Dutɛrɔnome 33:12 - Yálá laawoo hɛɓɛ (dc)

¹² Yɛ Bɛnɉamɛn nwɛi ɓa: «Yai-Laa liiɓa lon! Ə́ hvii tɔɔ Yai-Laa hvaŋąn mu a ə́ wəli pulu laɠiɛ; yai, a ə́ mɛ̨i kaa a yələ kəlee. Ɛlɛɛ, ə́ huwu lɔwai ɓə Yai-Laa a vįitɔɔ laa.»

Yálá laawoo hɛɓɛ

¹² Yɛ Bɛnɉamɛn nwɛi ɓa: «Yai-Laa liiɓa lon! Ə́ hvii tɔɔ Yai-Laa hvaŋąn mu a ə́ wəli pulu laɠiɛ; yai, a ə́ mɛ̨i kaa a yələ kəlee. Ɛlɛɛ, ə́ huwu lɔwai ɓə Yai-Laa a vįitɔɔ laa.»

Bible

¹² È mò Bɛŋsima ŋɔsuui su-ƃelai dîa ǹyɛɛi, “Káa ƃa Yâwɛɛ ŋɔwɛli kɛ́ maa-ƃelai. A pâi ŋuŋ ma ƃô tɛɛ̂i kápɔ. A pâi ká-maa kɔ̃ɔ̂i a tãi kélee. A pâi kapûi gɔ̃ɔŋ su gɛ́ kámɛi kâa.”

Dutɛrɔnome 33:12 ပူးပေါင်းရင်းမြစ်များ

Samia Veerɛi 12:24

Yili pulu, Davidə ə nɛ̨ą Bɛtsabe líílaa, da yaa di lɔ pɛlɛ́n, ə koo həɠə, ə naa yɛɛ a hulɔnu, ə naa hee a Salomɔn. Nokoloi tii wɛli ə too Yai-Laa ɓa.

Samia Veerɛi 12:25

Yai-Laa ə Natan tɔɔ Davidə pɔ ə mo mą, yɛ mą: «Nokoloi laa hee a Yedidya, mukulaa ɓaa: ‹nwɛli kaa Yai-Laa ɓa›, bələ ɓə Yai-Laa laa ə mo la.»

Tɔɔɓɛlaa dɔlɔɔ 12:21

Roboamə ə li Ɉerusalɛmə, ə Ɉuda nwɔ pɛ́lɛ́i da Bɛnɉamɛn nwɛi təli, di kɛ a nu waa nwun dɔ̨nɔ̨, nu waa pow mɛ̨ihaaɓa, a kuláá kpɔ kpɔɔɠaa, diɛ pɛli lii kɔ́ pɛlɛi Israɛlə ɓa. Ɛlɛɛ, diɛ pɛli dɔɔlaa tɛɛi Salomɔn lon Roboamə pɔ.

Kɔlɔnikɔ Veerɛi 11:1

Yii lɔ Roboamə ə lɔ Ɉerusalɛmə daai, ə Ɉuda da Bɛnɉamɛn pɛlɛmun nuą kəlee ɲąąkpɔn; kɔ́kúlaa kpɔɔkpɔɠaa nu waa nwundɔ̨nɔ̨ waa pow mɛ̨ihaaɓa. Ə di həɠə diɛ li kɔ́ pɛlɛi Israɛlə nuą diɛ; əgɛ, di dɔɔlaa tɛɛ mɛ̨nį ɓa Roboamə pɔ.

Kɔlɔnikɔ Veerɛi 15:2

Azariahu ə kulɔ yɛ li Asa laakwiɛn, yɛ mą: «'Ka ká wəli tɔɔ mą́ą́, Asa, Ɉuda da Bɛnɉamɛn ka kəlee! Yai-Laa ə kɛ ka pɔ, 'ka lɛɛ bulu! 'Ka gwɛlii, a gbɔwɔ lɛɛ laa kaa gaa! Kɛlaa, ka həɠə bului, a kulɔ ka pulu.

Mąątɛ̨nɛ̨ 132:14

Gaa pai kɛi a vį́itɔɔi a yələ kəlee, nąą ɓə gáá pai heei laa, gáá nąą pɔ.

Mąątɛ̨nɛ̨ 60:5

Yáá naa ə́ wɔ nuąi diɛ, a ɲąąnwąnąą-e, yáá ku nwun ɉu tinɛ̨n nɔɔ tɔɔ ku la.

Mąątɛ̨nɛ̨ 91:4

Goon ɉu hvoloonŋąąi ə́ mɛ̨i, yɛ́ ə́ loo laa, vaŋąn mu ɓə yá ə́ mąąkilɛ laa. Nwɔ kulɔwooɓalaa kaa a kuláá-hə́ɠə́, da nu mąąkpɛ kwɛli hɛn.

Lɛɛ gbɔwɔ ɓa 28:12

Ə́ gwɛni ɓɛla hveelɛi tii kpulɔn gəŋə mɛ̨i həɠə yɛli ɓa, gwɛniɠaai tii da kɛ a Israɛlə lonnii pow kɔ́w hveelɛi kili too ŋą hɛn. Bələ ɓə di laa a kɛ la hɛlɛn ni Aarɔn ɓa Yai-Laa lííla, a ka nąą kili too ŋą hɛn.

Azaya 37:22

Mɛ̨nįi Yai-Laa kaa moi, yɛ hvilɛn Senakeribə ɓa ya ka: «Siɔn nɛ̨ɛ̨gbɛla aa tɛɠɛɓo ə́ hu, yɛ yɛlɛ yɛ́, Siɔn nɛ̨ɛ̨gbɛla, mąąɲąŋąą, Ɉerusalɛmə nɛ̨ɛ̨gbɛla, kaa gɔn gbɛlaan ɉi a yɛ́, ə́ pulu pələ.

Azaya 37:35

Gáá pai daa ŋɛ̨́i mąąkɔ̨nwɔ̨i, ŋį́ nwun mąąɓo, ɲą́ą́ mą́ą́ mɛ̨nį ɓa, kwa nwɔ tímun Davidə.»

Azaya 51:16

Ŋą́ nwóóɠaa pu ə́ la, ŋį́ ə́ mąąkɔ̨nwɔ̨ ɲéé nįnįn mu, gɛ́ yələkɔlɔn naa, gɛ́ lɔi hvilɛn, ɛlɛɛ, gɛ́ kɛ Siɔn ɓai: «Nwɔ́ nu huwu ɓaa yɛ́.»

Ɉeremi 12:7

Gáá gíli kulɔi nwɔ́ pɛlɛ́i hu, ŋį́ ɲéé kulɔ gwɛ́lin nɔi hu, ɉɛn kɛ a nííɓa hɛn, ŋą́ą́ ɲéé kulɔ ɉu, aa lɛɛ ɲówóɠaa yee kɔ́nma.

Lonon mo 34:21

Bɛnɉamɛn huwu hu, Kislɔn lon Elidadə.

Maafîu 23:37

«Ɉerusalɛmə taa! Oo Ɉerusalɛmə, yɛ́i yá Yálá kwəi mɛ̨nį hukulɔ nuą paa, yiiɠaai Yálá a di tɔɔ ə́ pɔ, yɛ́ di hɔɔ a kwɛni diɛ. Ŋą́ kɛ bɔ ŋį́ ə́ lonnii kəlee ŋąąkpɔn yɛ pələi tɛ́ɛ́ kɔ́nwɔ̨lee a nonnii kəlee ŋąąkpɔn na goon mu.

Dutɛrɔnome 12:10

Kɛlaa, ka káá pai Ɉurdɛn teen ɉii; ka li ka lɔ nɔi Yai-Laa ka wɔ Yálá aa dɛɛ ka pɔ a ka wɔɔ kaa hee ɉu. Gaa pai hvįįtɔɔ tɛɛ ka pɔ, ka yowoɠaa kpɔ tii ka hvanąi, yɛ di mąą kwɛa kaa. Ka káá pai kɛi laa a ka wəli pulu laɠiɛ.

Dutɛrɔnome 32:11

Gaa di mɛ̨i yɛ di hvaŋąlɔ, yɛ bələi Kuwɔ a kɛ goon ɉuhaŋą la nonnii mɛ̨i, Yɛ koon di nwun mɛ̨i. Yɛ di kpəŋə goon ɉu.

Dutɛrɔnome 33:11

Yai-Laa lúwɔ́ too di wɔ hvaŋąlɔlaa ɓa. Ə́ di kɛ kóló hu nɛ̨ɛ̨. Ə́ di kɔ́yɔwɔɠaa hɛ̨ą yali. Nuąi da wɛlikpɛɛmąąlaa kulɔ a diɛ, di hvo pɛli di muhəɠəi.»

Dutɛrɔnome 4:37

Ka nąnni wɛli kɛɛ mɔ̨ɔ̨ kɛ mą, ya ɓə gɛ, yɛ di huwu həɠə a nwɔ nuą. Ɛlɛɛ, di haa pulu, ə ka kulɔ Eziptə lɔ hu a nwɔ huwalawala kɛnɛ̨i.

Nwun mąąɓo 1:21

Yii ɓaa Ɉebusə nuą ŋɛ̨i kɛ heeni Ɉerusalɛmə daai, Bɛnɉamɛn nu huwu hvo di kpɛ. Ɉebusə nuą di lɛɛ heeni Ɉerusalɛmə daai, da Bɛnɉamɛn nu huwu, da diɛni di kaa háákələi laa.

Samuɛlə dɔlɔɔ 10:20

Samuɛlə ə nuą kəlee ŋąąkpɔn, di gbɛ̨ɛ̨ bili, Bɛnɉamɛn huwu ɓə gbɛ̨ɛ̨ ə nɛ.