Dutɛrɔnome 33:11 - Yálá laawoo hɛɓɛ (dc)

¹¹ Yai-Laa lúwɔ́ too di wɔ hvaŋąlɔlaa ɓa. Ə́ di kɛ kóló hu nɛ̨ɛ̨. Ə́ di kɔ́yɔwɔɠaa hɛ̨ą yali. Nuąi da wɛlikpɛɛmąąlaa kulɔ a diɛ, di hvo pɛli di muhəɠəi.»

Yálá laawoo hɛɓɛ

¹¹ Yai-Laa lúwɔ́ too di wɔ hvaŋąlɔlaa ɓa. Ə́ di kɛ kóló hu nɛ̨ɛ̨. Ə́ di kɔ́yɔwɔɠaa hɛ̨ą yali. Nuąi da wɛlikpɛɛmąąlaa kulɔ a diɛ, di hvo pɛli di muhəɠəi.»

Bible

¹¹ Yâwɛɛ, gɛ́ díƃûu ƃó. Ǹɛɛ naa díkɛ mɛni kélee é kɛ́ a ílii láa pere. Gɛ́ díkpɔara-ƃelai kélee dí tóo díkɔ́ɔ mu. Pɔri maa fé kɛ̀ da mì é mu siɣe pôlu ŋɔ́nɔ.”

Dutɛrɔnome 33:11 ပူးပေါင်းရင်းမြစ်များ

Samia Veerɛi 24:23

Nwɔ́ tɔɔmun, gáá yili kəlee tɛɛi nwɔ́ mɛ̨nį nąmu pɔ. Gɛ́ Yai-Laa ə́ wɔɔ Yálá, ə ɲɛ̨i lɛlɛɛ hee ə́ wɔ haláá hɛnŋaa diɛ.»

Mąątɛ̨nɛ̨ 20:3

Ə lɛɛ nwɔ pɛlɛ́ mąąhəɠɛɛi mu ə kpɔn ɲɛ́, ə lɛɛ Siɔn ə ɲee hee ə́ mu.

Azaya 29:21

Diɛ ɓaa nuąi da di ɓɛlaa kiti tee lɔ a di woo, nuąi da hɛlɛn dɛ di ɓɛlaa tɔwɔ kiti hu, nui hɔn və mą, diɛ doo kpinį hu.

Ɉeremi 15:10

Éékə́ néé! Lə mɔ̨nɔ̨ ɓə ŋɛ̨i ə́ naa mą́ą́i! Yɛ́ li gáái a lon? Ɲą́ą́ ŋɛ̨i ŋą́ą́ kɛ a nui nɔi kəlee a naa hea too, diɛ tɔɔ na; Və́ kwələ həɠə li, və́ kwələ tɔɔ li, Kɛlaa, ə mą kɛ tii, nu kəlee kaa nɛ́ŋɛn naai.

Ɉeremi 17:18

Nuąi di hvilɛn ŋąą bulú, di ɲɛ̨i ə paa a nwumɛ̨, hvo kɛ tii a ɲą́ą́, hee di hu, kɛlaa hvo kɛ tii a ɲą́ą́, kpalo ɓɛla diɛ, di hu yali gee hu pow lee pow.

Izikiɛ 43:27

Volóɠaai tii da tɛɛi, voló mɛ̨ihaaɓa yələ da voló yii tiiɠaai ɉaláá laa həli nuą da ka wɔ haláái laa həli la ɉaláái da gəlee kələn, ə pɛlɛ la ka wɔ liilaa halááɠaai diɛ, di gulɔ ɉaláá kulɔi, nąąlɔwai ŋą́ ɲɛ̨i lɛlɛɛ hee kɛa kaa. Mɛ̨nį kəlee ŋą Hééɓomun Yálá woo li.

Amɔsə 5:10

Ka kɛ kiti tee pɛlɛ mu, nuąi da kɛ mɛ̨nį haŋąą nąą kili tooi ka ɲą, kaa di wɛli kpɛɛ kaa. Nui a kɛla hvaa ɓo a tɛ̨ą, kaa mɛlɛkpɛɛ ka kwəi.

Lukə 10:16

Jesus ə mo nwɔ̨nɔ̨ nwɔ kalan nɛai diɛ, yɛ diɛ: «Akɛ nu ta a nwəli tɔɔ kaa, a kɛ tii, aa nwəli tɔɔ mą́ą́. Nui a lənə kaai, a kɛ tii, aa lənə mą́ą́. Yaan, nui a lənə mą́ą́, a kɛ tii, aa lənə nui dɛ́ɛ́ ma.»

Dutɛrɔnome 33:10

Diɛi tii ɓə da ə́ wɔ yɛnɛ̨ɛ̨ yíi ɓo pələ lɛ Ɉakɔbə ɓa, diɛ Israɛlə nuą kalan a ə́ wɔ tɔ́nŋąąi hon bələ; diɛ ɓə da lansan kələn ə́ lííla; diɛ ɓə da haláá kulɔ yɛ́, yii da gəlee kələn.

Dutɛrɔnome 33:12

Yɛ Bɛnɉamɛn nwɛi ɓa: «Yai-Laa liiɓa lon! Ə́ hvii tɔɔ Yai-Laa hvaŋąn mu a ə́ wəli pulu laɠiɛ; yai, a ə́ mɛ̨i kaa a yələ kəlee. Ɛlɛɛ, ə́ huwu lɔwai ɓə Yai-Laa a vįitɔɔ laa.»

Tɛsalonikə dɔlɔɔ 4:8

Yili ɓa, nui a ɲee kulɔ niɛwoo ŋɛ̨i mui, hvo ɲee kulɔ li nu ta mu, Yálá ɓə aa ɲee kulɔ mu, yai ŋą Kili-Mąąhəɠɛɛ tɛɛ ká pɔi.