Dutɛrɔnome 32:13 - Yálá laawoo hɛɓɛ (dc)

¹³ Aa di heei kulɔ lɔi kəlee nwun mɛ̨i ləɠə-ləɠə; yɛ di kɔ̨nɔ̨n gɛ a yɛa hihɛnŋąą ɓá, yɛ kwɛni wolo hu kwɛin nwulɔ kɛ a di kɔ̨nɔ̨n. Olivə yii a ɓɔn kwɛni hu, nwɔ wulɔ nwunu ɓə a dɛɛ di pɔ.

Yálá laawoo hɛɓɛ

¹³ Aa di heei kulɔ lɔi kəlee nwun mɛ̨i ləɠə-ləɠə; yɛ di kɔ̨nɔ̨n gɛ a yɛa hihɛnŋąą ɓá, yɛ kwɛni wolo hu kwɛin nwulɔ kɛ a di kɔ̨nɔ̨n. Olivə yii a ɓɔn kwɛni hu, nwɔ wulɔ nwunu ɓə a dɛɛ di pɔ.

Bible

¹³ “È ǹɛɛ naa díkɛ nûa mɛi a kâloŋ ńyee-ŋai mâ, è gɛ dí kɛ́ ǹɔii su mii-sãai miî. Dí kɔ̃iŋ wûrɔ kùla gɔni-woloi su, Dí ɔle-wuru-ŋai dílɛlɛ gɔni-lɔii mâ.

Dutɛrɔnome 32:13 ပူးပေါင်းရင်းမြစ်များ

Samia Veerɛi 22:34

A gɔ́wɔ́ kɛ mú yɛ lomą. A ɉáŋa ə dɔ́ɔ́, ə náŋin yeeɠaa mɛ̨i.

Zôo 20:17

Hvo kɛa pai ɲɛ̨i tɔɔi tɛɛ ya lon ma, da ya kpɛa kpɛaɠaa, da kwɛin nwulɔ, da Nįŋɛ̨ ɲįnį ya mɛ̨i wulɔ.

Zôo 29:6

Ɓɛlɔwai ŋį́ kɛi gɔ́wɔ́ ɓa waa la a wulɔ, ɛlɛɛ, wulɔ kpoloon yɛ laa ɲə́i gɔwɔla.

Mąątɛ̨nɛ̨ 18:33

Ɲálái tii ɓə a ɉú yili a huwalawalalaa, yɛ ɉíɛ pələ lɛlɛ.

Mąątɛ̨nɛ̨ 81:16

Nuąi Yai-Laa wɛli kpɛɛ diɛ, yiliɠaai də li kɛ di nɛ̨ɛ̨ kwɛlii di hu, dəli lɔ kɛa kɛ yili hu a yələ kəlee.

Azaya 48:21

Kpələ wɛli hvo di hon nɔi pun tii ə di tɛɛ nąą pələ, ɉu; ə ya kulɔ kwɛni kpuwulu hu di mąą mɛ̨nį ɓa, ə gwɛni kpuwulu ɓɛla, tɛɛ yaɠaa di laa.

Azaya 58:14

Ya gɛ tii, ɲą́ kɛ kwəinɛ̨ɛ̨ ton, ɲą́ą́ Yai-Laa, gɛ́ li a yɛ́ wotolo hu, lɔiɠaa nwun mɛ̨i pələ, gɛ́ ə́ ɲąą kɔ́n, a ə́ kala pɔlɔ Ɉakɔbə nwɔ lɔi. A tɛ̨ą, nwooi kulɔ Yai-Laa la ya ka tii.

Izikiɛ 16:13

Ə́ mąą yili hɛnŋąąi tii di kɛ a hɛni da wali; ə́ mąąyili həɠəɠaa di ɓo a həɠə ɓɛla huwu lɛlɛɛɠaa, gwəlɛɛ pə-pə, a həɠə ɓɛla hɔ̨nwɔ̨ kpɛa kpɛa, di mąą puɔ. Kɔ̨nɔ̨n ɉu yɛɠɛɛ ɓə ə́ kɛi mįi, da kwɛ́in nwulɔ, da wulɔ; ə́ lɛlɛ kpɔ kɛa a gɔn bulu pələ. Ə́ həli tɔɔlaa ɓa.

Izikiɛ 21:17

'Tómą, gboo təli, hulɔnu lon! Mąąhɔlɔɓo, gɔ́ kɔ́ ɓɔwa aa yamąn nwɔ́ nuąi lɔwai aa yamąn Israɛlə lɔi ɲąąwooɓo nuą kəlee mɛ̨i daa di pili gɔ́ kɔ́ ɓɔwa ɲą da nɔi lonnii, 'ə́ yee pɛlɛ ə́ la.

Izikiɛ 36:2

Mɛ̨nį kəlee ŋą Hééɓomun Yálá woo ka; yɛ: Ka yowoɠaa di kɛi kɛ diɛ: ‹Dɔwɔ tɔwɔ yeeɠaai ŋɛ̨i daa lɛɛ a ku wɔɔ.›

Osia 13:6

Di həli lɔ nɔi nɛ̨ɛ̨ hu, di pilɛ, di pilɛ lɔ, diɛ kɛa di kpɔwɔ ɲąą kɛnɛ̨, yili ɓə gɛ diɛ lɛ̨ą mą́ą́.

Dutɛrɔnome 28:47

«Akɛ ka wala tí Yai-Laa ka wɔ Yálái ɓa a ka kwəinɛ̨ɛ̨, da ka lii kəlee, ɓɛlɔwai ka yee laahvɛɛi la a hɛn gəlee,

Dutɛrɔnome 33:26

Moisə yɛ nwɔ̨nɔ̨ diɛ: «Yesurun, hɛn da hvo laa da, ə́ mąąkpɔmąą ɓo Yálá di pɛliɛ, yaai mąąwia, yɛ hiɛ tulɔ kpinįnŋąą lɔwai a vaŋą yələkɔlɔn ɉu.

Dutɛrɔnome 33:29

Israɛlə! Ə́ nwun na nɛ̨ɛ̨i! Gbɛɛ ɓə ka yaa ka kulaa tii ka kee ɓai? Yɛ́i ə tɔɔ bulu ɓaa Yai-Laa! Yaa ɓə gaa a ə́ mąąkpɔmąą ɓo hə́mə́! Yaa lɔ ɓə gaa a ə́ wɔ huwalawala ɓɔwa kwɛa! Ə́ yowoɠaa di hvo kolokpɛli di lii pɔ wɔlɔi ə́ pɔ, ya di wɔ lɔi too ə́ kɔ́wɔ mu, yɛ́ hiɛ ɉu.»

Dutɛrɔnome 8:15

Ya ɓə gɛ, kaa ɉiɛ kulɔ nɔi pun mąą ɲɔwuɔ kɛnɛ̨ɛ̨ hu, ɓɛi kaalə ɲɔ̨nwɔ̨ɔ̨ɠaa di kɛ laa, da ɲɔ̨ngaaləɠaa; ɓɛi kpələ wɛli a nu paa laa, yaa tii ɓə yá kulɔ kwɛni kpuwulu hu, yɛ tɛɛ a gboloon gɛnɛ̨.

Dutɛrɔnome 8:8

Lɔi ta li, ɓɛi mɔ̨nun da kpai, viɲə, ɓɔɔlaa wuluɠaa da grenadə wuluɠaa da lɛlɛ laa; ə mą kɛ olivə wulɔ, da kwɛin nwulɔ di kaa laa;