Dutɛrɔnome 4:1 - Yálá laawoo hɛɓɛ (dc)

¹ Yii hu kɛa, Israɛlə nuą, ka ka wəli tɔɔ dɔ́nŋąą da yɛnɛ̨ɛ̨ yíi ɓo pələi gáá dɛɛi ka pɔ mą. Mɛ̨nįɠaa tii pɔ pələ ɓə ka pɛli lamui la yɛnɛ̨ɛ̨; ɛlɛɛ, nɔi tii Yai-Laa ka nąnni di wɔ Yálá kaa dɛɛ ka pɔ, ka ɉɔlɔɓo a ka wɔ.

Yálá laawoo hɛɓɛ

¹ Yii hu kɛa, Israɛlə nuą, ka ka wəli tɔɔ dɔ́nŋąą da yɛnɛ̨ɛ̨ yíi ɓo pələi gáá dɛɛi ka pɔ mą. Mɛ̨nįɠaa tii pɔ pələ ɓə ka pɛli lamui la yɛnɛ̨ɛ̨; ɛlɛɛ, nɔi tii Yai-Laa ka nąnni di wɔ Yálá kaa dɛɛ ka pɔ, ka ɉɔlɔɓo a ka wɔ.

Bible

¹ Mose è mò ǹûai dîa ǹyɛɛi, “Ka káwoli tɔ́ɔ dɔŋ-ŋai ŋí dîa ŋa pá ŋ̀á lɛ̂i kâai. Ka dímɛi káa a gɛɛ ká lɛɛ ɣele ma ká seri ǹɔii su Káɣâlai Yâwɛɛ a dɛɛ̂i kápɔi.

Dutɛrɔnome 4:1 ပူးပေါင်းရင်းမြစ်များ

Mąątɛ̨nɛ̨ 105:45

Əgɛ, di di yee kanąn lɔ nwɔ tɔ́n nwooɠaai diɛ, diɛ nwɔ tíɓoɠaai kɛ. 'Kánikookwəi!

Mąątɛ̨nɛ̨ 119:4

Yɛ́ kpinįi ɓə ə́ wɔ tɔn nwooɠaai lɛ, əgɛ, di di hon gbɔ a yɛlɛ.

Lɛɛ gbɔwɔ ɓa 18:20

Yɛ́ di kalan a Dɔ́n nwooɠaa da díɓoɠaa, yɛ́ di hiɛ pələ lɛ diɛ, da di túwɔ́ pələ.

Ɉeremi 11:6

Yai-Laa yɛ mą́ą́ nwɔ̨nɔ̨: Nwɛlɛɛ ŋɛ̨i ɓo a lolo Ɉuda daa leeɠaa hu da Ɉerusalɛmə daai, gwəliɠaa pɔ; yɛ diɛ: Ka ka wəli tɔɔ, mįnɛ̨i ŋɛ̨i hu wooɠaa diɛ, ɛlɛɛ, ka di pɔ mɛ̨nį kɛ.

Izikiɛ 11:20

Əgɛ, diɛ pɛli hiɛi a nwɔ́ tɔ́n nwooɠaai; diɛ di yee kanąn nwɔ́ lɔi hu yíi ɓo pələ ɓa, ɛlɛɛ, diɛ bɔ mɛ̨nį kɛ. Di kaa pai kɛi a ŋą́ nu huwu, ɲą́ą́n, ŋį́ ɓo a di wɔ Yálá.

Izikiɛ 20:11

Ŋą́ nwɔ́ tiɓoɠaai tɛɛ di pɔ, ŋą́ nwɔ́ tɔ́nŋaai lɛ diɛ, ə gɛ nuąi da di pɔ mɛ̨nį kɛ, di yɛnɛ̨ɛ̨ kpɛɛ hvo mą hɔlɔɓo.

Izikiɛ 20:21

Kɛlaa, di lonnii di kulɔ nwóó mu, di hvo nwɔ́ tiɓoɠaai hon, di hvo nwɔ́ tɔ́n nwooɠaai pɔ mɛ̨nį kɛ; di hvo lɛɛ di pulu, ya pa di halai ɓə nuą da yɛnɛ̨ɛ̨ kpɛɛ hvo mą hɔlɔɓo la, a di pɔ mɛ̨nį kɛi da mo. Di kɛi nwɔ́ hvįįtɔɔ yələɠaa həɠə mą, Gɛ́ nwɔ̨nɔ̨ diɛ, gáá pai nwɔ́ liiholi yɛɛi di mɛ̨i nɔi pun ɉu, və́ pai nwɔ́ liiholii kpɛlai bələi.

Izikiɛ 36:27

Gáá pai gbɔ́ kpɔɔ Kilii lɔi ka hu, gáá pai gɛi, kaa hiɛ a nwɔ́ tɔ́n nwooɠaai; kaa ka yee kɛ nwɔ́ lɔi hu yíi ɓo pələ ɓa, kaa túwɔ la tii.

Izikiɛ 37:24

Nwɔ́ tí mun Davidə ɓə pai kɛi tɔɔlaa kɛi di mɛ̨i; di kəlee di mɛ̨i kaa mun ə ɓo tanɔ̨n. Di kaa pai kɛi hiɛi a nwɔ́ lɔi hu yíi ɓo pələ, diɛ lɛɛ nwɔ́ tɔ́n nwooɠaa pulu, diɛ di pɔ mɛ̨nį kɛ.

Levetekɔ 18:5

«Ka nwɔ́ tɔ́n nwooɠaa da yɛnɛ̨ɛ̨ kɛ pələ hon bələ mąą yɛlɛ kɛ. Nui a di hon, a yɛnɛ̨ɛ̨ kpɛɛ hvo mą hɔlɔɓo. Ɲą́ą́ ɓə gáá a Yai-Laa.

Levetekɔ 19:19

«'Ka nwɔ́ tíɓoɠaai hon, hvó hvaa mą ə́ wɔ taatɛlɛɛɠaai di hvo a huwu tɔ̨nɔ̨, diɛ tɛ di kee ɓa. 'Hvó hihɛn ɉuwu hveelɛ hin ə́ pɔ yɛa, 'hvo həɠə too ə́ kwąną, ə ɓo a həɠə ɓɛla huwu hveelɛ a dee-tee.

Levetekɔ 19:37

«'Ka ka yee kanąn nwɔ́ tíɓoɠaai da dɔ́nŋąą kəlee diɛ, kaa bɔ túwɔ́ ɓo. Ɲą́ą́ ɓə gáá a Yai-Laa.»

Levetekɔ 20:8

«Ka ka yee kanąn nwɔ tɔ́nŋaai diɛ, ka bɔ túwɔ́ ɓo. Ɲą́ą́ ɓə gáá a Yai-Laa, yai a ka mąąhəɠə.

Levetekɔ 22:31

«Mąąnɛ̨ɛ̨ ka nwɔ́ tɔ́n nwooɠaa tii laa hɔmo, ka bɔ mɛ̨nį kɛ. Ɲą́ą́ ɓə gáá a Yai-Laa.

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Lukə 1:6

Zakari da nɛ̨ą Elisabɛtə di kɛ a nu haŋąaɠaa Yálá ɲɛ̨i ɓa, diɛ Yálá nwɔ liɛwooɠaa hon gbɔ kpaan.

Ɉaan 15:14

Yii ŋį́ ka tí la, ka gɛi, kɛ tii mɛ̨́laa ɓaa kaa.

Lomaŋ 10:5

Dələnmolaai a kulɔ tɔn ɉu, Moisə kpinįi ə bɛ̨ɛ̨, yɛ mą: Nui a pɔ mɛ̨nį kɛ, nwun mąą a ɓo.

Dutɛrɔnome 1:3

Israɛlə lonnii kulaa Eziptə lɔi hu, kwɛlan bow nąąn dɛɛ pulu, ɲąnin bow kɔ́w tɔ̨nɔ̨ nwɔ hvóló dɔlɔɔ yələ ɓə mɛ̨nįi Yai-Laa ə mo Moisə ɓa, yili ə naa həli la Israɛlə lonnii diɛ.

Dutɛrɔnome 1:8

Ka gɔlɔn kaa diɛ, ŋą́ą́ nɔi tii tɛɛ ka pɔ, ka lɔ ɉu; nɔi tii ɓə Yai-Laa ə gwɛla yɛ gaa dɛɛi ka nąnni pɔ, Abrahamə, Isaakə da Ɉakɔbə, da di huwu, ka li ka hee laa.»

Dutɛrɔnome 11:1

Ka Yai-Laa ka wɔ Yálái wɛli la kɛ, nwɔ tíɓoɠaa nwɔ yɛnɛ̨ɛ̨ mąą tɔ́nŋąą, da nwɔ yɛnɛ̨ɛ̨ hon bələɠaai gáá dɛɛi ka pɔi, ka di kɛ a yələ kəlee.

Dutɛrɔnome 11:32

Ka tɔɔ a ka nwąnąi, dɔ́nŋąą, da nɔi mąą tɔ́nŋąąi kpɔ gáá dɛɛi ka pɔ háákələi, ka di pɔ yii ɓo.

Dutɛrɔnome 13:1

Dɔnŋąąi gáá dɛɛi ka pɔ, ka tɔɔ a ka nwąnąi, ka gɛ, ka hvo da pɛlɛ mą, ka hvo da kulɔ mą.

Dutɛrɔnome 16:20

Ka hvilɛn tɛ̨ąą pulu, ka gɛ tii, ka lɛɛ yɛnɛ̨ɛ̨, ɛlɛɛ, nɔi ŋɛ̨i Yai-Laa ka wɔ Yálá ə dɛɛ ka pɔ, kaa nąą hɔlɔɓo.

Dutɛrɔnome 30:16

Mɛ̨nįi háákələi gáá ka tí a gɛ mɛ̨nį, ya ɓaa: Ka Yai-Laa ka wɔ Yálái wɛli la kɛ, ka hiɛ a gbaaləi ŋɛ̨i ə nɛ kaa, ka nwɔ tɔ́nŋąą hon, bɛlɛɛ nwɔ tíɓoɠaa diɛ. Ka yili kɛ tii, ka lɛɛ yɛnɛ̨ɛ̨, ka yíi hvólóɠaa hu ə kwɛa, ka ɓuwu ɓo; akɛ tii, nɔi ŋɛ̨i ka káá pai ɉɔlɔɓoi a ka wɔɔ, Yai-Laa ka wɔ Yálá a lúwɔ́ too kaa.

Dutɛrɔnome 30:19

«Gáá háákələi yələkɔlɔn da lɔi di kɛi a kɛla ka mąą mɛ̨nį hu. Gáá ɓalo da haa laai ka ɲɛ̨i; lúwɔ́ da nɛ̨ŋɛ̨n naa. Yɛnɛ̨ɛ̨ həɠə ɉu, ə gɛ, kaa-o, ka huwu hu nuą-o ka lamun yɛnɛ̨ɛ̨.

Dutɛrɔnome 30:20

Ka Yai-Laa ka wɔ Yálái wɛli la kɛ, ka ka wəli tɔɔ nwoo ɓa, ɛlɛɛ, ka kanąn mą. Mąąhɔlɔɓo, nɔi ka Yai-Laa ə gwɛla yɛ kɛ gaa dɛɛi ka kalaɓɔlɔni pɔ: Abrahamə, Isaakə da Ɉakɔbə; bələ ɓə ka yíi nɛ̨ɛ̨ hɔlɔɓo la nɔi tii hu.»

Dutɛrɔnome 4:40

Yai-Laa nwɔ tɔ́nŋąąi da nwɔ tíɓoɠaa ŋɛ̨i gáá dɛɛi ka pɔ háákələi, ka di kɛ, yili a ka nwun na nɛ̨ɛ̨, kaa mąn, ka lonnii mąn, ka haa pulu, diɛ pɛli lamui yɛnɛ̨ɛ̨ nɔi ŋɛ̨i mɛ̨i yai háákələi Yai-La ka wɔ Yálái ə dɛɛ ka pɔ, a yələ kəlee mɛ̨ni.

Dutɛrɔnome 4:45

Israɛlə lonnii kulaa Eziptə lɔi hu, dɔ́nŋąą, da díɓoɠaai Moisə ə di hukulɔ diɛ, yaa li.

Dutɛrɔnome 4:8

Lɔi lə kɛɛ ɓə laa, gɛnɛ̨, tɔ́nŋąą da yɛnɛ̨ɛ̨ hon bələ yɛ ɓo ɲəi, di haŋąą yɛ bələi dɔ́nŋąą ŋɛ̨i gáá dɛɛi ka pɔ di kaa la?

Dutɛrɔnome 5:1

Moisə ə Israɛlə lonnii kəlee təli, yɛ diɛ: «Israɛlə lonnii! Ka ka wəli tɔɔ dɔ́n nwooɠaa da nɔi hu yíi ɓo pələɠaa ɓa, yii gáá dɛɛi ka pɔ háákələi! 'Ka di mąąkwɛli, 'ka bɔ mɛ̨nį kɛ.

Dutɛrɔnome 5:33

Mąąnɛ̨ɛ̨ ka hiɛ yɛ bələi Yai-Laa ə nɛ la kaa, a yələ kəlee, kaa pɛli lɛɛi yɛnɛ̨ɛ̨, kaa ɓo la nwun na nɛ̨ɛ̨ hu, ɛlɛɛ, nɔi ka káá lii heei ɉui, ka yíi ə kwɛa ɉu.

Dutɛrɔnome 6:1

Díɓo da dɔ́n nwooɠaa, da yɛnɛ̨ɛ̨ hon bələɠaai Yai-Laa ka wɔ Yálái ə ka tí la, yɛ ka di mąąkwɛli, diɛ ka tii. Ka li ka di pɔ yíi ɓo, ɓɛi ka káá lii heei laa.

Dutɛrɔnome 6:24

Yai-Laa ə ku tí yɛ ku nwɔ tíɓoɠaai kəlee kɛ, yɛ ku Yai-Laa ku wɔ Yálái mąąwiɛ, kwa pɛli kɛi nwun nąnɛ̨ɛ̨ hu a yələ kəlee. Yɛ ku laa hon mo yɛnɛ̨ɛ̨, yɛ bələi gu kaa la háákələi.

Dutɛrɔnome 7:11

Yili ɓa tii, díɓoɠaa, da dɔ́nŋąą, da nɔi hu yíi ɓo pələɠaai gáá dɛɛi ka pɔ háákələi, ka ka yee kanąn diɛ, ka di pɔ mɛ̨nį kɛ.

Dutɛrɔnome 8:1

Díɓoɠaa kpɔ ŋą ka tí a gɛɛ háákələi, ka tɔɔ a ka nwąnąi ka ɉon, əgɛ, ka lɛɛ yɛnɛ̨ɛ̨, ka huwu ə ɓɛlɛ, ka tamą; nɔi Yai-Laa ə gwɛla, ə naakwɛlanmo ka nąnni diɛ, ka lɔ nɔi tii hu, ka hee laa.

Dutɛrɔnome 8:11

Ka gɛ a nɛlɛɛ, ka hvo lɛ̨ą Yai-Laa ka wɔ Yálái ɓa, ka hvo nwɔ tɔ́n da nwɔ lɔi hu yíi ɓo pələɠaa lɛɛ; diɛi gáá di tɛɛi ka pɔ háákələi.

Dutɛrɔnome 9:1

Israɛlə lonnii, ka ka wəli tɔɔ! Ka káá pai Ɉurdɛn yá teen ɉii háákələi. Nu huwuɠaa ŋɛ̨i di kpɛa kpɛaa di tɛɛ kaa, di hvaŋą kɛnɛ̨ dɛɛ kaa, ka káá lii di wɔ lɔi kulɔi di yəi da di wɔ taaɠaai, taa kpɛa kpɛaɠaa di mąątinɛnŋąą a hįį muhəɠɛɛ ləɠə ləɠə.

Zasua 3:9

Ɉosue yɛ Israɛlə lonnii diɛ: «'Ka lɛɠɛ ɓɛ, mɛ̨nįi Yai-Laa ka wɔ Yálái kaa moi, ka mɛ̨n.»