Dutɛrɔnome 29:19 - Yálá laawoo hɛɓɛ (dc)

¹⁹ Nui taaləi tii, Yai-Laa hva mąą hvaalɛɛ. Yai-Laa nwɔ liiholi da nwɔ tolo kaa pai ɓɛlai mąą nu mɛ̨i, mɛ̨nį nwąnąąɠaa kpɔ di pɛ̨ɛ̨i ɉɛɓɛ́i ŋɛ̨i hu, di kaa pai pui mɛ̨i; ɛlɛɛ, Yai-Laa yɛ mąą nu laa kpɛɛ yələkɔlɔn mu.

Yálá laawoo hɛɓɛ

¹⁹ Nui taaləi tii, Yai-Laa hva mąą hvaalɛɛ. Yai-Laa nwɔ liiholi da nwɔ tolo kaa pai ɓɛlai mąą nu mɛ̨i, mɛ̨nį nwąnąąɠaa kpɔ di pɛ̨ɛ̨i ɉɛɓɛ́i ŋɛ̨i hu, di kaa pai pui mɛ̨i; ɛlɛɛ, Yai-Laa yɛ mąą nu laa kpɛɛ yələkɔlɔn mu.

Bible

¹⁹ Káfe ǹɛɛ naa káta é m̀ó ǹyɛɛ tãi a dɔ̂ŋ-ŋai ŋí mɛni ŋ̀uŋ ma a nâa ƃó berei máŋ a tûai la a gbîŋ nîa-perei. A gɛ̀ tí Yâwɛɛ a pâi maa-nuui su karâi ka dîa-ni.

Dutɛrɔnome 29:19 ပူးပေါင်းရင်းမြစ်များ

Zɛnɛse 2:17

Kɛlaa, yii ɓaa mɛ̨nį lɛlɛɛ da mɛ̨nį ɲɔ̨nwɔ̨ɔ̨ di kɔ́lɔn nwului ŋɛ̨i nwɛi, hvó má ta mį́i, mąąhɔlɔɓo, hvólói yá má ta mį́i la, yá haa.»

Tɔɔɓɛlaa veelɛ 24:4

Gwəi kwələ nuą ɲąmąi Manase ə bu, ə Ɉerusalɛmə daai laahvɛɛ la, mɛ̨nįɠaa tii ɓə gɛ, Yai-Laa hvó gɛ hvo Ɉuda lɔi mąą hvaalɛɛ la.

Mąątɛ̨nɛ̨ 10:11

Yɛ kɛ gwəi pələ: «Yálá aa lɛ̨ą yili ɓa, aa ɲįnąą kpulu, hvo mɛ̨nį lɔpee ta kaai.»

Mąątɛ̨nɛ̨ 36:2

Túwɔ́ pələ ɲɔ̨n gulɔmun nwɔ woo ɲɔ̨n a mo, nąą kili kaa ŋą́, nwɔ kili ɓa, mąą hva pɛli kpɛlin ɉii Yálá ɲɛ̨i ɓa.

Mąątɛ̨nɛ̨ 49:18

Mąąhɔlɔɓo ɉaai lɔwai a həli, hvo pai lii a hɛn da; da nwɔ mąąwiɛlaai di hva li a gee.

Hanwon 29:1

Nui a gbowo too ɉutɔɔ woo ɓa, a tee lɔ kpə, ɉali hva kɛ.

Ikilisiati 11:9

Yɛ́i a nunwunu, ə́ wɔ nunwunulaa ɲąąnɛ̨ɛ̨ kulɔ, ə́ ɲąąnɛ̨ɛ̨ kulɔ nąąlɔwai. Yii kpɔ a nɛ̨ɛ̨ yɛ́, gɛ. Yii yá gaa a nɛlɛɛ, yili kɛ. Kɛlaa, ə́ kili lɛɛ ɉu a nɛlɛɛ, yɛ́ kɛ: Yálá kaa pai ə́ kɛ mɛ̨nįɠaa tii kəlee kiti teei.

Ɉeremi 18:12

Kɛlaa ka káá pai kɛi diɛ: «Pɛli mąą hvo ɉu, ku kaa hiɛi yɛ bələi ku kwəi kili kaa la. Ku kaa kanąn ku wɔ lii pɔ ɲɔ̨nŋaa diɛ.»

Ɉeremi 3:17

Mąą yələi tii a pa həlii; da Ɉerusalɛmə taa laa hee, diɛ kɛ mą: «Yai-Laa nwɔ tɔɔkpəlin.» Nąąlɔwai, lɔi kəlee kaa pai pai Ɉerusalɛmə pɔ, Yai-Laa laa tii di ɉee mą, mąą mɛ̨nį ɓa; ə lɛɛ, di hva kɛa di pulu pənə, di hva kɛa kanąn di wɔ nwąnąlɔɔ túwɔ́ɠaa diɛ.

Ɉeremi 36:29

Yili pulu, yɛ́ Ɉuda tɔɔmun Yoyakimə ɓa: Yai-Laa woo ka: Ə́ ɉɛɓɛ́ yilii tii kələn, yɛ́ kɛ mą́ą́ lə ɓə kɛ yai ə́ bɛ̨ɛ̨ ɉu, yɛ́ kɛ diɛ: ‹Yai-Laa yɛ; Babilonə tɔɔmun gaa pai nɔi woloi, hva ɉəɠə mą, ɛlɛɛ yɛ nuą da taatɛlɛɛɠaa di kpɛɛ ɉu.›

Ɉeremi 44:27

Gáá ɲɛ̨i ɲɔ̨nwɔ̨ɔ̨ heei káá, gɛ́ ká mɔ̨nɔ̨ ɓo. Ɉuda nuąi heeni Eziptə lɔi hu, di kaa pai haai a kɔ́ da pulu, əlɛɛɉu, gəlee di kpɛɛ.

Ɉeremi 7:24

Kɛlaa, ya ka tii, di hvo gɛ li di hvo di wəli tɔɔ mą, di hvo bɔ mɛ̨nį kɛ; di túwɔ́ a di liiɓa, a di wɔ wəlii kpɔlɔ ɲɔ̨nwɔ̨ɔ̨. Di ɲɛ̨i kɛ mąąnɛ̨ɛ̨ di ɉee mą́ą́, daa tinɛ̨n di pulu pələ ɓə di ɉee mą́ą́.

Izikiɛ 13:16

Israɛlə nwɔ Yálá kwəi mɛ̨nį hukulɔ nuąi kɛi mɛ̨nį ɓo, yɛ hvilɛn na Ɉerusalɛmə ɓa, di hva kɛa da ɓo. Diɛi kɛi liilaa kɛɛ kaa, ya pa liilaa hvo kɛ laa. Mɛ̨nį kəlee ŋą Hééɓomun Yálá wóó li.

Izikiɛ 13:22

Yii ka kɛ tələnmomun ɉupui mą a lɛɛ wooɠaa, ya pa ɲą́ą́i vá gwəi pili mą; yii ka kɛ wɛa mun ɲee kɔ́n gɛi ɉu, ɛlɛɛ hva ɲee kulɔ nwɔ tuwɔ pələ ɲɔ̨n hu, yɛ pɛli yɛnɛ̨ɛ̨ hɔlɔɓoi.

Izikiɛ 14:7

Nui lɔpee yɛ ə kɛ a Israɛlə nwɔ pɛlɛ́i mu mun da, yɛ ə kɛ a nwɛą yii gaa heeni Israɛlə lɔi hu, a mąą kwɛa mą́ą́, ə hali mɛ̨nį hee nį́į́ hu, ɉɛn pai dooi nɛ̨ŋɛ̨n ɉu ə ɲee kąnąn mą; yili a tɔɔ yɛ pa gwə́i mɛ̨nį hu kulɔmun mąąni kɛi, ɲą́ą́ Yai-Laa, ɲą́ą́ gbinįi ɓə ŋį́ nwoo pulu pənə.

Izikiɛ 14:8

Ŋą́ hee mąą nu hu, yɛ kɛ a nui da mɛ̨nį kɔ́ɔn mą, ɛlɛɛ ŋį́ gulɔ nwɔ́ nu huwui lɔwai; ka gili kɔ́lɔn kaa kɛ diɛ, ɲą́ą́ ɓə gáá a Yai-Laa.

Lonon mo 15:30

«Kɛlɛɛ, nui a gili a gɛ, ə kɛ a nɔi lon da, ə kɛ a nwɛ̨ąi gaa heeni ka kɔ́wɔ mɛ̨i, yili kaa a Yai-Laa lalan ŋąą. Mąąnɛ̨ɛ̨ di mąą nu lɛɛ dɔ̨nɔ̨ kon ɉu.

Lonon mo 15:39

Bələ ɓə mąąnɛ̨ɛ̨ ka ka mąą həɠə kɔ́wɔ la laa la, ka kɛi gaa, Yai-Laa nwɔ tɔ́nŋąą nąą kili yɛ too ka ŋą. Ka di kaa, ka hva hvilɛn ka wɔ kiliŋąhiɛ da ka wɔ ɲɛ̨i kulɔ bɔɠaa pulu, yai a gɛ kaa Yálá woo tee ŋą.

Lomaŋ 1:21

Mąąhɔlɔɓo, bələi mąn di Yálá kɔ́lɔn na gɛ mɛ̨nįɠaa kəlee hu, di hvo gɛ li di hvo mąąwiɛ, di hvo ɉɛɠɛɛɓo, yɛ bələi mąąnɛ̨ɛ̨ la. Kɛlaa yaamun di di wɔ kiliŋąhiɛ mąą a kwɛa Yálá ɓa, di hvilɛn ŋąą la ɓowo mɛ̨nį pulu, diɛ ɓo la a kpinį ŋą luwɔɠaa.

Korɛntə veelɛ 10:5

ɛlɛɛ, da ɲɛ̨itɛ mɛ̨nįi lɔpee a kɛ ə tɔɔ Yálá kɔlɔn mɛ̨nį la. Kwa kiliŋąhiɛ kəlee hon a luwɔ, diɛ pɛli lɛɛi Kristə woo mu;

Ifisiɛŋ 4:17

Yii kani gáá moi káá, gɛ́ wiɛ mą gu Nąmu laa hu, ya ka: 'Ká hvo kɛa yɛnɛ̨ɛ̨ kɛ, yɛ bələi nuąi di hvo Yálá kɔ́lɔn da yɛnɛ̨ɛ̨ kɛ la, a diɛi di wɔɔ kiliŋąhiɛ a di lɔ kpɛli-kpɛli mɛ̨nį hu.

Ifisiɛŋ 5:6

Nu ta hvo ka ɓowo a ká kili ɲąą pɛlɛ wooɠaa, yili kəlee ɓə a pa a Yálá ŋą liiholui, nuąi da di nwun gulɔ ɲee mu di mɛ̨i.

Dutɛrɔnome 17:2

Hulɔnu ta, a wala kɛ tii, nɛ̨ɛ̨nu ta a kɛ ka lɔwai, daaɠaa tii Yai-Laa ka wɔ Yálái kaa pai dɛɛi ka pɔ da hu, mɛ̨nįi ɲɔ̨nwɔ̨ɔ̨ Yai-Laa ka wɔ Yálái ɲɛ̨i ɓa, yɛ gɛ, a nwɔ mįnɛ̨i hukala pələ,

Dutɛrɔnome 28:15

«Kɛlaa, akɛ Yai-Laa ka wɔ Yálái nwɔ tíɓoɠaa da nwɔ tɔ́nŋąąi gáá dɛɛi ka pɔ háákələi, ka wala ka wəli tɔɔ ɉu woo ɓa, ɛlɛɛ, ka wala tɔɔ a ka nwąnąi, kaa di pɔ mɛ̨nį kɛ, mɛ̨nį nwąnąɠaai pai həlii kaa, diɛ ɓɛla kaa a kpalo, diɛ ka:

Dutɛrɔnome 29:12

Yai-Laa kaa bɔ, ə ka kɛ háákələi a nwɔ nu huwu; yaa kpinįi lee yɛ kɛ a ka wɔ Yálá, yɛ bələi ə naakwɛlanmo la kaa, ɛlɛɛ, yɛ bələi ə gwɛla la ka nąnni diɛ; diɛi ɓaa: Abrahamə, Isaakə da Ɉakɔbə.

Dutɛrɔnome 29:18

Ɛlɛɛ, mąą nu a nolo woo ŋɛ̨i mɛ̨n, yɛ gbɔwɔ kaa yɛ mąątɛ̨nɛ̨ gwəi pələ, yɛ kɛ mą: ‹Ŋą́ mą kanąn gwə́i kiliŋąhiɛ ɓa, ŋą́ pɛli mɛ̨nį kəlee hɔlɔɓoi, mąąhɔlɔɓo, lɔi tulɔ a pu mą, kpələ wɛli hvo laa.›

Dutɛrɔnome 29:20

Yai-Laa a mąą nu huwu kulɔ Israɛlə nuhuwuɠaa kəlee lɔwai, ə nwun na pili, bələ ɓə, mįnɛ̨i ŋɛ̨i bɛ̨ɛ̨ dɔ́n ɉɛɓɛ́i ŋɛ̨i hu, ɉu mɛ̨nįɠaa a nɛɛ la ma.