Dutɛrɔnome 30:16 - Yálá laawoo hɛɓɛ (dc)

¹⁶ Mɛ̨nįi háákələi gáá ka tí a gɛ mɛ̨nį, ya ɓaa: Ka Yai-Laa ka wɔ Yálái wɛli la kɛ, ka hiɛ a gbaaləi ŋɛ̨i ə nɛ kaa, ka nwɔ tɔ́nŋąą hon, bɛlɛɛ nwɔ tíɓoɠaa diɛ. Ka yili kɛ tii, ka lɛɛ yɛnɛ̨ɛ̨, ka yíi hvólóɠaa hu ə kwɛa, ka ɓuwu ɓo; akɛ tii, nɔi ŋɛ̨i ka káá pai ɉɔlɔɓoi a ka wɔɔ, Yai-Laa ka wɔ Yálá a lúwɔ́ too kaa.

Yálá laawoo hɛɓɛ

¹⁶ Mɛ̨nįi háákələi gáá ka tí a gɛ mɛ̨nį, ya ɓaa: Ka Yai-Laa ka wɔ Yálái wɛli la kɛ, ka hiɛ a gbaaləi ŋɛ̨i ə nɛ kaa, ka nwɔ tɔ́nŋąą hon, bɛlɛɛ nwɔ tíɓoɠaa diɛ. Ka yili kɛ tii, ka lɛɛ yɛnɛ̨ɛ̨, ka yíi hvólóɠaa hu ə kwɛa, ka ɓuwu ɓo; akɛ tii, nɔi ŋɛ̨i ka káá pai ɉɔlɔɓoi a ka wɔɔ, Yai-Laa ka wɔ Yálá a lúwɔ́ too kaa.

Bible

¹⁶ À kɛ̀ ka Káɣâlai Yâwɛɛ ŋɔtɔ̂ŋ-ŋai mɛi kâa, ka ŋ̀wɛ́li, gɛ̀ ní kákɛ-mɛni a pâi ƃûu ƃôi ka ǹɔii láa fɛ́ɛ. A pâi lûwa lâai kâa ǹɔii ma ka pâi kɛ̂i naai.

Dutɛrɔnome 30:16 ပူးပေါင်းရင်းမြစ်များ

Tɔɔɓɛlaa dɔlɔɔ 3:3

Salomɔn ə Yai-Laa wɛlilakɛ, niɛwooi ŋɛ̨i nąn Davidə ə gɛ mą, ə ɉon; kɛlaa yaamun, ɲeeɓa ɓə ə kɛi ɉaláá kulɔ laa, diɛ lansan kələn naa.

Hanwon 3:1

Nón, mɛ̨nįi gáá ə́ kala ɉii la, 'hvó lɛ̨ą mą, ə́ kili ə́ lɛɛ nwɔ́ liɛwooɠaa hu.

Azaya 1:19

Akɛ ka ka wəli tɔɔ nwóó ɓa, nɔi hihɛn nɛlɛɛɠaa ɓə a kɛ a ka kɔ̨nɔ̨n.

Ɉaan 14:21

«Nui a nwɔ́ liɛwooɠaa hon, ə bɔ mɛ̨nį kɛ, mąą nu tii ɓə nwɛ́li kaa mąą, yaan, nui a nwɛ́li la kɛ Ną́n Yálá a nwɛ́li la kɛ, ɲą́ą́ gbɛli ŋą mąą nu wɛli la kɛ ŋį́ gbɔ́ɔ́ lɛ mą ponoŋą.»

Korɛntə dɔlɔɔ 7:19

Kɛ́nɛ̨ lon naa da kɛ́nɛ̨ kpoloa laa di hvo a mɛ̨nį ta, yii nwalawala ya ɓaa: Nu ə Yálá nwɔ tɔ́n nwooi pɔ mɛ̨nį kɛ.

Dutɛrɔnome 30:17

Kɛlaa, akɛ, ka ka pulu tɔɔ mą, ka ka kili kulɔ nwoo hu, ka nɛɛ laa di ka ɲąąhɛŋi kaa kwɛli hvilɛn haliɠaa diɛ, kaa tí diɛ;

Dutɛrɔnome 30:19

«Gáá háákələi yələkɔlɔn da lɔi di kɛi a kɛla ka mąą mɛ̨nį hu. Gáá ɓalo da haa laai ka ɲɛ̨i; lúwɔ́ da nɛ̨ŋɛ̨n naa. Yɛnɛ̨ɛ̨ həɠə ɉu, ə gɛ, kaa-o, ka huwu hu nuą-o ka lamun yɛnɛ̨ɛ̨.

Dutɛrɔnome 30:6

«Yai-Laa ka wɔ Yálá yaa kpinįi gaa pai ka lii mąąhəɠəi, kaa, ka ka huwuhu nuą kəlee, kaa pɛli Yai-Laa ka wɔ Yálá wɛli la kɛi a ka lii kəlee da ka wɔ yɛnɛ̨ɛ̨ kəlee.

Dutɛrɔnome 32:47

Mąąhɔlɔɓo, gaa a woo mąąwiɛ, mąą mɛ̨nį nwąnąą; Nwoo tii ɓə ka wɔ yɛnɛ̨ɛ̨ kaa ɉu; nwoo tii haalai ɉu ɓə ka yíi hvólóɠaa hu kaa lii kwɛai la Ɉurdɛn yá pulu lɔi tii ka káá li ɉɔlɔɓoi, ɉu.»

Dutɛrɔnome 4:1

Yii hu kɛa, Israɛlə nuą, ka ka wəli tɔɔ dɔ́nŋąą da yɛnɛ̨ɛ̨ yíi ɓo pələi gáá dɛɛi ka pɔ mą. Mɛ̨nįɠaa tii pɔ pələ ɓə ka pɛli lamui la yɛnɛ̨ɛ̨; ɛlɛɛ, nɔi tii Yai-Laa ka nąnni di wɔ Yálá kaa dɛɛ ka pɔ, ka ɉɔlɔɓo a ka wɔ.

Dutɛrɔnome 5:33

Mąąnɛ̨ɛ̨ ka hiɛ yɛ bələi Yai-Laa ə nɛ la kaa, a yələ kəlee, kaa pɛli lɛɛi yɛnɛ̨ɛ̨, kaa ɓo la nwun na nɛ̨ɛ̨ hu, ɛlɛɛ, nɔi ka káá lii heei ɉui, ka yíi ə kwɛa ɉu.

Dutɛrɔnome 6:5

Ka Yai-Laa ka wɔ Yálái wɛlilakɛ a ka kwəi tɔ̨nɔ̨, a ka kpinįi kəlee, da ka wɔ huwalawala kəlee.

Zasua 23:11

Ka gɛ kani a nɛlɛɛ ka mąą mɛ̨nį hu, ka Yai-Laa ka wɔ Yálá wɛli la kɛ.