Dutɛrɔnome 32:21 - Yálá laawoo hɛɓɛ (dc)

²¹ Daa nwɔ́ toloi muhəɠə a di hvilɛn mɛ̨nį hali hvikpɛɛɠaa pulu. Ɲą́ą́n gbɛli mąn, gaa di wɔ tolo muhəɠəi a hį́i yiiɠaai di hvo a hɛn da. Ŋą́ di liikələn di kwəi a hį́i yii hvo mɛ̨nį kɔ́lɔn.

Yálá laawoo hɛɓɛ

²¹ Daa nwɔ́ toloi muhəɠə a di hvilɛn mɛ̨nį hali hvikpɛɛɠaa pulu. Ɲą́ą́n gbɛli mąn, gaa di wɔ tolo muhəɠəi a hį́i yiiɠaai di hvo a hɛn da. Ŋą́ di liikələn di kwəi a hį́i yii hvo mɛ̨nį kɔ́lɔn.

Bible

²¹ Da ŋgɛ́, ŋgɛ́ tólo kùla. Díɣâla da kpɛ́ni-ŋa fɛli mɛnii a gɛ́ ŋa níi ŋwána dîa. Ŋa pâi díkɛi díkɛ tólo kula kpɛ́ni fêi ŋa pâi lûwa toôi ǹɔii ŋûŋ da kpɛ́ni-ŋa dîa. Ŋa pâi gɛ̂i lɔii-ŋuŋ nyii kɛ̂i fé mai é dílii ŋwána. Ŋa pâi dítolo kula ǹɔii-ŋûŋ-ŋai dîa dífa mɛni ŋá kaai.

Dutɛrɔnome 32:21 ပူးပေါင်းရင်းမြစ်များ

Tɔɔɓɛlaa dɔlɔɔ 14:22

Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, Ɉuda nuą di di yee lɔ ɉu, nɛ̨ŋɛ̨nŋaai di ɉəɠə, di Yai-Laa lii kələn gwəi ə tɛɛ la di nąnni diɛ.

Tɔɔɓɛlaa dɔlɔɔ 14:9

Yáá túwɔ́ a ɲɔ̨nwɔ̨ɔ̨ dɛɛ nuąi kpɔ kɛ ə́ tɔwɔ gəlee diɛ. Yáá li, yáá haliɠaa pɛli yɛ́, da hɛn mąąnįnįnŋąą, yɛ́ nwą́ną lɔ, yáá bíli ə́ pulu pələ.

Tɔɔɓɛlaa dɔlɔɔ 16:13

Yili ə kɛ tii, ə hvilɛn Baesa da non Ela di kɛ nɛ̨nɛ̨nŋaai di ɉəɠə, yiiɠaai di Israɛlə yee lɔ ɉu, mąą mɛ̨nį ɓa, diɛ Yai-Laa Israɛlə nwɔ Yálá liikələn gwəi mɛ̨nį kɛ, a di wɔ kwɛli hvilɛn mɛ̨nį haliɠaa diɛ.

Tɔɔɓɛlaa dɔlɔɔ 16:26

Ə hvilɛn Nevatə lon Ɉeroboamə túwɔ́ pələ pulu mɛ̨nį kəlee hu; nɛ̨ŋɛ̨n yili ə Israɛlə yee lɔ ɉu, ə hvilɛn bulu, yɛ Yai-Laa Israɛlə nwɔ Yálá liikələn gwəi mɛ̨nį kɛ, a kwɛli hvilɛn mɛ̨nį haliɠaa diɛ.

Tɔɔɓɛlaa veelɛ 17:11

Ɉali kɔ́iɠaa kəlee ɓa, di kɛi lansan kələn naa, yɛ bələi nu huwuɠaai Yai-Laa ə di kpɛ di ɲɛ̨itɔwɔ di kɛi gɛ la. Di kɛi mɛ̨nį ɲɔ̨nŋaa kɛ a Yai-Laa nwąną lɔ pələ.

Tɔɔɓɛlaa veelɛ 17:15

Yai-Laa nwɔ tíɓoɠaa, da mįnɛ̨i da di nąnni di ɉəɠə, di tɛɠɛɓo ɉu, diɛ kpɛli-kpɛli mɛ̨nį mąą gilɛ həɠə, diɛ ka kɛa, di hu aa kala. Nɔiɠaa kɛ di kwɛlɛ, di hvilɛn di túwɔ́ pələ pulu, ɛlɛɛ yaan, Yai-Laa ə mo diɛ, yɛ diɛ: 'Ka hvo túwɔ́ yɛ diɛ.

Tɔɔɓɛlaa veelɛ 21:6

Ə non gulɔ a haláá nwɔ̨n ɉu, ə kulɔ mąą hɛn damąą həɠə, yɛ nwun dɔɔ a ɲąmuątaa tɔlikpɛ nuą. Manase ə Yai-Laa líiholi a mɛ̨nį ɲɔ̨nwɔ̨ɔ̨ɠaai ə gɛ.

Tɔɔɓɛlaa veelɛ 22:17

Mąąhɔlɔɓo, daa həɠə búlú, diɛ wulɔ kun nɛ̨ɛ̨ kələn haliɠaa diɛ a mɛ́lɛ too pələ di túwɔ́ pələ hu. Níí aa kələn gwə́i kɛnɛ̨ gɛɛnąą ŋɛ̨i pɔ, ə lɛɛ, níí hvo pai laai.

Mąątɛ̨nɛ̨ 31:6

Gáá nį́i lɛɛi ə́ yəi, yáá nwún mąąɓo, Yai-Laa yɛ́i a tɛ̨ą Yálá.

Mąątɛ̨nɛ̨ 78:58

Diɛ níikələn gwəi a di wɔ hali kɔ́iɠaai, di wɔ hali kɔ́iɠaa da ɉali mąąnįnįnŋaa diɛ níikələn gwəi.

Azaya 65:3

Nu huwui tii a túwɔ́ níí yalii gwə́i, ɲɛ̨́i kwəleen mą, di kpɔnŋąą lɔ ɉu. Da kɛ haláá kulɔi nɔw yɛaɠaa ɓa, diɛ hɛn gun nɛ̨ɛ̨ɠaa kələn pɔlɔkɔwɠaa ɓa.

Ɉeremi 10:8

Nu kəlee, nu ta nwɔ kwɛni hvo kulɔ li ɉu, di kilimąą a pɛlɛ di hva mɛ̨nį ɲąą kaa, kili kpɛɛ gwəi hɛnŋaa ɓə nuą tii da kili kwɛli di yəi; di hva kili hɔlɔɓo.

Ɉeremi 14:22

Haliɠaai di kaa lɔiɠaa hu, da kaa mɔ̨ɔ̨ laa yɛ pɛli tulɔ pui? Akɛti, yələkɔlɔn ɓə mɔ̨ɔ̨ a tulɔ pu? Kɛlɛi, Yai-Laa, yɛ́i a kuɔ Yálá yɛ́ ɓə-e! Yɛ́ ɓə kwa ə́ mąąkpɔn, Yɛ́ ɓə ya tulɔ pu.

Ɉeremi 18:15

Kɛlaa yaamun, nwɔ́ nuąi di wɛi, daa lɛ̨ą mą́ą́, diɛ haláá kulɔ ɉɛnŋaai di hvo a hɛn da diɛ. Daa lan di wɔ pələɠaai ɓa, diɛ ɉon a pələ puɔɠaa.

Ɉeremi 2:11

Akɛ lɔi ta aa ta nwɔ haliɠaa mąąhvalin, a ɉɛnŋaa tii di hvo mun ɓaa hɛn da! Kɛlaa, kaai ɓaa nwɔ́ nuą, kaa ka wɔ mąąwiɛ mąąhvalin, a hɛn dɔ̨nɔ̨ lɔpee hvo mą.

Ɉeremi 5:7

Ɉerusalɛmə taa! Mɛ̨nį kɛ pələ a kɛ tii, ŋį́ pɛli ə́ mąą hvaalɛɛi ləi? Ə́ lonni daa nɛ́ɛ́ laa, diɛ di kwɛla hali ɓa. Ŋą́ di yee laholon, diɛ di kpɔɔ kɛ a wɛlii kɛ nuą, di pulu tɔɔ wɛli kɛ Nɛ̨ɛ̨nu yee bɛlɛ́ laaləi, diɛ nąą mąąkɔ̨nwɔ̨.

Ɉeremi 7:18

Nɛapɛlɛɛ da kwɛi kwɛli, di nąnni diɛ nwɔ̨n ɉee, nɛ̨ąą diɛ lɛɠɛ hunwɔ̨ diɛ bu Astarte hali ɓa, yai yələ kwəi tɔɔ nɛ̨ɛ̨nui. Kaa haliɠaa kɔ́ a lɔɔ, kaa nííkələn na gwə́i.

Ɉeremi 8:19

ka bɔ́ lɔi nuą wɔlɔ woo mɛ̨n dai! Di woo kaa tɔɔi nɔi nąą kəlee. Diɛ kɛ mą: «Akɛ tii, Yai-Laa hvó mɔ̨ɔ̨ Siɔn daai? Akɛ tii tɔɔmun hvo kɛa laa ɓəi?» «Lə ɓə kɛ yaai di nwąną lɔ diɛ kwɛli hvilɛn hali ɓa, a gbɛli-kpɛli hɛnŋaa tii həɠə pələ takpɛli.»

Izikiɛ 8:3

Ə hɛn da hąŋąn yɛ nu yee, ə ɉón a nwún nɛɠa; yili pulu, Yálá nwɔ Kilii ə gbə́ŋə, ə tɛ a ɲą́ą́ yələkɔ́lɔn da lɔi di lɔwai, ə li a ɲą́ą́ Ɉerusalɛmə, bɛlɛ́ laaləii ti naa a ɓo ɉu pələ, ŋą́ kɛ Yálá yee kɔ́nma, gɛ́ gɛɛ ti kaa, ɲɛ̨i həɛ ɲánwuɔ̨ pələ; nąą ɓə doló kulɔ hɛn mąąnįnįn gaa laa; a ɉɛn mąąnįnįn ti a tóló tɛ nu hui.

Zôna 2:8

Yai-Laa! Nwɔ Yálá, ɓɛlɔwai nɔ̨ɔ̨ ə kɛi kulɔ la ɲə́i, gíli ə hvilɛn yɛ́, ɛlɛɛ, ə́ hvɛlii ŋą́ mo, nwóó ə həli ə́ wɔ pɛlɛ́ mąąhəɠɛɛi ɓa.

Gɛlaɠaa 11:15

Ɓɛlɔwai ŋį́ gɔwɔ tɔɔ la gɛ́ pələ ɓo diɛ, Kili-Mąąhəɠɛɛ ə yɛɛ di mɛ̨i, yɛ bələi ə yɛɛ la gu mɛ̨i a gɔ́wɔ tɔɔ yələ.

Gɛlaɠaa 14:15

«Kué! Gbɛɛ nuą ɓəi! Lə ɓə ŋɛ̨i ka káá gɛi? Nuą lɔ ɓaa a kuɔ, ku kɛ pələ ə ɓo lɔ yɛ káá! Nwɛlɛɛ lɛlɛɛi ku pa moi káái, ya ɓaa, 'ká ká yee kulɔ mowo mɛ̨nįɠaa ŋɛ̨i hu, ka ká ɲɛ̨i tínɛ̨n Yálá hvulúmąą pɔ pələ, yai yələkɔlɔn, lɔi da gboloyá da di hu hɛnŋąa kəlee pɛli.

Lomaŋ 10:19

Akɛti Israɛlə lonni di hvo mɔ̨ɔ̨ gbaɠala kaa? Yá pa Moisə ə kpɔ diɛ: «Gáá pai tóló lɔi ka hu huwu takpɛliɠaa mąą mɛ̨nį ɓa, ŋą́ ka wɔ lii kələn gwəi hu kɛnɛ̨ huwu takpɛliɠaa mąą mɛ̨nį ɓa, diɛi kili hvo diɛ.»

Lomaŋ 9:25

Yɛ bələi moɔ la Ose ŋą hɛɓɛ́i hu, yɛ mą: «Nu huwui hvo kɛ a nwɔ́ nu huwu. Gáá pai gɛi a nwɔ́ nu huwu. Nɛ̨ɛ̨nui nwɛli hvo kɛ mą́ą́, ŋą́ gɛ a nwɛ́likɛmąą nɛ̨ą.»

Korɛntə dɔlɔɔ 10:22

Akɛti, gu kaa bɔ gu Ną́mu nwɔ toloi muhəɠə? Gaa ká kwəi gu hvaŋą kɛnɛ̨i gu tɛɛ mą?

Dutɛrɔnome 32:16

Di Yai-Laa liikələn gwəi a ɓɛlɛkpɛɛ mąą túwɔ́ yii di kɛi mo. Di nwɔ liiholi muhəɠə a kwɛli hvilɛn ŋąą haliɠaa diɛ.

Dutɛrɔnome 32:17

Diɛ haláá kulɔ ɲinɛnŋąą diɛ, diɛi di hvo a Yálá. A haliɠaa di hvo kpɛli di kɔ́lɔn, a pa wɛɛ haliɠaa, diɛi di nąnni di hvo gɔlɔn.

Samuɛlə dɔlɔɔ 12:21

Ka hvo həɠə bulu, yili a kɛ a ka hvilɛn ŋąą kpɛli-kpɛli mɛ̨nįɠaa pulu, yiiɠaai tɔ̨nɔ̨ hvo diɛ, di hva pɛli nu kulɔ mɛ̨nįi, mąąhɔlɔɓo, di hvo a hɛn da.