Dutɛrɔnome 32:3 - Yálá laawoo hɛɓɛ (dc)

³ Gáá pai Yai-Laa təlii a Naa! Ka gu gu wɔ Yálái laa tɛ,

Yálá laawoo hɛɓɛ

³ Gáá pai Yai-Laa təlii a Naa! Ka gu gu wɔ Yálái laa tɛ,

Bible

³ Ŋa pâi Yâwɛɛ láa maa tɛ̂i, ŋa ŋɔwála-walai lɛ́.

Dutɛrɔnome 32:3 ပူးပေါင်းရင်းမြစ်များ

Kɔlɔnikɔ Maa-ŋuŋ 17:19

Yai-Laa! Ə́ wɔ tímun mąą mɛ̨nį ɓə Ə́ yili kɛ la, ɛlɛɛ, laa ɓə ə mo a Ə́ lii, Yɛ́ mɛ̨nį kɛnɛ̨i ŋɛ̨i kɛ, əgɛ, Ə́i kpɔwɔ nwɔ kɛnɛ̨laa lɛ.

Kɔlɔnikɔ Maa-ŋuŋ 29:10

Davidə ə Yai-Laa mąątɛ̨nɛ̨ nu kpɔn tii kəlee ɲɛ̨i ɓa, yɛ kɛ diɛ: «Mąąwiɛ ə kɛ Yai-Laa ɓa ɲɛ̨n deei hvo mą! Yai gaa a ku kalaɓɔlɔ Ɉakɔbə nwɔ Yálá!

Kɔlɔnikɔ Maa-ŋuŋ 29:11

Heeɓolaa, huwalawalalaa, lɛlɛ, mąąɲįnɛ̨n, mąąwiɛ, di kaa Ə́ yəi, gbala ə tɔɔ, hɛn lɔpee yələ kɔ́lɔn ɉu, da lɔi ɓa, Ə́ wɔɔ ɓaa a gəlee. Ə́ wɔ tɔɔlaa da ɲąąwooɓolaa pɛlɛɛi hɛn gəlee mɛ̨i.

Kɔlɔnikɔ Maa-ŋuŋ 29:13

A kɛ tii, háákələi, ku wɔ Yálá, ku kaa Ə́ hɛɠɛɛɓoi, kuɔ ə́ nwɔ kɛnɛ̨laa laa mąąwiaa 'ə tɛ.

Mąątɛ̨nɛ̨ 150:2

'Ka mąątɛ̨nɛ̨ gɛ mɛ̨nį kpɛa-kpɛa mąą mɛ̨nį ɓa, 'ka mąątɛ̨nɛ̨, gɛnɛ̨ pələ ɓa!

Lɛɛ gbɔwɔ ɓa 20:24

Ka nwɔ́ haláá kulɔi pɛli a pɔlɔ, kaa haláá kulɔ laa mą́ą́, a haláái da gəlee kələn, da ponaa kulɔ haláá, a ka wɔ taatɛlɛɛɠaai bɛlɛ-pɛlɛɛɠaa da gbɛa-kpɛaɠaa, ɓɛi lɔpee gáá pai hvaai mą, diɛ náá mąąwiɛ laa. Ŋą́ pa ka pɔ, gɛ́ lúwɔ́ too kaa.

Lɛɛ gbɔwɔ ɓa 33:19

Yai-Laa yɛ mą: «Gáá pai nwɔ́ mąąwiɛ kəlee tɛɛi ə́ ɲɛ̨i, Ŋą́ náá ɓo yɛ, náá ɓaa a: ‹Yai-Laa.› Nui a nɛ̨ɛ̨ mą́ą́, ya ɓə ŋą́ ɲɛ̨i mąąnwɛli kaa.»

Lɛɛ gbɔwɔ ɓa 6:3

Ŋą́ wɔlɔ gbɔ́ɠɔ́ lɛ Abrahamə ɓa, ə mą kɛ Isaakə da Ɉakɔbə. Ŋą́ gbɔ́ɠɔ́ lɛ diɛ yɛ: ‹Huwalawala Kəlee Nąmu Yálá›, kɛlaa, di kili hvo kɛ ɉu, diɛ kɛ náá ɓaa: ‹Yai-Laa.›

Ɉeremi 10:6

Yai-Laa! Nu ta hvo laa gulaa yɛ́! Ə́ kɛnɛ̨i, ə́ laa kɛnɛ̨i, Ə́ kɛ mɛ̨nį ɲɛ̨i kɛnɛ̨ɠaai ə́ di kɛ, mąą mɛ̨nį ɓa.

Ɉeremi 23:6

Nwɔ yɛnɛ̨ɛ̨ hu, Ɉuda nwun mąą a ɓo Israɛlə yɛ kɛ nɛ̨ɛ̨ hu. Naai di kaa pai ɉeei mą, ya ka: ‹Yai-Laa ɓə a ku wɔ tələnmolaa.›»

Maafîu 1:23

Ə mo yɛ: «Nɛ̨ɛ̨gbəla ta yii hvo hulɔnu mɛ̨nį hu kɔ́lɔn, gaa pai koo həɠəi, ə lon ɉulɔnu hɔlɔɓo, di naa hee a Ɛmanuɛlə (mukulaa ɓaa: Yálá kaa gu pɔ).»

Ɉaan 17:26

Ŋą́ą́ ə́ laa lɛ diɛ, gáá nwɔ̨nɔ̨ pai kɛi lɔ nɛi diɛ. Ya ɓə a gɛ, nwɛlikɛmąą laa ə́ gɛ a ɲą́ą́, nwɛlikɛmąą laa tii ə kɛ di lɔwai, kwa diɛni ku kɛ ɉu tɔ̨nɔ̨.»

Ɉaan 17:6

«Nuą ŋɛ̨i Ə́ di kulɔ yɛnɛ̨ɛ̨ hu Ə́ di tɛɛ bɔ́, ŋą́ Ə́ laa lɛ diɛ. Di kaa a Ə́ wɔɔ, yaa di tɛɛ bɔ́, daa woo hon.

Ifisiɛŋ 1:19

ɛlɛɛ, da nwɔ Hééɓolaa kɛnɛ̨i tii, ə ku mąą mɛ̨nį ɲɛ̨i kulɔ la, kuɔi ŋɛ̨i a laa na nuą, yɛ bələi lɔ ɉuwalawalaai la, da vaŋą kɛnɛ̨ pələ.

Dutɛrɔnome 3:24

«Yai-Laa yáá gɔwɔ tɔɔ yɛ́ ə́ kɛnɛ̨ pələ da ə́ yee wala wala pələ lɛ ə́ wɔ tímun ɓa. Yálá ta kaa mɔ̨ɔ̨ yələi da lɔi mɛ̨i, gɛ mɛ̨nįɠaa da nwɔ heeɓolaa diɛ həli Ə́ pɔ?

Dutɛrɔnome 5:24

di mo mą́ą́ ka laa hu, diɛ mą́ą́: «Yai-Laa ku wɔ Yálái aa nwɔ mąąwiɛ lɛ kuɔ da nwɔ kɛnɛ̨laa, kwaa nwoo mɛ̨n nwɔ̨n ɉąąi. Kwaa gbaɠala kaa háákələi kuɔ Yai-Laa a pɛli mɛ̨nį ɓoi nu ɓa, ɛlɛɛ mąą nu yɛ lɛɛ a vulú.

M̀ɛni-lɛɛi 15:3

Diɛ Yálá ŋą tímun Moisə ŋą wələi too, ɛlɛɛ, da mɛlaa lon ŋą wələi; diɛ kɛ mą: «Ku Nąmu Hééɓolaa kəlee Nąmu Yálá, gɛmɛ̨nįɠaa kɛnɛ̨i nɛlɛɛ. Ŋą pələɠaa kəlee haŋąąi a tɛ̨ą, yai a huwu kəlee nwɔ Hééɓomun