hvó ə́ kili lɛɛ li da hu, ə́ wəliɠaa laaɓoɔi, kɛlaa hva mɛ̨nį mɛ̨n.

Ɉeremi 17:21

Yai-Laa yɛ: Nu ta hvo tiɛ̨ həɠə a vįitɔɔ yələ, yɛ tɛɛ la Ɉerusalɛmə taa gbonŋaa laaləi,

Lukə 8:18

Ka gɛ a nɛlɛɛ, mɛ̨nįɠaai ka káá mɛ̨n ɉi mąą mɛ̨nį ɓa. Mąąhɔlɔɓo, nui hɛn da kaa ɲəi, Yálá a da pɛlɛ mą. Kɛlaa, nui hɛn da hvo ɲəi, yii woloi gili kaa mą, Yálá a tinąą gulɔ ɲəi.»

Ifisiɛŋ 6:4

Káái a lon gaa-nuą, 'ká hvo ká lonni hon a di liikələn bələ di kwəi. Kɛlaa, 'ká di kulɔ ɉu, káá di hutɔɔ, 'káá di liɛwoo kɛ a wooɠaai a həɠə gu Nąmu pɔ.

Dutɛrɔnome 11:19

Ka ka lonnii kalan na, kaa mo diɛ kɛlɛ-kɛlɛ; ka kɛ heeni ka yəi bɛlɛ́n-oo, ka kɛ pələ pɔ-oo, ka kɛ hiɛ ɓa-oo, ka kɛ laani-oo, ka kɛ tɔɔni-oo,

Dutɛrɔnome 12:1

Dɔnŋąą da nɔi hu yíi ɓo pələi mąąnɛ̨ɛ̨ ka gɛ, nɔi ŋɛ̨i Yai-Laa ka nąnni di wɔ Yálá aa dɛɛ ka pɔ, kaa li heei ɉu, ka mɛ̨nįɠaa ŋɛ̨i kɛ ka yíi hvóló kəlee hu, nɔi ti mɛ̨i.

Dutɛrɔnome 16:3

Lɛɠɛi dɛ hɛn gaa ɉu, ka hva mįi, gɔ̨nɔ̨n tii mįi lɔwai; hvóló mɛ̨ihveelɛ yee mu, lɛɠɛi dɛ hɛn gaa ɉu, ka hva mįi. Gaa a mɔ̨nɔ̨ kɔ̨nɔ̨n, mąąhɔlɔɓo, ka kulɔ Eziptə lɔi hu a ka kɔ́wɔ mąąhulaa. Bələ ɓə ka káá pai kɛi ka kulɔ mɛ̨nį Eziptə lɔi hu, nąą kili tooi la ka ŋą ka wɔ yɛnɛ̨ɛ̨ kəlee hu.

Dutɛrɔnome 17:19

Gaa pai kɛi gwɛlɛ yɛ mo a yələ ɓɔ pələ tɛitɛi, ɲíi hvóló kəlee hu. Yɛ mąąkwɛli yɛ ɲɔw la Yai-Laa nwɔ Yálái ɓa, yɛ pɛli dɔ́n ɉɛɓɛ́i tii hu mɛ̨nįɠaa kɛi, yɛ ɉon.

Dutɛrɔnome 31:19

Yili ɓa tii, nwələi ŋɛ̨i pɛ̨ɛ̨ ka mąą mɛ̨nį ɓa, ə́ Israɛlə lonnii mąąkwɛli mą, ə kɛ di la a kɛla kwa diɛni ku lɔwai.

Dutɛrɔnome 32:46

ə mo diɛ, yɛ diɛ: «Nwooɠaa ŋɛ̨i ŋį́ ka kalan na háákələi, ka ɉon a ka nwąnąąi; gaa a gu lɔwai kɛla. Ka ka lonnii kalan a dɔ́n nwooɠaa ŋɛ̨i hon mɛ̨nį.

Dutɛrɔnome 4:10

Ɓɛlɔwai ka kɛ la tɔɔni Yai-Laa ka wɔ Yálái lííla Horɛbə kɔ́wɔ mu, Yai-Laa ə mo mą́ą́, yɛ mą́ą́: «Nuą ɲąąkpɔn gwɛ́lɛ, ŋį́ wooɠaa ɓo diɛ; ə gɛ, diɛ pɛli mą́ą́wiɛi di yíi hvóló kəlee hu lɔi mɛ̨i. Ɛlɛɛ, diɛ di lonnii mąąkwɛli a mą́ą́wiɛ pələ.»

Dutɛrɔnome 4:15

Ka ka kpɔwɔ hon a nɛlɛɛ, ka gɔlɔn kaa diɛ, ɲələi Yai-Laa ə kɛi mɛ̨nį ɓo la kaa nwɔ̨n nən ɉu Horɛbə yee nwuɔ̨, ka hvo hɛn nɔpee ta mąą nįnįn gaa nwɔ̨n nən tii hu.

Dutɛrɔnome 4:23

Mįnɛ̨i Yai-Laa ə naa ka lɔwai ka diɛni, ka gɛ a nɛlɛɛ, ka hvo lɛ̨ą mą. Ɉɛnŋąą kpɔ tii Yai-Laa ə tɔ́n dɔɔ kaa mąą mɛ̨nį hu, yɛ kɛ ka hvo da mąą nįnįn ɉəɠə, ka hvo kɛ ka káá da pɛlii.

Dutɛrɔnome 6:12

Ka gɛ a nɛlɛɛ, ka hvo lɛ̨ą Yai-Laa ɓa, yai ka kulɔ Eziptə lɔi hu, nuwɔ pɛlɛ́i tii mu.

Dutɛrɔnome 6:2

'Ka ɲɔw Yai-Laa ka wɔ Yálái ɓa; kaa-oo, ka lonnii-oo, ka mąninni-oo da ka mąnin bulu mąninŋąą kəlee, 'ka nwɔ́ tíɓoɠaa da nwɔ tɔ́n nwooɠaai kəlee pɔ mɛ̨nį kɛ, ka wɔ yɛnɛ̨ɛ̨ kəlee hu, ka yíi a kwɛa.

Dutɛrɔnome 6:20

Tinąą, ka lonnii da ka mąąni kɛ diɛ kaa: «Díɓoɠaa, dɔ́nŋąą da ɲɛnɛ̨ɛ̨ hon bələɠaa ŋɛ̨i Yai-Laa gu wɔ Yálá ə naa ka nwuɔ̨i, nwun mąą lə?»

Dutɛrɔnome 6:7

Kaa pa kɛi ɉukulɔi ka lonnii diɛ; ka kɛ moi diɛ, ka kɛ ka yəi bɛlɛ́n, ə mą kɛ hiɛ pələ pɔ, ka kɛ laani, ka mą kɛ tɔɔni.

Dutɛrɔnome 8:11

Ka gɛ a nɛlɛɛ, ka hvo lɛ̨ą Yai-Laa ka wɔ Yálái ɓa, ka hvo nwɔ tɔ́n da nwɔ lɔi hu yíi ɓo pələɠaa lɛɛ; diɛi gáá di tɛɛi ka pɔ háákələi.

Dutɛrɔnome 8:14

ka hvo kɛ ka káá ka kpɔwɔ ɲąą kɛnɛ̨i, kaa lɛ̨ą Yai-Laa ka wɔ Yálái ɓa. Yaa tii ɓə ka kulɔ Eziptə lɔi hu, nuwɔ laa pɛ́lɛ́i tii mu.

Hebreu 2:1

Yili ɓə gaa mą:, dɛ̨ą woo ŋɛ̨i gu mɛ̨n, ká gu ɉon a gu nwąnąi, akɛ, gu hvo bɔ, gu nwun na hvo pa pili.

Hebreu 2:3

gu hvomun kɛ nwun mąąɓo wɛlɛi ŋɛ̨i, naa həliɛ ə gɔwɔ tɔɔ gu Nąmu yəi, gu ŋą tɛ̨ą mɛ̨nį mɛ̨n, lə takpɛli ɓə kɛa a pɛli gu kulɔi nwun napili yəi, akɛ gwa ɲagban naa kulɔ?

Zĩi 2:22

Yáá gaa tii, nwɔ laa na laa ə too pono ŋą bɔ túwɔ́ hu. Dúwɔ́ pələɠaa tii ɓə nwɔ laa na laa laa kulɔ,

Zasua 1:18

Nui lɔpee pai kulɔi ə́ woo mu, ə gwɛli tee yɛ́, yii ya ku tí la, a wala gɛ, mąą nu a haa. Yii lɔ ə́ kaa gɛi, ə́ liikpələ, ə́ ə́ huwalawala.»

Zasua 23:11

Ka gɛ kani a nɛlɛɛ ka mąą mɛ̨nį hu, ka Yai-Laa ka wɔ Yálá wɛli la kɛ.

Zasua 4:21

Yili pulu ə mo Israɛlə lonnii diɛ yɛ diɛ: «Ka lonnii da ka mąąni kɛ tinąą diɛ kɛ kaa gwɛnii ŋɛ̨i mąą mɛ̨nį mukulaa ɓaa a lə?

M̀ɛni-lɛɛi 3:3

Mɛ̨nįi ə́ ɉɔlɔɓo, ɛlɛɛ, ə́ mɛ̨n, ə́ kili hvilɛn gani, mą. Ə́ yee kąnąn mą, ɛlɛɛ, ə́ ə́ tuwɔ pələ mąąhvalin! Yá wala kɛ gili-gili, gáá pai lɔ yɛ nwuɔ̨mun, ɛlɛɛ, ɲələi gáá pai la ə́ tɛɠii pələ, hvó nąąlɔwai kɔlɔn.

Nwun mąąɓo 3:7

Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, Israɛlə ə ɲee lɔ ɉu, di di pulu tɔɔ Yai-Laa ɓa, yai a di wɔ Yálá, diɛ kwɛli hvilɛn Baaləɠaa da Aseraɠaa diɛ.

Nwun mąąɓo 8:34

Israɛlə lonnii di hvo di kili lɛɛ Yai-Laa mąą mɛ̨nį hu, yai a di wɔ Yálá, yaai di kulɔ di yowoɠaa ŋɛ̨i kɛ di kwɛlɛ di yee mu.