Dutɛrɔnome 30:19 - Yálá laawoo hɛɓɛ (dc)

¹⁹ «Gáá háákələi yələkɔlɔn da lɔi di kɛi a kɛla ka mąą mɛ̨nį hu. Gáá ɓalo da haa laai ka ɲɛ̨i; lúwɔ́ da nɛ̨ŋɛ̨n naa. Yɛnɛ̨ɛ̨ həɠə ɉu, ə gɛ, kaa-o, ka huwu hu nuą-o ka lamun yɛnɛ̨ɛ̨.

Yálá laawoo hɛɓɛ

¹⁹ «Gáá háákələi yələkɔlɔn da lɔi di kɛi a kɛla ka mąą mɛ̨nį hu. Gáá ɓalo da haa laai ka ɲɛ̨i; lúwɔ́ da nɛ̨ŋɛ̨n naa. Yɛnɛ̨ɛ̨ həɠə ɉu, ə gɛ, kaa-o, ka huwu hu nuą-o ka lamun yɛnɛ̨ɛ̨.

Bible

¹⁹ Ǹɔii da ŋ̀elei díkaa a ŋásêre-ŋa a gɛɛ ŋa m̀ôi kâa ka kánîa siɣe zɛŋ feerɛi ŋí sáma, Ɣâla ŋɔƃɛlɛ-seei da ŋɔnáɣaŋ, saa da fúlu-laa.

Dutɛrɔnome 30:19 ပူးပေါင်းရင်းမြစ်များ

Zɛnɛse 2:17

Kɛlaa, yii ɓaa mɛ̨nį lɛlɛɛ da mɛ̨nį ɲɔ̨nwɔ̨ɔ̨ di kɔ́lɔn nwului ŋɛ̨i nwɛi, hvó má ta mį́i, mąąhɔlɔɓo, hvólói yá má ta mį́i la, yá haa.»

Mąątɛ̨nɛ̨ 119:111

Gwɛ́lin mąą Ə́ laawoo a yələ kəlee, yá ɓə a gwə́inɛ̨ɛ̨.

Mąątɛ̨nɛ̨ 119:173

Ə́ hvąŋą ə pa, ə kpɔnmąą tɛɛ bɔ́, mąąhɔlɔɓo ŋą́ą́ ə́ wɔ tɔn nwooɠaai həɠə ɉu, a nííɓa.

Mąątɛ̨nɛ̨ 119:30

Tɛ̨ą pələ ɓə ŋą́ ɉəɠə a nííɓa, vílɛnŋąąi lɔ ə́ wɔ tíɓoɠaai pulu, gɛ́ di kɛ.

Hanwon 1:29

Mąąhɔlɔɓo, di mɛ̨nį kɔlɔn ŋąą viiɓo, di hvo gɛ li di hvo ɲɔw Yai-Laa ɓa.

Hanwon 12:28

Tələnmo pələ mɛ̨i ɓə yíipoo a hɔlɔɓo ɉu; bələ yili ɓə hva nu lɔ haa hu.

Hanwon 8:36

Kɛlaa, nui a ɓaɠaɓo mą́ą́, a kɛ tii gaa gbɔwɔ nwąnąi. Nuąi nwɛ́li kpɛɛ diɛ, haa ɓə nwɛli kaa diɛ.»

Hanwon 9:11

Mąąhɔlɔɓo, ɲą́ą́ kili, ɉáálai ɓə ə́ wɔ yɛnɛ̨ɛ̨ hu a kwɛa la, ə́ wɔ kwɛlanŋaa diɛ tamą.

Azaya 1:2

Yələkɔlɔn! Ə́ wəli tɔɔ! Lɔi! Nwóó mɛ̨n. Yai-Laa, ka tii mɛ̨nį ɓoi, yɛ diɛ: Ŋą́ą́ lɛapɛlɛɛ kulɔ ɉu, Ŋą́ą́ di hutɔɔ, Kɛlaa, daa di kwɛlitee ɲə́i.

Azaya 56:4

Mąąhɔlɔɓo, mɛ̨nįi Yai-Laa kaa moi ya ka: Gbɛtɛ kpuluwuluɠaa da kɛi nwɔ́ hvitɔɔ hvólóɠaai mąąhəɠə, di liiɓa ə ɓo a nííɓa mɛ̨nįɠaa kɛɛ, diɛ lɛɛ nwɔ́ mįnɛ̨i pulu,

Ɉeremi 21:8

Yii ɓaa nuą ŋɛ̨i di wɛi, yá kɛ diɛ: «Yai-Laa woo ka, yɛ diɛ: Ka ka liiɓa həɠə: Ɓalo da haa di lɔwai.

Ɉeremi 32:39

Ŋą́ kiliŋąhiɛ tɔ̨nɔ̨ too diɛ, di hiɛ pələ ə ɓo tɔ̨nɔ̨, diɛ mą́ą́wiɛ a yələ kəlee; yili a kɛ diɛ a nwun na nɛ̨ɛ̨, da di lonnii pai lɛɛi di pulu di wɔ nwun na nɛ̨ɛ̨.

Ɉeremi 42:21

Ya ka ŋɛ̨i mɛ̨nįɠaai ə mo mą́ą́ a ka mąą mɛ̨nį, ka hvo ka wəli tɔɔi da ɓa.

Izikiɛ 20:11

Ŋą́ nwɔ́ tiɓoɠaai tɛɛ di pɔ, ŋą́ nwɔ́ tɔ́nŋaai lɛ diɛ, ə gɛ nuąi da di pɔ mɛ̨nį kɛ, di yɛnɛ̨ɛ̨ kpɛɛ hvo mą hɔlɔɓo.

Lukə 10:42

Kɛlaa mɛ̨nį yii viɛlaɓoɔ, ya ka ŋɛ̨i Mari aa ɉəɠə ɉu, nu ta hva pɛli yili kulɔi ɲəi.»

Gɛlaɠaa 2:39

Mąąhɔlɔɓo, kaa ɓə Yálá ə naakwɛlan mo kaa, da ka lonnii, ə mą kɛ nuą yiiɠaai di heɛ kaa kwɛa la, ə mą kɛ nuą yiiɠaai ku Ną́mu Yálá kaa pai di təlii.»

Dutɛrɔnome 11:26

Háákələi, gáá lúwɔ́ da nɛ̨ŋɛ̨n naa lɛi kaa, ya ka.

Dutɛrɔnome 30:1

«Lúwɔ́ da nɛ̨ŋɛ̨n naai ŋɛ̨i ŋą́ą́ naa ka lííla, ɓɛlɔwai gəlee kaa pai laai la kaa, ka káá pai ka kiliŋąhiɛi ma, kaa ɉu kpɛ, nɔiɠaa kpɔ tii Yai-Laa ka wɔ Yálái kaa pai lii a kaa ɉu,

Dutɛrɔnome 30:15

«Ka ka ɲɛ̨i hee, háákələi, gáá ɓalo da nwun nąnɛ̨ɛ̨ laai ka ɲɛ̨i, ə lɛɛ, haa da mɛ̨nį nwąnąą.

Dutɛrɔnome 30:16

Mɛ̨nįi háákələi gáá ka tí a gɛ mɛ̨nį, ya ɓaa: Ka Yai-Laa ka wɔ Yálái wɛli la kɛ, ka hiɛ a gbaaləi ŋɛ̨i ə nɛ kaa, ka nwɔ tɔ́nŋąą hon, bɛlɛɛ nwɔ tíɓoɠaa diɛ. Ka yili kɛ tii, ka lɛɛ yɛnɛ̨ɛ̨, ka yíi hvólóɠaa hu ə kwɛa, ka ɓuwu ɓo; akɛ tii, nɔi ŋɛ̨i ka káá pai ɉɔlɔɓoi a ka wɔɔ, Yai-Laa ka wɔ Yálá a lúwɔ́ too kaa.

Dutɛrɔnome 31:17

Yili mąą mɛ̨nį ɓa, gáá pai níí ɲąnwąnąąi diɛ, ɲą́ą́n, ŋą́ pai həɠəi di pulu, ŋą́ di lɛɛ laa; di kaa pai lɛɛi a hį́i takpɛliɠaa di wɔ luwɔ. Ɲɛ̨ikɔw kpɔlu da mɔ̨nɔ̨ɠaa di kaa pai laai diɛ. Nąąlɔwai di kaa pai gɔlɔn ɉii mɛ̨nįɠaa tii pɔ pələ, diɛ kɛ, ɲą́ą́ ŋɛ̨i a di wɔ Yálá və́ di lɔwai.

Dutɛrɔnome 31:28

Yii hu kɛa, galanɉonŋąą kəlee, nɔi nwun nąmįnąą kəlee, ka di ɲąąkpɔn gwɛ́lɛ, ŋį́ nwooɠaa ŋɛ̨i ɓo, ə too di wəlii, yələkɔlɔn da lɔi di kɛ a nwɛ́i gɛla.

Dutɛrɔnome 32:1

Yələkɔlɔn! Ə́ wəli tɔɔ! Gɛ́ ŋį́ mɛ̨nį ɓo. Lɔi! Nwóóɠaa ŋɛ̨i mɛ̨n!

Dutɛrɔnome 4:1

Yii hu kɛa, Israɛlə nuą, ka ka wəli tɔɔ dɔ́nŋąą da yɛnɛ̨ɛ̨ yíi ɓo pələi gáá dɛɛi ka pɔ mą. Mɛ̨nįɠaa tii pɔ pələ ɓə ka pɛli lamui la yɛnɛ̨ɛ̨; ɛlɛɛ, nɔi tii Yai-Laa ka nąnni di wɔ Yálá kaa dɛɛ ka pɔ, ka ɉɔlɔɓo a ka wɔ.

Dutɛrɔnome 4:25

Ɓɛlɔwai ka káá pai lon ɉɔlɔɓoi la da mąnįn mɛlaa, ka pa kɛi a nu mąą pɔlɔɔɠaa nɔi tii hu, ɲələi ka lan na kaa hali pɛli, a hɛn da mąą nįnįn, mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa kaa gɛ, kaa nwąną lɔ,

Dutɛrɔnome 4:26

háákələi ŋɛ̨i, yələkɔlɔn da lɔi di kaa a gɛla, ka kpɛɛ hiɛ kpɔlɔɔ li nąąlɔwai nɔi tii mɛ̨i, ɓɛi ka káá pai Ɉurdɛn teen ɉii kaa li laa. Ka yíi hva kwɛa, ka kpɛɛ kpɔ tɛ̨ɛ̨tɛ̨ɛ̨.

Dutɛrɔnome 4:6

Mąąnɛ̨ɛ̨ ka ka yee kɛ diɛ, ka di pɔ mɛ̨nį kɛ. Yili ɓə a ka kɛ a kilimąą nuą da mɛ̨nį hukpɛ nuą, nuąi pai dɔ́nŋąą tii mɛ̨n ɉii di ɲɛ̨i ɓa, diɛ kɛ diɛ: «Nu kpulu kɛnɛ̨i ŋɛ̨i kaa a nu huwu kilimąą, diɛ ɓo a mɛ̨nį hukpɛ nuą.»

Dutɛrɔnome 6:2

'Ka ɲɔw Yai-Laa ka wɔ Yálái ɓa; kaa-oo, ka lonnii-oo, ka mąninni-oo da ka mąnin bulu mąninŋąą kəlee, 'ka nwɔ́ tíɓoɠaa da nwɔ tɔ́n nwooɠaai kəlee pɔ mɛ̨nį kɛ, ka wɔ yɛnɛ̨ɛ̨ kəlee hu, ka yíi a kwɛa.

Timote dɔlɔɔ 5:21

Mɛ̨nįi gáá ə́ tíi la a nwą́nąi Yálá ɲɛ̨i ɓa, Jesus Kristə ɲɛ̨i ɓa, da malakaɠaa, ya ɓaa: 'Ə́ kili lɛɛ niɛwooɠaa tii hu a nwalawala laa, 'hvó huyɛɠɛɓo kɛ, hvo da kulɔ ɉu, nu ta mąą mɛ̨nį ɓa.