Dutɛrɔnome 29:23 - Yálá laawoo hɛɓɛ (dc)

²³ Nąąlɔwai, hį́i kəlee kaa pai kɛi diɛ: ‹Lə ɓə kɛ yaai, Yai-Laa ə nɔi ŋɛ̨i hon bələ kɛ ŋɛ̨i-oo? Niiholi kɛnɛ̨i ŋɛ̨i ə gulɔ, nwun maa a lə?›

Yálá laawoo hɛɓɛ

²³ Nąąlɔwai, hį́i kəlee kaa pai kɛi diɛ: ‹Lə ɓə kɛ yaai, Yai-Laa ə nɔi ŋɛ̨i hon bələ kɛ ŋɛ̨i-oo? Niiholi kɛnɛ̨i ŋɛ̨i ə gulɔ, nwun maa a lə?›

Bible

²³ A pâi ǹɔii su-karai a kpolo-lîyeŋ da sɔfɔ. Sí-sɛŋ da fé pâi wɔ́lɔ kpɛtɛi naa. Ǹaa a pâi kɛ̂i yɛ̂ɛ Sodɔŋ, Gomora, Adama da Zeboliŋ lɔii-ŋai nyii è naa kàra a lii-ŋwâna perei.

Dutɛrɔnome 29:23 ပူးပေါင်းရင်းမြစ်များ

Zɛnɛse 14:2

di kɔ́ pɛlɛ Sodomə tɔɔmun Bera ɓa, da Gomorə tɔɔmun Birsa, ə mą kɛ, Adma tɔɔmun Sineavə, da Sevoimə tɔɔmun Sɛmevɛrə, ɛlɛɛ, Bera yai da kɛ mą Soarə nwɔ tɔɔmun.

Tɔɔɓɛlaa dɔlɔɔ 9:8

Bɛlɛ́ laaləi kpon ŋɛ̨i, nui lɔpee pai tɛɛi gwɛlɛ, gwəi a pili mą, ə kwəlee hvɛɛ, yɛ kɛ mą: ‹Lə ɓə kɛ yai, Yai-Laa ə dúwɔ́ taaləi ŋɛ̨i ɓo a nɔi ŋɛ̨i da bɛlɛ́i ŋɛ̨i?›

Tɔɔɓɛlaa dɔlɔɔ 9:9

Da nwoo pulu pənə diɛ kɛ mą: ‹Mąąhɔlɔɓo, di Yai-Laa lɛɛ laa, yai a di wɔ Yálá, yai wɔlɔ di nąnni kulɔ Eziptə lɔi hu, diɛ hvilɛn haliɠaa pulu, diɛ kwɛli hvilɛn diɛ, diɛ di mąą mɛ̨nį kɛ. Yili mąą mɛ̨nį ɓə gɛ, Yai-Laa di wɔ Yálái yɛ mɔ̨nɔ̨ ŋɛ̨i laa di mɛ̨i.›»

Tɔɔɓɛlaa veelɛ 22:13

«Ka li ka Yai-Laa mąąni kɛ kwa nɔi nuą ku mąą mɛ̨nį ɓa, da Ɉuda mąą mɛ̨nį ɓa; yɛ hvilɛ na ɉɛɓɛ́i ŋɛ̨i hu woo kəlee ɓa. Mąąhɔlɔɓo, Yai-Laa lii aa holi kɛnɛ̨. Yai-Laa lii aa holi mąąhɔlɔɓo, ku nąnii di hvo wəli tɔɔ ɉɛɓɛ́i ŋɛ̨i hu woo ɓa, di hvo hiɛ yɛ bələi mąąnɛ̨ɛ̨ la.»

Zôo 18:15

Ya pɛli kɛa ə́ yii ɲəi bɛlɛ́n, nwɔɔ naa hvəli kɛa, di kaa pai ɲinɛnŋąą kpɛi ɲəi bɛlɛ́n,

Mąątɛ̨nɛ̨ 107:34

Ə lɔi lɛlɛɛ mąą pənə a kwɛni lɔi, ɉu nuą kili ɲɔ̨nwɔ̨ pələ ɓa.

Azaya 1:7

Ka wɔ lɔi aa kɛ yɛ lɔi pun, ka wɔ taaɠaai daa kələn, nwɛ̨ąą diɛ too ka mɛ̨i, diɛ ka wɔ lɔi dɔ̨nɔ̨ kulɔ, ka ɲɛ̨i ɓa; hɛn nɔpee ta hva lɛɛ laa, yɛ bələi lɔi kalamun a lɔi kulɔ la bihɛi.

Azaya 13:19

Babilonə, lɔi ɲɛ̨ilon! Yai a Kalde nuą ɲɛ̨i pɔ̨nɔ̨ hɛn, gaa pai kɛi yɛ Sodomə da Gomorə, diɛi tii Yálá ə di hukala.

Azaya 34:9

Edɔmə lɔi hu yaɠaa mąą kaa pai pənəi a həɓəyá, munuun mąą ə pənə a kiə́n vunwɔ̨, nɔi tii kaa pai kɛi yɛ nwɔ̨n a ɓɛla wulɔ hu,

Azaya 64:11

Yá kɛli mɛ̨nįɠaai tii kəlee kaa, Yai-Laa, Yá pɛli mɔ̨ɔ̨ ə́ kpɔwɔ hu hon ɉi? Yɛ́ tɔɔ lɔ kpɛli kpɛli? Yɛ́ ku nwumɛ̨ la tii a gɔn bulu pələ?

Ɉeremi 17:6

Gaa yɛ wulu yii gaa gbalə hu, hva nwun nanɛɛ kaa yɛ pa, lɔi pun gələn ŋąą ɓə ɲɛ̨i kaa dɔwɔ, kwɛni lɔi hu ɓɛi a tɔɔ laa.

Ɉeremi 20:16

Mąą nu ə kɛ yɛ daaɠaai Yai-Laa aa di wolo, yaai hva pənə bulu, gaa pai woo mɛ̨n ɉii yələwala pɔ, diɛ kɛ mą: «Ka pa kilɛ!» Yɛ kɔ́ too woo mɛ̨n a hvoló tɔɔ nwun ma;

Ɉeremi 49:18

Bələi lɔ ə kɛ la a Sodomə taa da Gomorə taa, da di kwɛlɛ taaɠaa di pu yələ, nu ta hvo kɛa pai lɛɛi laa. Yɛnɛ̨ɛ̨ mun da hva kɛa daa tɔɔlaa. «Ɲą́ą́ Yai-Laa nwóó li!

Ɉeremi 9:11

Gbɛɛ ɓə kilí kaa mą, yɛ pɛli mɛ̨nį kpaɠaa la kaai, ə lɛɛ nwoo Yai-Laa a nɛ mą, ə nolo ɓo? Lə ɓə kɛ, yaai nɔi aa kala? Kɛɛnaa kəlee daa kələn. Nu hva tɛɛ laa?

Izikiɛ 47:11

Kɛlaa bɔwaɠaa di wɛi, di hu yaɠaa di hvo pai lɛlɛi; di kaa pai di lɛɛi tii, diɛ pɛli kpolo kulɔi laa.

Levetekɔ 26:32

Ɲą́ą́ gbinįi ŋą́ mąąwɛli mɛ̨nį hee nɔi, ka yowoɠaai pai heei laa, yili a di kwəi pili diɛ.

Amɔsə 4:11

Ną́mu Yai-Laa yɛ nwɔ̨nɔ̨ diɛ: Mɛ̨nii ɲąąnwąnąą ɲą́ą́ Yálá ŋį́ naa Sodomə taa da Gomorə taa diɛ, yili ɲɔ̨nwɔ̨mąn mə ŋį́ naa kaa. Kɛlaa, ŋį́ ka nwun mąąɓo, ka kɛ yɛ kwɛituwɔ tɔ̨nɔ̨ kulaa kpaɠa nwɔ̨n ɉu. Kɛlaa, pələi mąn ŋį́ gɛ la tii, ka hvo gɛ li, ka hvo pa bɔ́. Yai-Laa woo li.

Sofoni 2:9

Yili ɓə gaa mą, Ɲą́ą́ Yai-Laa Mɛ̨nį Kəlee ŋą Hééɓomun, Israɛlə nwɔ Yálá, nwóó li, yii kpɔ gáá a vúlú, Moabə lɔi kaa kɛi yɛ bələi Sodomə ə kɛ la, ɛlɛɛ, Amɔn lonnii di kɛ yɛ bələi Gomorə ə kɛ la. Nąą ə kɛ a ɲąąlən gbɔlɔ, da kpolo kulɔi, a lɔi pun a yələ kəlee mɛ̨nį. Nwɔ́ nu huwui kpəlii a lɛɛ, a di mąąkpoloon. Nwɔ́ nuąi kulɔ gɔ hu da kwɛlin ɲąąkwɛlɛ.

Lukə 17:29

Kɛlaa, ɲələi Lɔtə ə həɠə la Sodomə, nwɔ̨n yɛ pu Sodomə nuą mɛ̨i yɛ tulɔ, ə di kəlee di nwun napili.

Lomaŋ 9:29

Yili ɓə nwɔ̨nɔ̨ Esai ə nɛɛ kwɛaa la ə mo, yɛ kɛ: «Akɛ kɛ, Huwalawala Kəlee Nąmu Yai-Laa, hvo ku kpəli wolo lɛɛ kɛ, yɛ kwə́ li kɛ yɛ, Sodomə, ku mąą mɛ̨nį ə kɛ yɛ Gomorə.»

Zûu 1:7

Yii ɓaa Sodomə da Gomorə da di kwɛlɛ taaɠaa, diɛi wɔlɔ kɛi túwɔ́ pələ ɲɔ̨n gulɔ gee pɔ. Diɛ wɛli ɲɔ̨nwɔ̨ɔ̨ kɛ a diɛ gee, hinąą diɛ láá a di gee, diɛ láá a huwɔɠaa. Nuą tii kaa háákələi nwɔ̨n ɉu yii hva luwun. Mɔ̨nɔ̨i tii di kaa mįi, yili kaa a mɛ̨nį kɔ́ɔn mąą da kili lɛɛ ɉu nu kəlee mąą mɛ̨nį ɓa.

M̀ɛni-lɛɛi 19:20

Di ɉuwɔi tii hon a kɔluwɔ, ɛlɛɛ, da nɛɛ loloɓomun tii, yai kɛli gbalo mɛ̨nįɠaa kɛ niila, ɛlɛɛ, da nuąi ə di ɲąąhɛn, ə gɔlɔn ɉii kɛ diɛ, diɛ kwɛli hvilɛn mąą nįnįn ma. Di gəlee pili nwɔ̨n maɠa hu a di hvúlú.

Nwun mąąɓo 9:45

Voló tɔ̨nɔ̨i tii yee mu, Abimelɛkə ə kɔ́ pɛlɛ daa ɓa, ə daai nuą kəlee paa, ə daa wolo, ə kpolo taɠa nąą mɛ̨i.