Dutɛrɔnome 32:24 - Yálá laawoo hɛɓɛ (dc)

²⁴ Ɓɛlɔwai pulu a di kɛ la a nu lɛɠɛ, ɲɔ̨n ɲɔ̨nwɔ̨ɔ̨ɠaa diɛ di laanɔ̨nwɔ̨ ɓo, Ŋą́ hvɛnɛ̨ huwɔɠaa ɲąątɔɔ diɛ, ŋą́ kaalə ɲɔ̨nwɔ̨ɔ̨ɠaa tí diɛ.

Yálá laawoo hɛɓɛ

²⁴ Ɓɛlɔwai pulu a di kɛ la a nu lɛɠɛ, ɲɔ̨n ɲɔ̨nwɔ̨ɔ̨ɠaa diɛ di laanɔ̨nwɔ̨ ɓo, Ŋą́ hvɛnɛ̨ huwɔɠaa ɲąątɔɔ diɛ, ŋą́ kaalə ɲɔ̨nwɔ̨ɔ̨ɠaa tí diɛ.

Bible

²⁴ Ŋa pâi gɛ̂i puru kɛ́tɛ é tóo dîa. Ŋa pâi gɛ̂i kɔlɔ-fela nyɔ́mɔɔ-ŋa dí dísoŋ. Ŋa pâi lɔɔ fɛnɛ-sãa nyɔ́mɔɔ-ŋa pilîi dîa. Ŋa pâi kali nyɔ́mɔɔ-ŋa pilîi dîa.

Dutɛrɔnome 32:24 ပူးပေါင်းရင်းမြစ်များ

Zɛnɛse 3:14

Yai-Laa ə mo kaalə ɓa kɛa nąąlɔwai, yɛ mą: «Yɛ bələi yáá gɛ la tii, ə́ nɛ̨ŋɛ̨n naai, huwɔɠaa lɔwai, ə mą kɛ, lɔwɔ huwɔɠaa lɔwai, ə́ kaa pai kɛi hiɛi ə́ koo mɛ̨i, muluun gbala ɓə pai kɛi a ə́ kɔ̨nɔ̨n, ə́ yii hvóló kəlee hu.

Zɛnɛse 49:15

Aa gaa yɛ, ɓɛi gaa laa, nąą lɛlɛɛi, nąą ɲąą nɛ̨ɛ̨i. Aa ɉɛ̨ą lɛan tiɛ̨ həɠə mɛ̨nį ɓa. Mąąnɛ̨ɛ̨i lɔ luwɔ kóló ɓa.

Zôo 20:16

Kaalə nwąną ka ti ə kɛi gbələ, túmu ɲin mə pai baai.

Mąątɛ̨nɛ̨ 120:4

Tonwą ɓə moɔ, a yai daa dí a kwɛlan-gbɔmɔ̨?

Mąątɛ̨nɛ̨ 91:6

yɛi kɛ a lɔi wolo ɲɔ̨n a pa a kpinį, ə mą kɛ, a mɛ̨nį ɲąąnwąnąąi a kɛɛ kala a hvóló haŋąą.

Azaya 65:25

Kwɛli da ɓɛlaa lon di kaa pai kɛi di laa mįi gee ɓa, yala yɛ kala mįi, yɛ niŋɛ̨, kaalə kɔ̨nɔ̨n ɲɛ lɛɛ a muluun gbala. Mɛ̨nį ɲɔ̨n, da kɛɛ kala hɛn nɔpee, da hvo kɛa pai kɛi nwɔ́ yee mąąhəɠɛɛi nwuɔ̨, Yai-Laa woo li.

Ɉeremi 14:18

Ŋą́ li ɲɛa kɔ́wɔ hu, kɔ́ kɔ́ ɓɔwa nwɔ nu paaɠaa ka; ŋį́ tɛ taai, yiiɠaa mɔ̨nɔ̨ mįi pulu yəi diɛ ka. Yálá kwəi mɛ̨nį hukulɔ nuą, da ɉaláá laa həli nuą, di kaa lɔ kɛa gilɛ ŋą diɛ ɉəɠə nɔi, di kwəi aa pili diɛ.»

Ɉeremi 15:3

Yai-Laa woo ka nwɔ̨nɔ̨, yɛ diɛ: «Gáá pai heei di hu a pələ nąąn: Kɔ kɔ́ ɓɔwa yɛ di paa, yilɛɠaa diɛ di powa yala. Yələi nwɛ̨nįɠaa da lɔwɔ huwɔɠaa diɛ di powa mįi, diɛ di huwu pu.

Ɉeremi 16:4

Pulu kaa pai di mɔ̨nɔ̨ ɓoi, diɛ haa ɉu, di hvo pai wɔlɔi di powa mɛ̨i, di hvo pai kámą hɔlɔɓoi, di kaa pai lɛɛi nɔi mɛ̨i, di kɛ a tulun bɔlɔ. Kɔ kaa pai di paai, pulu ə di paa, di powa ə lɛɛ a yələi nwɛ̨nįɠaa da lɔwɔ huwɔɠaa kɔ̨nɔ̨n.

Ɉeremi 8:17

Gáá kaaləɠaa a nu nwąną kaaləɠaa ɲąątɛi kaa. Gaaləɠaa tii, di hva ɲɔw kaalə ɉowo mun ma. Di kaa pai ka ɲin ɉii, ɲą́ą́ Yai-Laa nwóó li.

Woolaa 5:10

Pulu aa ku kɔ́lɔ kələn kuɔ yɛ nwɔ̨n dįnįi pɔ́lɔ.

Izikiɛ 14:15

Ɛlɛɛ, ŋą́ lɔwɔ huwɔ ɲɔ̨nwɔ̨ɔ̨ɠaa ɲąątɔɔ nɔi ti ɓa, di nɛɛ a lɔi pun, ɉu lon da hva lɛɛ laa; nu ta hva pɛli tɛɛi laa ɉuwɔɠaai ti mąą mɛ̨nį ɓa.

Izikiɛ 14:21

Mąąhɔlɔɓo, mɛ̨nįi Yai-Laa kaa moi ya ka: «Ə mą kɛ, ŋą́ą́ hutɔɔ hɛnŋąą nąąn dɛɠɛ Ɉerusalɛmə ɓa, diɛ ɓaa a, kɔ-kɔ-ɓɔwa, pulu, lɔwɔ huwɔ kpəɠiɛɠaa, da ɲɔ̨n, diɛ nu kanŋaa da taatɛlɛɛɠaa paa laa,

Izikiɛ 5:17

Gáá pai pulu tooi káá, ŋą́ lɔwɔ-huwɔ kpəiɛɠaa ɲąątɔɔ káá, diɛ ka lonnii kulɔ ka yəi; nu paa ɲɔ̨n da ɲąmą di kaa pai həli yɛ́; ɛlɛɛ, gɛ́ kɔ́ kɔ́ ɓɔwa ɲąątɔɔ yɛ́. Ɲą́ą́ Yai-Laa, ɲą́ą́ ɓə mo.

Levetekɔ 26:22

Ŋą́ lɔwɔ huwɔɠaa ŋąątɔɔ kaa, diɛ ka lonnii kulɔ ka yəi, diɛ ka wɔ taatɛlɛɛɠaai hu kala, diɛ ka paa, ka wɔ pələɠaai di kpɔlɔɔn.

Amɔsə 9:3

Da di mąąkilɛ Karmɛlə yee ton na, Ŋą́ di kaa, ŋį́ di hon. Di ma lɔ gboloyá mu, ə gɛ, di di loo, ŋį́ mo gboloyá hu hɛnŋąą diɛ, di di ɲin.

Mise 7:17

diɛ pɔlɔ kɔ́mɔ̨n yɛ kaalə, yɛ tala huwɔɠaa. Di kaa pai kulɔi di wɔ kɔ́ taaɠaai hu, di mąą yɛ kpɛlin, diɛ pa Yai-Laa, ku wɔ Yálái pɔ. Di kaa pai ɲɔwii, di hu yɛ pu diɛ; di ɲɔw pələ ɓa yɛ́.

Habakukə 3:5

Ɲɔ̨n gaa ɲɛ̨ tɔwɔ yɛ hiɛ, ɓɛi a tɛɛ laa, ɉiɉi ə lɛɛ nąą pulu.

Dutɛrɔnome 28:22

Yai-Laa kaa pai huhaa ɲɔ̨n, kwɛlɛ ɲɔ̨n, kɔ́lɔ kələn mąą, da kwəi kulɔ ɲɔ̨n bɛlɛi kaa, yɛ ka wɔ tíiɠaai kala, ɲɔ̨nŋąą tii da lɛɛ ka pulu, ə lɛɛ ɉu, di ka nwun na pili.

Dutɛrɔnome 28:48

ka lɛɛ ka yowoɠaa yee mu a di wɔ luwɔɠaa, diɛi Yai-Laa ka wɔ Yálái a di ŋąątɔɔ kaa. Pulu da kpələ wɛli diɛ ka kɛlɛ, ka lɛɛ a ka kpuwulu, ka hvɛɠɛɛ a hɛn gəlee. Yai-Laa a nwun ma wulu laa ka kɔ́n bulu, yɛ ɓo a kwɛli, ə lɛɛ ɉu ka huwu ə pu.

Dutɛrɔnome 28:53

Mɔ̨nɔ̨i ka yowoɠaa kaa pai naai ka mɛ̨i gɛnɛ̨ pələ ɓa, lon ɉinąą da lon nɛ̨ai Yai-Laa ə dɛɛ ka pɔ, ka káá pai kɛi di mįi.