Dutɛrɔnome 4:13 - Yálá laawoo hɛɓɛ (dc)

¹³ Ə nwɔ mįnɛ̨i hukulɔ kaa, a tɔ́n bow, yɛ kɛ ka bɔ yíi ɓo; ə di pɛ̨ɛ̨ kpəlin mɛla hveelɛ mɛ̨i.

Yálá laawoo hɛɓɛ

¹³ Ə nwɔ mįnɛ̨i hukulɔ kaa, a tɔ́n bow, yɛ kɛ ka bɔ yíi ɓo; ə di pɛ̨ɛ̨ kpəlin mɛla hveelɛ mɛ̨i.

Bible

¹³ È m̀ɛnii ƃò kâa fɛ̂ɛ ká gɛ́ é lɛ́ɛ pâi ŋɔkono-teei ŋ̀aa-see kɛ̂i káyêei. Ǹyaa ƃa fɛ̂ɛ ká ŋɔtɔ̂ŋ puui mɛi káa nyii è bɔ̃yɛ gɔni-ƃela feerɛi mai.

Dutɛrɔnome 4:13 ပူးပေါင်းရင်းမြစ်များ

Tɔɔɓɛlaa dɔlɔɔ 8:9

Hɛn dakpɛli hvo kɛ mįnɛ̨ kəhi hu, hvo kɛ li lɔ gwɛni ɓɛla hveelɛi Moisə ə naa ɉu Horɛbə yee ɓa, ɓɛlɔwai Yálá da Israɛlə nu di mįnɛ̨ həɠə la di kulaa Eziptə lɔi hu.

Mąątɛ̨nɛ̨ 119:4

Yɛ́ kpinįi ɓə ə́ wɔ tɔn nwooɠaai lɛ, əgɛ, di di hon gbɔ a yɛlɛ.

Lɛɛ gbɔwɔ ɓa 19:5

Ə həɠə yiihu ɓa, ka ka wəli tɔɔ nwóó ɓa, kaa lɛɛ nwɔ́ mįnɛ̨i pulu, ka kɛ a gwɛ́lin gɛnɛ̨mun, nu huwuɠaa kəlee lɔwai; mąąhɔlɔɓo, ɲą́ą́ ɓə lɔi kəlee kaa a nwɔ́ɔ́.

Lɛɛ gbɔwɔ ɓa 24:12

Yai-Laa yɛ Moisə ɓa: «'Tɛ́ bɔ́ pələ, ɲee nwuɔ̨, ə́ lɛɛ laa ŋį́ gwɛni ɓɛlaɠaa tɛɛ ə́ pɔ. Diɛ ɓaa Dɔ́n nwoo da díɓoɠaai ŋį́ di pɛ̨ɛ̨, yɛ́ pɛli nuą mąąkwɛlii mą.»

Lɛɛ gbɔwɔ ɓa 31:18

Yii kɛa Yálá ə kpɛɛ a mɛ̨nįɠaa tii ɓoɔ Moisə ɓa, Sinai yee nwuɔ̨, ə mįnɛ̨ kwɛni ɓɛla hveelɛi tɛɛ bɔ, yii Yálá yaa kpinį ə bɛ̨ɛ̨ a ɲee.

Lɛɛ gbɔwɔ ɓa 34:1

Yai-Laa yɛ Moisə ɓa: «Kwɛni ɓɛla hveelɛ mąą haɠa yɛ́ kpinįi, yɛ bələi dɔlɔɔɠaa di kɛ la, nwooi lɔ tii kɛ dɔlɔɔ ɓa, diɛi tii ə́ di wolo, ŋį́ pənə ŋį́ bɛ̨ɛ̨.

Lɛɛ gbɔwɔ ɓa 34:28

Moisə da Yai-Laa di kɛ gɛɛnąąi tii ɓa, hvóló pow nąąn kpinį pow nąąn ɲee mu, hvo kɔ̨nɔ̨n mįi, hvo yá kpələ. Ə mįnɛ̨ hu wooɠaa pɛ̨ɛ̨ a Dɔ́n bow tii.

Lomaŋ 9:4

Diɛi a Israɛlə lonnii, Yálá ə di kɛ a ŋą ɲąąkɔn-nonnii ə di mąąɲįnɛ̨n gɛ diɛ, da diɛni di mįnɛ̨ həɠə, ə tɔ́n dɛɛ di pɔ, da ɉalaa kulɔ pələ, ɛlɛɛ, ə mɛ̨nįɠaa laakwɛlanmo diɛ

Korɛntə veelɛ 3:7

Dɔ́n nwooɠaa tii pɛ̨ɛ̨i kɛ kwɛnį ɓɛla mɛ̨i, dɔn tii a nu paa, Moisə ɓə kɛ a ŋą tímun. Bələi mąn ə kɛ la tii, ə kɛli mąąwiɛlaa kɛnɛ̨ hɔlɔɓo ɲəi, mąąwiɛlaa tii ɓə kɛli Moisə ɲɛ̨ilai lən, Israɛlə lonnii di hvo kɛli pɛli di ɲai heei ɲɛ̨ilai, yá pa, hvo lamun mą,

Dutɛrɔnome 4:12

Ɛlɛɛ, Yai-Laa yɛ pələ ɓo kaa nwɔ̨n nən ɉu, woo ta yɛ tɔɔ kaa mɛ̨n, kɛlaa, ka hvo kɛi nu kaa, nwoo lɔ ɓə kɛi tɔɔ.

Dutɛrɔnome 4:14

Ɛlɛɛ, Yai-Laa ə mo mą́ą́ nąąlɔwai, yɛ ŋį́ ka mąąkwɛli dɔ́nŋąą da díɓoɠaa diɛ, nɔi tii ka káá lii heei ɉu, kaa pɛli di hon ɉii laa.

Dutɛrɔnome 5:22

Yai-Laa ə mɛ̨nįɠaai ŋɛ̨i ɓo ka kəlee kaa, ka ɲąąkpɔnŋąą, ə kɛ ɲee nwuɔ̨ nwɔ̨n ɉąą nwɔ̨n nulu da tulɔ kpinįn ɉuwia hu, a nwoo kɛnɛ̨, ɛlɛɛ, hvo mɛ̨nį ta pɛlɛ mą. Ə di pɛ̨ɛ̨ kwɛni ɓɛla hveelɛ mɛ̨i, ə gwɛni ɓɛlaɠaai tii tɛɛ bɔ́.

Hebreu 9:4

Nąą ɓə lansan kələn ə kɛ laa a hɛni, ɛlɛɛ, mįnɛ̨ kon yɛ ɓo laa mɛ̨ikpulɔɔ a hɛni. Gon ti hu, hɛn ɲąŋą ə kɛ laa, manə yɛ ɓo ɉu, ə mą kɛ, Aarɔn nwɔ tunwɔ̨n kɛ ɲəi, yai powa; da mįnɛ̨ gwɛni ɓɛlaɠaa.