Dutɛrɔnome 4:29 - Yálá laawoo hɛɓɛ (dc)

²⁹ Nąąlɔwai, ka káá pai Yai-Laa ka wɔ Yálái kwɛlii nɔiɠaa tii hu, akɛ, ka gwɛli a ka lii kəlee, a kwəi tɔ̨nɔ̨ laa, ka gaa.

Yálá laawoo hɛɓɛ

²⁹ Nąąlɔwai, ka káá pai Yai-Laa ka wɔ Yálái kwɛlii nɔiɠaa tii hu, akɛ, ka gwɛli a ka lii kəlee, a kwəi tɔ̨nɔ̨ laa, ka gaa.

Bible

²⁹ Kɛ́lɛ à kɛ̀ kà Káɣâlai Yâwɛɛ kɔ̀ri a kálii kélee da kámɔliŋ, ka pâi gâai.

Dutɛrɔnome 4:29 ပူးပေါင်းရင်းမြစ်များ

Tɔɔɓɛlaa veelɛ 10:31

Kɛlaa, Ɉehu hvo tɔɔ a nwąnąąi hvo hiɛ a Yai-Laa Israɛlə nwɔ Yálá nwɔ tɔ́n nwooɠaai kpaalə. Nɛ̨ŋɛ̨nŋaai Ɉeroboamə ə Israɛlə yee lɔ ɉu, hvo həɠə di pulu.

Tɔɔɓɛlaa veelɛ 23:3

Tɔɔmun ə kɛ tɔɔni gbədələn ŋą Yai-Laa lííla, ə mįnɛ̨ həɠə woo hu nwun, ə mo yɛ diɛ: mįnɛ̨ ɓə a gu hvilɛn Yai-Laa pulu, ə gu kanąn nwɔ liɛwooɠaai diɛ, da gwəi mɛ̨nįɠaa, mąąnɛ̨ɛ̨, nu tɛitɛi kəlee ə nwoo kwɛlɛ, yɛ kɛ diɛ: dɔ́n nwooɠaai gaa ɉɛɓɛ́i tii hu, a ɲee hee mu, a nii kəlee, da nwɔ kiliŋąhiɛ kəlee. Nɔi lonnii kəlee di hvaa mįnɛ̨ həɠə woo tii ɓa.

Kɔlɔnikɔ Veerɛi 15:12

D mįnɛ̨ həɠə, diɛ di kaa pai lɛɛi Yai-Laa di nąnni di wɔɔ Yálái pulu, di kwəi tɔ̨nɔ̨ mɛ̨i da di lii kəlee.

Kɔlɔnikɔ Veerɛi 15:15

Ɉuda nuą kəlee kwəi ə nɛ̨ɛ̨, di kwɛla mɛ̨nįi tii hu. Di kwɛlai di mo di kwəi tɔ̨nɔ̨ mɛ̨i, diɛ pa lɛɛi la Yai-Laa pulu a di kwəi kwəlɛɛ, əgɛ, ə gbɔwɔ lɛɛ laa di gaa. Ə liilaa tɛɛ di pɔ pələ kəlee hu.

Kɔlɔnikɔ Veerɛi 15:2

Azariahu ə kulɔ yɛ li Asa laakwiɛn, yɛ mą: «'Ka ká wəli tɔɔ mą́ą́, Asa, Ɉuda da Bɛnɉamɛn ka kəlee! Yai-Laa ə kɛ ka pɔ, 'ka lɛɛ bulu! 'Ka gwɛlii, a gbɔwɔ lɛɛ laa kaa gaa! Kɛlaa, ka həɠə bului, a kulɔ ka pulu.

Kɔlɔnikɔ Veerɛi 15:4

Kɛlaa, di kɛɛ mąąwɛli mɛ̨nį hui, di pənə di pa Yai-Laa Israɛlə nwɔ pɔ, di ɲɛ̨ilaa kwɛli, ɛlɛɛ, ə gbɔwɔ lɛɛ laa di gaa.

Kɔlɔnikɔ Veerɛi 31:21

Golóɠaai kpɔ ə ɲee too ɉu Yai-Laa ŋą pɛlɛ́i mąą mɛ̨nį ɓa, Yálá nwɔ tɔ́n da mąą pamą wooɠaa mąą mɛ̨nį ɓa; ə gəlee kɛ a Yálá ɲɛ̨i laa kwɛliɛ a nii kəlee, ɛlɛɛ, ɲee ə lɔ.

Nehemi 1:9

Kɛlaa, akɛ, ka pənə ka pa bɔ́, ka ka yee hee nwɔ tíɓoɠaa mu, kaa bɔ mɛ̨nį kɛ. Ka wɔ nuą di mą kɛ luwɔlaa hu lɔi kpɛlai, ŋį́ di ɲąą kpɔn, ŋį́ paa diɛ, ɓɛi ŋɛ̨i ŋį́ ɉəɠə ɉu, náá yɛ́ ɓo laa.›

Nehemi 9:27

Yili ɓə gɛ, 'di too di yowo yee kɔ́nma, a di mɔ̨nɔ̨ laa di mɛ̨i, da kɛ tii mɔ̨nɔ̨ hu, di kɛi tomą ə́ pɔ pələ, ə lɛɛ, yɛ́ lɛɛ yələi pələ, yɛ́ di woo mɛ̨n. Ə lɛɛ, ə́ wɔ ɲɛ̨imąąwɛli kaa hu ə́ kɛi di nwun mąąɓo nuą tɛɛ di pɔ, yiliɠaai diɛ di kulɔ di yowoɠaa yəi.

Mąątɛ̨nɛ̨ 119:10

Gáá ə́ kwɛlii a nį́i kəlee, 'Hvó nɛ́ɛ́ laa, mą́ą́ hvo kwɛa ə́ wɔ tɔn nwooɠaai diɛ.

Mąątɛ̨nɛ̨ 119:145

Gáá ə́ təlii a nwą́ną́i Yai-Laa! 'Nwóó mu hon, əgɛ, ŋą́ ə́ liiɓa mɛ̨nįɠaa kɛ.

Mąątɛ̨nɛ̨ 119:2

Nuąi da lɛɛ nwɔ yɛnɛ̨ɛ̨ hon bələ pulu, diɛ gwɛli di kwəi tɔ̨nɔ̨ mɛ̨i, di nwun na nɛ̨ɛ̨i.

Mąątɛ̨nɛ̨ 119:58

Gáá kpɔ tɔɔi a nwą́nąi, ŋą́ ə́ líiɓa kɛ, kpɔnmąą tɛɛ bɔ́, yɛ ɓələi ə́ mo la.

Ɉeremi 3:10

Mɛ̨nįɠaa tii kəlee di mą kɛ, Ɉuda ŋɛ̨i hvo nwoo pulu, yaai a Israɛlə gaayɔwɔ, hvo pənə li hvo pa bɔ́ gwəi tɔ̨nɔ̨ mɛ̨i; yaamun, mɔ̨nɔ̨ ɓə ə kɛi naa mą́ą́. Ɲą́ą́ Yai-Laa nwoo li.

Ɉeremi 51:50

Israɛlə, kaai kulɔ Babilonə nwɔ gɔ́ kɔ́ ɓɔwa yee ŋą, 'Ka bələ həɠə! 'Ka hvo tɔɔ! Yai-Laa kili ə too ka ŋą, nwɛ̨ą lɔi hu kwɛa ŋɛ̨i hu, 'ka ka kili lɛɛ Ɉerusalɛmə hu.

Izikiɛ 6:9

Nuąi pai kulɔi ɉu, gíli kaa pai tooi di ɲą nɔiɠaai ti di kaa pai li laa a diɛ ɉu; di wɔ tuwɔ pələ ɲɔ̨n gulɔ kili ti lənə mą́ą́i, gáá pai ɉu kalai di kwəi, da di ɲɛ̨i kɔ́wi ti haliɠaa mąąwiɛi. Di ɓɛlɛ kaa pai kpɛɛi di kpɔwɔ kwəi, nɛ̨ŋɛ̨ŋąąi di ɉəɠə mąą mɛ̨nį ɓa, da di wɔ kili kpɛɛ gwəi mɛ̨nįɠaa kəlee.

Zooɛ 2:12

Yii hu kɛa! Yai-Laa woo li: Ka pənə ka pa bɔ́ ka kwəi tɔ̨nɔ̨ mɛ̨i. Ka hín nɔ, ka wɔlɔ, ka ka woolaa.

Amɔsə 5:4

Mɛ̨nį Yai-Laa ə mo Israɛlə nu huwu diɛ, ya ka, yɛ diɛ: Akɛ ka hvo bɔ ka hvo haa, ɲą́ą́ ɓə mąąnɛɛ ka pa bɔ́.

Dutɛrɔnome 10:12

Yii hu kɛa, Israɛlə lonnii, ə həli kaa! Lə ɓə Yai-Laa ka wɔ Yálái kaa bɔ ka gɛ mą? Mɛ̨nįi ɲɛ̨i kaa dɔwɔ, ya ɓaa: ka ɲɔw Yai-Laa ka wɔ Yálái ɓa, a, lɛɛi ka mo nwooɠaa pulu; kaa Yai-Laa ka wɔ Yálái wɛli la kɛ, kaa tí mą a kwəi kwələ laa, a ka wɔ huwalawala kəlee, da ka wɔ yɛnɛ̨ɛ̨ kɛ pələ kəlee.

Dutɛrɔnome 11:13

A tɛ̨ąą! A kɛ ka ka wəli tɔɔ kpɔ a nɛlɛɛ nwɔ tɔ́nŋąą diɛ, yaai gáá háákələi naa həlii kaa, kaa Yai-Laa ka wɔ Yálái wɛli la kɛ, kaa tí mą a ka kwəi tɔ̨nɔ̨, a ka nwąnąąi kpɔ-kpɔɔ,

Dutɛrɔnome 26:16

Yai-Laa ka wɔ Yálái aa háákələi ka kɛ kóló laa ka nwuɔ̨; yɛ ka díɓoɠaa ŋɛ̨i kɛ da nwɔ tɔ́nŋąąi ka lɛɛ di pulu, ka di kɛ ka kwəi tɔ̨nɔ̨ mɛ̨i kpɔ a ka nwąnąąi.

Dutɛrɔnome 30:10

Akɛ ka ka wəli tɔɔ Yai-Laa ka wɔ Yálái woo ɓa, ka nwɔ tɔ́n nwooɠaai hon da nwɔ tíɓoɠaai bɛ̨ɛ̨ ɉɛɓɛ́i ŋɛ̨i hu, kaa pənə kaa pa Yai-Laa ka wɔ Yálái pɔ ka kwəi tɔ̨nɔ̨ mɛ̨i, a ka lii kəlee.

Dutɛrɔnome 6:5

Ka Yai-Laa ka wɔ Yálái wɛlilakɛ a ka kwəi tɔ̨nɔ̨, a ka kpinįi kəlee, da ka wɔ huwalawala kəlee.

Zasua 22:5

Yii lɔ kɛa ka káá gɛi, ya ɓaa: dɔ́nŋąą da bɔ liɛwooɠaa Yai-Laa nwɔ tímun Moisə ə dɛɛ ka pɔ, ka ɉon, ka bɔ mɛ̨nįɠaa kɛ. 'Ka kólo kɛ Yai-Laa ɓa a ka lii kəlee, da, ka yíi pələ kəlee hu, 'ka kanąn nwɔ tɔ́nŋąąi diɛ, 'ka naa hon mo a kwəi tɔ̨nɔ̨ laa.»

Samuɛlə dɔlɔɔ 7:3

Samuɛlə yɛ Israɛlə nuą diɛ: «Akɛ ka káá pai Yai-Laa pɔ a ka lii kəlee, ka ká yee kulɔ ɉaliɠaa tii hu, ka gulɔ ka lɔwai, da ɉaliɠaa ŋɛ̨i a Astarteɠaa; ka ká kilitɔɔ Yai-La ɓa, ka kóló kɛ mą yaa tɔ̨nɔ̨, gaa ka kulɔi Filisti nuą yəi.»