Dutɛrɔnome 31:19 - Yálá laawoo hɛɓɛ (dc)

¹⁹ Yili ɓa tii, nwələi ŋɛ̨i pɛ̨ɛ̨ ka mąą mɛ̨nį ɓa, ə́ Israɛlə lonnii mąąkwɛli mą, ə kɛ di la a kɛla kwa diɛni ku lɔwai.

Yálá laawoo hɛɓɛ

¹⁹ Yili ɓa tii, nwələi ŋɛ̨i pɛ̨ɛ̨ ka mąą mɛ̨nį ɓa, ə́ Israɛlə lonnii mąąkwɛli mą, ə kɛ di la a kɛla kwa diɛni ku lɔwai.

Bible

¹⁹ “Mɛni ma, ŋ̀ulei ŋí pɔ̃yɛ í kɛ́ doo-pêre lɛ́ dîa a gɛɛ da kɛ̀ doôi, é kɛ́ a sêre kwa dîa-ni kúloai.

Dutɛrɔnome 31:19 ပူးပေါင်းရင်းမြစ်များ

Samia Veerɛi 14:3

Yili pulu, li ə́ həli tɔɔmun ma, ə mɛ̨nįɠaai ŋɛ̨i ɓo mą.» Mɛ̨nįɠaai kɛ mąąnɛ̨ɛ̨ nɛ̨ɛ̨nui tii ə mo, Ɉoabə ə gəlee ɓo mą.

Mąątɛ̨nɛ̨ 102:18

A ɲələi ti gaa pai ɲɛ̨i tinɛn ɉi la nuą daa too, di pɔ pələ, di wɔ hvɛli wooi pɔ pələi, gaa pai ɲee heei di wɔ hvɛli wooi mu, hvo kɛa pai di pilii.

Lɛɛ gbɔwɔ ɓa 4:15

Ya həli mą, mɛ̨nį kəlee hukulɔ mą ə́ ə́ woo pu na. Ɲą́ą́ Gáá Lɔ ə́ laaləi pɔ ka yaa, mɛ̨nį mąąnɛ̨ɛ̨ ka gɛ, ŋą́ nɛ kaa.

Azaya 51:16

Ŋą́ nwóóɠaa pu ə́ la, ŋį́ ə́ mąąkɔ̨nwɔ̨ ɲéé nįnįn mu, gɛ́ yələkɔlɔn naa, gɛ́ lɔi hvilɛn, ɛlɛɛ, gɛ́ kɛ Siɔn ɓai: «Nwɔ́ nu huwu ɓaa yɛ́.»

Azaya 59:21

Yai-Laa yɛ diɛi: «Mįnɛ̨i kwa diɛni ku kaa pai ɉəɠəi, ya ka: Nwɔ́ Kilii kaa pai kɛi ká mɛ̨i, da nwooɠaai ŋį́ bu ə́ lá, di mąą hvo pai kwɛai ə́ laa lee ɓa, di mąą hva nwɔ̨nɔ̨ kwɛa ə́ lonnii laaləi ɓa, ə mą kɛ, ə́ lonnii di wɔɔ lonnii laaləi, ə həɠə yiihu ɓa, ɛlɛɛ kpɔ ɉu, wɔlɔ wɔlɔ ɓa. Yai-Laa woo li.

Ɉeremi 1:9

Yili pulu Yai-Laa ə ɲee haŋą, ə ɉee nááləi ɓa, yɛ mą́ą́: «Yiihu, ŋą́ą́ nwóóɠaa pu ə́ la ka tii.

Izikiɛ 2:5

Nąąlɔwai di di wəli tɔɔ di hvo di wəli tɔɔ, hvo gaai kulɔ nwoomu nu huwu li, da gili kɔ́lɔn diɛ kɛ Yálá kwəi mɛ̨nį hu kulɔmun gaa di lɔwai.

Maafîu 10:18

Di kaa pai lii a kaa lɔi nąmįną lííla, ə mą kɛ tɔɔ ɓɛlaa lííla, mą́ą́ mɛ̨nį ɓa. Ə gɛ, ka mą́ą́ kɛla hvaa ɓo di ɲɛ̨i ɓa, da nuąi di hvo Yálá kɔ́lɔn.

Ɉaan 12:48

Nui a lənə mą́ą́, ɛlɛɛ, a wala laa nwóó la, aa gití teemun ɉɔlɔɓo. Nwooi ŋą́ mo, ya ɓə pai mąą nu kiti teei yɛnɛ̨ɛ̨ ŋąąkpɛɛ yələ.

Dutɛrɔnome 11:19

Ka ka lonnii kalan na, kaa mo diɛ kɛlɛ-kɛlɛ; ka kɛ heeni ka yəi bɛlɛ́n-oo, ka kɛ pələ pɔ-oo, ka kɛ hiɛ ɓa-oo, ka kɛ laani-oo, ka kɛ tɔɔni-oo,

Dutɛrɔnome 31:18

Mąą yələi tii, ɲą́ą́n gáá lɔ pai ɲɛ̨́i lɛlɛɛ həɠəi di mɛ̨i, dúwɔ́ pələ ɲɔ̨n tii di gulɔ a ɲą́ą́, a di hvilɛn mɛ̨nį haliɠaa pulu.

Dutɛrɔnome 31:26

«Gəhi lon tii Yai-Laa ka wɔ Yálá nwɔ mįnɛ̨ kwɛni ɓɛlaɠaa kaa laani ɉui, ka dɔ́n ɉɛɓɛ́ həɠə ka naa gwɛlɛ. Yili ɓə pai kɛi a kɛla.

Dutɛrɔnome 31:30

Moisə ə nwələi ŋɛ̨i too Israɛlə lonnii kəlee ɲɛ̨i ɓa; ə too di kəlee di wəlii. Nwələ kpɔ ka:

Dutɛrɔnome 32:1

Yələkɔlɔn! Ə́ wəli tɔɔ! Gɛ́ ŋį́ mɛ̨nį ɓo. Lɔi! Nwóóɠaa ŋɛ̨i mɛ̨n!

Dutɛrɔnome 6:7

Kaa pa kɛi ɉukulɔi ka lonnii diɛ; ka kɛ moi diɛ, ka kɛ ka yəi bɛlɛ́n, ə mą kɛ hiɛ pələ pɔ, ka kɛ laani, ka mą kɛ tɔɔni.

Zasua 24:27

Ɉosue yɛ Israɛlə nuą kəlee diɛ: «Kaa gwɛnii ŋɛ̨i kaa, ya ɓə pai kɛi a gu mąą kɛla. Mąąhɔlɔɓo, ə Yai-Laa woo mɛ̨n, ɓɛlɔwai gwa diɛni gu kɛi mɛ̨nį ɓo la. Gaa pai kɛi a ka mąą kɛla, yɛ kpəɲan ka tɔwɔ, ka hvo nee pa ka wɔ Yálá ɓowo.»