Dutɛrɔnome 32:39 - Yálá laawoo hɛɓɛ (dc)

³⁹ Ka ka ɲɛ̨i hee kani, yiihu, ɲą́ą́ lɔ ɓə, ɲą́ą́ dɔ̨nɔ̨ gbən nɔ ɓə, kwa hɛn da ku hvo kpɔn ni ma. Ɲą́ą́ ɓə ŋą́ nu paa, Ɲą́ą́ ɓə ŋą́ nu lɛɛ yɛnɛ̨ɛ̨. Ŋą́ nwolo, ɲą́ą́ ɓə ŋą́ dɔɔ; Nu hvo mą, yii a gulɔ ɲə́i.

Yálá laawoo hɛɓɛ

³⁹ Ka ka ɲɛ̨i hee kani, yiihu, ɲą́ą́ lɔ ɓə, ɲą́ą́ dɔ̨nɔ̨ gbən nɔ ɓə, kwa hɛn da ku hvo kpɔn ni ma. Ɲą́ą́ ɓə ŋą́ nu paa, Ɲą́ą́ ɓə ŋą́ nu lɛɛ yɛnɛ̨ɛ̨. Ŋą́ nwolo, ɲą́ą́ ɓə ŋą́ dɔɔ; Nu hvo mą, yii a gulɔ ɲə́i.

Bible

³⁹ “ ‘Ka gáa, ńyãa tɔnɔ nɔ́ ƃa Ɣâla. Ɣâla da kpɛ́ni fé naa é kúla ḿbôlu. Ńyãa ƃa fúlu-laa tɛ̀ɛ núu pɔ́ ŋ́gɛ zìɣe pôlu. Ŋa núu ŋwàna, ŋá m̀álo. Núu da fa pɔ̂ri kulâi ńyêei a gbîŋ wàla-wala.

Dutɛrɔnome 32:39 ပူးပေါင်းရင်းမြစ်များ

Tɔɔɓɛlaa veelɛ 20:5

yɛ mą: «Pənə ə́ li yɛ́ nwɔ́ lɔi Israɛlə nwun nąmu Ezekiasə ɓa: mɛ̨nįi Yai-Laa ə mo ya ka, yaai gaa a ə́ nąn Davidə nwɔ Yálá: ‹Ŋáá ə́ wɔ hvɛli ɓo woo mɛ̨n, ŋą́ą́ ə́ ɲɛ̨iya kaa, yili ɓa, gáá ə́ kulɔi ɲɔ̨n ŋɛ̨i hu. Hvóló haaɓa tɛɛ pulu, ə́ kaa pai lii Yai-Laa yəi bɛlɛ́n.

Tɔɔɓɛlaa veelɛ 5:7

Yii lɔi Israɛlə tɔɔmun ə kpɛɛ a ɉɛɓɛ́ ɓoɔ, ə mąą həɠə hu ɓɛla, yɛ diɛ: «Akɛti Yálá ɓaa a ɲą́ą́, gɛ́ pɛli nu paai, a wala kɛ tii gɛ́ pɛli nu ɓaloi! Yai ɉulɔnui ŋɛ̨i kaa nwɔ tímun dɔɔi, yɛ kɛ ŋą́ hvólóɲɔ̨n ɉəɠə mą! Ka mɛ̨nį taaləi ŋɛ̨i kaa, ka gɔlɔn kaa diɛ, ɉulɔnui ŋɛ̨i kaa gwɛ́lii a hvaa.»

Nehemi 9:6

Yálá! Yɛ́ ɓə ə́ kaa a Yai-Laa yɛ́ tɔ̨nɔ̨! Yɛ́ ɓə yələkɔlɔn bɛli da yələkɔlɔn mɛ̨i yələkɔlɔn, da di wɔ kɔlaɠaɠaa kəlee. Lɔi da di ɉu hɛnŋąą kəlee; gboloyá da ɉu hɛnŋąą kəlee, yɛ́ ɓə ya yɛnɛ̨ɛ̨ kpɛɛ hvo mą tɛɛ gəlee pɔ, ə lɛɛ, yələkɔlɔn ɉu, kɔlaɠai gaa laa, da pɛlɛ ə́ kɔ́wɔ mu.

Zôo 10:13

Kɛlaa, yii ə́ kɛi ə́ kiliŋąhiɛ mą, ya ka: Ŋą́ gɔlɔn gɛ́, mɛ̨nį ta ə kɛ ə́ kwəi, yɛ hvilɛn na mą́ą́,

Zôo 10:7

Yɛ́ kpinįi gbaɠala kaa yɛ́, ɉɔ́n və mą́ą́, ə lɛɛ nu ta hva pɛli gúlɔi ə́ yee ŋą.

Zôo 5:18

Yálá ɓə a mɔ̨nɔ̨ laa nu mɛ̨i, yɛ ɉəɠə mɛ̨i; Yaai a kɛ hɛn dɔɔi yɛ a kɛi nwolo.

Mąątɛ̨nɛ̨ 102:27

Di hu kaa pai kalai, Kɛlaa, ə́ wɛi, ə́ kaa lɔ pai kɛi laa, di kaa pai haɠai, yɛ həɠə, Yɛ́ di mąą hvalin, yɛ bələi da həɠə mąą hvalin na, di kaa pai həɠəi laa, dakpɛliɠaa diɛ hee laa.

Mąątɛ̨nɛ̨ 102:28

Ə́ kɛ pələ laa lɔ ɓaa a Ə́ kɛ pələ, kpɛɛ hvo ə́ wɔ kwɛlanŋaa diɛ.

Mąątɛ̨nɛ̨ 18:31

Mąą kulɔ hvo Yálá nwɔ pələi ɓa, Yai-Laa woo hu pɔ̨nɔ̨ɔ̨i. Nuąi kpɔ da di mąąkilɛ vaŋąn mu, gaa a di mąąkpɛ gbala.

Mąątɛ̨nɛ̨ 50:22

Kaai ka lɛ̨ą Yálá ɓa, ka mɛ̨nįi ti mɛ̨n, ka gbaɠala kaa! Ka wala gɛ tii, ŋą́ ɉuɓɛla, ɛlɛɛ, nu ta hva gulɔ ɲəi kɛ.»

Mąątɛ̨nɛ̨ 51:8

Kɛlaa ə́ kaa bɔ, tɛ̨ą ə kɛ nu koo kpala, yɛ́ ɉú tɔɔ a ə́ wɔ kilii, loo pələi.

Mąątɛ̨nɛ̨ 68:20

Mąąwiɛ ə kɛ Ną́mu ɓa, a yələ kəlee da-nwɔɔ! Ɲalái tii ɓə a gɔ́ nɛ̨ɛ̨ guɔ.

Mąątɛ̨nɛ̨ 86:10

Mąąhɔlɔɓo ə́ kɛnɛ̨i, yɛ́ kpalo mɛ̨nįɠaa kɛ, yɛ́ kɔw tanɔ̨n gbən lɔ ɓə Ə́ kaa a Yálá.

Lɛɛ gbɔwɔ ɓa 15:26

Yɛ diɛ: «Akɛ ka ka wəli tɔɔ kpɔ a nɛlɛɛ, Yai-Laa ka wɔ Yálái woo ɓa; ka túwɔ́ a ɉaŋąą ɲɛ̨i ɓa, ka ka wəli tɔɔ nwɔ tiɓoɠaa diɛ, ka nwɔ tɔ́nŋąą kəlee pɔ mɛ̨nį kɛ, mɛ̨nį nwąnąąɠaa ti kpɔ ŋį́ naa Eziptə ɓa, vá da laa kaa. Mąąhɔlɔɓo, ɲą́ą́ Yai-Laa, ɲą́ą́ ɓə ŋą́ ka kɔ́lɔi pɔ̨nɔ̨.»

Lɛɛ gbɔwɔ ɓa 4:7

Ə pənə yɛ Moisə ɓa: «'Pənə ə́ ə́ yee pɛlɛ ə́ lii pɔ.» Moisə ə ɲee pɛlɛ nii pɔ, gɛɛ ɲee həɠəi nii pɔ, ɲee ɲąą ə pɛli a nɛlɛɛ, yɛ bələi tii mɛlan ə kɛ la.

Ikilisiati 3:3

Paa ɓo kɛ yələ kaa mą, pala hali kɛ yələ yɛ ɓo mą. Pɛlɛ́ woloi yələ kaa mą, pɛlɛ tɔɔi yələ yɛ ɓo mą.

Azaya 19:22

Akɛ, Yai-Laa ə Eziptə nuą kɛlɛ a nwala-walaa, bələ lɔ ɓə gaa pai di ɓaloi la; da pənə da pa Yai-Laa pɔ, gaa pai ɲee heei di mu, yɛ di ɓalo.

Azaya 30:26

Ɲąnin gaa pai kɛi lən ɉi yɛ hvóló, hvóló lən yɛ kɛnɛ̨ geemɛ̨i mɛ̨ihveelɛ, yɛ kɛ yɛ hvóló mɛ̨ihveelɛ ŋą kɛɛ pɔ̨nɔ̨ a pɛlɛ gee ɓa, gaa pai kɛi tii a ɓɛlɔwai Yai-Laa kaa pai nwɔ nuąi di wɔ palaɠaai hali kɛi la, di haɠai di mo, yɛ bala hali kɛ.

Azaya 41:4

Gbɛɛ ɓə a mɛ̨nį taaləi tii kɛ? Hvo kɛli nui nu huwu kəlee təli a gɔwɔ tɔɔi lɔwai, Ɲą́ą́, gáá a Yai-Laa, a dɔlɔɔ, bələ lɔ ɓə nwɔ̨nɔ̨ gáá pai kɛi laa ɲąąkpɛɛi lɔwai; ɲą́ą́ ɓə.

Azaya 43:10

Nwɛ́i, nwɔ́ kɛlaɠaa ɓaa kaa, Yai-Laa woo li; kaai a nwɔ́ tínuą, kaai ŋį́ ka həɠə ɉu kaa pɛli mɛ̨nį kɔ́lɔn ɉii, kaa gbaɠala kaa, kaa kɛ ɲą́ą́ li, ɛlɛɛ, yálá takpɛli hvo ta kɛli laa ɲą́ą́ dɔ́wɔ́, ɛlɛɛ nwɔ̨nɔ̨, da hvo pai kɛi búlu.

Azaya 43:12

Ɲą́ą́ ɓə ka ɓalo mɛ̨nį lɛɛ tɔwɔ gɛ́ mo, ɛlɛɛ gɛ́ dɛɛ; ɲą́ą́ ɓə gbɛa ɉukulɔ, ka pɔɔli hali ta hvəi, Yai-Laa yɛ nwɔ̨nɔ̨ diɛ: Kaa ɓə ɓaa a nwɔ kɛla, ɛlɛɛ ɲą́ą́n, ɲą́ą́ kpɔ ɓə a Yálá.

Azaya 43:13

A tɛ̨ą, wɔlɔ-wɔlɔ ɓa wɔlɔ-wɔlɔ ɓa, ɲą́ą́ lɔ laa! Hɛn ɲéé a ɉon, nu ta hva gulɔ ɲə́i, mɛ̨nįi ŋą́ gɛ, gbɛɛ kpɔ ɓə a pɛli ɉəɠəi mą?

Azaya 45:18

Gaa tii, bələ ɓə Yai-Laa ə mo la, yələkɔ́lɔn bɛlimun, yai a Yálá, ya ɓə lɔi kulɔ, ə bɛli, ə ɉee kpɔ tin-tin, tumun və mą, hvo nɛɛ a vowolo, Kɛlaa, ə bɛli, yɛ nuą di kɛ ɉu. Ɲą́ą́ ɓa a Yai-Laa, dakpɛli hvo laa.

Azaya 45:22

'Ka ka ɲɛ̨i tínɛ̨n bɔ́ pələ, ka ɓalo, kaai kpɔ tii lɔi hɔ̨nwɔ̨n ɉu kəlee ɓa, mąąhɔlɔɓo, ɲąą ɓə gáá a Yálá, dakpɛli hvo laa.

Azaya 45:5

Ɲą́ą́ ɓə gáá a Yai-Laa, dakpɛli hvo laa, ə kulɔ ɲą́ą́ búlu, ɲą́ą́ ɓə! Ə kulɔ ɲą́ą́ búlu, yálá takpɛli hvo laa. Ŋą́ yala tɔɔ ə́ hąą, ya pa hvó gɔ́lɔn.

Azaya 46:4

ə lɛɛ la ɉu ka pɔlɔ, gɛ́ pələ laa lɔ ɓaa a gɛ́ pələ, ə lɛɛ ɉu ka nwun ə pɔwa, ɲą́ą́ ɓə pai ɲɛ̨́i kɛi kaa, ŋą́ą́ ɓə ta gɛ tii, gáá lɔ nwɔ̨nɔ̨ pai gɛi, gáá pai ɲéé pui ka mu, ŋį́ ka ɓalo.

Azaya 48:12

'Ə́ wəli tɔɔ Ɉakɔbə, Israɛlə yɛi gáá ə́ təlii. Gɛ́ pələ lɔ ɓaa gɛ́ pələ: Ɲą́ą́ ɓə a dɔlɔɔ tɔlɔɔ, ɲą́ą́ ɓə ɓaa gbəlan mąą.

Izikiɛ 37:12

Yili ɓə gaa mą, gwə́i mɛ̨nį hukulɔ diɛ, yɛ́ diɛ: Mɛ̨nįi Mɛ̨nį kəlee ŋą Hééɓomun Yálá kaa moi, ya ka, yɛ diɛ: Gáá pai ka kámąɠaa laa ɓoi, ŋą́ ka kulɔ laa, kaai ɓaa nwɔ́ nuąi, gáá pai pənəi ŋą́ pa a kaa Israɛlə lɔi hu.

Izikiɛ 37:3

Nąąlɔwai, Yai-Laa yɛ mą́ą́: «Hulɔnu lon, nu kɔ́wɠaai ŋɛ̨i di nɔ̨ɔ̨ a pɛli mɔɔ tooi di hu?» Ŋą́ nwoo ɲąąpənə, gɛ́ mą: «Mɛ̨nį kəlee ŋą Hééɓomun Yálá, yɛ́ ɓə yili kpaɠala kɔ́lɔn.»

Osia 5:14

Hvo lɛɛi yili ɓa, gáá pai kɛi yɛ yala Ɛfraimə ɓa, ŋį́ kɛ yɛ yala gbɔn, Ɉuda nwɔ pɛlɛ́i ɓa. A ɲą́ą́, ɲą́ą́ ɓə pai di ɓɛla ɓɛlai, yili pulu, ɉuwɔi ŋą́ ɉon, ŋą́ li la, ɛlɛɛ, nu ta hva pɛli gulɔi ɲə́i.

Osia 6:1

'Ka pa ka gu pənə gwəli Yai-Laa pɔ, ya ɓə ɲɔ̨n bɛlɛ guɔ, ya ɓə pai gu kɔ́lɔi pɔ̨nɔ̨i, ya ɓə gu kɛlɛ, ya lɔ ɓə nwɔ̨nɔ̨ pai bala halii.

Mise 5:8

Ə́ yee pili ə́ yowoɠaa diɛ, nuąi da tɔɔ ə́ la, gəlee paa.

Ɉaan 8:24

Mɛ̨nįi gɛ gɛ́ kɛ kaa: ka káá pai haai ka kɛ nɛ̨ŋɛ̨n ɉu, akɛ ka wala laa na kaa diɛ: ‹Ɲą́ą́ ɓə gáá a Yaai Gaa Lɔ Laa›.»

Dutɛrɔnome 32:12

Yai-Laa yaa tɔ̨nɔ̨ gbən mə a nwɔ nuą tənən dɔɔ, da hɛn da di hvo kpɔn ni mą.

Dutɛrɔnome 4:35

Ka wɛi, ka mąąnɛ̨ɛ̨ ka gɔlɔn kaa diɛ: Yai-Laa ɓə gaa a Yálá, yálá takpɛli hvo tɛɛ li yaa tii mą.

Dutɛrɔnome 7:9

Mąąnɛ̨ɛ̨ ka kili ə pu ɉu kaa diɛ, Yai-Laa ka wɔ Yálái ɓə gaa a Yálá kpɔ-kpɔɔ. A Yálái a kulɔ nwoo ɓa. Nuąi da nwɛlilakɛ, diɛ nwɔ tíɓoɠaa kɛ, a lɛɛ nwɔ mįnɛ̨i pulu di mąą mɛ̨nį ɓa; yɛ di wɛli la kɛ kwɛlan nwaa tamąą yee mu.

Hebreu 1:12

Ɛlɛɛ, bələi da gɛ la a biliɉu, bələ ɓə ə́ kaa pai gɛi la a diɛ, bələi da həɠə mąąhvalin na, bələ ɓə yá di mąąhvalin na. Kɛlaa, ə́ wɛi, ə́ mąą hva hvalin, ə́ wɔɔ yɛnɛ̨ɛ̨, ɲɛ̨n deei hvo mą.»

M̀ɛni-lɛɛi 1:11

yɛ kɛ mą: «Mɛ̨nįɠaa tii ə́ kaa gaai, 'bɛ̨ɛ̨ hɛɓɛ́ ta hu, ə́ dɛɛ gbɔn ɉeei mɛ̨ihveelɛi ɓa: Efɛsə, Smirnə, Pɛrgamə, Tiatirə, Sardɛsə, Filadelfi da Laodise.»

M̀ɛni-lɛɛi 2:8

Malakai gbɔn nwun na Smirnə, hɛɓɛ́ kɛ ə dɛɛ mą: «Dɔlɔɔ da Gbɛla mąą, woo ka, yai di baa, kɛlaa, ə pənə ə kɛ a vúlú, yɛ:

Samuɛlə dɔlɔɔ 2:6

Yai-Laa ɓə a nu paa, Yaa lɔ ɓə a nu ɓalo, nu a yɛɛ ɲąmuątaa, nu ə kulɔ laa.