Dutɛrɔnome 4:25 - Yálá laawoo hɛɓɛ (dc)

²⁵ Ɓɛlɔwai ka káá pai lon ɉɔlɔɓoi la da mąnįn mɛlaa, ka pa kɛi a nu mąą pɔlɔɔɠaa nɔi tii hu, ɲələi ka lan na kaa hali pɛli, a hɛn da mąą nįnįn, mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa kaa gɛ, kaa nwąną lɔ,

Yálá laawoo hɛɓɛ

²⁵ Ɓɛlɔwai ka káá pai lon ɉɔlɔɓoi la da mąnįn mɛlaa, ka pa kɛi a nu mąą pɔlɔɔɠaa nɔi tii hu, ɲələi ka lan na kaa hali pɛli, a hɛn da mąą nįnįn, mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa kaa gɛ, kaa nwąną lɔ,

Bible

²⁵ “Tãi ka pâi kɛ̂i la ǹɔii su a tãi su kôya ká nîa-pɛlɛɛ maa sɔlɔ ƃó, diaŋ dí kɛ́ díwɔ̂ nia-pɛlɛɛ maa sɔlɔ ƃoi, à kɛ̀ kà pɛ̀lɛ wôya mɛni-ŋa kɛ̂i, ká Ɣâla pɔkɔɔŋ-ŋa saa kámɛni ma, ká kɛ́ mɛni nyɔ́mɔɔ da kpɛ́ni-ŋa kɛ̀, nyii vé a Yâwɛɛ líi láa mɛni-ŋai,

Dutɛrɔnome 4:25 ပူးပေါင်းရင်းမြစ်များ

Tɔɔɓɛlaa veelɛ 21:2

Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ya ɓə ə gɛ, nɔiɠaa ŋɛ̨i Yai-Laa ə di kpɛ Israɛlə nuą ɲɛ̨i tɔwɔ, di túwɔ́ pələ ɲɔ̨n tii ɓə Manase ə kɛi gɛ.

Mąątɛ̨nɛ̨ 78:58

Diɛ níikələn gwəi a di wɔ hali kɔ́iɠaai, di wɔ hali kɔ́iɠaa da ɉali mąąnįnįnŋaa diɛ níikələn gwəi.

Lɛɛ gbɔwɔ ɓa 20:4

«Mąą nįnįn ɉaɠaa lɔpee ta hvo kɛ ka yəi, ə mą kɛ a yələkɔlɔn ɉu hɛn da kulɔmąą, ə mą kɛ, a lɔi mɛ̨i hɛn da, da yái hɛn da yii gaa lɔi mu gulɔmąą.

Lɛɛ gbɔwɔ ɓa 32:7

Nąąlɔwai Yai-Laa yɛ Moisə ɓa: «Pənə ə́ yɛɛ, mąąhɔlɔɓo, ə wɔ́ nuąi ŋɛ̨i ə́ di kulɔ Eziptə lɔi hu, daa di kɔ́hɔɓo.

Izikiɛ 8:10

Ŋą́ lɔ, ŋą́ ɲɛ̨́i hee; tala hɛnŋąą, huwɔ mąąnįnįn ɉuwui lɔpee ə kɛ laa, yɛ ɓai lii tɛ a nu; ɛlɛɛ, Israɛlə nwɔ haliɠaa kəlee di mąąnįnįn ə kɛ bɛlɛ́ nwąną ɓa nąą kɔ́lɔ kəlee aa doo la gee hu.

Osia 9:17

Nwɔ́ Yálái kaa pai di pilii, gbala ə tɔɔ, di hvo di wəli tɔɔ li nwoo ɓa, ɛlɛɛ di kaa pai kɛi lii di nwun ma lɔiɠaa hu.

Osia 9:9

Di yee aa ɓɔ nɔgwəi mɛ̨nį hu, yɛ bələi ə kɛ la Givea, di hɔn gɛnɛ̨i tii, kili kaa pai lɛɛi Yai-Laa ɲą, gaa pai di wɔ nɛ̨ŋɛ̨nŋąą i kwələ kulɔi diɛ.

Korɛntə dɔlɔɔ 10:22

Akɛti, gu kaa bɔ gu Ną́mu nwɔ toloi muhəɠə? Gaa ká kwəi gu hvaŋą kɛnɛ̨i gu tɛɛ mą?

Dutɛrɔnome 16:22

Ka hvə kwɛni ta tɔɔ a ka mąą mɛ̨nį. Mɛ̨nįɠaa tii wɛli kpɛɛi Yai-Laa ka wɔ Yálái ɓa kpɔ tɛ̨ɛ̨tɛ̨ɛ̨.

Dutɛrɔnome 27:15

«‹Nui lɔpee pai hali ta pɛlii a wala kɛ tii, hɛn da mąą nįnįn, a yɛlɛ kɛ mun da yee pɔɔ, ɛlɛɛ, yɛ di tɔɔ kɛɛnąą loɔ ɓa! Mɛ̨nįi gɔhɔɓoɔ Yai-Laa ɲɛ̨i ɓa yaa li! Yálá! Mąą nu nɛ̨ŋɛ̨n naai!› Ɛlɛɛ nɔi lonnii kəlee di di nwoo mu hon, diɛ mą: ‹Mįįną!›

Dutɛrɔnome 28:45

«Nɛ̨ŋɛ̨n naaɠaa tii kəlee kaa pai kɛi a gbanwoɔ kaa, vilɛn ŋąą ka pulu, ə lɛɛ ɉu ka kpɛɛ; Mąąhɔlɔɓo, ka hvo Yai-Laa ka wɔ Yálái woo hon ni, ka hvo nwɔ tɔ́nŋąą da nwɔ tíɓoɠaai kɛ li, yai ə dɛɛ ka pɔ.

Dutɛrɔnome 28:61

Ə mą kɛ mɛ̨nį nwąnąąɠaai di laa hvo dɔ́n ɉɛɓɛ́ hu, Yai-Laa a di laa kaa ə lɛɛ ɉu, ka huwu ə pu.

Dutɛrɔnome 30:18

Gáá kpɔ moi kaa háákələi, nɔi ŋɛ̨i ka káá lii heei ɉu Ɉurdɛn yá pulu, ka wɔ yɛnɛ̨ɛ̨ hu hva kwɛa laa, ɛlɛɛ, ka nwun na a pili hea hvo kpɛli ɉu.

Dutɛrɔnome 30:19

«Gáá háákələi yələkɔlɔn da lɔi di kɛi a kɛla ka mąą mɛ̨nį hu. Gáá ɓalo da haa laai ka ɲɛ̨i; lúwɔ́ da nɛ̨ŋɛ̨n naa. Yɛnɛ̨ɛ̨ həɠə ɉu, ə gɛ, kaa-o, ka huwu hu nuą-o ka lamun yɛnɛ̨ɛ̨.

Dutɛrɔnome 31:29

Mąąhɔlɔɓo, gíli kaa ɉu, gɛ́ diɛ, ɉáá pulu, ka káá pai ka yee lɔi nɛ̨ŋɛ̨n mɛ̨nįɠaa hu, ɛlɛɛ, bələi ŋį́ nɛ kaa, kaa həɠə mɛ̨i. Ka wɔ yɛnɛ̨ɛ̨ dɔwɔ pələ, mɔ̨nɔ̨ɠaa kaa pai lɔi ka pɔ; mąąhɔlɔɓo, mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ka káá pai ka yee lɔi gɛɛ hu, kaa niikələn gwəi a ka túwɔ́ pələ ɲɔ̨nŋąą.»

Dutɛrɔnome 32:5

Kɛlaa, ka wɛi, kaa kɛ a nu huwu kalaa, kaa ka kpɔwɔ kɔ́hɔɓo, kaa həɠə tɛ̨ą pulu, kaa kulɔ nwɔ lon naa hu, ka mąą nwumɛ̨ li!

Dutɛrɔnome 4:16

Yili ɓa, ka hvo tɔɔ, kaa ka kpɔwɔ ɓowo a hɛn da mąą nįnįn bɛliɛ, kaa kɛ Yálá mąą nįnįn ni; ə kɛ a hɛn ɉilɛ, a wala kɛ tii, ɉaa;

Dutɛrɔnome 4:23

Mįnɛ̨i Yai-Laa ə naa ka lɔwai ka diɛni, ka gɛ a nɛlɛɛ, ka hvo lɛ̨ą mą. Ɉɛnŋąą kpɔ tii Yai-Laa ə tɔ́n dɔɔ kaa mąą mɛ̨nį hu, yɛ kɛ ka hvo da mąą nįnįn ɉəɠə, ka hvo kɛ ka káá da pɛlii.

Zasua 23:16

Mįnɛ̨i Yai-Laa ka wɔ Yálái da ka nąnnii di ɉəɠə, yai ə naa ka nwuɔ̨, ka ɉukala, kaa hvilɛn haliɠaa pulu, kaa kwɛli hvilɛn diɛ; Yai-Laa nwɔ liiɲąnwąną a ɓɛla ka mɛ̨i, ka kpɛɛ kpɔ a ɉu kpua nɔi lɛlɛɛ ŋɛ̨i ə dɛɛ ka pɔ ɉu.»

Zasua 24:20

Ɲələi ka káá pai lənəi la Yai-Laa ɓa, kaa haliɠaa kɔ́, gaa pai heei ka hu, yɛ mɛ̨nį nwąnąąɠaa laa kaa, yɛ ka nwun na pili, ya pa ə gbɛa mɛ̨inɛ̨ɛ̨ kɛ kaa.»