Dutɛrɔnome 31:14 - Yálá laawoo hɛɓɛ (dc)

¹⁴ Yai-Laa yɛ Moisə ɓa: «Moisə! Ə́ pɔlɔ hiɛ ka ɉu hvo kwɛa li, Ɉosue təli ka yaa ka pa gee kaa kələ laaləi, nąą ɓə gáá nwɔ́ tíɓoi tɛɛi laa bɔ.» Moisə da Ɉosue di nɛɛ mą də li gee kaa kələ laaləi.

Yálá laawoo hɛɓɛ

¹⁴ Yai-Laa yɛ Moisə ɓa: «Moisə! Ə́ pɔlɔ hiɛ ka ɉu hvo kwɛa li, Ɉosue təli ka yaa ka pa gee kaa kələ laaləi, nąą ɓə gáá nwɔ́ tíɓoi tɛɛi laa bɔ.» Moisə da Ɉosue di nɛɛ mą də li gee kaa kələ laaləi.

Bible

¹⁴ Yâwɛɛ è mò Mose ma ǹyɛɛi, “Íɣeniɛi a pá kpɛɛ̂i. Ka Zasua ka pá Ŋákwaa ma Waai ma a gɛɛ ŋá wála-wala-laa tɛɛ bɔ́.” Nya ƃe Mose è Zasua sìɣe da ǹyaa dí pá Yâwɛɛ ŋɛ́i-tuɛ.

Dutɛrɔnome 31:14 ပူးပေါင်းရင်းမြစ်များ

Zɛnɛse 47:29

Israɛlə kɛɛ kɛa pai laai nąnni kwɛlɛ, ə non Ɉosɛfə təli, yɛ mą: «Akɛ nwɛ́li kaa yɛ́, ə́ wɔ wɛlikɛmąą da ə́ wɔ kulɔ nwoo ɓa laa lɛ mą́ą́; və́ bɔ gámą́ hvo kɛ ɓɛ Eziptə lɔi hu. Akɛ ə́ yee kaa nwóó tii mu, ə́ yee lɔ nwɛ́lɛ mu!

Tɔɔɓɛlaa dɔlɔɔ 2:1

Ɓɛlɔwai Davidə haai lɔwai ə kɛi kɛa lɛɠɛ la, ə vɛli non Salomɔn ɓa, yɛ mą:

Tɔɔɓɛlaa veelɛ 1:4

Yili pulu, yɛ nwɔ̨nɔ̨ diɛ: Mɛ̨nii Yai-Laa kaa moi Israɛlə tɔɔmun ma, ya ka: ‹Gbin tii tɔɔmun laai ŋąi, hvo kɛa pai həɠəi laa, ɉaai lɔ li.›» Eli ə li, bələi di tí la, ə gɛ tii.

Tɔɔɓɛlaa veelɛ 20:1

Nąąlɔwai tii, ɲɔ̨n ə pɛlɛ Ezekiasə ɓa, a ɉaa ɲɔ̨n. Yálá kwəi mɛ̨nį hukulɔ mun Amɔsə lon Esai ə pa, yɛ mą, mɛ̨nįi Yai-Laa ə mo ya ka: «Yɛ, ə́ ə́ yəi bɛlɛ́n bɛli, mąąhɔlɔɓo, ə́ kaa pai haai, hvó pai kulɔ ɲɔ̨n ŋɛ̨i hu.»

Zôo 1:6

Yələ ta, malakaɠaa di kɛi li Yai-Laa lííla, ɓilihi yaa kpɛli ə lɛɛ di lɔwai, di pa.

Zôo 2:1

Ə kɛ a hvóló ta, malakaɠaa di kɛi li Yai-Laa lííla. Ɓilihi ə lɛɛ di lɔwai, ə lɔ.

Lɛɛ gbɔwɔ ɓa 33:11

Yai-Laa ə kɛi pələ ɓo Moisə ɓa, da yaa di ɲɛ̨i heɛ di kee ɓa, yɛ nu a kɛi pələ ɓo mɛlan ma, yili pulu, Moisə ə kɛi pənə yɛ pa muwu la, kɛlaa, bɔ mun ŋɛ̨i kɛ a Nun lon Ɉosue, hvo kɛi tee gee kaa kələ mu.

Lɛɛ gbɔwɔ ɓa 33:9

Moisə a lɔ kɛ gee kaa kələ mu, dulɔ kpinįn a yɛɛ, ə tɔɔ gələ laaləi, Yai-Laa yɛ mɛ̨nį ɓo Moisə ɓa.

Lɛɛ gbɔwɔ ɓa 34:2

Ə́ kɛ pələ pɛli, tínąą ə́ tɛ Sinai yee nwuɔ̨ yələwala pinɛ̨ɛ̨, ə́ tɔɔ nííla laa ɲee nwuɔ̨.

Ikilisiati 9:5

Nuąi di kaa a di hvulú, di kili kaa ɉu diɛ: di kaa pai haai. Kɛlaa, nuąi daa haa, di hvo haa ŋą mɔ̨nɔ̨ kɔ́lɔn. Mąąhɔlɔɓo, daa li lɛ̨ąmąątaa.

Azaya 38:1

Nąąlɔwai, ɲɔ̨n nwala wala ta ə pɛlɛ Ezekiasə ɓa a baa ɲɔ̨n. Yálá kwəi mɛ̨nį hu kulɔ mun Esai Amɔsə lon, ə pa, yɛ Ezekiasə ɓa: «Mɛ̨nii Yai-Laa ə mo ya ka, yɛ; 'Ə́i hvɛli ə́ yəi bɛlɛ́n nuą diɛ, mąąhɔlɔɓo, hvo pai kulɔi ɲɔ̨n ŋɛ̨i hu, ə́ haa hiɛ ka.»

Lonon mo 27:12

Yai-Laa yɛ Moisə ɓa: «Tɛ́ Avarimə yee tonna, nɔi gɛ́ ŋį́ pa dɛɛ Israɛlə lonnii pɔ, ə́ gaa.

Lonon mo 27:13

Ə́ kaa lɔ ə́ ɲɛ̨i tɔɔi mą, kɛlaa, yɛ́ kpɛli, ə́ kaa pai laŋąn ɉii ə́ kalani diɛ, yɛ bələi ə́ liɛ Aarɔn ə laŋąn na diɛ.

Lonon mo 27:18

Yai-Laa ə Moisə woo pulu pənə yɛ mą: «Nun lon Ɉosue həɠə, gaa a nui nwɔ́ Kilii kaa ɲəi. 'Lí, ə́ ə́ yee laa mɛ̨i,

Lomaŋ 12:1

Ną́n nonnii, gáá ká hvaŋąlɔi Yálá nwɔ ɲɛ̨imąąwɛli kaa laa hu, gɛ́; 'Ká ká kpɔwɔ kulɔ a haláá vulú mąą, mąąhəɠɛɛ, nwɛli ə ɓo Yálá ɓa. Yili ɓə gaa a kwɛli hvilɛn ŋąąi viɛlaɓoɔ.

Dutɛrɔnome 31:13

Ɛlɛɛ, di lonnii tii gbaɠala hvo diɛ, di kaa pai bələ mɛ̨n ɉii, di Yai-Laa ka wɔ Yálá mąąwiɛ pələ mąąkwɛli, ka yíi hvóló kəlee hu, nɔi ŋɛ̨i ka káá lii heei ɉu Ɉurdɛn ya pulu.»

Dutɛrɔnome 31:2

«Háákələi, gáá kwɛlan aa kɛ a kwɛlan nwun dɔ̨nɔ̨ ɲee hveelɛ; vá kɛa pɛli lɛɛi ɲąąwooɓo laa hu, ə lɛɛ, Yai-Laa aa mo mą́ą́ yɛ mą: ‹Ɉurdɛn yái ŋɛ̨i ə́ kaa gaai, hvó pai deen ɉii.›

Dutɛrɔnome 31:23

Yai-Laa ə mɛ̨nįɠaa ŋɛ̨i ɓo kpɔ Nun lon Ɉosue ɓa a nwąnąąi, yɛ mą: «Ə́ liikpələ, ə́ tɔɔ a ə́ nwąnąąi, mąąhɔlɔɓo, nɔi ŋį́ nwóó kwɛlɛ la Israɛlə lonnii diɛ, ŋį́ naakwɛlanmo diɛ, gɛ́ gáá dɛɛi di pɔ, yɛ́ ɓə pai di lɔi ɉu. Ɲą́ą́n, gáá pai kɛi ə́ pɔ.»

Dutɛrɔnome 32:50

Yili pulu ɲee tii ə́ kaa lii tɛi nwuɔ̨, nąą ɓə ə́ kaa haai laa, ə́ laŋąn ə́ kalaɓɔlɔni diɛ; yɛ bələi ə́ liɛ Aarɔn ə haa la Horə yee tonna, ə laŋąn galaɓɔlɔni diɛ.

Dutɛrɔnome 34:5

Ɲee tii ɓa ɓə Yai-Laa nwɔ tímun Moisə ə haa laa, Moabə lɔi hu; yɛ bələi Yai-Laa ə gbɛa mo la mą.

Dutɛrɔnome 4:22

Gáá pai haai nɔi ŋɛ̨i hu, vá Ɉurdɛn teen, kɛlaa, ka wɛi, ka káá pai deen ɉii; ka lɔ nɔi lɛlɛɛ tii hu.

Zasua 23:14

Ya ka ŋɛ̨i, gáá pai lii háákələi, yɛ bələi yɛnɛ̨ɛ̨ hɛnŋąą kəlee da li la. Kɛlaa, ka gɔlɔn gbɔ a ka lii kəlee, da ka wɔ yɛnɛ̨ɛ̨ kɛ pələ kəlee, kaa kpinįi, kaa diɛ, mɛ̨nįi kpɔ Yai-Laa ka wɔ Yálái ə mo, yɛ hvilɛn na kaa, dɔ̨nɔ̨ kpɛli hvo lɛɛ li pulu, yii naa hvo hvɛɛ li.

Zasua 24:1

Ɉosue ə Israɛlə lonnii kəlee təli, di di ɲąąkpɔn Sisɛmə daai, ə mą kɛ, Israɛlə kalanɉonŋąą, da nɔi ɲąąwooɓo nuą, bɛlɛɛ, giti tee nuą diɛ, da ɉɛɓɛ́ kɛ nuą. Di pa di tɔɔ Yálá lííla.

Zûu 1:24

Yálá, yai a pɛli ə kpɔnmąą tɛɛ ka pɔ ka hva too, ə ɲɛ̨i kɛ kaa, ə ka həli nwɔ mąąwiɛ hvolói ɓa a nuąi hɔn və diɛ kwəinɛ̨ɛ̨ hu,

Samuɛlə dɔlɔɔ 10:19

Ya ka tii, háákələi, kaa ka kili kulɔ ka wɔ Yálái hu, yaa tii a ka kulɔ ka wɔɔ mɔ̨nɔ̨ɠaa kəlee hu, da ka wɔɔ kwəi pili mąą mɛ̨nįɠaa kəlee. Ya ɓə kaa diɛ: «Ə tɔɔmun dɛɛ ka pɔ.» A kɛ tii kani, ka pa Yai-Laa lííla a ka huwuɠaa laa, da gwəliɠaa laa.›»

Samuɛlə dɔlɔɔ 26:10

Davidə yɛ diɛ: «Yai-Laa kaa a vulú, yaa lɔ ɓə mąąnɛ̨ɛ̨ ə gɛlɛ, ə mą kɛ ɉaa yələ aa ɉəli, a wala kɛ tii, ə li kɔ́ mɛ̨i ə lɛɛ ɉu.