Dutɛrɔnome 31:27 - Yálá laawoo hɛɓɛ (dc)

²⁷ Mąąhɔlɔɓo, ka kwɛli teɛi, ɛlɛɛ, ka nwun ɉu walawalaa mɛ̨nį nwɛi, yili kpaɠala ka mą́ą́ nii háákələi ka lɔwai. Vúlú kɔ́wɔ ŋą ɓə ka tɔɔlaa Yai-Laa la, gu hvo mun kɛ ɉáá pulu!

Yálá laawoo hɛɓɛ

²⁷ Mąąhɔlɔɓo, ka kwɛli teɛi, ɛlɛɛ, ka nwun ɉu walawalaa mɛ̨nį nwɛi, yili kpaɠala ka mą́ą́ nii háákələi ka lɔwai. Vúlú kɔ́wɔ ŋą ɓə ka tɔɔlaa Yai-Laa la, gu hvo mun kɛ ɉáá pulu!

Bible

²⁷ Ŋa gɔ́lɔŋ ká káa a tɔɔ maa-ƃela káwolii kpɔ́lɔɔ. Ka tɔɔ̂i Yâwɛɛ ma tãi ŋ́gaa la ɣele ma. Ŋà sàa kásɔnyɔ̂ŋ a pâi tɛɛ̂i nyii ma ka gɛ̂i.

Dutɛrɔnome 31:27 ပူးပေါင်းရင်းမြစ်များ

Kɔlɔnikɔ Veerɛi 30:8

«Ka hvo gɛ kan a kwɛli tee laa, yɛ ka nąnni. 'Ka ká yee haŋą Yai-Laa pɔ pələ, ka pa ŋą pɛlɛ mąąhəɠɛɛ mu, yaai aa mąąhəɠə a yələ kəlee mɛ̨nį. 'Ka tí ka wɔɔ Yálái Yai-Laa ɓa, əgɛ, ə nwɔ liiɲąnwąną ɲɛ̨i həɠə kaa.

Nehemi 9:16

«Kɛlaa, diɛ da ku nąnni, di gɛ a kpɔɔ ŋąą kɛnɛ̨, a nwun ɉuwalawala laa, di hvo di wəli tɔɔ ə́ wɔ tɔ́n nwooɠaa diɛ.

Nehemi 9:29

Ə́ di liɛwoo kɛ, yɛ́ di pənə di pa ə́ wɔ tɔ́n ma. Kɛlaa, di di kpɔɔ kɛ a huɲąŋą kɛnɛ̨ nuą, di hvo di wəli tɔɔ ə́ wɔ tɔ́n ma. Di nɛ̨ŋɛ̨n ɉəɠə ə́ wɔ liɛwooi ɓa, liɛwoo yii a yɛnɛ̨ɛ̨ kpɛɛ hvo mą tɛɛ ɉon nuą pɔ. Di di kwɛli tee, diɛ ɓowon dɛ diɛ, di di kpowo pulu walawala, di hvo gɛ di ɉon.

Mąątɛ̨nɛ̨ 78:17

Kɛlaa, di kɛi lɔ nɛ̨ŋɛ̨n ɉəɠə mą; diɛ tɔɔ Hɛn Gəlee Nąmu la nɔi pun ɉu.

Mąątɛ̨nɛ̨ 78:8

Ə gɛ di hvo pa nəi kɛ yɛ di nąnni; a nu huwu mąąkwɛli laa walaai tii, a kulɔ nwoo mu nuą, a nu huwui gili mąąhvalin naa nɛ̨ɛ̨, a diɛi di hvo kɛi di kilitɔɔ Yálá ɓa.

Azaya 30:9

Kulɔ nwoo mu nu huwu ka tii, lɛɛ kɛ nuą ɓaa a diɛ, di hvo bɔ di hvo di wəli tɔɔ Yai-Laa ŋą tɔ́n nwoo ɓa.

Azaya 48:4

Ŋą́ gɔlɔn gɛ, gɛ́ diɛ ə́ kili wala walaai, ɛlɛɛ ə́ kpowola wala walaai yɛ kwɛli, ə́ tɔwɔla wala walaai yɛ ɓala kwɛli,

Ɉeremi 5:23

Kɛlaa nu huwui ŋɛ̨i kili ka laa gwəi, di hva lɛɛ nu woo mu. Daa həɠə bələ mɛ̨i diɛ li di nwun ma.

Izikiɛ 20:21

Kɛlaa, di lonnii di kulɔ nwóó mu, di hvo nwɔ́ tiɓoɠaai hon, di hvo nwɔ́ tɔ́n nwooɠaai pɔ mɛ̨nį kɛ; di hvo lɛɛ di pulu, ya pa di halai ɓə nuą da yɛnɛ̨ɛ̨ kpɛɛ hvo mą hɔlɔɓo la, a di pɔ mɛ̨nį kɛi da mo. Di kɛi nwɔ́ hvįįtɔɔ yələɠaa həɠə mą, Gɛ́ nwɔ̨nɔ̨ diɛ, gáá pai nwɔ́ liiholi yɛɛi di mɛ̨i nɔi pun ɉu, və́ pai nwɔ́ liiholii kpɛlai bələi.

Gɛlaɠaa 7:51

«Ká wəlii kpɔlɔ nu huwui ŋɛ̨i, ká kili da ka wəli mąą kuu hvo kɛ li, yələ kəlee, ká tɔɔ lɔ tai-tai kilaa pono Kili-Mąąhəɠɛɛ la, ka káá kpɔlɔ yɛ ka nąnni.

Dutɛrɔnome 31:26

«Gəhi lon tii Yai-Laa ka wɔ Yálá nwɔ mįnɛ̨ kwɛni ɓɛlaɠaa kaa laani ɉui, ka dɔ́n ɉɛɓɛ́ həɠə ka naa gwɛlɛ. Yili ɓə pai kɛi a kɛla.

Dutɛrɔnome 32:20

Ə mo kɛa yɛ kɛ diɛ: «A yiiɠaai-yoo! Nu hva pɛli ə́ kilitɔɔi diɛ! Mąąwiɛ laa hvo di yəi! Gáá ɲɛ̨i lɛlɛɛ həɠəi diɛ, kɛlaa di wɔ yɛnɛ̨ɛ̨ kaa pai kɛi ləi tɔwɔ pələ?

Dutɛrɔnome 9:13

Ɛlɛɛ Yai-Laa yɛ mą́ą́: «Ŋą́ą́ nuą tii kaa, nu huwu nwun ɉuwalawalaa ɓaa diɛ!

Dutɛrɔnome 9:24

Ə həɠə kpɔ ɲələi ŋį́ ka kɔ́lɔn na ma, ə həli la yiihu ɓa, ka kɛi lɔ ka kwɛli tee Yai-Laa ɓa.

Dutɛrɔnome 9:4

Yai-Laa a pa nuą tii kpɛi ka tɔwɔi, ka tɔɔ kaa kɛ diɛ: «Ku túwɔ́ pələ lɛlɛɛ moɔ ya ɓə gɛ, Yai-Laa yɛ ku lɔ la nɔi ŋɛ̨i hu, kuɔ hee laa.» Nu huwui tii hɔn mə gɛ, yɛ nɔi kulɔ la di yəi, yɛ dɛɛ ka pɔ.

Samuɛlə dɔlɔɔ 12:15

Kɛlaa, ka wala ka wəli tɔɔ Yai-Laa woo ɓa, ka ká nwun gulɔ Yai-Laa nwɔ tɔ́n nwooɠaa mu, Yai-Laa yee kaa pai wiɛi ka mɛ̨i, yɛ bələi ə wiɛ la ka nąnni mɛ̨i.