Dutɛrɔnome 29:24 - Yálá laawoo hɛɓɛ (dc)

²⁴ Da di woo pulu pənə, diɛ kɛ diɛ: ‹Həɠəi di mo Yai-Laa di kalaɓɔlɔni di wɔ Yálái nwɔ mįnɛ̨i pulu ya ɓə; a yaai da diɛni di ɉəɠə, ɓɛlɔwai Ə di kulɔ la Eziptə lɔi hu.

Yálá laawoo hɛɓɛ

²⁴ Da di woo pulu pənə, diɛ kɛ diɛ: ‹Həɠəi di mo Yai-Laa di kalaɓɔlɔni di wɔ Yálái nwɔ mįnɛ̨i pulu ya ɓə; a yaai da diɛni di ɉəɠə, ɓɛlɔwai Ə di kulɔ la Eziptə lɔi hu.

Bible

²⁴ Ǹɔii-ŋuŋ-ŋai kélee da pâi kɛ̂i marê kɛ̂i dîyɛɛi, ‘Lé ƃé Yâwɛɛ a mɛni tare kɛ́ɛ ŋí kɛ̂i la a ǹɔii ŋíi. Lé ƃé pà a ǹíi-ŋwana tarei ŋí?’

Dutɛrɔnome 29:24 ပူးပေါင်းရင်းမြစ်များ

Tɔɔɓɛlaa veelɛ 17:15

Yai-Laa nwɔ tíɓoɠaa, da mįnɛ̨i da di nąnni di ɉəɠə, di tɛɠɛɓo ɉu, diɛ kpɛli-kpɛli mɛ̨nį mąą gilɛ həɠə, diɛ ka kɛa, di hu aa kala. Nɔiɠaa kɛ di kwɛlɛ, di hvilɛn di túwɔ́ pələ pulu, ɛlɛɛ yaan, Yai-Laa ə mo diɛ, yɛ diɛ: 'Ka hvo túwɔ́ yɛ diɛ.

Tɔɔɓɛlaa veelɛ 18:12

Yili ə kɛ tii, mąąhɔlɔɓo, di hvo di wəli tɔɔ Yai-Laa di wɔ Yálái woo ɓa. Di Yai-Laa nwɔ mįnɛ̨i hu woo lɛɛ, mɛ̨nįi kpɔ Yai-Laa nwɔ tímun Moisə ə mo diɛ, di hvo di wəli tɔɔ mą.

Azaya 65:11

Kɛlaa, kaai kpɔ ɲɛ̨i lənə Yai-Laa ɓa, kaa lɛa nwɔ́ yee mąąhəɠɛɛi ɓa, kaa kɔ̨nɔ̨n bɛli Gadə laa hu, kaa lɔɔ humɔ̨ɔ̨ɠaa hee a Meni nwɔɔ.

Ɉeremi 16:10

Yá pa mɛ̨nįɠaa ŋɛ̨i kəlee ɓoi nuą tii diɛ, da kɛ yɛ́: «Lə mɛ̨nį ɓa, yaai, Yai-Laa ə mɛ̨nį nwąnąą taaləi tii kili tee gwəi, yɛ naa kuɔ? Kɛɛ lə kɛɛ ɓə ku gala?.»

Ɉeremi 31:32

Hvo pai kɛi yɛ mįnɛ̨i kwa di nąnni ku ɉəɠə, ɓɛlɔwai ŋą́ di hon na a di yee, gɛ́ di kulɔ Eziptə lɔi hu. Mįnɛ̨i tii, di ɉukala, kɛlaa, ɲą́ą́n, gáá lɔ a di Nąmu di nwun na. Yai-Laa woo li!»

Ɉeremi 40:2

Dɔɔmun mąąkpɛ kɔ́kulááɠaa nwun nąmu ɓə Ɉeremi ə kɛ ɲəi. Yɛ Ɉeremi ɓa: «Yai-Laa ə́ wɔ Yálái ɓə mɔ̨nɔ̨i ŋɛ̨i mąą kili tee gwəi, yɛ hvilɛn na gɛɛnąąi ŋɛ̨i ɓa.

Ɉeremi 5:19

Ə lɛɛ, kaa pa kɛi diɛ: «Lə ɓə kɛ yaai, Yai-Laa kuɔ Yálái ə mɛ̨nįɠaa ŋɛ̨i laa kuɔ?» Yɛ́i ɓaa Ɉeremi, yá kɛ diɛ: «Bələi lɔ tii ka həɠə la Yai-Laa pulu, kaa kwɛli hvilɛn haliɠaa diɛ ka wɔ lɔi hu, bələ lɔ ɓə ka káá pai kóló kɛi la lɔi takpɛli hu nuą diɛ, ɓɛi hvo a ka pɔ lɔi.»

Woolaa 4:12

Lɔi mɛ̨i tɔɔɓɛlaa kəlee, da yɛnɛ̨ɛ̨ ɓɛ nu kəlee, nu ta lɔpee kili hvo kɛ li mą, diɛ kɛ; Ɉerusalɛmə ɲowoɠaa da pɛli kɛ di yee pɛlɛi gbonŋaa ɓa.

Izikiɛ 14:23

Di kaa pai ka lii laai; mąąhɔlɔɓo ka káá pai di tuwɔ pələ kaai, kaa gɔlɔn kaa mɛ̨nįɠaai kpɔ ŋį́ naa daai ɲɛ̨́i ɓa nwun gaa mą. Mɛ̨nį kəlee ŋą Hééɓomun Yálá woo li.»

Izikiɛ 16:59

«Mąąhɔlɔɓo, mɛ̨nįi Mɛ̨nį kəlee ŋą Hééɓomun Yálá kaa moi ya ka: Gáá lɔ ə́ hon ɉii yɛ bələi ə́ túwɔ la, yɛ́i ŋɛ̨i tɛɠɛ ɓo nɛ̨ŋɛ̨n naa woo hu a mįnɛ̨ hukalai ə́ moi.

Levetekɔ 26:32

Ɲą́ą́ gbinįi ŋą́ mąąwɛli mɛ̨nį hee nɔi, ka yowoɠaai pai heei laa, yili a di kwəi pili diɛ.

Lomaŋ 2:5

Kɛlaa, ə́ wɔ kili walawala pələ, da ə́ wɔ lii ɲɔ̨n bələ ə́ gwəi, hvó bɔ hvo ə́ wɔ túwɔ́ pələ ɲɔ̨nŋąa mąąhvalin. Yili ɓa, Ɲələi Yálá kaa pai nwɔ kiti haŋąai teei la, akɛ tii, ə́ kaa Yálá nwɔ liiholui ɲąątɔɔi ə́ kpɔwɔ ɓa;