Dutɛrɔnome 33:16 - Yálá laawoo hɛɓɛ (dc)

¹⁶ Ɉɛnŋąą kpɔ nɔi laahvɛɛ, a nɛlɛ-lɛlɛɛ a ɉɔlɔɓo. Nui ŋɛ̨i gbɔwɔ lɛ gala nwun ma nwɔ̨n nən ɉu, ə ɲɛ̨i lɛlɛɛ hee yɛ́, ə pa ə hee Ɉosɛfə nwun na, yaai kɛ a niɛni nwun nąmui.

Yálá laawoo hɛɓɛ

¹⁶ Ɉɛnŋąą kpɔ nɔi laahvɛɛ, a nɛlɛ-lɛlɛɛ a ɉɔlɔɓo. Nui ŋɛ̨i gbɔwɔ lɛ gala nwun ma nwɔ̨n nən ɉu, ə ɲɛ̨i lɛlɛɛ hee yɛ́, ə pa ə hee Ɉosɛfə nwun na, yaai kɛ a niɛni nwun nąmui.

Bible

¹⁶ Tɔɔ dílɔii é sí-sãa lɛ́lɛɛ tɛ́ɛ kâpɔ. Tɔɔ Yâwɛɛ nyii gbîŋ lɛ̀ ŋ̀úrii su nyii ŋuŋ è kɛ̀ mai, ǹíi é láa nyíŋi mɛni ma. Tɔɔ ǹûwa-ŋai ŋí dí kɛ́ Zosɛ ŋɔnûai dîa. Zosɛ è kɛ̀ a ǹîa da ǹêɣe-ni láa-tuɛ nuu.

Dutɛrɔnome 33:16 ပူးပေါင်းရင်းမြစ်များ

Zɛnɛse 37:28

Ismaɛlə nu huwui a Madian yɔw kɛ nuą, di kɛɛ tɛɛ nąą, di Ɉosɛfə kulɔ nɔwai, di nɔwɔtɔɔ diɛ a wali kwələ pow hveelɛ, yiliɠaai di ɉəɠə di li la Eziptə.

Zɛnɛse 37:36

Madian nuąi tii Ɉosɛfə ya, di li la Eziptə, di nɔwɔtɔɔ Potifarə ɓa; yai kɛ a dɔɔ kwəli mąąkpɛ nuą di nwun nąmu.

Zɛnɛse 37:8

Niɛni diɛ mą: «Gaa ə́ kwəi ə́ kaa pai heei ku mɛ̨i, ə́ ku ɲąąwooɓo?» Nwɔ wɛli kpɛɛ mąąlaa ta ə pɛlɛ nwɔ̨nɔ̨ mą niɛni yəi, ɉįi tii ə gaa ə ɉukulɔ diɛ, mąą mɛ̨nį ɓa.

Zɛnɛse 43:32

Di Ɉosɛfə nwɔ kɔ̨nɔ̨n kulɔ mą di ɉee taɓali takpɛli ɓa, Eziptə nuąi tii di di təli, diɛ kpɛli di heɛ pələ takpɛli, mąąhɔlɔɓo, da Hebreuɠaa di hva pɛli kɛ kɔ̨nɔ̨n mį́i kɛɛnąą tɔ̨nɔ̨, di wɔ kalan bələi mąą mɛ̨nį ɓa.

Zɛnɛse 49:26

Núwɔ́i ə́ nąn ə doo yɛ́, nwun naŋįnŋąąi, tɔwɔ-tɔwɔ yeeɠaa di wɔ lúwɔ́ mɛ̨i, gɛnɛ̨i dɛɛ ɲeeɠaai wɔlɔ nwɛli kaa nuą diɛ mą. Ɉosɛfə, ə́ nąn nwɔ lúwɔ́ ə yɛɛ ə́ mɛ̨i, ə ə́ kɛ a laa mąą mun ə́ kaayɔwɔɠaa lɔwai.

Mąątɛ̨nɛ̨ 24:1

Davidə nwɔ Yálá mąątɛ̨nɛ̨ wələ. Yai-Laa nwɔɔ ɓaa, a lɔi da ɉu hɛn gɔwɠaa kəlee, nwɔɔ ɓaa, a yɛnɛ̨ɛ̨ da ɉu hee ɓo nuą!

Mąątɛ̨nɛ̨ 50:12

Ə mą kɛ kɛ pulu aa ɉón, vá mo yɛ́, mąąhɔlɔɓo lɔi da ɉu hɛnŋąą kəlee di kaa a nwɔ́ɔ́.

Mąątɛ̨nɛ̨ 89:11

Yɛ́ ɓə Rahavə powa kiin, yɛ́ ə́ yowoɠaa hutaɠa a ə́ yee kɔ́nwɔ̨n ɉuwala-walaa.

Lɛɛ gbɔwɔ ɓa 2:2

Nɛ̨ɛ̨nui ti, ə koo həɠə, ə naayɛɛ a hulɔnu. Ə gaa yɛ non ti lɛlɛɛi, ə noo ɲąnįn ɉaaɓa yee mu.

Ɉeremi 8:16

Hvo gaa, ku yowoɠaa di wɔ hooɠaa di tin gaa tɔɔi Dan, di wɔ hoo hilɛɠaa kɔ́wɔ mu tin yɛ nɔi kpɛlin. Di kaa pai nɔi da ɉu hɛnŋaa kəlee mįi diɛ daa da ɉu hee ɓo nuą mį́i.

Lonon mo 26:28

Manase da Ɛfraimə ɓə a Ɉosɛfə huwu.

Markə 12:26

Yili ɓa, haaɓɛlaa muhəɠə mɛ̨nį, ka hvo ta galan ni li Moisə nwɔ hɛɓɛ́i hu, ɓɛlɔwai nwɔ̨n nən ə kɛ la gala nwun ɉu? Bɛ̨ɛ̨ yɛ mą, Yálá ə kɛ Moisə ɓa: ‹Gáá a Abrahamə nwɔ Yálá Isaakə nwɔ Yálá da Ɉakɔbə nwɔ Yálá.›»

Lukə 2:14

«Mąąwiɛ kaa Yálá ɓa yələkɔlɔn mɛ̨i pələ; Nuąi Yálá aa di wɛli la kɛ lɔi mɛ̨i, liilaa aa tɛɛ di pɔ.»

Gɛlaɠaa 7:35

«Moisə tanɔ̨n ti di lənə mą, diɛ kɛ mą: ‹Gbɛɛ ɓə ə́ kɛ a ku nwun nąmu da ku kiti tee mun!› Yaa lɔ ɓə Yálá ə pənə ə dɔɔ, ə kɛ a di nwun nąmu da di nwun mąąɓomun, malaka ti gɔwɔ lɛ mą nwɔ̨n nən ɉu, nwɔ kpɔnmąą háálai.

Korɛntə dɔlɔɔ 10:26

Gba la ə tɔɔ, «lɔi da ɉu hɛnŋaa kəlee kaa a Yálá nwɔɔ.»

Korɛntə dɔlɔɔ 10:28

Kɛlaa, akɛ nu ta a kɛ káá; haláá kɔ̨nɔ̨n ga, 'ká hvo da mįi, nui tii ka kilaa pono mąą mɛ̨nį ɓa, da ká kwəi kili mąą mɛ̨nį ɓa.

Hebreu 7:26

Ɉaláá laa həli mun gɛnɛ̨ɛ̨i bɛliɛi gu mąą mɛ̨nį ɓa, yaa li, yai mąąhəɠɛɛ, hɔn və mą, mąąkwɛaa nɛ̨ŋɛ̨n ma, yɛ ɓo heeni yələkɔlɔn mɛ̨i pələ.