Dutɛrɔnome 4:30 - Yálá laawoo hɛɓɛ (dc)

³⁰ Ɓɛlɔwai ka káá pai kɛi la mɔ̨nɔ̨ hu, mɛ̨nįɠaa ŋɛ̨i diɛ laa kaa ka wɔ yɛnɛ̨ɛ̨ tɔwɔ pələ, ka káá pai pənəi ka pa Yai-Laa ka wɔ Yálái pɔ, kaa ka wəli tɔɔ nwoo ɓa.

Yálá laawoo hɛɓɛ

³⁰ Ɓɛlɔwai ka káá pai kɛi la mɔ̨nɔ̨ hu, mɛ̨nįɠaa ŋɛ̨i diɛ laa kaa ka wɔ yɛnɛ̨ɛ̨ tɔwɔ pələ, ka káá pai pənəi ka pa Yai-Laa ka wɔ Yálái pɔ, kaa ka wəli tɔɔ nwoo ɓa.

Bible

³⁰ Tãi ka pâi kɛ̂i la mɛni-kpulu-ŋai ŋí su lii-too pôlu támaa kɛ́ ƃò kâai, ka pâi tínanii Káɣâlai Yâwɛɛ pɔ́ naa pere ká káwoli tɔ́ɔ mà.

Dutɛrɔnome 4:30 ပူးပေါင်းရင်းမြစ်များ

Zɛnɛse 49:1

Ɉakɔbə ə nonnii kəlee təli, yɛ dɛ: 'Ka kəlee ka lɛɠɛ mą́ą́, mɛ̨nįi tinąą pai kɛi ŋą́ ɉu kulɔ kaa.

Nehemi 1:9

Kɛlaa, akɛ, ka pənə ka pa bɔ́, ka ka yee hee nwɔ tíɓoɠaa mu, kaa bɔ mɛ̨nį kɛ. Ka wɔ nuą di mą kɛ luwɔlaa hu lɔi kpɛlai, ŋį́ di ɲąą kpɔn, ŋį́ paa diɛ, ɓɛi ŋɛ̨i ŋį́ ɉəɠə ɉu, náá yɛ́ ɓo laa.›

Mąątɛ̨nɛ̨ 107:13

Di lɛɛ di wɔ mɔ̨nɔ̨i tii hu, di wɔlɔ Yai-Laa ɓa, ɛlɛɛ, ə di ɓalo, ə di kulɔ di wɔ kwəipili mąą mɛ̨nįɠaa hu;

Mąątɛ̨nɛ̨ 107:6

Di lɛɛ di wɔ mɔ̨nɔ̨i tii hu, di tomą Yai-Laa pɔ pələ, ə di kulɔ di wɔ liihɛlɛn mɛ̨nįɠaai hu;

Mąątɛ̨nɛ̨ 18:6

ɲąmuątaa yɛliɠaa daa kɛ kpinįn a ɲą́ą́, haa nwɔ hɛlɛnŋaai tɛɛ kɛ dɔ́wɔ.

Mąątɛ̨nɛ̨ 59:16

Di kaa lia tɛɛ lɔ ɉu-ɉu, diɛ di kɔ̨nɔ̨n gwɛli, da wala pilɛ, da yíi lɔ hvaai di nwun ɉu.

Lɛɛ gbɔwɔ ɓa 18:8

Mɛ̨nįɠaai kpɔ Yai-Laa ə gɛ a Eziptə tɔɔmun da nwɔ nuąi diɛ, Israɛlə nuą mąą mɛ̨nį ɓa, Moisə ə gəlee hukulɔ mɔlɔ́ ɓa. Mɔ̨nɔ̨ɠaai laa diɛ bələ pɔ, da bələi Yai-Laa ə di kulɔ la ɉu, ə gəlee hukulɔ.

Azaya 1:19

Akɛ ka ka wəli tɔɔ nwóó ɓa, nɔi hihɛn nɛlɛɛɠaa ɓə a kɛ a ka kɔ̨nɔ̨n.

Ɉeremi 23:20

Yai-Laa nwɔ liiholi kɔ́lɔ hvo pai haai mą. Hvo kɛli mɛ̨nįɠaa ə naa gwəi a di kɛ. Ɲee laa kulaa pulu, ka káá pai mukulaa kaai.

Ɉeremi 4:1

Yai-Laa yɛ di: Israɛlə! Ya kɛ bɔ ə́ yali ə́ pului, ɲą́ą́ ɓə mąąnɛ̨ɛ̨ ə́ pa bɔ́. Akɛ, yá ə́ wɔ haliɠaai tii pili ɲɛ̨́i hvo kɛa tɔɔ mą́ą́, hvo kɛa pai həɠəi nííla a nwumɛ̨, yɛ́ ə́ loo mą́ą́.

Ɉeremi 4:2

Akɛ, yá ə́ woo kwɛlɛ mɛ̨nį ta hu a Yai-Laa, ə́ gɛ a tɛ̨ą, a tələnmoɔ laa, a ə́ kwəi kwɛlɛɛ; lɔiɠaa kaa pai lúwɔ́ tooi di kpɔɔ ɓa náá hu, diɛ di kpɔɔ mąątɛ̨nɛ̨ náá hu.

Ɉeremi 7:23

Kɛlaa, mɛ̨nįi ŋį́ vɛli diɛ, ya ka; ŋį́ kɛ diɛ: Akɛ, ka ka wəli tɔɔ nwóó ɓa ka ɉon, ŋį́ kɛ a ka wɔ Yálá, kaa ɓo a nwɔ́ nu Huwuɠaa. Bələi ŋį́ nɛ kaa, ka hiɛ ɉu a nɛlɛɛ, ka káá pai kɛi ka nɛ̨ɛ̨ hu.

Woolaa 3:40

'Ká gu gu kpɔwɔ kpįnįi yíi pələ hu kpɛ a nɛlɛɛ, 'ká gu gu pulu tɔɔ ɲɔ̨nwɔ̨ɔ̨ ɓa, gu pa Yai-Laa pɔ.

Danîa 10:14

Yii hu kɛa, ŋą́ pa, ə gɛ, mɛ̨nį pai həlii ə́ huwu ɓa, ŋą́ ɉukulɔ yɛ́, mąąhɔlɔɓo, ɉįi ŋɛ̨i yaa gaa, vilɛn ŋąą nɔwai tii mąą mɛ̨nį ɓa.»

Osia 3:5

Yili pulu, Israɛlə lonnii da pənə nwɔ̨nɔ̨, diɛ Yai-Laa di wɔ Yálái kwɛli, da di wɔ tɔɔmun Davidə; da pənə di di ɲɛ̨i tinɛ̨n Yai-Laa pɔ pələ, da ɲəi mɛ̨inɛ̨ɛ̨ɠaa kaa, di mąą yɛ kpɛlin, tinąą tɔwɔ pələ.

Zakari 6:15

Nuą kaa pai həɠəi kwɛaa la, diɛ kólo kɛ Yai-Laa hvɛli pɛlɛ́ mu. Yili ɓə ka gbaɠala kaa la, káá kɛ, Yai-Laa Mɛ̨nį Kəlee ŋą Hééɓomun ɓə dɔ́ɔ́ ka pɔɔli. Akɛ ká lɛɛ Yai-Laa ka wɔ Yálá woo mu, mɛ̨nį kəlee hu, mɛ̨nįi tii kaa pai kɛi.

Lonon mo 24:20

Yili pulu, Balaamə ə Amalɛkə kaa, ə mɛ̨nįi ŋɛ̨i ɓo, yɛ həɠə Yálá yəi, yɛ mą: «Amalɛkə kaa lɔi kəlee ɲɛ̨i tɔwɔ, Kɛlaa, mɛ̨nįi ɉeɛ dɔwɔ ya ɓaa ɉukala mɛ̨nį.»

Gɛlaɠaa 26:20

Kɛlaa yaamun, ŋį́ gbɛa tɔlɔɔ Damasə nuą diɛ, yili pulu, Ɉerusalɛmə daai, da Ɉude lɔi hu nuą, ə mą kɛ, lɔi takpɛliɠaa hu nuą. Gɛ́ kɛ diɛ: 'Hvo kɛli da di hɔn mąą pənə, di di ɲɛ̨i tínɛ̨n Yálá pɔ pələ, da di kili mąą hvalin, diɛ túwɔ́ a nąą mąą hon bələ.

Gɛlaɠaa 3:19

Yili ɓa, ka ka túwɔ́ pələ mąąhvalin, ka tinɛ̨n ka pa Yálá pɔ, ə ka wɔ nɛ̨ŋɛ̨nŋaai waa.

Dutɛrɔnome 30:10

Akɛ ka ka wəli tɔɔ Yai-Laa ka wɔ Yálái woo ɓa, ka nwɔ tɔ́n nwooɠaai hon da nwɔ tíɓoɠaai bɛ̨ɛ̨ ɉɛɓɛ́i ŋɛ̨i hu, kaa pənə kaa pa Yai-Laa ka wɔ Yálái pɔ ka kwəi tɔ̨nɔ̨ mɛ̨i, a ka lii kəlee.

Dutɛrɔnome 30:2

nąąlɔwai, ka káá pai pənəi ka pa, Yai-Laa ka wɔ Yálái pɔ, kaa, ə mą kɛ ka lonnii, kaa ka wəli tɔɔ nwoo ɓa, a ka kwəi kwɛlɛɛ, da ka wɔ yɛnɛ̨ɛ̨ kɛ pələ kəlee. Mɛ̨nįɠaa kpɔ gáá ka tíi la háákələi, kaa gəlee kɛ.

Dutɛrɔnome 31:17

Yili mąą mɛ̨nį ɓa, gáá pai níí ɲąnwąnąąi diɛ, ɲą́ą́n, ŋą́ pai həɠəi di pulu, ŋą́ di lɛɛ laa; di kaa pai lɛɛi a hį́i takpɛliɠaa di wɔ luwɔ. Ɲɛ̨ikɔw kpɔlu da mɔ̨nɔ̨ɠaa di kaa pai laai diɛ. Nąąlɔwai di kaa pai gɔlɔn ɉii mɛ̨nįɠaa tii pɔ pələ, diɛ kɛ, ɲą́ą́ ŋɛ̨i a di wɔ Yálá və́ di lɔwai.

Dutɛrɔnome 31:21

Yili a kɛ tii, ɓɛlɔwai mɔ̨nɔ̨ kpɛa kpɛa da mɛ̨nį nwąnąą kpɛa kpɛa da pa laai la diɛ, nwələi ŋɛ̨i lɔ ɓə a di kilaa pɔ̨nɔ̨ di hɔn mąą mɛ̨nį hu. Nwələi ŋɛ̨i ɓə gaa a kɛla kwa diɛni ku lɔwai. Mąąhɔlɔɓo, di huwu hvo pai kpɛlai nwələi ŋɛ̨i toɔ ɓa. Və́ kpɛli nii di lɔ li nɔi tii hu, mɛ̨nįi di kwəi, ŋą́ą́ mąn gɔlɔn.»

Dutɛrɔnome 31:29

Mąąhɔlɔɓo, gíli kaa ɉu, gɛ́ diɛ, ɉáá pulu, ka káá pai ka yee lɔi nɛ̨ŋɛ̨n mɛ̨nįɠaa hu, ɛlɛɛ, bələi ŋį́ nɛ kaa, kaa həɠə mɛ̨i. Ka wɔ yɛnɛ̨ɛ̨ dɔwɔ pələ, mɔ̨nɔ̨ɠaa kaa pai lɔi ka pɔ; mąąhɔlɔɓo, mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ka káá pai ka yee lɔi gɛɛ hu, kaa niikələn gwəi a ka túwɔ́ pələ ɲɔ̨nŋąą.»

Hebreu 1:2

ya ka, yiihui ŋɛ̨i, gu kaa kɛa la vóló gbɛlamąąɠaa hu, aa pələ ɓo guɔ, Non ɉu pələ, yai ə ɉee a gwɛlin gəlee həɠəmun, a yai ə yɛnɛ̨ɛ̨ kəlee pɛli la.

Hebreu 5:9

Ɛlɛɛ, ə pələ kulɔ, ə həli la mąąhəɠə laa ɓa, Kristə ə kɛ kɛa la tii a nuąi da lɛɛ nwoo mu, di ɓalomun a yələ kəlee mɛ̨nį,