Dutɛrɔnome 3:1 - Yálá laawoo hɛɓɛ (dc)

¹ Gu tinɛ̨n gu ɉon a Basan lɔi hu pələ; kɛlaa, Basan tɔɔmun Ogə ə kulɔ, ə gu laakwiɛn a kɔ́, Ɛdrɛi, yaa da nwɔ lɔi hu nuą kəlee.

Yálá laawoo hɛɓɛ

¹ Gu tinɛ̨n gu ɉon a Basan lɔi hu pələ; kɛlaa, Basan tɔɔmun Ogə ə kulɔ, ə gu laakwiɛn a kɔ́, Ɛdrɛi, yaa da nwɔ lɔi hu nuą kəlee.

Bible

¹ “Kú tìnaŋ kú lí Basãŋ yá-ŋûa pere. Basãŋ kaloŋ Oŋ da ŋɔnûai dí pà dí kɔ́ pɛ́lɛ kûa Ɛdirei taai su.

Dutɛrɔnome 3:1 ပူးပေါင်းရင်းမြစ်များ

Tɔɔɓɛlaa dɔlɔɔ 4:19

Uri lon Gɛvɛrə ə ɓo Galaadə lɔi nwun na, Amɔrə nuą di wɔ tɔɔmun Sihɔn da Basan tɔɔmun Ogə nwɔ lɔi. Di ɲąąwooɓomun ə kɛ tanɔ̨n.

Nehemi 9:22

Ə́ lɔiɠaa tɛɛ di pɔ, da nu huwuɠaa, ə́ di ɲąąkwɛlɛ di lɔwai, a di hee lɔiɠaa. Di hee Sihɔn, Hɛsbɔn tɔɔmun nwɔ lɔi hu, da Ogə yai kɛ a Basan tɔɔmun nwɔ lɔi.

Mąątɛ̨nɛ̨ 136:20

Ogə, Basan tɔɔmun! Mąąhɔlɔɓo, nwɔ wɛlikɛmąąlaa ɲɛ̨n deei hvo mą!

Dutɛrɔnome 1:4

Daa gbɛa kɛ Amɔrə nuą di wɔ tɔɔmun Sihɔn hon, yai kɛ heeni Hɛsbɔn; daa nwɔ̨nɔ̨ kɛ Basan tɔɔmun Ogə hon Ɛdrɛi daai ə kɛ heeni Astarotə.

Dutɛrɔnome 2:32

Sihɔn ə kulɔ ə gu laakwiɛn a kɔ́; yaa da nwɔ lɔi hu nuą kəlee, Yasa.

Dutɛrɔnome 29:7

Gu yee ə tɛɛ diɛ, gu di wɔ lɔi həɠə di yəi, gu dɛɛ Rubɛn lonnii, da Gadə lonnii, da Manase huwu bələ tɔ̨nɔ̨ pɔ, a di hee lɔi.

Dutɛrɔnome 3:2

Yai-Laa yɛ mą́ą́: «Hvo ɲɔw mą! Mąąhɔlɔɓo, ŋą́ą́ doo ə́ yee ŋą, da nwɔ lɔi hu nuą kəlee, bɛlɛɛ nwɔ lɔi ɓa. Naa mą yɛ bələi ə́ naa la Amɔrə nuą di wɔ tɔɔmun Sihɔn ɓa, yai kɛ heeni Hɛsbɔn daai.»

Dutɛrɔnome 31:4

Bələi Yai-Laa ə Amɔrə tɔɔɓɛlaa hveelɛi kɛ a Sihɔn da Ogə di hon na, yɛ di huwu pu da di wɔ lɔi hu nuą kəlee, bələ ɓə gaa pai nɔi tii hon ɉii la.

Dutɛrɔnome 4:47

Ɛlɛɛ, daa kɛ Basan tɔɔmun Ogə nwɔ lɔi hon. Amɔrə nuą di wɔ tɔɔɓɛlaa hveelɛi li kɛ, diɛi kɛ vóló kulɔi pələ Ɉurdɛn ɲələi pələ.

Zasua 12:1

Nɔiɠaa tii Israɛlə lonnii di ɉu tɔɔɓɛlaa hon kɔ́ hu ɛlɛɛ, diɛ nɔi həɠə a di wɔɔ voló ɓɛlai pələ Ɉurdɛn lííla pələ diɛ ka: ə həɠə Arnɔn yá ɓoloon bɔ ə həli la Hɛrmɔn yee ɓa, da Ɉurdɛn ɲá-ɓoloon bɔ lɔi kəlee voló ɓɛlai pələ.

Zasua 12:4

Yili pulu Ogə, Basan tɔɔmun nwɔ lɔi, yii a Refaitə nuą di huwu kpəli, diɛi kɛ heeni, Astarotə daai da Ɛdrɛi.

Zasua 13:30

Nɔi di ɉɔlɔɓo, ya ka: Ə həɠə Mahanaimə, Basan lɔi kəlee, Basan tɔɔmun Ogə nwɔ lɔi kəlee, da Yairə taa pɛlɛɛɠaa kəlee Basan lɔi hu, di kɛ a taa pow mɛ̨ida.

Zasua 9:10

Ɛlɛɛ mɛ̨nįi ə naa Amɔrə tɔɔɓɛlaa diɛ Ɉurdɛn pulu, ku bələ mɛ̨n; diɛ ɓaa: Hɛsbɔn tɔɔmun Sihɔn, da Basan tɔɔmun Ogə, yai kɛ Astarotə daai.