Dutɛrɔnome 4:24 - Yálá laawoo hɛɓɛ (dc)

²⁴ Mąąhɔlɔɓo, Yai-Laa ka wɔ Yálái kaa a nwɔ̨n yɛ kɛɛ kələn, gaa a Yálá tolɔɔ.

Yálá laawoo hɛɓɛ

²⁴ Mąąhɔlɔɓo, Yai-Laa ka wɔ Yálái kaa a nwɔ̨n yɛ kɛɛ kələn, gaa a Yálá tolɔɔ.

Bible

²⁴ Kpɛ́ni fêi, Yâwɛɛ káa yɛ̂ɛ ŋɔŋ, dóloɔɔ.

Dutɛrɔnome 4:24 ပူးပေါင်းရင်းမြစ်များ

Tɔɔɓɛlaa veelɛ 24:20

Mɛ̨nįɠaa tii di laa Ɉerusalɛmə da Ɉuda diɛ, mąąhɔlɔɓo, Yai-Laa ə niiŋanwana diɛ, ə di pili kwɛaa la, ə di həɠə ɲɛ̨i mu. Sedesiasə ə muhəɠə Babilonə tɔɔmun nąą ɓa a kɔ́.

Mąątɛ̨nɛ̨ 21:9

Ə́ yee kaa pai tɛɛi ə́ yowoɠaa kəlee diɛ, nuąi da tɔɔ ə́ la, ə́ ɓa-mįi-yee a gəlee hon.

Mąątɛ̨nɛ̨ 78:58

Diɛ níikələn gwəi a di wɔ hali kɔ́iɠaai, di wɔ hali kɔ́iɠaa da ɉali mąąnįnįnŋaa diɛ níikələn gwəi.

Lɛɛ gbɔwɔ ɓa 15:7

Ə́ hvaŋą kɛnɛ̨ pələ aa Ə́ kɔ́yɔwɔɠaa too, Ə́ wɔ liiholi aa gəlee kəlen yɛ dɛ̨ɛ̨ kpalaan.

Lɛɛ gbɔwɔ ɓa 20:5

'Hvó pɛlɛ da lííla, hvo kwɛli hvilɛn diɛ; Mąąhɔlɔɓo, ɲą́ą́ Yai-Laa ka wɔ Yálá, gáá a Yálá tolɔɔ, nuąi da yowolaa kulɔ a ɲą́ą́, ŋą́ gwələ kulɔ di lonnii diɛ, da yiliɠaai di wɔɔ mąnįn bulu mąnįnŋąą diɛ.

Lɛɛ gbɔwɔ ɓa 24:17

Yai-Laa Mąąɲinɛ̨n ə lɛ Israɛlə lonnii diɛ yɛ nwɔ̨n nən ɲee tona.

Lɛɛ gbɔwɔ ɓa 33:3

Ka lɔ nɔi ti hu, ɓɛi hɛn gəlee a lɛlɛ laa; Ɲą́ą́ gbinį lee və́ pai lɛɛi ka lɔwai, gu hvo li laa, mąąhɔlɔɓo, nu huwu nwun nwalawalaa ɓaa a kaa; ə gɛ, və́ pa ka hu kala kpɔ tɛ̨ɛ̨tɛ̨ɛ̨ bələi.»

Lɛɛ gbɔwɔ ɓa 34:14

Ə́ həli kaa, ka hvo kwɛli hvilɛn hali ɓa, mąąhɔlɔɓo, Yai-Laa ‹Toloɔi›, Yálá toloɔ li.

Azaya 10:17

Israɛlə nwɔ kɛɛ pɔ̨nɔ̨i kaa pai kɛi yɛ nwɔ̨n, nwɔ Yálá mąąhəɠɛɛi ə ɓo yɛ nwɔ̨n nən, yɛ nwɔ kpomóɠaai da nwɔ ɲąąlənŋaai kələn, yɛ di kpɛɛ a hvóló tɔ̨nɔ̨.

Azaya 30:27

Ka ka ɲɛ̨i hee! Yai-Laa laa ka tii həɠəi kpɔ kwɛaala yɛ pa. Nwɔ liiholii kɛnɛ̨i, yɛ nu hu wolo, líiholi woo kaa kulɔi na, nɛn gaa yɛ kɛɛ kələn nwɔ̨n.

Azaya 30:33

Gbaɠa-nwɔ̨n a kɛ a dɔɔ nąą tɔwɔ, a kɛ lɔ nwɔ̨nɔ̨ a bɛliɛ tɔɔmun mąą mɛ̨nį ɓa. Gwɛi a kɛ a diąą gee mɛ̨i kpɔ kɛnɛ̨, kɛɛnąą kɛnɛ̨ ta ɓa, nwɔ̨n ɉee mɛ̨nį ɓa. Yai-Laa nɔ̨ɔ̨ ɓə pai nwɔ̨n dooi ɉu, yɛ gbąnąą hunwɔ̨.

Azaya 33:14

Nɛ̨ŋɛ̨n ɉəɠə nuą kwəi aa pili diɛ Siɔn daai, mɛ̨nį ɲɔ̨n gɛ nuą mąą kaa kpɛlin ɉii, ku nɛlɛ ɓə pai lɛɛi tɔɔni gɛɛ kala nwɔ̨n ŋɛ̨i kwɛlɛ? Ku nɛlɛ ɓə pai lɛɛi tɔɔni? Gaa a kpaɠa nwɔ̨n hva liin.

Azaya 42:8

Ɲą́ą́ ɓə a Yai-Laa, ɛlɛɛ, náá li; ɛlɛɛ, nwɔ́ mąąwiɛi və́ pai dɛɛi nu takpɛli pɔ, ə mą kɛ mą́ą́tɛnɛ wələi mąąnɛ̨ɛ̨ di doo mą́ą́, vá dɛɛ haliɠaa pɔ.

Amɔsə 5:6

Akɛ ka káá bɔ ka lɛɛ yɛnɛ̨ɛ̨, Yai-Laa ɓə mąąnɛ̨ɛ̨ ka pa bɔ. Ka wala yili kɛ tii, kaai ɓaa Ɉosɛfə huwuhu nuą, Yálá kaa pai mɛ̨nį laa kaa yɛ nwɔ̨n. Nwɔ̨n tii, a Betɛlə taa kəlee kələn. Nu ta hva pɛli nwɔ̨n tii luwun ɉi.

Nahumə 1:2

Yai-Laa kaa a Yálá tolɔɔ, yɛ nwąną kulɔ, nuąi da tɔɔ na, a nwąną kulɔ diɛ, Yai-Laa a nwąną kulɔ, nwɔ liiholii mąą ɲɔwuɔi, Yai-Laa a nwąną kulɔ gɔ́ yɔwɔɠaa diɛ, a nii hvoli ɲowoɠaa pɔ.

Nahumə 1:6

Gbɛɛ ɓə a pɛli tɔɔi nwɔ liiholii ɲɛ̨i tɔwɔ? Nwɔ liiholii a mu həɠə, gbɛɛ ɓə a pɛli tɔɔi? Nwɔ liiholii hu a kɛnɛ̨ yɛ nwɔ̨n a too lɔwɔi, ə mą kɛ kwɛni kpɛa kpɛa ɓə, da kɛ ɓɛlai ɲɛ̨i tɔwɔ.

Sofoni 1:18

Di wɔ waliɠaa, da di wɔ hɛniɠaai, di hvo pai di nwun mąąɓoi, Yai-Laa nwɔ liiɲąnwąną hvólói yəi, a nwɔ tolo nwɔ̨n ɉee hvóló, Gaa pai lɔi nąą kəlee kələn ɉii, hvó gaai, gaa pai lɔi mɛ̨i hɛnŋąą kəlee nwun napilii, vólói tii, gaa a hvóló mąąɲɔwuɔ.

Sofoni 3:8

Yili ɓa, ka mą́ą́ kpɔn! Ɲələi gáá pai múhəɠəi la, ŋą́ tɔɔ yɛ kɛla, gɛ́ ka hɔn doo, ka nąą mąą kpɔn! Gáá pai lɔiɠaa hukalai, gɛ́ tɔɔɓɛlaa di wɔ lɔiɠaa pu gee mɛ̨i, ŋą́ nwɔ́ liihvoli hee diɛ. Mąąhɔlɔɓo, gáá pai lɔi kəlee pilɛɛ gee mɛ̨i kələn ɉii, a nwɔ́ tolo nwɔ̨n. Yai-Laa wóó li!

Lonon mo 25:11

«Ɉaláá laa həli mun Aarɔn lon Eleazarə nwɔ lon Pinasə, aa nwɔ́ liiholii həɠə Israɛlə lonnii mɛ̨i, aa mą́ą́ tolo kulɔ. Yili ɓa nwɔ́ liiholii ɲąą aa yɛɛ, və́ kɛa pai Israɛlə lonnii paai, və́ di kpɛɛ yɛnɛ̨ɛ̨.

Korɛntə dɔlɔɔ 10:22

Akɛti, gu kaa bɔ gu Ną́mu nwɔ toloi muhəɠə? Gaa ká kwəi gu hvaŋą kɛnɛ̨i gu tɛɛ mą?

Dutɛrɔnome 29:20

Yai-Laa a mąą nu huwu kulɔ Israɛlə nuhuwuɠaa kəlee lɔwai, ə nwun na pili, bələ ɓə, mįnɛ̨i ŋɛ̨i bɛ̨ɛ̨ dɔ́n ɉɛɓɛ́i ŋɛ̨i hu, ɉu mɛ̨nįɠaa a nɛɛ la ma.

Dutɛrɔnome 32:16

Di Yai-Laa liikələn gwəi a ɓɛlɛkpɛɛ mąą túwɔ́ yii di kɛi mo. Di nwɔ liiholi muhəɠə a kwɛli hvilɛn ŋąą haliɠaa diɛ.

Dutɛrɔnome 5:9

«Ka hvo kwɛli hvilɛn ɉɛnŋąąi tii ta ɓa, ka hvo tí diɛ; mąąhɔlɔɓo Ɲą́ą́ Yai-Laa ka wɔ Yálái, gáá a Yálá tolɔɔ, nuąi da kɛ wɛli kpɛɛ mąą laa kulɔi a ɲą́ą́, ŋą́ di wɔ nɛ̨ŋɛ̨nŋąą pɔɔ kulɔ di lonnii diɛ, ə mą kɛ mąnįn bulu mąnįnɠaa diɛ.

Dutɛrɔnome 6:15

Mąąhɔlɔɓo, Yai-Laa ka wɔ Yálái ŋɛ̨i heeni ka hamąi, gaa a Yálá tolɔɔ. Ka gɛ a nɛlɛɛ, Yai-Laa ka wɔ Yálá nwɔ líiholi hvo pa yɛɛ ka mɛ̨i, yɛ ka kpɛɛ lɔi mɛ̨i.

Dutɛrɔnome 9:3

Ka káá pai gili kɔ́lɔn ɉii kaa diɛ, Yai-Laa ka wɔ Yálái ɓə pai tɔɔi ka ɲɛ̨i tɔwɔ yɛ Ɉurdɛn teen a kaa, yɛ nwɔ̨n gbəɠiɛ; yaa tii ɓə pai Anakə nuą huwu pui, yɛ di tɛɛ ka pɔ, ka káá pai nɔi kulɔi di yəi, ka di kpɛɛ yɛnɛ̨ɛ̨ ɲąąɓa, yɛ bələi Yai-Laa ə di laakwɛlanmo la kaa.

Hebreu 12:29

Gbala ə tɔɔ, gu wɔɔ Yálái kaa a nwɔ̨n a kɛɛ kələn.