Dutɛrɔnome 4:35 - Yálá laawoo hɛɓɛ (dc)

³⁵ Ka wɛi, ka mąąnɛ̨ɛ̨ ka gɔlɔn kaa diɛ: Yai-Laa ɓə gaa a Yálá, yálá takpɛli hvo tɛɛ li yaa tii mą.

Yálá laawoo hɛɓɛ

³⁵ Ka wɛi, ka mąąnɛ̨ɛ̨ ka gɔlɔn kaa diɛ: Yai-Laa ɓə gaa a Yálá, yálá takpɛli hvo tɛɛ li yaa tii mą.

Bible

³⁵ È mɛni-ŋai ŋí kɛ̀ káŋɛi-tuɛ a gɛɛ ká gɔ́lɔŋ ǹyaa ƃa Káɣâlai Yâwɛɛ. Ɣâla da kpɛ́ni fé naa é kúla bôlu.

Dutɛrɔnome 4:35 ပူးပေါင်းရင်းမြစ်များ

Samia Veerɛi 22:32

Gbɛɛ ɓə gaa a Yálá, akɛ Yai-Laa hvəi? Gbɛɛ ɓə gaa a kwɛni, akɛ kuɔ Yálái hvəi?

Samia Veerɛi 7:22

A tɛ̨ą ə́ kɛnɛ̨i, Ną́mu Yálá. Ə́ ɲɔ̨nwɔ̨mąn və laa, ɛlɛɛ, Yálá takpɛli hvo laa ə kulɔ ə́ pulu; yɛ bələi kpɔlɔ ə too la ku wəlii.

Tɔɔɓɛlaa dɔlɔɔ 8:60

Ə kɛ tii, lɔi mɛ̨i nu huwuɠaa kəlee da gili kɔ́lɔn diɛ kɛ: ‹Yai-Laa ɓə gaa a Yálá, dakpɛli hvo laa.›

Tɔɔɓɛlaa veelɛ 19:19

Kɛlaa, Yai-Laa kuɔ Yálá, ku nwun gulɔ Senakeribə yəi. Yá yili kɛ tii, yɛnɛ̨ɛ̨ nąą kəlee, da yɛnɛ̨ɛ̨ tɔɔɓɛlaa kəlee, da gɔlɔn diɛ: Oo Yai-Laa! Yɛ́ ɓə ə́ kaa a Yálá.»

Kɔlɔnikɔ Maa-ŋuŋ 17:20

Yai-Laa! Ə́ ɲɔ̨nwɔ̨mąn və Yɛ́; yɛ bələi ku mɛn na a ku wəli, yálá takpɛli hvó laa, gulaa Ə́ pulu.

Mąątɛ̨nɛ̨ 100:3

'Ka gɔ́lɔn kaa, Yai-Laa ɓə a gu wɔ Yálá, Ya ɓə gu pɛli, bɔɔ ɓaa a guɔ, gu ɓo a nwɔ nu huwu, a ɲəi gwɛnąn ɉu taatɛlɛɛ.

Mąątɛ̨nɛ̨ 58:11

Tələnmolon, a nwąną kulɔi kaa, gaa pai kɛi kwəinɛ̨ɛ̨ kulɔi, gaa pai gɔwɔ mąą waai nu ɲɔ̨nŋaa ɲąmą hu.

Mąątɛ̨nɛ̨ 83:18

Di hu ə pu diɛ a nwumɛ̨ da ɲɔw, di ɓɛlɛ ə kpɛɛ diɛ, ɓáá ə kulɔ diɛ, ə lɛɛ ɉu di haa la.

Lɛɛ gbɔwɔ ɓa 15:11

Yai-Laa, yáláɠaa lɔwai gbɛɛ gaa yɛ Yɛ́? Gbɛɛ ɓə gaa yɛ Yɛ́ mąąhəɠəlaa hu! Gɛ mɛ̨nįɠaa kɛnɛ̨ pələ mąąɲɔwuɔi, yɛ pɛli kwɛlɛɛn mɛ̨nįɠaa kɛi?

Lɛɛ gbɔwɔ ɓa 8:10

Di gbɔn gee ɓa a ɉįiɠaa, nɔi kun ə ɲɔ̨n.

Lɛɛ gbɔwɔ ɓa 8:6

Tɔɔmun yɛ Moisə ɓa: «Tinąą.» Moisə yɛ mą: «Ŋą́ą́ mɛ̨n, bələi tii ə́ mo la, gáá gɛi tii, ə gɛ, ə́ kili ə pu ɉu yɛ́, nu lɔpee ta hvo laa, yii gaa yɛ Yai-Laa ku wɔ Yálái.

Lɛɛ gbɔwɔ ɓa 9:14

Gbala ə tɔɔ, mɛ̨nį kaa gwə́i gɛ́ pa naai yɛ́, ká ə́ wɔ ɲɛ̨itɔwɔ nuą da ə́ wɔ lɔi hu nuą kəlee kaa. Ə gɛ, ə́ kili ə pu ɉu yɛ́, nu ta hvo ɓɛ lɔi mɛ̨i kwa yaa ku pɛliɛ.

Azaya 43:10

Nwɛ́i, nwɔ́ kɛlaɠaa ɓaa kaa, Yai-Laa woo li; kaai a nwɔ́ tínuą, kaai ŋį́ ka həɠə ɉu kaa pɛli mɛ̨nį kɔ́lɔn ɉii, kaa gbaɠala kaa, kaa kɛ ɲą́ą́ li, ɛlɛɛ, yálá takpɛli hvo ta kɛli laa ɲą́ą́ dɔ́wɔ́, ɛlɛɛ nwɔ̨nɔ̨, da hvo pai kɛi búlu.

Azaya 44:6

Israɛlə nwɔ Mɛ̨nį Kəlee ŋą Hééɓomun Yai-Laa, woo ka, yai a Israɛlə nwun mąąɓomun, Yai-Laa, huwalawala kəlee Nąmu, yɛ diɛ: ɲą́ą́ ɓə a dɔlɔɔ, ɲą́ą́ ɓə a ɲąąkpɛɛi, ə kulɔ ɲą́ą́ búlu, yálá takpɛli hvo laa.

Azaya 44:8

'Ka mąą hvo kpɛlin, 'ka hvo ɲɔw! Kɛlɛi ɉu aa kwɛa, ŋą́ą́ mo kaa, gɛ́ ɉu pɔ̨nɔ̨ a kaa, Ka hvo mɔ̨ɔ̨ kɛa a nwɔ́ kɛlaɠaa? Yálá takpɛli kaa mɔ̨ɔ̨ laa, ə kulɔ Ɲą́ą́ búlú? Gíli kaa kpɔ ɉu, gɛ́ Kwɛni takpɛli hvo laa, Və́ dakpɛli kɔlɔn.

Azaya 45:18

Gaa tii, bələ ɓə Yai-Laa ə mo la, yələkɔ́lɔn bɛlimun, yai a Yálá, ya ɓə lɔi kulɔ, ə bɛli, ə ɉee kpɔ tin-tin, tumun və mą, hvo nɛɛ a vowolo, Kɛlaa, ə bɛli, yɛ nuą di kɛ ɉu. Ɲą́ą́ ɓa a Yai-Laa, dakpɛli hvo laa.

Azaya 45:22

'Ka ka ɲɛ̨i tínɛ̨n bɔ́ pələ, ka ɓalo, kaai kpɔ tii lɔi hɔ̨nwɔ̨n ɉu kəlee ɓa, mąąhɔlɔɓo, ɲąą ɓə gáá a Yálá, dakpɛli hvo laa.

Azaya 45:5

Ɲą́ą́ ɓə gáá a Yai-Laa, dakpɛli hvo laa, ə kulɔ ɲą́ą́ búlu, ɲą́ą́ ɓə! Ə kulɔ ɲą́ą́ búlu, yálá takpɛli hvo laa. Ŋą́ yala tɔɔ ə́ hąą, ya pa hvó gɔ́lɔn.

Markə 12:29

Jesus ə nwoo pulu pənə, yɛ mą: «Dɔ́n yii gɛnɛ̨ ɓa ya ka: ‹Israɛlə ə́ wɛli tɔɔ, gu Ną́mu Yálá ɓə gaa a Yálá tɔ̨nɔ̨ gbən.

Markə 12:32

Dɔ́n galamɔ̨ɔ̨ tii ə mo Jesus ɓa, yɛ mą: «Gaa tii mąąkwɛli kɛmun! Mɛ̨nįi tii yáá mo ga a tɛ̨ą. Ną́mu Yálá lɔ ɓə gaa a Yálá tɔ̨nɔ̨ gbən, yálá takpɛli hvo laa ə kulɔ yaa bulu.

Korɛntə dɔlɔɔ 8:4

Akɛtii, huwɔi daa gulɔ a haláá hali ɓa, gwa pɛli da mįi? Gu gɔlɔn guɔ, hali lɔpee ta hvo yɛnɛ̨ɛ̨, ɛlɛɛ, yálá takpɛli hvo laa, ə kulɔ Yálá yaa tanɔ̨n gbən bulu.

Korɛntə dɔlɔɔ 8:6

gu wɛi Yálá tanɔ̨n gbən mə gu yəi, a gu Nąn, yai hɛn gəlee a həɠə bɔ, bɔ pələ lɔ ɓə nwɔ̨nɔ̨ gu kaa lii la, ɛlɛɛ, gu Nąmu ə ɓo tanɔ̨n, yai a Jesus Kristə; yai hɛn gəlee kaa yɛnɛ̨ɛ̨ ɉaalai, guɔ ɓo ɲee kɔnma.

Dutɛrɔnome 32:12

Yai-Laa yaa tɔ̨nɔ̨ gbən mə a nwɔ nuą tənən dɔɔ, da hɛn da di hvo kpɔn ni mą.

Dutɛrɔnome 32:23

Gáá mɔ̨nɔ̨ laai di mɛ̨i, gɛ́ nwɔ́ mɛ̨ɛ̨kɔwɠaai ɲɛ̨i haŋąn diɛ.

Dutɛrɔnome 32:39

Ka ka ɲɛ̨i hee kani, yiihu, ɲą́ą́ lɔ ɓə, ɲą́ą́ dɔ̨nɔ̨ gbən nɔ ɓə, kwa hɛn da ku hvo kpɔn ni ma. Ɲą́ą́ ɓə ŋą́ nu paa, Ɲą́ą́ ɓə ŋą́ nu lɛɛ yɛnɛ̨ɛ̨. Ŋą́ nwolo, ɲą́ą́ ɓə ŋą́ dɔɔ; Nu hvo mą, yii a gulɔ ɲə́i.

Dutɛrɔnome 33:26

Moisə yɛ nwɔ̨nɔ̨ diɛ: «Yesurun, hɛn da hvo laa da, ə́ mąąkpɔmąą ɓo Yálá di pɛliɛ, yaai mąąwia, yɛ hiɛ tulɔ kpinįnŋąą lɔwai a vaŋą yələkɔlɔn ɉu.

Dutɛrɔnome 4:39

Kaa kpinįi ka mɛ̨nįɠaa tii hukpɛ kɛa háákələi ka kwəi, ka gbaɠala kaa, kaa diɛ: Yai-Laa ɓə gaa a Yálá yələkɔlɔn ɉu, ə mą kɛ lɔi mɛ̨i, yɛnɛ̨ɛ̨ ɓɛ, dakpɛli hvo laa Yaa bulu.

Dutɛrɔnome 6:4

Israɛlə! Ə́ wəli tɔɔ! Yai-Laa gu wɔ Yálái woo ɓa, Yai-Laa kaa tanɔ̨n.

Dutɛrɔnome 7:9

Mąąnɛ̨ɛ̨ ka kili ə pu ɉu kaa diɛ, Yai-Laa ka wɔ Yálái ɓə gaa a Yálá kpɔ-kpɔɔ. A Yálái a kulɔ nwoo ɓa. Nuąi da nwɛlilakɛ, diɛ nwɔ tíɓoɠaa kɛ, a lɛɛ nwɔ mįnɛ̨i pulu di mąą mɛ̨nį ɓa; yɛ di wɛli la kɛ kwɛlan nwaa tamąą yee mu.

Samuɛlə dɔlɔɔ 2:2

Gbɛɛ ɓə nwɔ mąąhəɠə laa kaa yɛ Yai-Laa? Da hvo laa, ə kulɔ Yɛ́ tanɔ̨n gbən ə́ pulu. Nu mąąkɔ̨nwɔ̨ kwɛni ta hvo laa, nwalawala yɛ həli ku wɔ Yálái pɔ.