Dutɛrɔnome 30:7 - Yálá laawoo hɛɓɛ (dc)

⁷ Mɛ̨nįɠaa kpɔ Yai-Laa ka wɔ Yálái ə mo, yɛ hvilɛn na ka yowoɠaa diɛ, diɛi kɛ di hvilɛn ŋąą ka pulu a yowo laa kɛnɛ̨, Yai-Laa ka wɔ Yálá a mɛ̨nįɠaa tii kəlee pɔ mɛ̨nį kɛ.

Yálá laawoo hɛɓɛ

⁷ Mɛ̨nįɠaa kpɔ Yai-Laa ka wɔ Yálái ə mo, yɛ hvilɛn na ka yowoɠaa diɛ, diɛi kɛ di hvilɛn ŋąą ka pulu a yowo laa kɛnɛ̨, Yai-Laa ka wɔ Yálá a mɛ̨nįɠaa tii kəlee pɔ mɛ̨nį kɛ.

Bible

⁷ A pâi ǹaɣaŋ-ŋai kélee pûi kákpɔara-ƃelai dîa nyii-ŋai kɛ̀ kámɔ̃lɛi dí kɛ́ káluaŋ.

Dutɛrɔnome 30:7 ပူးပေါင်းရင်းမြစ်များ

Lɛɛ gbɔwɔ ɓa 23:22

Kɛlaa, ka ka wəli tɔɔ nwoo ɓa, mɛ̨nįi gáá moi kaa ka gɛ, gáá pai kɛi a ka yowoɠaa di yowo, gɛ́ tɔɔ nuąi da tɔɔ ka la, di la.

Azaya 10:12

Kɛlaa, ɲələi Yai-Laa kaa pai ɲee laa kulɔi la nwɔ koloi kəlee ɓa Siɔn yee nwuɔ̨ da Ɉerusalɛmə daai, gaa pai kɛi diɛ: «Gáá kɛa nwɔ́ nąą kɛi Asiri tɔɔmun ŋą kpɔwɔ ɲąą kɛnɛ̨ mɛ̨nįi ŋɛ̨i hu, da ŋą tɛɠɛɓoɉulaa.

Ɉeremi 25:29

Gáá mɛ̨nį ɲąąnwąnąą tɛɛi, gáá gbala tɔɔi daai da Náá ɓo ɉu, mą. Ɛlɛɛ, káán ka nwun yɛ kulɔ ɉu, yili hva kɛ tii, gáá kɔ-kɔ ɓɔwa təlii yɛnɛ̨ɛ̨ nąą kəlee mɛ̨i. Mɛ̨nį Kəlee ŋą Hééɓomun Yai-Laa woo li.»

Ɉeremi 30:16

Kɛlaa nuąi kpɔ kɛi ə́ mįi, da gəlee mįi. Ə́ yówóɠaa kəlee, da nwɔ kwɛni hvo kulɔ li ɉu. Da li kɔluwɔlaa hu. Nuąi kɛi too ə́ mɛ̨i, diɛ kpɛli, da too di mɛ̨i. Nuąi kpɔ kɛi too ə́ yəi hɛnŋaa hu, diɛ kpɛli da too di wɛi hu.

Izikiɛ 25:12

«Mɛ̨ni kəlee ŋą Hééɓomun Yálá woo ka, yɛ: Edɔmə ə túwɔ a ɲɔ̨nwɔ̨ɔ̨, ə mɛ̨nį ɲɔ̨nwɔ̨ɔ̨ kɛ a Ɉuda nwɔ pɛlɛ́i. Ə ɉɔn gɛ, a nwąnąi tii ə gulɔ,

Izikiɛ 25:15

«Mɛ̨ni kəlee ŋą Hééɓomun Yálá woo ka, yɛ: Filisti nuą di toomɛ̨i kɛ, di di nwąną kulɔ a tɛɠɛɓo ɉu kɛnɛ̨; di gɛ lɔ tii kɛɛ kala wɛli ɓa. Yili kɔ́wɔ ə tɔɔ yowo laa mɛ̨nį yii kpɛɛ hvo mą, mąą mɛ̨nį ɓa.

Izikiɛ 25:3

'Kɛ Amɔn lonnii diɛ; 'ka ka wəli tɔɔ Mɛ̨nį kəlee ŋą Hééɓomun Yálá woo ɓa; Mɛ̨nį kəlee ŋą Hééɓomun Yálá yɛ: Ə́ ə́ laa pu mą́ą́wiɛ lɔi hu, ɓɛlɔwai di mɛlɛ too la, a Israɛlə nwɔ lɔi di ɉu wolo, a Ɉuda nwɔ pɛlɛ́i, daa li a bələ tɔ̨nɔ̨ luwɔlaa hui.

Izikiɛ 25:6

«Mɛ̨ni kəlee ŋą Hééɓomun Yálá woo ka, yɛ: Ə́ kɛi ə́ yee lɔwa, yɛ́ ə́ kɔ́wɔ kɛlɛ lɔi ɓa, yɛ́ kwəinɛ̨ɛ̨ kulɔ a ə́ lii ɓa, ə́ kɛi tɛɠɛɓo Israɛlə lɔi hu a ə́ lii ɓa, mɛ̨nįɠaai kɛli laa mą, di mąą mɛ̨nį hu.

Izikiɛ 25:8

«Mɛ̨ni kəlee ŋą Hééɓomun Yálá woo ka, yɛ: Moabə da Seirə di kɛ diɛ, Ɉuda nwɔ pɛlɛ́i aa kɛ yɛ lɔi takpɛliɠaa.

Amɔsə 1:11

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą Edɔmə nuą diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nį ŋį́ gbən dee, və́ pai ɉəɠəi mą. Mąąhɔlɔɓo, di hvilɛn di kaayɔwɔɠaa Israɛlə nuą pulu a kɔ́. Di damaa paa, di hvo di ɲɛ̨imąąwɛli kaa, mąąhɔlɔɓo, di wɔ liikələn gwəi hvo kpəla kɛɛ kalaa ɓa, ɛlɛɛ, nwɔ mɛ̨nį hva kpɛɛ.

Amɔsə 1:13

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ haŋą Amɔn nuą diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nį ŋį́ gbən dee, və́ pai ɉəɠəi mą. Mąąhɔlɔɓo, di Galaadə koonɛ̨ąɠaa kwəi ɓɛla, ə gɛ, diɛi tii, di di wɔ lɔi ta kɛ mą.

Amɔsə 1:3

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą Siri nuą ŋɛ̨i Damasə daai diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nįi ŋį́ gbən dee, və́ pai ɉəɠəi mą. Mąąhɔlɔɓo, daa Galaadə nuą kpɛŋɛ̨n a kwɛli taŋąn.

Amɔsə 1:6

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą la Filisti nuąi ŋɛ̨i Gaza lɔi hu diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nįi ŋį́ gbən dee, və́ pai ɉəɠəi mą. Mąąhɔlɔɓo, di nu kpulu kɛnɛ̨ həɠə taaɠaa hu, diɛ di lɔwɔ́tɔɔ Edɔmə nuą diɛ.

Amɔsə 1:9

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą Tirə ɓa, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nį ŋį́ gbən dee, və́ pai ɉəɠəi mą. Mąąhɔlɔɓo, nwɛli kɛ maa mįnɛ̨i ŋɛ̨i da Israɛlə nuą di ɉəɠə di kee ɓa, di hvo bɔ mɛ̨nį kɛ li; daa taa tamąą hu nuą həɠə diɛ di kwɛlɛ Edɔmə nuą diɛ.

Abdiasə 1:10

Edɔmə nuą, ka kaayɔwɔɠaa ŋɛ̨i a Ɉakɔbə huwuhu nuą, kaa ɓə di mąą kpoloon, kaa daɠaa paa. Yili ɓa, nwumɛ̨ kaa pai tɛi a kaa, ka laa hvo kɛa pai lɛɛi lɔi mɛ̨i

Zakari 12:3

A tɛ̨ą, mąą yələ, ŋą́ Ɉerusalɛmə tɔɔ lɔi kəlee lííla, yɛ kwɛni kpuwulu, di hva pɛli muhəɠəi. Nui lɔpee pai kɛi bɔ ə mukpəŋə a ɲee kɔ́lɔɓo. Yili mąą mɛ̨nį ɓa, yɛnɛ̨ɛ̨ lɔiɠaa kəlee kaa pai kɔ́ pɛlɛi mą.

Lonon mo 24:14

Yii gaa tii, ní hiɛ ka tii nwɔ́ nuą pɔ; kɛlaa, 'pá, mɛ̨nįi nu huwui ŋɛ̨i kaa pai naai ə́ wɔ lɔi ɓa tɔwɔ pələ, ŋį́ ɉukulɔ yɛ́.»

Lonon mo 24:9

Aa mąąyɛɛ, aa pɛlɛ yɛ yala hilɛ, gbɛɛ ɓə nii a kpələ yɛ ɉəɠə bɛlɛi? «Nui a lúwɔ́ too yɛ́, lúwɔ́ ə kɛ mąą nu ɓa, nui a ə́ nɛ̨ŋɛ̨n naa, mąą nu nɛ̨ŋɛ̨n ə laa.»

Dutɛrɔnome 30:8

Nąąlɔwai tii hu, ka káá pai pənəi kaa ka wəli tɔɔ Yai-Laa ka wɔ Yálái woo ɓa, nwɔ tíɓoɠaai gáá dɛɛi ka pɔ háákələi, kaa gəlee pɔ mɛ̨nį kɛ.

Dutɛrɔnome 7:15

Yai-Laa kaa pai ɲɔ̨n ɉuwui lɔpee gəlee mąą kwɛai kaa, mɛ̨nį ɲąąnwąnąą ɲɔ̨nwɔ̨ɔ̨ɠaa ka di kaa yɛ laa Eziptə nuą diɛ, hvo pai da laai kaa, gaa pai yiliɠaai laai nuąi da wɛli kpɛɛ mąą laa kulɔ a kaa diɛ.