Dutɛrɔnome 32:43 - Yálá laawoo hɛɓɛ (dc)

⁴³ Yɛnɛ̨ɛ̨ nąą kəlee ə ɲee lɔwa nwɔ nu huwui ɓa. Mąąhɔlɔɓo, gaa pai nwɔ tínuą nwąną kulɔi, gaa pai nwąną kulɔi gɔyɔwɔɠaa diɛ; Yɛ nwɔ lɔi da nwɔ nuą mąąhəɠə.

Yálá laawoo hɛɓɛ

⁴³ Yɛnɛ̨ɛ̨ nąą kəlee ə ɲee lɔwa nwɔ nu huwui ɓa. Mąąhɔlɔɓo, gaa pai nwɔ tínuą nwąną kulɔi, gaa pai nwąną kulɔi gɔyɔwɔɠaa diɛ; Yɛ nwɔ lɔi da nwɔ nuą mąąhəɠə.

Bible

⁴³ “Káai ǹɔii-ŋûŋ-ŋai sui ka lii-nɛ̃̂ɛ kula Yâwɛɛ ŋɔnûai maa mɛni mà. Diai da ŋɔnûai pâai, a dí pâa. A ŋɔkpɔara-ƃelai kula maa kɛ̂, é ŋɔnûai dísɔnyɔ̂ŋ su mɛni lɛ̀ɛ.”

Dutɛrɔnome 32:43 ပူးပေါင်းရင်းမြစ်များ

Zɛnɛse 12:3

Nui a lúwɔ́ too yɛ́, ŋą́ lúwɔ́ too mą, nui a ə́ nɛ̨ŋɛ̨n nąą, ŋą́ mąą nu nɛ̨ŋɛ̨n nąą. Hį́i kəlee kaa pai lúwɔ́ hɔlɔɓoi ə́ haalai.»

Tɔɔɓɛlaa dɔlɔɔ 8:43

Ee Yai-Laa! Lɛɛ yələkɔlɔn ɉu, ə́ ə́ wəli tɔɔ, ə́ mɛ̨nį kəlee kɛ, yɛ bələi nwɛ̨ąi tii kaa pai vɛli la yɛ́. Ə gɛ, yɛnɛ̨ɛ̨ nuą kəlee diɛ pɛli ə́ laa kɔ́lɔn ɉii, ɛlɛɛ, diɛ ɲɔw yɛ́, yɛ bələi ə́ wɔ nu huwu Israɛlə a ɲɔw la yɛ́. Ɛlɛɛ, di gili kɔ́lɔn diɛ kɛ da kɛi ə́ laa ɓoi bɛlɛ́i ŋɛ̨i mɛ̨i, yai ŋą́ dɔɔ.

Tɔɔɓɛlaa veelɛ 9:7

Yɛ́ ɓə pai ə́ nwun nąmu Akabə huwu pui, ə́ Yálá kwəi mɛ̨nį hukulɔ nuą ɲąmą nwąną kulɔ, da Yai-Laa nwɔ tínuą ɲąmą, yai Ɉezabɛlə ə bui.

Zôo 13:24

Yá ə́ ɲɛ̨i loo mą́ą́ lə mɛ̨nį ɓa? Ɛlɛɛ, yɛ́ gáá a ə́ yowo.

Mąątɛ̨nɛ̨ 22:27

Kpɔwɔ mąąyɛɛ nuą da kɔ̨nɔ̨n mįi, di pilɛ ɉu. Diɛi da Yai-Laa kwɛlii, da Yai-Laa laa mąątɛ̨nɛ̨. «Yíipoo, da yɛnɛ̨ɛ̨ ɲąąnɛ̨ɛ̨, 'di kɛ kaa!»

Mąątɛ̨nɛ̨ 58:10

Gɛɛ ka wɔ ləɠiɠaa di hvo nwɔ̨n nən daŋą, ka kɛ nii a ka nwunu, ka pɔlɔ, líiholi kɛnɛ̨ɛ̨ a ka hu kala!

Mąątɛ̨nɛ̨ 65:3

Yɛ́i yá ə́ wəli tɔɔ, ə́ hvɛli woo ɓa, nu kan gəlee da pa ə́ pɔ.

Mąątɛ̨nɛ̨ 79:10

Lə mɛ̨nį ɓa hį́i takpɛliɠaa da kɛ kɛi diɛ: «Di wɔ Yálái kaa mį?» Mąąnɛ̨ɛ̨ nuąi tii kili ə pu ɉu ku ɲɛ̨i ɓa, diɛ ə́ wɔ tínuąi tii di di paa, yili gwələ kaa pai kulɔi.

Mąątɛ̨nɛ̨ 79:9

'Kpɔnmąą tɛɛ ku pɔ, ku ɓalo Yálá, ə́ laa mąąwiaai mąą mɛ̨nį ɓa; 'ku nwun mąąɓo, ku wɔ nɛ̨ŋɛ̨nŋaai waa, ə́ laa mąąwiaai mąą mɛ̨nį ɓa.

Mąątɛ̨nɛ̨ 85:1

Nwələ ɲɛ̨itɔwɔmun, Kore lonnii di wɔ wələ woo.

Mąątɛ̨nɛ̨ 85:3

Yáá ə́ wɔ nu huwui nwɔ nɛ̨ŋɛ̨n kulɔ mą, yáá nwɔ túwɔ pələ ɲɔ̨n gəlee mɛ̨i kpulu.

Azaya 1:24

Yili ɓə gaa mą, Nąmu Yai-Laa Mɛ̨nį Kəlee ŋą Hééɓomun woo ka. Yai a Israɛlə nwɔ Yálá hɛn da hva tɔɔ na, ya ɓə mɛ̨nį ŋɛ̨i ɓoi, yɛ diɛ: Lə mąąwɛli mɛ̨nį ɓəi, ɲéé kaa pai tɛɛi gɔ́ yɔ́wɔ́ɠaa diɛ, ŋį́ nwɔ́ kwələ kulɔ ɲówoɠaa diɛ.

Azaya 1:25

Ɉerusalɛmə taa, gáá pai ɲéé pɛlɛi yɛ́, gáá pai ə́ mąą waai a nwɔ̨n, ŋį́ ə́ kpo waa yɛ́, ŋį́ ə́ waa a kpolo kɔ́w, ŋį́ ə́ nɔ̨nwɔ̨ waa yɛ́.

Azaya 11:10

Mąą yələi tii, Ɉɛse mąąpoo, a kɛ a dɛɛ yələi yɛ, Ɉilɛyili, yɛnɛ̨ɛ̨ nuą kəlee ɲɛ̨i ɓa, lɔi kəlee yɛ mąą gilɛ həɠə, ɓɛi a kɛ laa heeni, nąą laahvɛɛ a nwɔ mąąwiɛ.

Azaya 19:23

Mąą yələi tii, pələ kɛnɛ̨ a həɠə Eziptə yɛ li Asiri lɔi hu. Asiri nuą diɛ pa Eziptə lɔi hu, Eziptə nuą diɛ li Asiri lɔi hu. Eziptə nuą da Asiri nuą diɛ kwɛli hvilɛn Yai-Laa ɓa.

Azaya 19:25

Núwɔ́i Yai-Laa Mɛ̨nį Kəlee ŋą Hééɓomun kaa pai dooi nɔi ɓa, ya ka: «Lúwɔ́ ə kɛ nwɔ́ lɔi Eziptə ɓa da ɉu nuą, lúwɔ́ ə kɛ Asiri ɓa, yai ŋą́ bɛli a ɲéé, lúwɔ́ ə kɛ Israɛlə ɓa, yai a gwɛ́lin!»

Azaya 44:22

Ŋą́ą́ yɛ́ kulɔ nwoomulaa waa yɛ tulɔ kpinįn a waa yələi, ŋą́ą́ yɛ́ túwɔ́ pələ ɲɔ̨nŋąąi taɠa, yɛ bələi nąląąn a taɠa la: pɛ̨nɛ̨ ə́ pa bɔ́, mąąhɔlɔɓo, ŋą́ą́ ə́ nwun mąąɓo.

Azaya 60:6

Ɲɔ̨ɔ̨mɛ̨ɛ̨ kpulu kaa pai kɛi ə́ wɔ lɔi hu kpɔ kɛnɛ̨, diɛi a Madian da Eifa ɲɔ̨ɔ̨mɛ̨ɛ̨ɠaa, Saba nuą kəlee diɛ pa, diɛ pa a hɛni da lansan, diɛ Yai-Laa mąątɛ̨nɛ̨ wələɠaa too.

Azaya 66:10

'Ka kwəinɛ̨ɛ̨ kulɔ, kaai kpɔ Ɉerusalɛmə wɛli kaa kaa, ka diɛni 'ka pili yələi a kwəinɛ̨ɛ̨. 'Ka kɛ kwəinɛ̨ɛ̨ hu, ka diɛni, 'ka ɓələn a kwənɛ̨ɛ̨, kaai kpɔ kɛli wɔlɔ mąą mɛ̨nį ɓa.

Ɉeremi 13:14

Gáá di nwun nwoloi gee ɓa; lon ɉulɔnu da nąn ŋį́ di wɛi kɛ a gee. Ɲą́ą́ Yai-Laa nwóóli. Və́ pai nui lɔpee ta mąąwɛli kaai, nɛɛmąą hva kulɔ, mąą hvaalɛɛ mɛ̨nį hva kɛ ɉu. Ŋą́ di hu kala.›»

Ɉeremi 51:36

Yii gaa tii, Yai-Laa woo ka, yɛ mą: Ɲą́ą́ ɓə ə́ mąą mɛ̨nį ɲɛ̨i kulɔi, ə́ nwąną kulɔ mɛ̨nį yɛ lɛɛ nwúɔ̨, Gáá pai nwɔ yalee kpalai, da ɲa nwun gulɔi.

Woolaa 2:5

Yai-Laa aa túwɔ́ a kuɔ yɛ kwa kɛ a ɲowo, aa Israɛlə huwu pu, aa dɔɔkwəli kəlee wolo aa ɉįiɠaa pu, aa Ɉuda halakpɛla nwɔ mɔ̨nɔ̨i ta laa mɛ̨i.

Izikiɛ 16:63

Yá ə́ kiliŋąhiɛ kɛa ma yɛ́ nwumɛ̨ la, ɛlɛɛ nwumɛ̨ pələ, hvaa hvo kpɛli pai lɛɛi ə́ la, a ɲələi ŋą́ ə́ túwɔ pələ kəlee mąąhvaalɛɛ la; Yai-Laa woo li.»

Izikiɛ 25:14

Ɲą́ą́ gbínii ɓə nwą́ną kulɔi Edɔmə ɓa, a nwɔ́ lɔi Israɛlə yee. Di ka pai Edɔmə hon ɉii, yɛ bələi nwɔ liiholi da nwɔ lii ɲanwana kaa la bɔ; bələ ɓə da nwą́ną kɔ́lɔn na. Mɛ̨nį kəlee ŋą Hééɓomun Yálá woo li.

Lukə 19:27

Yii ɓaa nuą tii kɛ diɛ, di hvo nwɔ́ tɔɔlaa pɔi, ka pa a diɛ ɓɛ, ka di paa ɲɛ̨́i ɓa.›»

Lukə 2:32

Gaa a kɛɛ pono yii gaa pai ə́ lɛi yɛnɛ̨ɛ̨ hį́i kəlee ɓa, ə kɛ a Israɛlə mąą ɲįnɛ̨n.»

Lomaŋ 12:19

Nwɛ́likɛmąą nuą, ká hvo ka nwąną kulɔ kaa kpinįi. Kɛlaa, ka Yálá lɛɛ laa ə ka nwąną kulɔ. Mąąhɔlɔɓo, Yálá yɛ diɛ: «Ɲą́ą́ ɓə ŋą́ nuą nwąną kulɔ gɛ́ mɛ̨nį kwələ kulɔ.»

Dutɛrɔnome 32:35

Gáá pai nwą́ną kulɔi, yii di gɛ ŋį́ gwələ kulɔ, ɓɛlɔwai di kaa pai tɔɔi la, di nwun napili yələ aa həli. Mɛ̨nįi naai di tɔwɔ, ɉu hvo kwɛa li yɛ həli diɛ.»

M̀ɛni-lɛɛi 15:2

Ɛlɛɛ, ŋį́ gboloyá ta kaa ə ɓo yɛ pɛ̨nɛ̨n, ɉumoɔ a nwɔ̨n. Nuąi tii di yee ə tɛɛ ɉuwɔi tii ɓa, da mąąnįnįn, da naa nwɔ kwɛdɛn ɉɛɓɛ́ kɔw di mɛ̨i, di ɓo tɔɔni bɛ̨nɛ̨n galan gboloyái tii mɛ̨i, Yálá ŋą gwɛnįnŋaai ə ɓo di yee ɲą.

M̀ɛni-lɛɛi 15:4

Ną́mu, gbɛɛ ɓə hva pɛli ɲɔwi yɛ́, ɛlɛɛ, hvo mąąwiɛlaa tɛɛ ə́ laa pɔ? Mąąhɔlɔɓo, yɛ́ kɔw tanɔ̨n gbən mə ə́ mąąhəɠɛɛ. Hįi lɔi kəlee kaa pai pai, ɛlɛɛ, di gwɛli hvilɛn yɛ́, mąąhɔlɔɓo, ə́ wɔ kitiɠaai daa too pono ɲą.»

M̀ɛni-lɛɛi 18:2

Ə tomą kpɔ a nwoo kɛnɛ̨, yɛ kɛ mą: «Aa too, aa too, Babilonə kɛnɛ̨i aa too; aa lɛɛ kɛa a ɲįnɛ̨nŋaa heei, aa lɛɛ a ɲinɛ̨n ɉuwui lɔpee gəlee heei, a nwɛ̨nį kɔ́hɔɓoɔɠaa, diɛi di wɛlikpɛɛ nu kanŋaa diɛ, di heei.

M̀ɛni-lɛɛi 18:20

Yələkɔlɔn, 'kwəinɛ̨ɛ̨ kulɔ ɉukala mɛ̨nį hu! Ɛlɛɛ, káá kpɛlimąn a, nu mąąhəɠɛɛɠaa, a gɛlaɠaa, ɛlɛɛ, a Yálá kwəi mɛ̨nį hukulɔ nuą, mąąhɔlɔɓo, giti teei Yálá ə mo, aa ká mąą mɛ̨nį hu haŋąn.

M̀ɛni-lɛɛi 19:2

Mąąhɔlɔɓo, ŋą kitiɠaai laahvɛɛi a tɛ̨ą, ɛlɛɛ, da tələnmolaa. Aa nwɛlikɛ nɛ̨ɛ̨nu kɛnɛ̨i kiti tee, yai kɛli lɔi kəlee kɔhɔɓo a ŋą wɛlikɛɛ, ɛlɛɛ, aa ŋą tínuą ɲąmą kwələ kulɔ mą.»

M̀ɛni-lɛɛi 6:10

Di kɛli tomą a di woo kɛnɛ̨, diɛ kɛ mą: «Ku Nąmu mąąhəɠɛɛ, yɛ́i a Tɛ̨ą, mįnɛ̨ lɔwai ɓə, ə́ kaa pai giti teei la, ɛlɛɛ, ə́ ku ɲąmą kwələ kulɔ lɔi mɛ̨i heeɓo nuą diɛ?»