Dutɛrɔnome 31:20 - Yálá laawoo hɛɓɛ (dc)

²⁰ Yaan, a tɛ̨ą, nɔi ŋɛ̨i ɲįnįyá da kwɛin nwulɔ da di kpoloon naa ɉu yɛ yá lon, gáá nąą tɛɛi di pɔ a di wɔɔ, yɛ bələi ŋą́ naakwɛlanmo la tii di kalaɓɔlɔni diɛ, gɛ́ gwɛ́la ɉu. Di kaa lii kɔ̨nɔ̨n ɉɔlɔɓoi laa a di liiɓa pələ, diɛ mįi; di kɔ́lɔ lɛlɛɛ yɛ laa diɛ. Yili pulu, di kaa pai di pulu tɔɔi mą́ą́, diɛ hvilɛn haliɠaa pulu, diɛ tí ɉaliɠaa tii diɛ; di kaa pai vííɓoi, di nwɔ́ mįnɛ̨i hu kala.

Yálá laawoo hɛɓɛ

²⁰ Yaan, a tɛ̨ą, nɔi ŋɛ̨i ɲįnįyá da kwɛin nwulɔ da di kpoloon naa ɉu yɛ yá lon, gáá nąą tɛɛi di pɔ a di wɔɔ, yɛ bələi ŋą́ naakwɛlanmo la tii di kalaɓɔlɔni diɛ, gɛ́ gwɛ́la ɉu. Di kaa lii kɔ̨nɔ̨n ɉɔlɔɓoi laa a di liiɓa pələ, diɛ mįi; di kɔ́lɔ lɛlɛɛ yɛ laa diɛ. Yili pulu, di kaa pai di pulu tɔɔi mą́ą́, diɛ hvilɛn haliɠaa pulu, diɛ tí ɉaliɠaa tii diɛ; di kaa pai vííɓoi, di nwɔ́ mįnɛ̨i hu kala.

Bible

²⁰ Ŋa pâi pâi a dia ǹɔii ma ŋá ŋ́gono tèe la dínâŋ-pɔlɔ-ŋai yêei. Ǹɔii ŋí lɛ̂lɛɛi tíi kɛ́ mɛni ma. Da pâi ƃûu ƃôi naa dí m̀ii-sãai míi da ŋ̀wɛ̂lii. Kɛ́lɛ da pâi tinâni ɣâla da kpɛ́ni-ŋa pɔ́ naa dí tɔ́ɔ ḿâ.

Dutɛrɔnome 31:20 ပူးပေါင်းရင်းမြစ်များ

Nehemi 9:35

Ɓɛlɔwai di kɛi di wɔ tɔɔlaa kɛ la, di ɓo nwun na nɛ̨ɛ̨ kɛnɛ̨ɛ ə́ dɛɛ di pɔ ɉu, nɔi kɛnɛ̨ɛ yii kɔ̨nɔ̨n a lɛlɛ ɉu, yii ə́ naa di lííla, di hvo gɛ di hvo di yee kulɔ di kɛ mɛ̨nį ɲɔ̨nŋąą hu, di hvo tii yɛ́.

Mąątɛ̨nɛ̨ 119:70

Di lii ɲɔ̨nwɔ̨ɔ̨ di kwəi kpɔ kɛnɛ̨, nwɛ́i, ə́ wɔ tɔn nwooiɠaai ɓə da níí hon.

Mąątɛ̨nɛ̨ 17:10

Di wulɔ aa di laahvɛɛ, kpɔwɔ ɲąąkɛnɛ woo ə ɓo di la.

Mąątɛ̨nɛ̨ 73:7

Di wɔ kiliŋąhiɛ ɲɔ̨nwɔ̨ɔ̨ a kulɔ di kɔ́lɔ ɓa yɛ wulɔ, di líí laahvɛɛ a gbąną mɛ̨nį.

Lɛɛ gbɔwɔ ɓa 3:17

Ya ɓə, Ŋą́ kɛ Gáá ka kulɔi mɔ̨nɔ̨i tii hu, Ŋą́ li a káá Kanaan lɔi hu, ɓɛi Hɛtə nuą, Amɔrə nuą, Perizi nuą, Hivi nuą, da Ɉebusə nuą di kaa laa, ɓɛi tii hɛn gəlee da lɛlɛ laa.

Lɛɛ gbɔwɔ ɓa 3:8

Ŋą́ pa, ŋį́ di kulɔ Eziptə nuą yee mu. Ŋą́ li a diɛ nɔi ŋąą kɛnɛ̨ɛ̨ lɛlɛɛ tii hu, ɓɛi hɛn gəlee a lɛlɛ laa. Nɔi tii ɓə: Kanaan nuą, Hɛtə nuą, Amɔrə nuą, Perizi nuą, Hivi nuą, da Ɉebusə nuą di kaa ɉu.

Hanwon 30:9

Hvó gaai, ŋą́ pilɛ hɛn gɔw hu kɛnɛ̨, və́ lənə Yɛ́, gɛ́ kɛ mą: «Gbɛɛ ɓaa Yai-Laa?» A wala kɛ tii, ɲéé la a tee, və́ pa nwuɔ̨ kɛ, və́ ɓɛlɛkpɛɛ nwɔ́ Yálá ə́ laa ɓa.

Azaya 6:10

Nuąi tii kili walawala, 'di wəli hu kpɔn, di ɲɛ̨i pu, 'di hvo pɛli kɛɛ kaai a di ɲɛ̨i kɔ́w, 'di hvo mɛ̨nį mɛ̨n a di wəli, di hvo mɛ̨nį kpaɠala kaa a di kili, di hvo pa nee di hɔn mąą pənə, diɛ ɓalo.»

Ɉeremi 31:32

Hvo pai kɛi yɛ mįnɛ̨i kwa di nąnni ku ɉəɠə, ɓɛlɔwai ŋą́ di hon na a di yee, gɛ́ di kulɔ Eziptə lɔi hu. Mįnɛ̨i tii, di ɉukala, kɛlaa, ɲą́ą́n, gáá lɔ a di Nąmu di nwun na. Yai-Laa woo li!»

Ɉeremi 5:28

Di ɲɛ̨i wulɔ yɛ kulɔ, di koo a hee, di yee laɠin ŋąą nu kəlee mɛ̨i mɛ̨nį ɲɔ̨n gɛɛ hu. Di hva kɛa tɛ̨ą mąąwiɛ kiti tee lɔwai, di hva təlilon nwɔ tɛ̨ą mɛ̨nį ɲɛ̨i kulɔ, ə gɛ lɔ di hɛn ɉɔlɔɓo. Di hva mąąwɛli mun mąą mɛ̨nį ɲɛ̨i kulɔ.

Ɉeremi 50:11

Gaa tii! 'Ka kwəinɛ̨ɛ̨ kulɔ! 'Ka hɛli pu, kaai a gwɛlin ɉu kala nuą. 'Ka pili yələi, yɛ nįŋɛ̨ lonnii da kɛ kala tiliin ɉu. 'Ka tomą yɛ hoo hilɛɠaa.

Izikiɛ 34:16

Daatɛlɛɛ yii aa pili, gáá pai gwɛlii; yii aa kulɔ mɛlaa pɔ, gáá pai gɛi ə pənə ə pa. Yii gɔwɔ tɔ̨nɔ̨ yaliɛ, gáá pai taɠá tɛi mą; yii ɲɔ̨n gɛi, gɛ́ vaŋa lɔ. Kɛlaa, daatɛlɛɛ yii a nwulaa, daatɛlɛɛ yii ɉuwala walaa, gáá pai ɲɛ̨́i kɛi ma a nɛlɛɛ, gáá pai nwɔ́ taatɛlɛɛ kpului ɲąąkɔn ɉii tələnmolaa hu.»

Izikiɛ 34:20

Yili mąą mɛ̨nį ɓa, Mɛ̨nį kəlee ŋą Hééɓomun Yálá yɛ: Ɲą́ą́ gbínii, gáá pai mɛlaa haa yolaa, da mɛlaa haa kpalaa di lɔwai mɛ̨nį ɓoi.

Osia 13:6

Di həli lɔ nɔi nɛ̨ɛ̨ hu, di pilɛ, di pilɛ lɔ, diɛ kɛa di kpɔwɔ ɲąą kɛnɛ̨, yili ɓə gɛ diɛ lɛ̨ą mą́ą́.

Osia 6:7

Kɛlaa di wɛi, yɛ nu kanŋaa, daa mįnɛ̨ həɠɛɛ hu kala, bələi di mówo la bələ li.

Dutɛrɔnome 11:16

Ka gɛ a nɛlɛɛ, ka hvo nɛɛ laa di hvo ka kili ŋąąpɛlɛ; di hvo ka nwun ɉu lan; kaa li tɔɔi kaa tí haliɠaa diɛ; kaa kwɛli hvilɛn diɛ.

Dutɛrɔnome 11:17

Ka yili kɛ tii, Yai-Laa nwɔ liiholi a ɓɛla ka mɛ̨i, ə yələkɔlɔn naa kpulu, tulɔ hva pu, ka wɔ hihɛn da hva kɛa lɛlɛ lɔi ɓa; ə lɛɛ, ka huwu yɛ pu a ɉukpuaa nɔi lɛlɛɛ tii Yai-Laa kaa dɛɛ ka pɔ ɉu.

Dutɛrɔnome 6:3

Israɛlə ə́ wəli tɔɔ, 'ka tɔɔ a ka nwąnąi, ka di pɔ mɛ̨nį kɛ, ka gɛ tii, ka kɛ nwun nąnɛ̨ɛ̨ hu, ka huwu yɛ ɓɛlɛ yɛ bələi Yai-Laa ka nąnni di wɔ Yálái ə naakwɛlanmo la kaa; a lɔi lɛlɛɛ ɓɛi hɛn gəlee a lɛlɛ laa.

Dutɛrɔnome 7:1

Ɲələi Yai-Laa ka wɔ Yálái kaa pai ka lɔi la nɔi ŋɛ̨i ka káá pai ɉɔlɔɓoi a ka wɔ ɉui; yɛ nu huwu tamąą kpɛ ka ɲɛ̨i tɔwɔ, diɛi a: Hɛtə nuą, Girgasə nuą, Amɔrə nuą, Kanaan nuą, Perizi nuą, Hivi nuą, ɛlɛɛ da Ɉebusə nuą; nu huwu mɛ̨ihveelɛi tii di tamąąi, di hvaŋą kɛnɛ̨ di tɛɛ kaa,

Dutɛrɔnome 8:19

Kɛlaa, Ka lɛ̨ą Yai-Laa ka wɔ Yálái ɓa, kaa hvilɛn haliɠaa pulu, kaa tí diɛ, kaa pɛlɛ di lííla; gáá moi kaa, gɛ́ gwɛla ɉu! Ka nwun na a pili kpɔ tɛ̨ɛ̨tɛ̨ɛ̨.

Dutɛrɔnome 8:7

Yai-Laa ka wɔ Yálá kaa ka lɔi, lɔi lɛlɛɛ hu ɓɛi gaa a tɛɛyáɠaa, da yátonŋąą kulɔ lɔi. Ɲáɠaa tii di nwun a kulɔ yeeɠaa ɓa da nɛ̨ŋɛ̨ɠaa hu.