Dutɛrɔnome 32:2 - Yálá laawoo hɛɓɛ (dc)

² Nwooɠaai gáá ka kalan ɉii la, ə hala lɔi mɛ̨i yɛ tulɔ ya, nwóó ə pɛlɛ yɛ náláán, yɛ weewaa tulɔ kala tiliinŋąą mɛ̨i, yɛ hvóló laa ɓoɔ tulɔ kala tiliinŋąą mɛ̨i.

Yálá laawoo hɛɓɛ

² Nwooɠaai gáá ka kalan ɉii la, ə hala lɔi mɛ̨i yɛ tulɔ ya, nwóó ə pɛlɛ yɛ náláán, yɛ weewaa tulɔ kala tiliinŋąą mɛ̨i, yɛ hvóló laa ɓoɔ tulɔ kala tiliinŋąą mɛ̨i.

Bible

² Tɔɔ ŋásɛŋ lɛ́ɛi é kɛ́ yɛ̂ɛ tuna ƃé pûi, ŋóo kɛ́ tòo yɛ̂ɛ lúu ƃé pûi. Ŋóo kɛ́ tòo yɛ̂ɛ tuna nyɛmɛ-nyɛmɛ ƃé pûi kala ŋûnu ma. Ŋ́oo kɛ́ pù yɛ̂ɛ tuna kɔlɔ saa ƃé pûi sí-sɛŋ tɔɔ ma.

Dutɛrɔnome 32:2 ပူးပေါင်းရင်းမြစ်များ

Samia Veerɛi 23:4

yɛ yələwala pɔ, yii tulɔ hvo yələi. Yɛ tulɔ puɔ pulu kɛɛ pɔ̨nɔ̨, kala yɛ tiliin.»

Mąątɛ̨nɛ̨ 65:10

Yá ə́ ɲɛ̨i pili lɔi mɛ̨i, ə́ gɔ a tulɔ, ə́ bilɛ a hɛngɔw poto-poto. Yálá nwɔ tɛɛyái hvɛɛi lɔ a yələ kəlee, yɛ́ nu kanŋaa di wɔ mɔ̨nun tɔwɔ pɛli. Bələi yá lɔi pɛli la, bələ ka:

Mąątɛ̨nɛ̨ 72:6

Ə yɛɛ yɛ tulɔi a pu muluun gbala hu mɔ̨nun mɛ̨i, yɛ tulɔi a lɔi yɔwɔ, ə gɔlɔ haa mą.

Hanwon 4:2

A tɛ̨ą, kalan bələ lɛlɛɛ ka ŋɛ̨i gáá naa həlii kaa, mɛ̨nįi ŋɛ̨i gáá ka kalan ɉii la, ka hvo ɓo mą, ka hvo doo.

Osia 14:5

Gáá pai di ɓaloi di wɔ pulu kulɔ mɛ̨nįi tii yəi, gɛ́ di wɛlilakɛ gwə́i tɔ̨nɔ̨ mɛ̨i, ŋą́ą́ nwɔ́ lííholii həɠə di mɛ̨i.

Osia 6:4

Lə ɓə ŋą́ pɛli gɛi a yɛ́ Ɛfraimə? Lə kpɔ ɓə ŋą́ pɛli gɛi a yɛ́ Ɉuda? Ka wɔ tələnmolaa kaa lɔ yɛ nąląąn a pu yələ wala pɔ, ə ɓo yɛ yələ ɓɔi nɛ̨n ɲá, yai hva lamun laakpala ŋą.

Amɔsə 7:16

Yili ɓa, Amasia, ə́ wəli tɔɔ, yii Yai-Laa kaa moi ə́ mɛ̨n, yɛ́i ŋɛ̨i kɛi diɛ: ‹Və́ kɛa Yálá mąą mɛ̨nį laa həli Israɛlə nu huwu diɛ, ɛlɛɛ, yɛ́ kɛ mą: Və́ haŋą Isaakə huwuhu nuą diɛ.› Yii Yai-Laa kaa moi ə́ mąą mɛ̨nį hu, ya ka;

Mise 5:6

Mąą yələi tii, Ɉakɔbə nu kpəli woloi pai lɛɛi, gaa pai kɛi lɔi tamąą hu, yɛ nɛ̨nɲai a həɠə Yai-Laa pɔ, yɛ luwu-luwui a hee kala tiliin ɲą, gili hvo tɔɔ li nu ɓa, ɲɛ̨i hvo nu kan ɲəi hɛn da tɔwɔ.

Mise 5:7

Nąąlɔwai, Ɉakɔbə nu kpəli woloi pai lɛɛi, gaa pai kɛi lɔiɠaa hu, nu huwu tamąą lɔwai, yɛ yala, lɔwɔ huwɔɠaa lɔwai, yɛ yala lon, ɓɛlaa kpulu lɔwai, dɛɛ pələ tɛitɛi, a ɓɔlɔ́n di mɛ̨i, yɛ di hon ɛlɛɛ nu hva hɔlɔɓo, yɛ di kulɔ ɲəi.

Zakari 10:1

'Ka haaɓɛlaapɔɔlɛɛ nwɔ tulɔ hvɛli, Yai-Laa ɓa, Yai a tulɔ kpɛlamąą. Yai-Laa lɔ ɓə a gɛ, tulɔ yɛ pu. Gaa pai tulɔ pui a gboloon gɛ̨nɛ̨, yɛ nu tɛi tɛi nwɔ tíi ma tɛɛ bɔ.

Hebreu 6:7

Akɛ tulɔ́ a kɛi pu lɔi ɓa pɔlɔɔ-pɔlɔɔ, ɛlɛɛ, nɔi yɛ hihɛnŋaa lɛlɛ, ɉin nuą diɛ dɔlɔ hɔlɔɓo, mąą lɔi a lúwɔ́ hɔlɔɓo Yálá yəi.