Dutɛrɔnome 32:4 - Yálá laawoo hɛɓɛ (dc)

⁴ Yaa ɓə gaa a gu mąą kɔ́nwɔ̨ kwɛni kpuwulu. Mąą kulɔ hvo gɛ mɛ̨nį ta ɓa, nwɔ pələɠaa kəlee haŋąąi. Gaa a Yálái a kulɔ nwoo ɓa. Hvulu mɛ̨nį hvo ɲee pɔ. Dələnmoɔ, ɉaŋąą.

Yálá laawoo hɛɓɛ

⁴ Yaa ɓə gaa a gu mąą kɔ́nwɔ̨ kwɛni kpuwulu. Mąą kulɔ hvo gɛ mɛ̨nį ta ɓa, nwɔ pələɠaa kəlee haŋąąi. Gaa a Yálái a kulɔ nwoo ɓa. Hvulu mɛ̨nį hvo ɲee pɔ. Dələnmoɔ, ɉaŋąą.

Bible

⁴ “Gáa a kɔni, gɛ́ tîi maa waa, dûa-pere kélee sãa. Gáa a kili kɛ-zu Ɣala, va pɔara maa kɛ̀. Zɔŋ lɛ̂lɛɛi, gɛ́ ƃò a tɔ̃yâ Ɣala.

Dutɛrɔnome 32:4 ပူးပေါင်းရင်းမြစ်များ

Zɛnɛse 1:31

Ɉɛnŋąą kpɔ tii Yálá ə bɛli, ə hee, ə gəlee kaa, gəlee lɛlɛɛ kpɔ ɲɛ̨i ɓa. Yələwulii ə kɛ, yələwala ə kɛ, yili ɓə kɛ a voló mɛ̨ida.

Zɛnɛse 18:25

Gílí kaa ɉu gɛ́ diɛ́, hvá pɛli mą. Hvá hvaa mą, nuąi hɔn və diɛ, da hɔn mąą nuą, hvə́ di nwun na pili a gee. Nui ŋɛ̨i a yɛnɛ̨ɛ̨ mɛ̨nįɠaa kəlee kitii tee, hva hvaa mą, hvo tələnmomun nwun na pili.»

Samia Veerɛi 22:47

Mąąwiɛ ə kɛ Yai-Laa ɓa, Hɛɠɛɛ ɓo ə kɛ mą, yaai gaa a dɔ́ɔ́ pulu kwɛni, nwɔ́ɔ́ yee tɛɛ mąą kwɛni la ə tɛ.

Samia Veerɛi 23:3

Israɛlə nwɔ Yálá ɓə mo, Israɛlə nwɔ kwɛnii ɓə mo mą́ą́, yɛ mą́ą́: «Nui a tɔɔlaa kɛ nuą nwun mɛ̨i a tələnmolaa, yɛ ŋaawooɓo kɛ a Yálá nwɔ ɲɛ̨i ɲɔw maa laa, gɛ pələ kaa yɛ yələwala pɔ kɛɛ pɔ̨nɔ̨, ɓɛlɔwai hvóló a muhəɠə la,

Kɔlɔnikɔ Veerɛi 19:7

Yili ɓa tii, ka ɲɔw kani Yai-Laa ɓa! 'Ka mɛ̨nįi tii lɛɛ ka kwəi, 'ka gɛ! Hvo gaai, hvulu, ɲɛ̨ikɔlɔn, nɔgwəi, hvo Yai-Laa gu wɔɔ Yálái nwɛi hu.»

Nehemi 9:8

Ə́ gaa yɛ́ Abrahamə lii kanąn ŋąąi yɛ́, ka yaa ka mįnɛ̨ həɠə, ə́ Kanaan nuą, Hɛtə nuą, Amɔrə nuą, Perizi nuą, Ɉebusə nuą, da Girgasə nuą, tɛɛ bɔ yaa tii bɔ, ə mą kɛ ɉuwu hu nuą. Ə́ kulɔ ə́ woo ɓa, mąąhɔlɔɓo, ə́ tələnmoɔi.

Zôo 34:10

Mɛ̨nį kɔ́lɔn nuą, ka ka wəli tɔɔ kɛa nwóó ɓa, mɛ̨nį ɲɔ̨n mąą kwɛai Yálá ɓa, hulu mɛ̨nį hva lɛɠɛ Huwalawala Kəlee Nąmu kwɛlɛ.

Zôo 35:14

Kɛlaa, yá ə́ liikpələ, yɛ́ kɛ diɛ hva gaa, yɛ́ diɛ; yáá ə́ mąą mɛ̨nį kəlee hukulɔ mą, ə́ kaa kɛa nąą mąąkpɔn ɉii.

Zôo 36:23

Nu ta a pɛli mɔ̨ɔ̨ dúwɔ́ pələ hu kpɛi? Nu ta a pɛli kɛi mą: «Yáá túwɔ́ pələ ɲɔ̨n gulɔ?»

Zôo 8:3

Yálá a pɛli mą tɛ̨ą kpəlaan ɉii? Huwalawala Kəlee Nąmu a pɛli mɔ̨ɔ̨ tələnmolaa kpəlaan ɉii?

Mąątɛ̨nɛ̨ 100:5

Mąąhɔlɔɓo, Yai-Laa nwɔ mɛ̨nį lɛlɛɛ ɓə, nwɔ wɛlikɛmąąlaa ɲɛ̨n deei hvo mą, Gaa a tɛ̨ą, a kwɛlan gəlee da nwɔɔ!

Mąątɛ̨nɛ̨ 138:8

Yai-Laa kaa pai mą́ą́ mɛ̨nį kəlee kɛi, Yai-Laa! Ə́ wɔ ɲɛ̨imąąwɛli kaa ɲɛ̨n deei hvo mą! Hvó ə́ kili kulɔ ə́ kɛ kóloɠaa hu.

Mąątɛ̨nɛ̨ 145:17

Yai-Laa haŋąąi gɛ mɛ̨nį kəlee hu, a kulɔ nwoo ɓa gɛ mɛ̨nį kəlee hu.

Mąątɛ̨nɛ̨ 146:6

Ya ɓə Yələ kɔ́lɔn da lɔi di pɛli, gboloyá, da di hu hɛnŋąą kəlee, ə ɓo lɔ yələ kəlee, a tɛ̨ą mąąkɔ̨nwɔ̨ mun.

Mąątɛ̨nɛ̨ 18:2

Yɛ diɛ: Ə́ wɛli kaa mą́ą́ Yai-Laa, yɛ́i a nwɔ́ huwalawala.

Mąątɛ̨nɛ̨ 18:46

Nwɛ̨ą da həɠəən diɛ pu kpulu, di mąą yɛ kpɛlin, diɛ kulɔ di loo pələi.

Mąątɛ̨nɛ̨ 19:7

A muhəɠə yələkɔlɔn bələ tɔ̨nɔ̨, ə nwɔ gilɛ həɠə yələ kwəi nąą kəlee, ə naa kulɔ bələ tɔ̨nɔ̨; hɛn da hva pɛli kulɔ wəleen ɲəi.

Mąątɛ̨nɛ̨ 31:5

Maaləi da dɛ dɔ́wɔ, yá gulɔ ɉu, mąąhɔlɔɓo, yɛ́ a mą́ą́kilɛi.

Mąątɛ̨nɛ̨ 33:4

Mąąhɔlɔɓo, Yai-Laa hvaa woo haŋąąi, gɛ mɛ̨nįɠaa kəlee kaa a tɛ̨ą.

Mąątɛ̨nɛ̨ 78:35

Diɛ di kiliŋąhiɛ diɛ vilɛn mą, diɛ gɔlɔn diɛ kɛ Yálá kaa a di mąąkɔ̨nwɔ̨ kwɛni; diɛ kɛ yələkɔlɔn ɉu Yálá ɓə a di mąąkpɛ.

Mąątɛ̨nɛ̨ 9:16

Hį́i takpɛliɠaa di wɔ lɔwai di dee, diɛ kpinįi, daa too ɉu, maaləi di dɛ, di kɔ́wɔ ɓə kɔ́ la.

Mąątɛ̨nɛ̨ 90:16

'Ə́ kɛ kolóɠaa too pono ŋą ə́ wɔ tínuąi ɲɛ̨i ɓa, ɛlɛɛ, ə́ wɔ mąąwiɛ ə hvələ di lonnii mɛ̨i!

Mąątɛ̨nɛ̨ 92:15

Ə mą kɛ bɔlɔ kɔ́lɔi ɓə, gwəi nwun ŋąąi lɔ. Ə ɓo lɔ yɛ nu nwųnų, ɉu wala walaa,

Mąątɛ̨nɛ̨ 97:2

Mąątinɛ̨ŋąąi a kpinį da tulɔ kpinįn, tələnmolaa da tɛ̨ą ɓə a nwɔ tɔɔ kpəlin kɔ́wɔ hvilɛn ɉɛn.

Mąątɛ̨nɛ̨ 98:3

Bələi a Israɛlə nwɔ pɛlɛ́i hon na, a wɛlikɛmąąlaa, da lɛɛ nwoo pululaa, aa gili too ɲą, ə mą kɛ kwɛala lɔiɠaa daa gu wɔ Yálái nwɔ ɓalo mɛ̨nį kaa.

Mąątɛ̨nɛ̨ 99:4

Tɔɔmun a tələnmolaa wɛlilakɛ, yili ɓə vaŋą kaa ɉu. Yɛ́ ɓə tələnmolaa, da kiti haŋąą di pɛli Ɉakɔbə nwɔ lɔi hu!

Lɛɛ gbɔwɔ ɓa 34:6

Yai-Laa ə tɛɛ Moisə lííla, yɛ mą: «Náá ɓaa a: Yai-Laa, ɲą́ą́ ɓə a Yai-Laa. Gáá a Yálá líi nɛ̨ɛ̨ gwəi, ɲɛ̨imąąwɛli kaa Yálá, yai níí hva holi ɉa, yɛ kulɔ nwoo ɓa, a tɛ̨ą ɓo Yálá.

Ikilisiati 3:14

Ŋą́ą́ gɔlɔn gɛ́ diɛ: Yálá kɛ mɛ̨nįɠaa da lamun yɛnɛ̨ɛ̨ wɔ-da-wɔ. Nu hva pɛli da pɛlɛi mą, a wala kɛ tii, da kulɔi mą. Ɛlɛɛ, Yálá ə yili kɛ tii, əgɛ, di nwɔ Heeɓolaa kɔ́lɔn.

Azaya 17:10

Mąąhɔlɔɓo, yaa lɛ̨ą ə́ ɓalo Yálá ɓa, ə́ mąąkilɛ kwɛni kili hvo lɛɛli ə́ ɲą, ə́ lííɓa wuluɠaa ɓə ə́ kaa ɉin ɉii, yɛ́ nwɛ̨ą wuluɠaa hin.

Azaya 25:1

Yai-Laa! Yɛ́ ɓə a nwɔ́ Yálá, gáá Ə́ laa mąąwiɛi, gɛ́ Ə́ laa too a wələ, mąąhɔlɔɓo, mɛ̨nįɠaai kpɔ wɔlɔ, Ə́ gili tee Ə́ kwəi, Yáá gəlee pɔ mɛ̨nį kɛ, dai lɔpee mąą hvo hvalin ni.

Azaya 26:4

'Ka ka kilitɔɔ Yai-laa ɓa a yələ kəlee da nwɔɔ, Yai-Laa ɓə gaa a gu mąąkɔ̨nwɔ̨ kwɛni a yələ kəlee.

Azaya 28:16

Kɛlaa, mɛ̨nįi Nąmu Yálá kaa moi, ya ka: Gáá pai pɛlɛ́ kɔ́wɔ hvilɛn gwɛni laai Siɔn, a kwɛni mąą mɛ̨nį nwąnąą, yai daa mąąkpɛɛ, a bɛlɛ́ nwun ɉon gwɛni; nui a gilitɔɔ mą, gwəi hva pili mą.

Azaya 30:18

Kɛlaa, Yai-Laa kaa nąą mąą kpɔn ɉii, yɛ kɛa pa ka ɲɛ̨imąąwɛli kaai, gaa pai muhəɠəi, yɛ nwɔ wɛlikɛmąąlaa lɛ kaa, mąąhɔlɔɓo, Yai-Laa kaa a Yálá təlinmoɔ: Nwun na nɛ̨ɛ̨ nuą ɓaa nuąi da di kilitɔɔ mą.

Azaya 32:2

Di tɛi tɛi kaa pai kɛi a nu mąąkilɛi, hvaŋą tɔwɔ; di ɓo a tulɔ teen ɉii. Di kaa pai kɛi yɛ tɛɛyáɠaa gbáli kələn ɉu; yɛ kwɛni kɛnɛ̨ɛ̨ nįnį́n lɔi hukpalaa hu.

Ɉeremi 10:10

Kɛlaa, Yai-Laa nwɛi, yaa ɓə a Yálá; yii gaa a vulú, yɛ ɓo a tɔɔmun a yələ kəlee. A níiholi, lɔi a kpɛlin, yɛnɛ̨ɛ̨ lɔi ta hva pɛli tɔɔi nwɔ liiholi tɔwɔ.

Ɉeremi 9:24

Yai-Laa yɛ diɛ: Yələ ta, gáá pai kpɔ lii kɔ́lɔ ɓa kɛ́nɛ̨ laa hu!

Danîa 4:34

Yii hu kɛa, ɲą́ą́ Nabukodonosorə, Yálái ŋɛ̨i gaa a yələkɔlɔn ɉu tɔɔmun, gáá mąąwiɛi, gɛ́ naa mąątɛ̨nɛ̨, gɛ kɛnɛ̨ laa tɛɛ bɔ. Yálái tii kɛ mɛ̨nįɠaa kəlee kaa a tɛ̨ą, nwɔ kpaaləɠaa kəlee haŋąąi. Nuąi da hiɛ a hu ɲąŋą kɛnɛ̨ pələ, a di mąąyɛɛ.

Habakukə 1:12

Yai-Laa ə həɠə kpɔ yɛnɛ̨ɛ̨ pɛli yələ ɓa, ə həli la yiihu ɓa, kɛlaa yɛ́ lɔ ɓə a nwɔ́ Yálá? Nwɔ Yálá mąąhəɠɛɛ, yili ɓa ku hvo pai haai! Yai-Laa, yɛ́ ɓə a ku mą́ą́kpɛ kwɛni. Yɛ́ ɓə nuą tii həɠə ɉu, ə́ di kɛ a ku hutɔɔ hvaɠa, di ə́ nwąną kulɔ kuɔ.

Habakukə 1:13

Kɛlaa, ə́ wɔ Yálá ɲɛ̨ikɔw hva pɛli mɛ̨nį ɲɔ̨n gɛi kaai, hvá pɛli hvaai mą, hvo kɛ a mɛ̨nį ɲɔ̨n gɛi kaa mun. Akɛtii, lə mɛ̨nį ɓa, ə́ ɲɛ̨i kaa nu ɲɔ̨nŋąą ŋɛ̨i diɛ, hvó da ɓoi? Lə mɛ̨nį ɓa, ə́ ə́ laa pilɛ, nuąi di haŋąą, diɛ mɔ̨nɔ̨ mįi nwąnąlɔ nuą yəi?

Sofoni 3:5

Bələi mąn gaa la tii, Yai-Laa kaa daa kwəi, dəlimoɔ, yələwala kəlee, a nwɔ kiti wooi ɓo, yələɓɔi lɔwai, hva ɉəɠə mą. Kɛlaa, nui hvo Yálá kɔ́lɔn, nwumɛ̨ hvo mą.

Maafîu 5:48

Ka wɔ túwɔ́ pələ lɛlɛ ə pɛli ɉu, yɛ pələi ka Ną́n Yálá yai gaa yələkɔlɔn ɉu, nwɛi kaa la.»

Ɉaan 1:14

Nwoo tii, ə nu kɔ́lɔ həɠə, kwa diɛni ku yɛnɛ̨ɛ̨ kɛ gee pɔ, naa hvɛɛ a mɛ̨inɛ̨ɛ̨ da tɛ̨ą, ku nwɔ mąąwiɛ kaa yɛ bələi Lon gɔw tɔ̨nɔ̨ gbən a mąąwiɛ hɔlɔɓo la Nąn ɲəi.

Ɉaan 1:17

Gu Yálá nwɔ tɔ́n ɉɔlɔɓo Moisə háálai. Kɛlɛɛ, gu mɛ̨inɛ̨ɛ̨ da teŋą hɔlɔɓo Jesus Kristə háálai.

Ɉaan 14:6

Jesus yɛ mą: «Ɲą́ą́ ɓə gáá a bələ gɛ́ ɓo a tɛ̨ą, gɛ́ ɓo a yɛnɛ̨ɛ̨ kpɛɛ hvo mą. Nu ta hva pɛli lii Ną́n Yálá pɔɔli akɛ hvo tɛɛ li ɲą́ą́ bɔ pələ.

Ɉaan 5:22

Gbala ə tɔɔ, Ną́n va nu ta kiti tee, Ə gití təɛ kəlee mąąlaa tɛɛ Non bɔ.

Lomaŋ 1:32

Di Yálá nwɔ kitii kɔ́lɔn, di gɔlɔn diɛ: Nui a túwɔ́ ti, vɛla ɓaa a haa. Diɛ kpinįilee da mɛ̨nį ɲɔ̨n ti kɛ, yili pulu, nuąi da kɛi mɛ̨nį ɲɔ̨n ti ɲɔ̨nwɔ̨mąn gɛ, diɛ di mąątɛ̨nɛ̨.

Lomaŋ 2:2

Gu gɔlɔn guɔ diɛ: Nuąi di túwɔ́ pələ kaa ti, Yálá a di kiti tee a tɛ̨ą.

Lomaŋ 2:5

Kɛlaa, ə́ wɔ kili walawala pələ, da ə́ wɔ lii ɲɔ̨n bələ ə́ gwəi, hvó bɔ hvo ə́ wɔ túwɔ́ pələ ɲɔ̨nŋąa mąąhvalin. Yili ɓa, Ɲələi Yálá kaa pai nwɔ kiti haŋąai teei la, akɛ tii, ə́ kaa Yálá nwɔ liiholui ɲąątɔɔi ə́ kpɔwɔ ɓa;

Lomaŋ 3:5

Akɛ gwa wala tələnmolaa kɛ, yili ɓə Yálá a nwɔ tələnmolaa lɛ lai, gwa pɛli kɛi lə yili hu? Yálá aa kɛli gu hutoo a lííholi, nu nwɔ kiliŋąhiɛ hu, gwa kɛ mą: hvo haŋąn ni.

Korɛntə dɔlɔɔ 10:4

ɛlɛɛ, di kəlee di di kpələ a Yálá-taa yá, Yálá-taa kwɛnii kɛ di pulu, Kristə li kɛ, yai di kpələyá ə kɛi kulɔ ɉu.

Dutɛrɔnome 10:18

A təli lon da kalanen di wɔ tɛ̨ąą kulɔ pɔ̨nɔ̨ ŋą, a nwɛ̨ą wɛlila kɛ, yɛ kɔ̨nɔ̨n dɛɛ bɔ da həɠə.

Dutɛrɔnome 32:15

Bələ ɓə Yesurun ə kɔ̨nɔ̨n mįi la ə pilɛ ɉu, goo ə hee, ə kulɔ nwoo mu laa kɛ, ə kɛnɛ̨ tɛɓɛlɛ-tɛɓɛlɛ, goo ə hee. Ə gili kulɔ bɛli Yálá hu, ə nɛɛ laa. Ə mąąkɔ̨nwɔ̨ kwɛni ɓɛlɛkpɛɛ ma, yaai gaa a nwun mąąɓomun.

Dutɛrɔnome 32:18

«Ee, Israɛlə! Gwɛnii ŋɛ̨i ə́ mɛ̨i kaai yáá lɛ̨ą mą. A yaai ə́ kɛ yɛnɛ̨ɛ̨! Yálái ŋɛ̨i yɛnɛ̨ɛ̨ tɛɛ ə́ pɔ yáá mąą mɛ̨nį viikpɛɛ kulɔ!»

Dutɛrɔnome 7:9

Mąąnɛ̨ɛ̨ ka kili ə pu ɉu kaa diɛ, Yai-Laa ka wɔ Yálái ɓə gaa a Yálá kpɔ-kpɔɔ. A Yálái a kulɔ nwoo ɓa. Nuąi da nwɛlilakɛ, diɛ nwɔ tíɓoɠaa kɛ, a lɛɛ nwɔ mįnɛ̨i pulu di mąą mɛ̨nį ɓa; yɛ di wɛli la kɛ kwɛlan nwaa tamąą yee mu.

Zĩi 1:17

Mɛ̨inɛ̨ɛ̨ kəlee, da nukpɔɔlaa hɛn nɛlɛɛɠaa kəlee, da həɠə yələi pələ, kɛɛpono Nąn bɔ, yai, gɛ pələ mąą hva hvalin, nįnįn nɔpee hvo nąą ta.

Zĩi 4:12

Yá pa, nu tanɔ̨i lɔ ɓə dɔn dɔɔ, yaa lɔ ɓə a kiti teemun: Yaa lɔ ɓə a nu nwun na pilii, yɛ ɓalo. Gbɛɛ ɓaa a yɛ́, yai yá ə́ ɓɛlan gaalon giti tee?

Piɛrə dɔlɔɔ 2:6

Mąąhɔlɔɓo, bɛ̨ɛ̨i ɉɛɓɛ́ hu, diɛ kɛ: «Gáá pai pɛlɛ́ kɔ́wɔ hvilɛn gwɛni laai Siɔn, a kwɛnii daa ɉəɠə ɉu, mąą mɛ̨nį nwąnąą, ɛlɛɛ, nui a gilitɔɔmą, gwəi hva pili mą.»

Samuɛlə dɔlɔɔ 2:2

Gbɛɛ ɓə nwɔ mąąhəɠə laa kaa yɛ Yai-Laa? Da hvo laa, ə kulɔ Yɛ́ tanɔ̨n gbən ə́ pulu. Nu mąąkɔ̨nwɔ̨ kwɛni ta hvo laa, nwalawala yɛ həli ku wɔ Yálái pɔ.