Dutɛrɔnome 4:31 - Yálá laawoo hɛɓɛ (dc)

³¹ Mąąhɔlɔɓo, Yai-Laa ka wɔ Yálái kaa a liinɛ̨ɛ̨ gwəi Yálá, hva gili kulɔ ka hu, hva ka huwu pu, ɛlɛɛ, mįnɛ̨i da ka nąnni di ɉəɠə, yɛ gwɛla ɉu, hva ɉəɠə mą.

Yálá laawoo hɛɓɛ

³¹ Mąąhɔlɔɓo, Yai-Laa ka wɔ Yálái kaa a liinɛ̨ɛ̨ gwəi Yálá, hva gili kulɔ ka hu, hva ka huwu pu, ɛlɛɛ, mįnɛ̨i da ka nąnni di ɉəɠə, yɛ gwɛla ɉu, hva ɉəɠə mą.

Bible

³¹ Káɣâlai Yâwɛɛ káa a maloŋ kâa Ɣala. Vé pâi ǹyée kulâi ká mu kpaa máŋ é kásu kara, kpaa máŋ é nia gono-teei ma è gɛ̀ kánâŋ-ni díwɔ̂ naŋ-ni yêei é tela vooi.

Dutɛrɔnome 4:31 ပူးပေါင်းရင်းမြစ်များ

Kɔlɔnikɔ Maa-ŋuŋ 28:20

Davidə yɛ nwɔ̨nɔ̨ non Salomɔn ɓa: «'Gɛ a hulɔnu laa, 'ə́ ə́ liikpələ! 'Hvó ɲɔw, ə́ mąą hvo kpɛlin! Yai-Laa ə́ nwɔ́ Yálái kaa ə́ pɔ. Hvo pai gili kulɔi ə́ hu, va ɲee ɓo yɛ́, ə lɛɛ la ɉu, hvo kɛli yá kpɛɛ a Yai-Laa nwɔ pɛlɛ́i tɔɔ kolóɠaa kəlee kɛɛ.

Kɔlɔnikɔ Veerɛi 30:9

Yaan, ka pulu pənə mɛ̨nį kaa pa Yai-Laa pɔ ɓə pai gɛi, ka kaayɔwɔɠaa da ka lonnii, ɲɛ̨imąąwɛli yɛ pɛli tooi la nuąi li a diɛ luwɔlaa hu diɛ, diɛ di lɛɛ laa, diɛ di pulu pənə diɛ pa ɓɛ nɔi. Hvó gaai ka wɔɔ Yálái Yai-Laa lii nɛ̨ɛ̨i gwəi, ɲɛ̨imąąwɛli yɛ ɓə ɲəi; nui a pa bɔ, hva ɲɛ̨i həɠəi ɲɛ̨i.»

Nehemi 1:5

Gɛ́ kɛ mą: «Ee kə! Yələkɔlɔn ɉu Yálá, Yálá kɛnɛ̨ maaɲɔwɔ! Ya ə́ wɔ mįnɛ̨i mąą yɛlɛ kɛ, yɛ́ naahɔn mo nuąi da ə wɛli la kɛ, di ɓo ə́ wɔ tɔ́n nwooi mu, di mɛ̨i.

Nehemi 9:31

Kɛlaa, ə́ wɔ wɛlikɛmąąlaa kɛnɛ̨ɛ mąą mɛ̨nį ɓa, hvo kɛ ə́ kili kulɔ li di hu, hvo kɛ di nwun na pili li; mąąhɔlɔɓo, ə́ kaa a wɛlikɛmąą Yálá, yɛ́ nu ɲɛ̨imąąwɛli kaa.

Mąątɛ̨nɛ̨ 103:8

Yai-Laa liinɛ̨ɛ̨i gwəi, a nu mąąwɛli kaa; hva níiholi ɉa, gaa a wɛlikɛmąą.

Mąątɛ̨nɛ̨ 105:8

A gili lɛɛ nwɔ mįnɛ̨i hu, a yələ kəlee, a nwooi ə gwɛlɛ a yələ kəlee mɛ̨nį.

Mąątɛ̨nɛ̨ 111:4

Ə gɛ mɛ̨nį lɛlɛɛɠaa kili lɛɛ nuą ɲą, Yai-Laa nwɔ mɛ̨nį lɛlɛɛi, ɛlɛɛ nii nɛ̨ɛ̨ gwəi.

Mąątɛ̨nɛ̨ 111:5

Nui a ɲɔw mą, a kɔ̨nɔ̨n dɛɛ mąą nu pɔ, nwɔ mįnɛ̨i kili kaa ɲą a yələ kəlee.

Mąątɛ̨nɛ̨ 111:9

Ə nwɔ nu huwui hvoloon na ɓo, ə nwɔ mįnɛ̨i laa di nwuɔ̨ a yələ kəlee mɛ̨nį; naa mąąhəɠɛɛi, mąą ɲɔwuɔ.

Mąątɛ̨nɛ̨ 116:5

Yai-Laa lii nɛ̨ɛ̨i gwəi, dələnmoɔ, gu wɔ Yálái a nu ɲɛ̨imąąwɛli kaa.

Mąątɛ̨nɛ̨ 86:15

Kɛlaa Ə́ wɛi, nwɔ mɛ̨nį Nąmu, liinɛ̨ɛ̨ gwəi Yálá ɓaa a yɛ́, mɛ̨inɛ̨ɛ̨ kɛ Yálá ɓaa a yɛ́, Ə́ lii hva holi ɉa, Ə́ ɓo lɔ a wɛlikɛmąą, da tɛ̨ą.

Mąątɛ̨nɛ̨ 86:5

Nwɔ́ mɛ̨nį Nąmu, yɛ́i ə́ wɔ mɛ̨nį lɛlɛɛ, yɛ́ nu mąąhvaalɛɛ; Ə́ wɔ ɲɛ̨imąąwɛlikaa hu kɛnɛ̨i, nuąi da ə́ hvɛli di mąą mɛ̨nį ɓa.

Lɛɛ gbɔwɔ ɓa 6:8

Gáá lii a kaa nɔi ŋɛ̨i ŋą́ naakwɛlanmo Abrahamə, Isaakə da Ɉakɔbə ni diɛ ɉu. Gáá nąą tɛɛi ka pɔ a ka wɔɔ. Ɲą́ą́ Yai-Laa ɲą́ą́ ɓə mo.»

Ɉeremi 14:21

Yai-Laa, ə́ laa mąą mɛ̨nį ɓa, hvo gɛ nuą di hvo tɛɠɛɓo ə́ laa hu, hvo ə́ wɔ tɔɔkpəlin nwɔ mąąwiɛ ɓɛlɛkpɛɛma; Ə́ kiliŋąhiɛ mįnɛ̨i gwa gaani gu ɉəɠə mą, hvo lənə mą.

Ɉeremi 30:11

Yai-Laa yɛ, gáá ə́ pɔ ə́ kulɔ mɛ̨nį ɓa mɛ̨nįi. Nɔiɠaai kpɔ tii ŋą́ ka taɠa taɠa ɉu, gáá gəlee hu kalai. Kɛlaa ə́ wɛi, vá ə́ kala, gáá ə́ mąąkwɛli, yɛ́ hiɛ a bələ, vá da lɛɛ hvo tɛɛ yɛ́ kpɛli-kpɛli.

Levetekɔ 26:42

Ŋą́ gíliŋąhiɛ kɛa mįnɛ̨i kwa Ɉakɔbə ku ɉəɠə mą, yai kwa Isaakə ku ɉəɠə, yai lɔ nwɔ̨nɔ̨ kwa Abrahamə ku ɉəɠə; Gɛ́ gíliŋąhiɛ nɔi ɓa.

Levetekɔ 26:44

Di mą kɛ di yowoɠaa di wɔ lɔi hu, və́ pai di pilii, di wɛli hvo pai kpɛɛi mą́ą́, gɛ́ di huwu pu, ɛlɛɛ mįnɛ̨i kwa diɛni ku ɉəɠə, hva ɉəɠə mą, mąąhɔlɔɓo, ɲą́ą́ Yai-Laa, di wɔ Yálá ɓaa Ɲą́ą́.

Levetekɔ 26:45

Mįnɛ̨i kwa di nąnni ku ɉəɠə, a diɛi tii ŋį́ di kulɔ Eziptə lɔi hui, nu huwu takpɛliɠaa ɲɛ̨i ɓa, gɛ́ kɛ a di wɔ Yálá; ŋą́ gíliɲą lɛlɛɛ hiɛ mįnɛ̨i tii ɓa, di mąą mɛ̨nį ɓa, ɲą́ą́ Yai-Laa.»

Zôna 4:2

Ə mo Yai-Laa ɓa, yɛ mą: «Yaai-Laa Kɛlɛi mɛ̨nįi ŋį́ kɛi mo ɓɛlɔwai ŋį́ kɛ la bɔ́ lɔi ya ka ee! Mɛ̨nį ŋį́ ɲɔw mą, ŋį́ laa dɔwɔ, gɛ́ pu, gɛ́ li Tarsisə daai yaa li. Mąąhɔlɔɓo ŋį́ gɔlɔn gɛ́ diɛ: ə́ kaa a Yálá yii a mɛ̨inɛ̨ɛ̨ kɛ, ɲɛ̨imąąwɛli kaa yɛ ɓo ɲəi kɛnɛ̨, hva níiholi ɉa, naahvɛɛi a wɛlikɛmąą hvo bɔ hvo mɛ̨nį nwąnąą laa nu ɓa.

Mise 7:18

Gbɛɛ ɓə a pɛli gɔwɔn ɉii Yɛ́, Yálá? Yɛ́i yá nu nwɔ nɛ̨ŋɛ̨n nwaa mą, kwa kulɔ Ə́ woo mu, Yɛ́ ə́ kili kulɔ ɉu, nwɔ nu huwu kpəlii wɛli kɛɛ mɔ̨ɔ̨ mą, a gwɛlin tii, hva ɲee kanąn nwɔ líiholii ɓa. Yaamun, niiɓa ɓaa yɛ nu mąąhvaalɛɛ.

Lonon mo 14:18

‹Yɛ́ Yai-Laa, ə́ líiholi laa walaai, ɛlɛɛ, ə́ wɔ mɛ̨inɛ̨ɛ̨ hu kɛnɛ̨i, yɛ́ túwɔ́ pələ ɲɔ̨n da kɛɛ kalaa mąąhvaalɛɛ. Hva mɛ̨nį lɔpee ta gwələ kulɔ laa lɛɛ. Yɛ́i ya nu nąnni kɛ mɛ̨nį ɲɔ̨n gwələ kulɔ nonnii diɛ, ə həɠə kálaɓɔlɔ haaɓa ɓa ə həli la nąąn bɔ.›

Lukə 1:72

Mąąhɔlɔɓo, Yálá ə naakwɛlan mo ku kalaɓɔlɔni diɛ, yɛ diɛ: Ŋą́ nwɔ́ mɛ̨inɛ̨ɛ̨ lɛ kaa ponoŋą, yaan, əgɛ tii. Yaan mįnɛ̨i Yálá ə ɉəɠə diɛ, ə gili lɛɛ ɉu.

Dutɛrɔnome 31:6

Ka ka liikpələ, ka tɔɔ a ka nwąnąi, ka hvo ɲɔw, ka mąą hvo kpɛlin di lííla. Mąąhɔlɔɓo, Yai-Laa ka wɔ Yálá hvilɛn ŋąąi ka ɲɛ̨itɔwɔ, hva ka lɛɛ laa, hva gili kulɔ ka hu tɔ̨nɔ̨ kpɛli.»

Dutɛrɔnome 31:8

Yai-Laa ɓə pai tɔɔi ə́ ɲɛ̨itɔwɔ kaa li, gaa pai kɛi ə́ pɔ, hvo pai ə́ lɛɛi laa, hva gili kulɔ ə́ hu, hvó ɲɔw, ə́ mąą hvo kpɛlin.»

Hebreu 13:5

'Ká hvo nɛɛ laa, wali lii yee hvo tɛɛ káá, ká túwɔ́ pələ hu. Yii gaa ká yəi, yili ə ká lii hon. Mąąhɔlɔɓo, gu Nąmu kpinįi ɓo mo, yɛ mą: «Kpaa-o! Vá ə́ lɛɛ laa, vá gíli kulɔ ə́ hu tanɔ̨n gbɛli!»

Zasua 1:5

Ə́ yíi hvóló kəlee hu, nui lɔpee ta hvo pai tɔɔi ə́ la. Bələi lɔ tii ŋį́ kɛ la Moisə pɔ, bələ lɔ ɓə gáá kɛi la ə́ pɔ. Vá gíli kulɔ ə́ hu, vá ə́ lɛɛ laa.