Dutɛrɔnome 30:4 - Yálá laawoo hɛɓɛ (dc)

⁴ Ə mą kɛ daa li a kaa lɔi kpon ɉeei, a ka ɲąą kpɔn naa, yɛ li ka həɠəi nąą.

Yálá laawoo hɛɓɛ

⁴ Ə mą kɛ daa li a kaa lɔi kpon ɉeei, a ka ɲąą kpɔn naa, yɛ li ka həɠəi nąą.

Bible

⁴ A nɛ̃ɛ ma kpîŋ ká kɛ́ kwaa kôyaa ma ǹɔii kpóŋ ma a pâi káŋaa tɛ̂i gîe ma é ká kúla naa é pá a káa.

Dutɛrɔnome 30:4 ပူးပေါင်းရင်းမြစ်များ

Tɔɔɓɛlaa dɔlɔɔ 8:34

Ee kə Yai-Laa, lɛɛ yələkɔlɔn ɉu ə́ ə́ wəli tɔɔ, ə́ ə́ wɔ nu huwui nwɔ nɛ̨ŋɛ̨nŋąą mąąhvaalɛɛ, ɛlɛɛ, ə́ pənə ə́ pa a diɛ nɔi ŋɛ̨i hu ɓɛ, yai ta, ə́ dɛɛ ku nąnni pɔi.

Kɔlɔnikɔ Veerɛi 30:9

Yaan, ka pulu pənə mɛ̨nį kaa pa Yai-Laa pɔ ɓə pai gɛi, ka kaayɔwɔɠaa da ka lonnii, ɲɛ̨imąąwɛli yɛ pɛli tooi la nuąi li a diɛ luwɔlaa hu diɛ, diɛ di lɛɛ laa, diɛ di pulu pənə diɛ pa ɓɛ nɔi. Hvó gaai ka wɔɔ Yálái Yai-Laa lii nɛ̨ɛ̨i gwəi, ɲɛ̨imąąwɛli yɛ ɓə ɲəi; nui a pa bɔ, hva ɲɛ̨i həɠəi ɲɛ̨i.»

Nehemi 1:9

Kɛlaa, akɛ, ka pənə ka pa bɔ́, ka ka yee hee nwɔ tíɓoɠaa mu, kaa bɔ mɛ̨nį kɛ. Ka wɔ nuą di mą kɛ luwɔlaa hu lɔi kpɛlai, ŋį́ di ɲąą kpɔn, ŋį́ paa diɛ, ɓɛi ŋɛ̨i ŋį́ ɉəɠə ɉu, náá yɛ́ ɓo laa.›

Azaya 27:12

Mąą yələ, Yai-Laa kaa pai nwɔ mɔ̨nun kɛlɛi, ə həɠə Eufratə ya ɓa, ə həli la Eziptə yai ɓa, kaa ɓə di kaa pai ka həɠəi ɉu, yɛ ka həɠə ɉu tɛitɛi, kaai a Israɛlə lonnii.

Azaya 43:6

Gáá pai kɛi ɲələi pələ ɓa: «'Və́!» Gɛ́ ɉɛɠɛɛ pələ ɓa: «'Hvó kanąn mą! 'Pənə ə́ pa a nón ɉinąą, yɛ́ həɠə a diɛ kwɛaa la lɔi hu, yɛ́ həɠə a nónnii nɛ̨ąą lɔi kpɛlai, yɛ́ pa a diɛ.

Azaya 48:20

'Ka kulɔ Babilonə daai, 'ka pu ka kulɔ Kalde nuą di wɔ lɔi hu, 'ka noloɓo a ka woo kɛnɛ̨, nuą di mɛ̨n, 'ka bələ taɠa, ə həli kpɔ lɔi kpon ɉeei, kaa kɛ diɛ: «Yai-Laa aa nwɔ tí mun Ɉakɔbə nwun mąąɓo.»

Azaya 62:11

Mɛ̨nįi Yai-Laa kaa moi, yɛ həli kpɔ lɔi kpon ɉeei, ya ka: 'ka mo Siɔn nɛ̨ɛ̨gbɛla ɓa, kaa mą: Ə́ ɓalo mun ga ɲɛ̨i pai, vɛla kaa ɲəi, ɲąą kɛlɛ hɛnŋąą di ɓo ɲɛ̨itɔwɔ.

Ɉeremi 31:8

Gáá pai di kulɔi ɲánwuɔ̨ pələ lɔiɠaa hu, gɛ́ pənə gɛ́ pa a diɛ; gɛ́ di kulɔ lɔi kpon ɉeei, gɛ́ di ɲąąkpɔn. Ɲɛ̨ipu nuąi di lɔwai, gɔwɔ nwąną nuą, goonɛ̨ąɠaa, da gɔ̨nwɔ̨leeɠaa kəlee da pa. Nu kpulu kɛnɛ̨ ka tii pai ɓɛ.

Ɉeremi 8:3

Ə lɛɛ, haa hviɛla a ɓo nu kɛɛ yɛnɛ̨ɛ̨ ɓa, nuą pai lɛɛ nu huwui lɔwai a di hulu di ɲɛ̨i ɓa; gáá pai di taɠa taɠai kɛnaa kəlee ɓa. Ɲą́ą́ Mɛ̨nį Kəlee ŋą Hééɓomun Yai-Laa wóó li.

Izikiɛ 36:24

«Gáá pai ka həɠəi lɔiɠaa hu, gɛ́ ka ɲąąkpɔn a ka kulɔi ŋą́ mo lɔi kəlee hu, gɛ́ pənə gɛ́ pa a kaa, ka wɔ lɔi mɛ̨i.

Maafîu 24:31

Tulu woo kɛnɛ̨ a tɔɔ, a nwɔ malakaɠaai tɛɛ yɛnɛ̨ɛ̨ nąą kəlee, ə gɛ, di nwɛiɠaai ɲąąkpɔn.»

Markə 13:27

Nąąlɔwai kɛa, a nwɔ malakaɠaai tɔɔ yɛnɛ̨ɛ̨ ɉonwo-ɉonwon ɉu nąąn kəlee hu, di nwɔ nu həɠɛɛ ɉuɠaa ɲąąkpɔn.»

Dutɛrɔnome 28:64

Yai-Laa kaa pai ka taɠa taɠai nu huwu kəlee lɔwai, yɛnɛ̨ɛ̨ nąą kəlee. Ka káá pai kɛi tíi kɛi haliɠaa diɛ, diɛi di kaa a: kwɛniɠaa da wuluɠaa, diɛi, kaa-o ka nąnni-o ka hvo ta di kɔ́lɔn ni.