Dutɛrɔnome 31:3 - Yálá laawoo hɛɓɛ (dc)

³ «Yai-Laa ka wɔ Yálái yaa kpinįi ɓə pai tɔɔi ka ɲɛ̨i tɔwɔ, yaa kpinį ə nu huwuɠaa tii kpɛ ka ɲɛ̨itɔwɔ ɲa pulu ɓɛli pələ, yɛ nɔi kulɔ di yəi yɛ dɛɛ ka pɔ. Ɉosue ɓə pai tɔɔi ka ɲɛ̨i tɔwɔ, yɛ bələi Yai-Laa ə mo la kaa.

Yálá laawoo hɛɓɛ

³ «Yai-Laa ka wɔ Yálái yaa kpinįi ɓə pai tɔɔi ka ɲɛ̨i tɔwɔ, yaa kpinį ə nu huwuɠaa tii kpɛ ka ɲɛ̨itɔwɔ ɲa pulu ɓɛli pələ, yɛ nɔi kulɔ di yəi yɛ dɛɛ ka pɔ. Ɉosue ɓə pai tɔɔi ka ɲɛ̨i tɔwɔ, yɛ bələi Yai-Laa ə mo la kaa.

Bible

³ Nyaa kpîŋ a pâi liî kátuɛ ǹyái pôlu. A pâi ǹɔii-ŋûŋ-ŋai su-ƃelai kpɛ̂i káperei é ǹɔii tɛ́ɛ kápɔ. Zasua ǹyaa máŋ a pâi liî kátuɛ yɛ̂ɛ berei Yâwɛɛ è mò lai.

Dutɛrɔnome 31:3 ပူးပေါင်းရင်းမြစ်များ

Zɛnɛse 48:21

Israɛlə yɛ Ɉosɛfə ɓa: «Náá hiɛ ka ną́nni kwɛlɛ, kɛlaa, Yálá kaa ka pɔ. Gaa pai pənəi ə li a kaa ka nąnni pɔ lɔi.

Gɛlaɠaa 7:45

Ɉɔlɔɓoi gu nąnni di mo, Ɉosue ə tɔɔ di tɔwɔ, di lɔ la nɔi Yálá ə ɉu nuą kpɛ di tɔwɔ, ɉu, ə lɛɛ laa, ə lɛɛ ɉu, Davidə nwɔ yələi ə ɉəli.

Dutɛrɔnome 1:30

Yai-Laa ka wɔ Yálái ɓə hiɛ́i ka ɲɛ̨itɔwɔ, yaa kpinįi lee ɓə pai gɔ́ kɔ́i a ka wɔ kɔ́; Yɛ bələi kpɔlɔɔ ə gɛ la Eziptə lɔi hu. Yɛ ka nwun mąąɓo, gbaɠala kaa tii kaa.

Dutɛrɔnome 3:28

Ə́ kwəi mɛ̨nįɠaa ɓo Ɉosue ɓa. Váŋąlɔ, ə́ niikpələ, mąąhɔlɔɓo, yaa tii ɓə pai kɛi nu kpulu nwun na diɛ Ɉurdɛn teen. Nɔi ŋɛ̨i ə́ kaa gaai, ɉu ɓə di kaa lɔi laa.»

Dutɛrɔnome 31:14

Yai-Laa yɛ Moisə ɓa: «Moisə! Ə́ pɔlɔ hiɛ ka ɉu hvo kwɛa li, Ɉosue təli ka yaa ka pa gee kaa kələ laaləi, nąą ɓə gáá nwɔ́ tíɓoi tɛɛi laa bɔ.» Moisə da Ɉosue di nɛɛ mą də li gee kaa kələ laaləi.

Dutɛrɔnome 31:23

Yai-Laa ə mɛ̨nįɠaa ŋɛ̨i ɓo kpɔ Nun lon Ɉosue ɓa a nwąnąąi, yɛ mą: «Ə́ liikpələ, ə́ tɔɔ a ə́ nwąnąąi, mąąhɔlɔɓo, nɔi ŋį́ nwóó kwɛlɛ la Israɛlə lonnii diɛ, ŋį́ naakwɛlanmo diɛ, gɛ́ gáá dɛɛi di pɔ, yɛ́ ɓə pai di lɔi ɉu. Ɲą́ą́n, gáá pai kɛi ə́ pɔ.»

Dutɛrɔnome 31:4

Bələi Yai-Laa ə Amɔrə tɔɔɓɛlaa hveelɛi kɛ a Sihɔn da Ogə di hon na, yɛ di huwu pu da di wɔ lɔi hu nuą kəlee, bələ ɓə gaa pai nɔi tii hon ɉii la.

Dutɛrɔnome 34:9

Yálá ə mɛ̨nį kɔ́lɔn gili tɛɛ Nun lon Ɉosue pɔ kpɔ kɛnɛ̨; mąąhɔlɔɓo, Moisə ə ɉuɓo Ɉosue hu a ɲee pɛlɛɛ nwuɔ̨. Ə həɠə kɛa ɲələ ɓa, yaa tii ɓə Israɛlə lonnii di kɛ nwoo ŋą, dɔ́n ŋɛ̨i Yai-Laa ə dɛɛ Moisə pɔ, di hvilɛn ŋąą bulu.

Dutɛrɔnome 7:1

Ɲələi Yai-Laa ka wɔ Yálái kaa pai ka lɔi la nɔi ŋɛ̨i ka káá pai ɉɔlɔɓoi a ka wɔ ɉui; yɛ nu huwu tamąą kpɛ ka ɲɛ̨i tɔwɔ, diɛi a: Hɛtə nuą, Girgasə nuą, Amɔrə nuą, Kanaan nuą, Perizi nuą, Hivi nuą, ɛlɛɛ da Ɉebusə nuą; nu huwu mɛ̨ihveelɛi tii di tamąąi, di hvaŋą kɛnɛ̨ di tɛɛ kaa,

Dutɛrɔnome 9:3

Ka káá pai gili kɔ́lɔn ɉii kaa diɛ, Yai-Laa ka wɔ Yálái ɓə pai tɔɔi ka ɲɛ̨i tɔwɔ yɛ Ɉurdɛn teen a kaa, yɛ nwɔ̨n gbəɠiɛ; yaa tii ɓə pai Anakə nuą huwu pui, yɛ di tɛɛ ka pɔ, ka káá pai nɔi kulɔi di yəi, ka di kpɛɛ yɛnɛ̨ɛ̨ ɲąąɓa, yɛ bələi Yai-Laa ə di laakwɛlanmo la kaa.

Hebreu 4:8

Akɛ, Ɉosue ə nuą lɔ vįitɔɔ tii hu, hvo li kɛ pənə yili pulu, yɛ hvóló takpɛli mąą mɛ̨nį ɓo.

Zasua 1:2

«Nwɔ́ tímun Moisə aa haa; yili ɓa tii, ə́ muhəɠə ə́ tɔɔ nuą tɔwɔ ka diɛni ka Ɉurdɛn yái ŋɛ̨i teen. Nɔi ŋɛ̨i ŋį́ naakwɛlanmo Israɛlə lonnii diɛ, ka li ɉu.

Zasua 11:15

Yili ɓə Yai-Laa ə mo nwɔ tímun Moisə ɓa, Moisə yaan, ə Ɉosue tí la. Bələ yaan nɔ ɓə Ɉosue ə gɛ la. Mɛ̨nįɠaa kpɔ Yai-Laa ə Moisə tí la, Ɉosue hvo dɔ̨nɔ̨ kpɛli lɛɛ pulu; ə gəlee kɛ.

Zasua 3:7

Yai-Laa yɛ Ɉosue ɓa: «Ə həɠə háákələi ɓa, gáá pai ə́ kɛnɛ̨i Israɛlə nuą kəlee ɲɛ̨i ɓa; əgɛ, di gɔlɔn diɛ, gáá ə́ pɔ, yɛ bələi ŋį́ kɛ la Moisə pɔ.

Zasua 4:14

Nąąlɔwai, Yai-Laa ə Ɉosue kɛnɛ̨ nuą ɲɛ̨i ɓa, nuą diɛ ɲɔw mą, yɛ bələi di kɛi ɲɔw la Moisə ɓa ɲíi hvóló kəlee hu.