Dutɛrɔnome 33:1 - Yálá laawoo hɛɓɛ (dc)

¹ Lúwɔ́ yii Yálá nwɔ nu Moisə ə doo Israɛlə lonnii diɛ hvo tɛɠa kɛ pai haai, ya ka:

Yálá laawoo hɛɓɛ

¹ Lúwɔ́ yii Yálá nwɔ nu Moisə ə doo Israɛlə lonnii diɛ hvo tɛɠa kɛ pai haai, ya ka:

Bible

¹ Ǹûwa-ŋai ká ŋí Ɣâla ŋɔtíi-kɛ-nuui Mose è dòo Eezuɛ-ŋai dîa é lɛ́ɛ pâi saâi.

Dutɛrɔnome 33:1 ပူးပေါင်းရင်းမြစ်များ

Zɛnɛse 27:4

Ə́ ɲili kpɔ yɛ bələi gáá la bɔ, ə́ paa la, ŋį́ mį́i, ŋą lúwɔ́ too yɛ́, gɛɛ və́ pa kɛ haai.»

Zɛnɛse 49:1

Ɉakɔbə ə nonnii kəlee təli, yɛ dɛ: 'Ka kəlee ka lɛɠɛ mą́ą́, mɛ̨nįi tinąą pai kɛi ŋą́ ɉu kulɔ kaa.

Zɛnɛse 49:28

Nuąi tii ɓə kɛ a Israɛlə nu huwu pow kɔ́w hveelɛi. Ɓɛlɔwai di nąn ə kɛi lúwɔ́ too la diɛ, nwooɠaai tii ɓə ə mo diɛ. Di nąn ə lúwɔ́ too diɛ a gulaa gee mu.

Tɔɔɓɛlaa dɔlɔɔ 13:1

Yálá nwɔ nu ta ə həɠə Ɉuda, ə pa Betɛlə, Yai-Laa ɓə dɔɔ, ɓɛlɔwai Ɉeroboamə ə kɛi ɉaláá hɛnŋąą kələn na ɉaláá kulɔi.

Tɔɔɓɛlaa dɔlɔɔ 13:6

Tɔɔmun yɛ Yálá nwɔ nui ɓa: «Yai-Laa ə́ wɔɔ Yálái liilaa mą, nɛ̨ɛ̨ yɛ́! Mą́ą́ nɛ̨ɛ̨mąą hvə mą, ə gɛ, ɲéé ə pɛli lɛɠɛi mą́ą́.» Yálá nwɔ nui ə Yai-Laa hvɛli, tɔɔmun ɲee ə pənə ə lɛɠɛ mą; ə kɛ lɔ yɛ bələi ə kɛ la a bɔlɔ.

Kɔlɔnikɔ Maa-ŋuŋ 23:14

Moisə ə kɛ a Yálá liiɓamun, nonnii da Levi huwu di tɔɔi ə kɛ tanɔ̨n.

Kɔlɔnikɔ Veerɛi 8:14

Salomɔn ə ɉaláá kulɔ nuą heekpəlin na kɛ, di wɔɔ kolóɠaa hu, yɛ bələi nąn Davidə ə mąą tɔ́n naa la: Levi lonnii, nu kəlee nwɔ kuu ə kɛ mą, diɛ Yálá mąąwiɛ, diɛ di mąą kolóɠaa kɛ ɉaláá kulɔ nuą yee mu. Bɛlɛ́ laaləi nuą, nu kəlee da dɔɔi bɛlɛ́ laaləi tɛitɛi kəlee ɓa. Hvó gaai, bələ ɓə Davidə Yálá nwɔ nu ə mo la.

Mąątɛ̨nɛ̨ 90:1

Yálá nwɔ nu Moisə nwɔ hvɛli woo. Nwɔ́ mɛ̨nį Nąmu Yálá, kwɛlan-nwoo kwɛlan, Yɛ́ lɔ ɓə a ku mąąkilɛi.

Ɉeremi 35:4

Yálá nwɔ nu Yigdaliahu lon Hanan lonnii yəi bɛlɛ́n, bɛlɛi tii galanɉonŋaa di wɔ pɛlɛ́i kwɛlɛ, bɛlɛ́ laaləi mun Salumə lon Maaseyahu lon nwɔ pɛlɛ́i nwun mɛ̨i pələ.

Ɉaan 14:27

«Ɲą́ą́ ɉaalai ɓə liilaa kaa la ka yəi, nwɔ́ liilaai tii ɓə gaa dɛɛi ka pɔ. Pələi yɛnɛ̨ɛ̨ a liilaa tɛɛ la nuą pɔ, bələ hvəə gáá dɛɛi la ka pɔ, ka lii hvo hɛlɛn, ka hvo ɲɔw.

Ɉaan 16:33

Gáá mɛ̨nįɠaa tii ɓoi kaa, kaa pɛli liilaa hɔlɔɓoi ɲə́i. Ka káá pai mɔ̨nɔ̨ mįi yɛnɛ̨ɛ̨, kɛlaa, ka ka lii kpələ, ɲéé aa tɛɛ yɛnɛ̨ɛ̨ ɓa.»

Timote dɔlɔɔ 6:11

Kɛlaa, ə́ wɛi, Yálá ŋą nu, 'pú, 'həɠə mɛ̨nįɠaa tii tɔwɔ. Mɛ̨nįɠaa ŋɛ̨i kwɛli, diɛ ɓaa: 'Tələnmolaa, mąąwiɛlaai a hvilɛn Yálá ɓa, laa na laa, wɛlikɛmąąlaa, kąnąnmąą laa, da liinɛ̨ɛ̨ gwəilaa.

Timote veelɛ 3:17

ə gɛ Yálá nwɔ nu, ə mɛ̨nį lɛlɛɛ huwu kəlee kɛi.

Zasua 14:6

Ɉuda nu huwu di pa di Ɉosue kaa Gilgalə, Yefune lon Kalɛbə, yii kulɔ Kenizi pɛ́lɛ́i mu, yɛ Ɉosue ɓa: «Mɛ̨nįi Yai-Laa ə mo Yálá nwɔ nu Moisə ɓa Kadɛsə-Barnea, yɛ hvilɛn na gwa yɛ́ guɔ, gbaɠala kaa yɛ́.

Piɛrə veelɛ 1:21

Mąąhɔlɔɓo, nu lɔpee ta nwɔ kiliŋąhiɛ hva pɛli hvo mɛ̨nį lɛɛ kwɛala hvo mo gbɔwɔ ɓa, kɛlaa, Kili-Mąąhəɠɛɛ ɓə kɛli nuą kilaa pono, diɛ mąą mɛ̨nį ɓo.

Nwun mąąɓo 13:6

Nɛ̨ɛ̨nui tii ə li ɲəi bɛlɛ́ laaləi, yɛ ɉilɛ ɓa: «Yálá nwɔ nu ta aa gbɔwɔ lɛ mą́ą́, ɲɛ̨ilai ə kɛ yɛ Yai-Laa nwɔ malaka, mąą ɲɔuɔ. Və́ kɛ li mą mįnɛ̨ ɓə ə́ həɠə laa, hvo nwɔ̨nɔ̨ naa ɓo mą́ą́.

Samuɛlə dɔlɔɔ 2:27

Yálá kwəi mɛ̨nį hukulɔ mun da ə pa, ə Eli kaa, yɛ mą: «Mɛ̨nįi Yai-Laa aa mo ya ka: ‹Ŋą́ gbɔ́ɔ́ lɛ ka nąnni diɛ, ɓɛlɔwai di kɛ la Eziptə tɔɔmun ɲee mu luwɔlaa hu,