Dutɛrɔnome 3:21 - Yálá laawoo hɛɓɛ (dc)

²¹ Nąąlɔwai, ŋį́ mo nwɔ̨nɔ̨ Ɉosue ɓa, gɛ mą: «Mɛ̨nii Yai-Laa ka wɔ Yálái ə gɛ a dɔɔɓɛlaa hveelɛi ŋɛ̨i, yaa gaa a ə́ ɲɛ̨ikɔw. Bələ ɓə Yai-Laa kaa pai gɛi la a dɔɔɓɛlaai kpɔ ka káá pai di kaai ɲa pulu pələ.

Yálá laawoo hɛɓɛ

²¹ Nąąlɔwai, ŋį́ mo nwɔ̨nɔ̨ Ɉosue ɓa, gɛ mą: «Mɛ̨nii Yai-Laa ka wɔ Yálái ə gɛ a dɔɔɓɛlaa hveelɛi ŋɛ̨i, yaa gaa a ə́ ɲɛ̨ikɔw. Bələ ɓə Yai-Laa kaa pai gɛi la a dɔɔɓɛlaai kpɔ ka káá pai di kaai ɲa pulu pələ.

Bible

²¹ “Nya ƃe ŋá mò Zasua ma Ńyɛɛi, ‘Yaâ mɛ̀ni-ŋai káa Íɣâlai Yâwɛɛ è gɛ̀ a gâloŋ feerɛi. A pâi mɛ̀ni-ŋai ŋí kɛ̂i a gâloŋ lɔii-kpiniŋ-ŋai nyii-ŋai ya liî zui.

Dutɛrɔnome 3:21 ပူးပေါင်းရင်းမြစ်များ

Mąątɛ̨nɛ̨ 9:10

Nuąi di kaa di mɔ̨nɔ̨ɓoi, Yai-Laa, kɛ a di mąą kɔ̨nwɔ̨ taa, a di mąą kɔ̨nwɔ̨ taa, a mąąwɛli yələɠaa.

Korɛntə veelɛ 1:10

Yaa tii ɓə ku kulɔ ɉaa taa ləi tii yəi, yaa lɔ ɓə nwɔ̨nɔ̨ pai ku kulɔ ɲəi kɛi; yaa tii ɓə ku wɔɔ kilitɔɔmąą laa kaa mą, ya lɔ ɓə pai ku kulɔ ɲəi kɛi.

Korɛntə veelɛ 12:10

Akɛtii kani, gwə́inɛ̨ɛ̨ mɛ̨nį ɓaa nwɔ́ hviikpɛɛlaa, lalanŋaa, wɛa mɛ̨nįɠaa, mɔ̨nɔ̨ɠaa, da liikələn gwəi a həli mą́ą́, Kristə mąą mɛ̨nį ɓa. Mąąhɔlɔɓo, vįi a kɛ a gbɛɛ, akɛtii ɉúwalawalaa li.

Ifisiɛŋ 3:20

Yálái tii vaŋą kaa gɛ-mɛ̨nį kɛi gu hu, yai mɛ̨inɛ̨ɛ̨ kɛi guɔ, gɛnɛ̨i dɛɛ kpɔ kɛnɛ̨, kpɔ kɛnɛ̨, yii gwa vɛli mą, da yii gu kili a hvilɛn mą gəlee ɓa;

Dutɛrɔnome 3:20

Ka kpɔmąą tɛɛ ka nąn nonnii pɔ ə lɛɛ ɉu, Yai-Laa ə hvįįtɔɔ tɛɛ diɛ kpɛli mąn di pɔ yɛ bələi kaa ɉɔlɔɓo la. Nɔi Yai-Laa ka wɔ Yálái kaa dɛɛi di pɔ Ɉurdɛn pulu pələ, di lɔ ɉu. Ka kəlee ka li kɛa ka hee ka wɔ lɔi ŋį́ dɛɛ ka pɔ ɉu.»

Dutɛrɔnome 3:22

Ka hvo ɲɔw diɛ, mąąhɔlɔɓo, Yai-Laa ka wɔ Yálái ɓə ka wɔ kɔ́i kɔ́i.»

Dutɛrɔnome 7:19

Ka ka kiliŋąhiɛ, Yai-Laa ka wɔ Yálái hvaŋą kɛnɛ̨ pələ ɓa, da ɲee kwɔnwɔ̨n ɉu walawala pələ. Mɔ̨nɔ̨ kpɛa kpɛaɠaa ka ɲɛ̨i ə tɔɔ ɉu, gbalo mɛ̨nįɠaa da gwəi pili mąą mɛ̨nįɠaa; yili gili ə too ka ŋą, a ɓɛlɔwai Ə ka kulɔ la nɔi tii hu, a nwɔ yee walawala laai hɛn da hva tɔɔ na. Yai-Laa ka wɔ Yálái kaa lɔ pai yili ɲɔ̨nwɔ̨nmą naai nu huwu tii diɛ, diɛi ka ka ɲɔwi diɛ.

Zasua 10:25

Ɉosue yɛ diɛ: «Ka hvo ɲɔw, ka mąą hvo kpɛlin, ka tɔɔ a hinąą tɔɔ pələ; ka yowoɠaai kpɔ ka diɛni ka káá pai gɔi, bələ ɓə Yai-La kaa pai di hon ɉii la.»