Dutɛrɔnome 4:39 - Yálá laawoo hɛɓɛ (dc)

³⁹ Kaa kpinįi ka mɛ̨nįɠaa tii hukpɛ kɛa háákələi ka kwəi, ka gbaɠala kaa, kaa diɛ: Yai-Laa ɓə gaa a Yálá yələkɔlɔn ɉu, ə mą kɛ lɔi mɛ̨i, yɛnɛ̨ɛ̨ ɓɛ, dakpɛli hvo laa Yaa bulu.

Yálá laawoo hɛɓɛ

³⁹ Kaa kpinįi ka mɛ̨nįɠaa tii hukpɛ kɛa háákələi ka kwəi, ka gbaɠala kaa, kaa diɛ: Yai-Laa ɓə gaa a Yálá yələkɔlɔn ɉu, ə mą kɛ lɔi mɛ̨i, yɛnɛ̨ɛ̨ ɓɛ, dakpɛli hvo laa Yaa bulu.

Bible

³⁹ Ka gɔ́lɔŋ sâa a gɛɛ Yâwɛɛ káa a Ɣâla ŋ̀elei su, ǹɔii ma da ǹɔii mu-pere. Ɣâla da fé naa da ǹyaa dípɔ̂riɛɛ.

Dutɛrɔnome 4:39 ပူးပေါင်းရင်းမြစ်များ

Samia Veerɛi 7:22

A tɛ̨ą ə́ kɛnɛ̨i, Ną́mu Yálá. Ə́ ɲɔ̨nwɔ̨mąn və laa, ɛlɛɛ, Yálá takpɛli hvo laa ə kulɔ ə́ pulu; yɛ bələi kpɔlɔ ə too la ku wəlii.

Kɔlɔnikɔ Maa-ŋuŋ 17:20

Yai-Laa! Ə́ ɲɔ̨nwɔ̨mąn və Yɛ́; yɛ bələi ku mɛn na a ku wəli, yálá takpɛli hvó laa, gulaa Ə́ pulu.

Kɔlɔnikɔ Maa-ŋuŋ 28:9

Yɛ́i ɓaa a nón Salomɔn, 'ə́ nąn nwɔ Yálái kɔ́lɔn, 'ə́ tí mą a ə́ kwəi kwəlɛɛ, da ə́ kwəinɛ̨ɛ̨. Gbala ə tɔɔ Yai-Laa a nu kwəi kili kəlee hu kaa, yɛ kiliŋąhiɛ kəlee hu kpɛ. Yá gwɛli, a gbɔwɔ lɛ yɛ́, ə́ laa ə́ gaa. Kɛlaa yá həɠə bulu, a ə́ lɛɛ laa a yələ kəlee mɛ̨nį.

Kɔlɔnikɔ Maa-ŋuŋ 29:11

Heeɓolaa, huwalawalalaa, lɛlɛ, mąąɲįnɛ̨n, mąąwiɛ, di kaa Ə́ yəi, gbala ə tɔɔ, hɛn lɔpee yələ kɔ́lɔn ɉu, da lɔi ɓa, Ə́ wɔɔ ɓaa a gəlee. Ə́ wɔ tɔɔlaa da ɲąąwooɓolaa pɛlɛɛi hɛn gəlee mɛ̨i.

Kɔlɔnikɔ Veerɛi 20:6

Ɉosafatə ə Yálá hvɛli ŋɛ̨i, yɛ mą: «Yai-Laa ku nąnni di wɔɔ Yálá! Kɛlɛi, Yɛ́ ɓə a Yálá yələkɔlɔn mɛ̨i yələkɔlɔn ɉu-e! Ɛlɛɛ, Yɛ́ tɔɔ lɔiɠaa kəlee ɲąąwooɓo-e! Huwalawala da heeɓolaa di kaa Ə́ yəi, hɛn da lɔpee hva pɛli tɔɔi Ə́ la.

Mąątɛ̨nɛ̨ 100:3

'Ka gɔ́lɔn kaa, Yai-Laa ɓə a gu wɔ Yálá, Ya ɓə gu pɛli, bɔɔ ɓaa a guɔ, gu ɓo a nwɔ nu huwu, a ɲəi gwɛnąn ɉu taatɛlɛɛ.

Mąątɛ̨nɛ̨ 115:3

Ku wɔ Yálái kaa yələ kɔ́lɔn ɉu, mɛ̨nįi lɔpee a nɛ̨ɛ̨ mą, a gɛ.

Mąątɛ̨nɛ̨ 135:6

Mɛ̨nįi lɔpee Yai-Laa kaa bɔ, a gɛ, lɔi mɛ̨i ɓɛ, ə mą kɛ yələ kɔ́lɔn ɉu, gboloyá hu, ə mą kɛ ɲąmuątaa.

Lɛɛ gbɔwɔ ɓa 8:10

Di gbɔn gee ɓa a ɉįiɠaa, nɔi kun ə ɲɔ̨n.

Azaya 1:3

Nįɲɛ̨ ə nąmu kɔ́lɔn. Hoohvalən yaan, ə naa mįi kɔ́lɔn nąmi pɔɔli. Kɛlaa, Israɛlə hva mɛ̨nį kpaɠala kaa. Nwɔ́ nu huwui hva mɛ̨nį ɲąą kaa.

Azaya 43:10

Nwɛ́i, nwɔ́ kɛlaɠaa ɓaa kaa, Yai-Laa woo li; kaai a nwɔ́ tínuą, kaai ŋį́ ka həɠə ɉu kaa pɛli mɛ̨nį kɔ́lɔn ɉii, kaa gbaɠala kaa, kaa kɛ ɲą́ą́ li, ɛlɛɛ, yálá takpɛli hvo ta kɛli laa ɲą́ą́ dɔ́wɔ́, ɛlɛɛ nwɔ̨nɔ̨, da hvo pai kɛi búlu.

Azaya 44:8

'Ka mąą hvo kpɛlin, 'ka hvo ɲɔw! Kɛlɛi ɉu aa kwɛa, ŋą́ą́ mo kaa, gɛ́ ɉu pɔ̨nɔ̨ a kaa, Ka hvo mɔ̨ɔ̨ kɛa a nwɔ́ kɛlaɠaa? Yálá takpɛli kaa mɔ̨ɔ̨ laa, ə kulɔ Ɲą́ą́ búlú? Gíli kaa kpɔ ɉu, gɛ́ Kwɛni takpɛli hvo laa, Və́ dakpɛli kɔlɔn.

Azaya 5:12

Bɛlɛgwəi gwɛnįn, gololon gwɛnįn, da damąn mə da kɛ dɔɔi di mɛ̨i nɔɔ kpələiɠaa ɓa, Kɛlaa, mɛ̨nįi Yai-Laa kaa gɛi, di ɲɛ̨i hva kɛ laa; mɛ̨nįi ɲee kaa mą, di hva nąą kaa,

Osia 7:2

Ɛlɛɛ di hvo kɛ gɔlɔn di kwəi pələ diɛ kɛ mɛ̨nį ɲɔ̨n di kaa gɛi, gáá gəlee kili lɛɛi ɲą́; yiihu, di kɛ mɛ̨nįɠaa daa di yili, di kaa ɓɛ ɲɛ̨́i mu.

Korɛntə dɔlɔɔ 8:4

Akɛtii, huwɔi daa gulɔ a haláá hali ɓa, gwa pɛli da mįi? Gu gɔlɔn guɔ, hali lɔpee ta hvo yɛnɛ̨ɛ̨, ɛlɛɛ, yálá takpɛli hvo laa, ə kulɔ Yálá yaa tanɔ̨n gbən bulu.

Korɛntə dɔlɔɔ 8:6

gu wɛi Yálá tanɔ̨n gbən mə gu yəi, a gu Nąn, yai hɛn gəlee a həɠə bɔ, bɔ pələ lɔ ɓə nwɔ̨nɔ̨ gu kaa lii la, ɛlɛɛ, gu Nąmu ə ɓo tanɔ̨n, yai a Jesus Kristə; yai hɛn gəlee kaa yɛnɛ̨ɛ̨ ɉaalai, guɔ ɓo ɲee kɔnma.

Dutɛrɔnome 32:12

Yai-Laa yaa tɔ̨nɔ̨ gbən mə a nwɔ nuą tənən dɔɔ, da hɛn da di hvo kpɔn ni mą.

Dutɛrɔnome 32:29

Ə li kɛ kili kaa diɛ, də li gbaɠala kaa, də li kili hɔlɔɓo di tinąą mɛ̨nį hu.

Dutɛrɔnome 4:35

Ka wɛi, ka mąąnɛ̨ɛ̨ ka gɔlɔn kaa diɛ: Yai-Laa ɓə gaa a Yálá, yálá takpɛli hvo tɛɛ li yaa tii mą.

Dutɛrɔnome 6:4

Israɛlə! Ə́ wəli tɔɔ! Yai-Laa gu wɔ Yálái woo ɓa, Yai-Laa kaa tanɔ̨n.

Dutɛrɔnome 7:9

Mąąnɛ̨ɛ̨ ka kili ə pu ɉu kaa diɛ, Yai-Laa ka wɔ Yálái ɓə gaa a Yálá kpɔ-kpɔɔ. A Yálái a kulɔ nwoo ɓa. Nuąi da nwɛlilakɛ, diɛ nwɔ tíɓoɠaa kɛ, a lɛɛ nwɔ mįnɛ̨i pulu di mąą mɛ̨nį ɓa; yɛ di wɛli la kɛ kwɛlan nwaa tamąą yee mu.

Zasua 2:11

Kwaa bələ mɛ̨n, ɛlɛɛ hvaŋą aa kpɛɛ ku yəi. Tín aa nu kəlee hon ka tɔwɔ, mąąhɔlɔɓo Yai-Laa ŋɛ̨i gaa a ka wɔ Yálá, ya ɓə gaa a yələkɔlɔn ɉu Yálá yɛ ɓo a lɔi mɛ̨i Yálá.

Samuɛlə dɔlɔɔ 2:2

Gbɛɛ ɓə nwɔ mąąhəɠə laa kaa yɛ Yai-Laa? Da hvo laa, ə kulɔ Yɛ́ tanɔ̨n gbən ə́ pulu. Nu mąąkɔ̨nwɔ̨ kwɛni ta hvo laa, nwalawala yɛ həli ku wɔ Yálái pɔ.