Dutɛrɔnome 29:28 - Yálá laawoo hɛɓɛ (dc)

²⁸ «Mɛ̨nį yiiɠaa noɔ, Yai-Laa ku wɔ Yálái nwɔɔ li; yaa tɔ̨nɔ̨ ɓə gɔlɔn. Mɛ̨nį yiiɠaai aa di kulɔ pɔ̨nɔ̨ŋą, yiliɠaa kaa a ku wɔɔ kwa ku lonnii, kuɔ pɛli dɔ́n ŋɛ̨i hu wooɠaa kəlee kɛi a yələ kəlee mɛ̨nį.

Yálá laawoo hɛɓɛ

²⁸ «Mɛ̨nį yiiɠaa noɔ, Yai-Laa ku wɔ Yálái nwɔɔ li; yaa tɔ̨nɔ̨ ɓə gɔlɔn. Mɛ̨nį yiiɠaai aa di kulɔ pɔ̨nɔ̨ŋą, yiliɠaa kaa a ku wɔɔ kwa ku lonnii, kuɔ pɛli dɔ́n ŋɛ̨i hu wooɠaa kəlee kɛi a yələ kəlee mɛ̨nį.

Bible

²⁸ Yâwɛɛ è ǹíi ŋwàna ǹɔii su-ƃelai dîa a ŋánaa é díkula díkpɔɔi lɔii ma é dípili lɔii da kpɛ́ni su. Ǹyaŋ ǹaa ƃé díkaa sâa naa.

Dutɛrɔnome 29:28 ပူးပေါင်းရင်းမြစ်များ

Tɔɔɓɛlaa dɔlɔɔ 14:15

Yai-Laa kaa pai Israɛlə kɛlɛi; gaa pai kɛi yɛ hveen gbaɠai a kɛ kpɛlin ɉii yá yəi. Gaa pai Israɛlə kulɔi nɔi lɛlɛɛ ŋɛ̨i hu, yai ə dɛɛ nąnni pɔ. Ɛlɛɛ, gaa pai daɠa taɠai ɲa pulu pələ; mąąhɔlɔɓo, daa wulu kpiɛnŋąą pɛli, diɛ di kɔ́. Diɛ Yai-Laa nwąną lɔ la tii.

Tɔɔɓɛlaa veelɛ 17:18

Yai-Laa ə níiholi Israɛlə pɔ kpɔ kɛnɛ̨, ə di pili kpɔ kwɛaa la, ə di həɠə ɲɛ̨i mu; Ɉuda huwu yaa tɔ̨nɔ̨ lɔ ɓə lɛɛ.

Tɔɔɓɛlaa veelɛ 17:23

Yili ɓə gɛ, Yai-Laa yɛ di kpɛ ɲɛ̨i mu, yɛ bələi ə bu la nwɔ tínuą kəlee la, diɛi kɛ a gwəi mɛ̨nį hukulɔ nuą, diɛ mo. Di Israɛlə kulɔ nwɔ lɔi hu, di li la kwɛaa la Asiri lɔi hu, gaa ni laa.

Tɔɔɓɛlaa veelɛ 17:6

Ose nwɔ tɔɔlaa gwɛlan mɛ̨inąąn nɔwai, Asiri tɔɔmun ə Samari hon a kɔ́, ə Israɛlə nuą damąą həɠə, ə li a diɛ Asiri lɔi hu, ə di hee Hala da Habɔrə ya kwɛlɛ, yai kɛ a Gozan nwɔ ya lee kɛnɛ̨, ə daɠaa hee Medi taa kpɛa kpɛaa hu.

Kɔlɔnikɔ Veerɛi 7:20

ka gɛ tii, nɔi ŋɛ̨i ŋį́ dɛɛ ka pɔ, ŋį́ ka kulɔ ɉu, ɛlɛɛ, bɛlɛ́i ŋɛ̨i ŋį́ mąąhəɠə ŋį́ náá hee mą, ŋį́ bili, ŋį́ gulɔ ɲɛ̨́i mu, ŋį́ gɛ a hį́į lɔi kəlee ŋą yɛlɛ kulɔ ɉu hɛn, diɛ yɛlɛ mą.

Ɛsdrasə 9:7

Ə həɠə ku nąnni di wɔ lɔwai ɓa, ə həli la háákələi ɓa, túwɔ́ pələ ɲɔ̨n kwaa gulɔ, aa kɛnɛ̨. Kuɔ, ku wɔ tɔɔɓɛlaa, da ku wɔ haláá laa həli nuą, ku kɛ nɛ̨ŋɛ̨nŋąą ɓə gɛ, kuɔ too yɛnɛ̨ɛ̨ tɔɔɓɛlaa yee ŋą, kuɔ kɛ a ɓɔwa kwɛaa kɔ̨nɔ̨n luwɔlaa hu, too mɛ̨i yee kɔ́nma, da nwumɛ̨, yɛ pələi gaa la háákələi.

Mąątɛ̨nɛ̨ 52:5

Yá mɛ̨nį ɲɔ̨n viɛlaɓo mɛ̨nį lɛlɛɛ ɓa. Yɛ́ lɛɛ hviɛlaɓo tɛ̨ą ɓa.

Mąątɛ̨nɛ̨ 78:2

Gáá mɛ̨mi ɓoi yɛ hanwon ɉu, gɛ́ tɔwɔ tɔwɔ mɛ̨nįɠaa ɓɛla hanwon ɉu.

Hanwon 2:22

Kɛlaa, nwąnąlɔ nuą, da nuąi di hvo haŋą li, da di kpɛ nɔi.

Hanwon 25:2

Yálá nwɔ mąąwiɛ ɓaa, loo mɛ̨nį lɛɛ noo pələi. Tɔɔɓɛlaa di wɔ mąąwiɛ ɓaa, di mɛ̨nįɠaa mąąkpɛɛ.

Ɉeremi 42:10

'Ká hvaa mą ka lɛɛ nɔi ŋɛ̨i hu, ŋą́ ka tɔɔ, vá kɛa ka hukala, ŋą́ ka hin, vá kɛa ka kulɔ a ka nwun. Mɛ̨nį ɲąąnwąnąąi ŋą́ naa kaa, ŋą́ bɔ́ɔ́ŋą pɛli.

Izikiɛ 19:12

Kɛlaa, di gulɔ a nwun a lii ɲąnwąną; di doo nɔi ɓa, hvaŋą ə həɠə hvóló kulɔi pələ, ə maɠaa kpala ma; nwonwo kpɛa kpɛaɠaai tii di kpala, nwɔ̨n ə di kələn.

Izikiɛ 19:13

Gaa kɛa yiihu tɔɔni lɔi pun ɉu, gbali kələn ŋąą hu, kpələ wɛli lɔi hu.

Danîa 2:22

mɛ̨nį yii noɔ, a gbon ɉu kwɛa, Yaa ɓə a gulɔ pɔ̨nɔ̨ŋa. Ya ɓə kpinį hu mɛ̨nį kɔ́lɔn, maahɔlɔɓo, ya ɓə kɛɛ pɔ̨nɔ̨ kaa ɲəi.

Danîa 9:7

Ną́mu Yálá ə́ wɛi, hɔn və yɛ́, yii ɓaa ku wɛi, yii mąąnɛ̨ɛ̨ ku gɛ, ya ɓaa: Ku ku kpɔɔmąąyɛɛ, yɛ pələi háákələi hvólói kaa la, kuɔi kpɔ ku kaa a Ɉerusalɛmə daai nuą, Ɉuda lɔi hu nuą, ə mą kɛ Israɛlə lɔi hu nuą, di ma kɛ kwɛa la, ə mą kɛ kpuɔ la, diɛi ŋɛ̨i ə́ di taɠa di kee ɓa, gɛ mɛ̨nį di hvo lɛɛ li yɛ́ a woo tɔ̨nɔ̨ Nąmu, mąą mɛ̨nį ɓa.

Dutɛrɔnome 28:25

Yai-Laa kaa pai ka yowoɠaa yee tɛɛi kaa, ka kulɔ a pələ tɔ̨nɔ̨ kaa li pɛlɛi diɛ, kɛlaa da pu ka hu, kaa pu di tɔwɔ a pələ mɛ̨ihveelɛ a dee tee. Ka káá pai yɛnɛ̨ɛ̨ lɔiɠaa kəlee kwəi pili diɛ.

Dutɛrɔnome 28:36

«Dɔɔmun ka ɉee ka nwun na, Yai-Laa kaa pai ka diɛni ka tɛɛi, nu huwui wɔlɔ ka nąnni di hvo gɔlɔn, ɛlɛɛ, kaa kpɛli ŋɛ̨i ka hvo gɔlɔn, di pɔ, kaa ɓo di yee kɔ́nma, kaa tí haliɠaa diɛ, diɛi di kaa a wulu, da kwɛni.

Dutɛrɔnome 28:64

Yai-Laa kaa pai ka taɠa taɠai nu huwu kəlee lɔwai, yɛnɛ̨ɛ̨ nąą kəlee. Ka káá pai kɛi tíi kɛi haliɠaa diɛ, diɛi di kaa a: kwɛniɠaa da wuluɠaa, diɛi, kaa-o ka nąnni-o ka hvo ta di kɔ́lɔn ni.

Dutɛrɔnome 30:1

«Lúwɔ́ da nɛ̨ŋɛ̨n naai ŋɛ̨i ŋą́ą́ naa ka lííla, ɓɛlɔwai gəlee kaa pai laai la kaa, ka káá pai ka kiliŋąhiɛi ma, kaa ɉu kpɛ, nɔiɠaa kpɔ tii Yai-Laa ka wɔ Yálái kaa pai lii a kaa ɉu,

Dutɛrɔnome 32:34

Mɛ̨nį ɲą́ą́ Yai-Laa ŋą́ą́ bɛli noɔ, yii gáá pai naai diɛ, ya ka:

Dutɛrɔnome 4:27

Yai-Laa a ka taɠa taɠa lɔi mɛ̨i nuą lɔwai; ka huwu ta wolo tiikpə lɔ ɓə a lɛɛ lɔiɠaa lɔwai, ɓɛɠaai Yai-Laa kaa pai lii laa a kaa.

Dutɛrɔnome 6:24

Yai-Laa ə ku tí yɛ ku nwɔ tíɓoɠaai kəlee kɛ, yɛ ku Yai-Laa ku wɔ Yálái mąąwiɛ, kwa pɛli kɛi nwun nąnɛ̨ɛ̨ hu a yələ kəlee. Yɛ ku laa hon mo yɛnɛ̨ɛ̨, yɛ bələi gu kaa la háákələi.

Dutɛrɔnome 8:18

Kɛlaa, mąąnɛ̨ɛ̨ ka kili ə kɛ ɉu kaa diɛ; Yai-Laa ka wɔ Yálái ɓə hvaŋą tɛɛ ka pɔ kaa hɛn ɉɔlɔɓo la. Nwoo tii ə gwɛlɛ ka nąnni diɛ, yɛ bɔ mɛ̨nį kɛ la, yɛ bələi gaa gɛi la háákələi.