Dutɛrɔnome 28:58 - Yálá laawoo hɛɓɛ (dc)

⁵⁸ «Ka wala tɔɔ a ka nwąnąąi, kaa dɔ́n ŋɛ̨i bɛ̨ɛ̨ ɉɛɓɛ́i ŋɛ̨i hu, kaa ɉu wooɠaa kəlee kɛ, kaa ɲɔw naa ɓa, yii mąąwia mąą ɲɔuwɔ, naa tii ɓaa: ‹Yai-Laa›, ka wɔ Yálá.

Yálá laawoo hɛɓɛ

⁵⁸ «Ka wala tɔɔ a ka nwąnąąi, kaa dɔ́n ŋɛ̨i bɛ̨ɛ̨ ɉɛɓɛ́i ŋɛ̨i hu, kaa ɉu wooɠaa kəlee kɛ, kaa ɲɔw naa ɓa, yii mąąwia mąą ɲɔuwɔ, naa tii ɓaa: ‹Yai-Laa›, ka wɔ Yálá.

Bible

⁵⁸ “Ka wàla dɔ̂ŋ-ŋai ŋí kélee mɛi káa bɔ̃yɛ̂i gɔlɔi ŋí su ka ƃaa-kɛ-maa tɛ́ɛ Káɣâlai Yâwɛɛ pɔ́,

Dutɛrɔnome 28:58 ပူးပေါင်းရင်းမြစ်များ

Nehemi 9:5

Yili pulu, Levi lonnii, Yesua, Kadmiɛlə, Bani, Hasavneya, Serevia, Hodiya, Sevania, da Petahia, diɛ nuą diɛ: «Ka ka waa, ka Yai-Laa ka wɔ Yálá mąątɛ̨nɛ̨, yələ kəlee da nwɔɔ. «Ka mąątɛ̨nɛ̨! Ka naa tɛ! Naa kɛnɛ̨i dɛɛ laa kəlee ɓa.

Mąątɛ̨nɛ̨ 111:9

Ə nwɔ nu huwui hvoloon na ɓo, ə nwɔ mįnɛ̨i laa di nwuɔ̨ a yələ kəlee mɛ̨nį; naa mąąhəɠɛɛi, mąą ɲɔwuɔ.

Mąątɛ̨nɛ̨ 48:10

Yálá, ku kilitɔɔi ə́ wɔ wɛlikɛmąąlaa ɓa, ə́ yəi bɛlɛ́n.

Mąątɛ̨nɛ̨ 50:7

Nwɔ́ nu huwui! 'Ka ka wəli tɔɔ, gáá mɛ̨nį ɓoi, Israɛlə, gáá ə́ hɔn moi; «ɲą́ą́ ɓə gaa a Yálá, ə́ wɔ Yálá ɓaa a Ɲą́ą́!»

Mąątɛ̨nɛ̨ 61:5

Gáá kɛ bɔ ə́ ə́ yee hee mú, a kwɛlan gəlee mɛ̨nį, gɛ́ mą́ą́kilɛ laa, nɔ́ɔ́ ə́ koon mu.

Mąątɛ̨nɛ̨ 72:19

Lúwɔ́ ə kɛ naa mąąwiai ɓa a yələ kəlee; lɔi kəlee laa ə hvɛɛ a nwɔ mąąwiɛ, kɛi a mo tii Yálá ə kɛ! Mįiną!

Mąątɛ̨nɛ̨ 83:18

Di hu ə pu diɛ a nwumɛ̨ da ɲɔw, di ɓɛlɛ ə kpɛɛ diɛ, ɓáá ə kulɔ diɛ, ə lɛɛ ɉu di haa la.

Mąątɛ̨nɛ̨ 99:3

Gəlee di ə laa mąąwiɛ kan, a Ə́ laa gɛnɛ̨ɛ̨, Mąąɲɔwuɔ, Mąąhəɠɛɛ.

Lɛɛ gbɔwɔ ɓa 15:26

Yɛ diɛ: «Akɛ ka ka wəli tɔɔ kpɔ a nɛlɛɛ, Yai-Laa ka wɔ Yálái woo ɓa; ka túwɔ́ a ɉaŋąą ɲɛ̨i ɓa, ka ka wəli tɔɔ nwɔ tiɓoɠaa diɛ, ka nwɔ tɔ́nŋąą kəlee pɔ mɛ̨nį kɛ, mɛ̨nį nwąnąąɠaa ti kpɔ ŋį́ naa Eziptə ɓa, vá da laa kaa. Mąąhɔlɔɓo, ɲą́ą́ Yai-Laa, ɲą́ą́ ɓə ŋą́ ka kɔ́lɔi pɔ̨nɔ̨.»

Lɛɛ gbɔwɔ ɓa 20:2

«Ɲą́ą́ gáá a Yai-Laa, ka wɔ Yálá, yai ka kulɔ Eziptə luwɔlaa hu.

Azaya 41:10

'Hvó ɲɔw, mąąhɔlɔɓo, gáá ə́ pulu, 'Hvó ə́ liihɛlɛn, mąąhɔlɔɓo, gáá a ə́ wɔ Yálá. Gáá ə́ huwala walai, gɛ́ kpɔn ɲɛ́, Gɛ́ mamįiyee pu ə́ mu, yai tələnmolaa kaa ɉui.

Azaya 42:8

Ɲą́ą́ ɓə a Yai-Laa, ɛlɛɛ, náá li; ɛlɛɛ, nwɔ́ mąąwiɛi və́ pai dɛɛi nu takpɛli pɔ, ə mą kɛ mą́ą́tɛnɛ wələi mąąnɛ̨ɛ̨ di doo mą́ą́, vá dɛɛ haliɠaa pɔ.

Ɉeremi 5:12

Daa lənə Yai-Laa ɓa, diɛ kɛ diɛ: «Ho laa! Mɛ̨nį nwąnąą hvo pai laai kuɔ, kɔ́ hvo pai həlii kuɔ, ə mą kɛ, pulu.

Ɉeremi 5:22

Yai-Laa yɛ diɛ: Ka hvo bɔ ka hvo mɛ́lɛ kɛ mą́ą́, ka hva ɲɔw mą́ą́. Ɲą́ą́ ŋɛ̨i gboloyá ɲɛn dɔɔ a ɲɛa kɔ́w, ɛlɛɛ, gboloyá hvo pai lagin ɉii ɲɛn tii mɛ̨i a Yələ ta, ə mą kɛ lii tii yɛ pa a vaŋa, hva ɲɛn tii mąą teen; gboloyá a huluun, kɛlaa, hva ɲɛn tii mąą tɛɛ.

Malasi 1:14

Kpalo ɓɛlaai hvulu mun ma, yai a daatɛlɛɛ hilɛ kɔ́lɔi pɔ̨nɔ̨ɔ̨ lɛlɛɛɠaa a di həɠə ɉu a Yálá nwɔɔ, yɛ di lɛɛ ɲəi daatɛlɛɛ kwənąn ɉu, yiiɠaai kiliin ɉi ɲɔ̨nwɔ̨ɔ̨ kaa mą, yɛ bili gee mɛ̨i, yɛ gulɔ a haláá mą́ą́. Kpalo ɓɛlaai mąą nu ɓa, mąąhɔlɔɓo, ɲą́ą́ Yai-Laa Mɛ̨nį Kəlee ŋą Hééɓomun, gáá a Yálái gaa a tɔɔmun, hį́i kəlee diɛ ɲɔw nwɔ huwalawala ɓa.

Maafîu 10:28

Nui a nu paa, hva pɛli hɛn da kɛi a níi, ka hvo ɲɔw mą. Nui a pɛli nu paai, ə níi pili ɉahanąmą nwɔ̨n ɉu, kaa mun ka ɲɔw mą.

Dutɛrɔnome 28:15

«Kɛlaa, akɛ Yai-Laa ka wɔ Yálái nwɔ tíɓoɠaa da nwɔ tɔ́nŋąąi gáá dɛɛi ka pɔ háákələi, ka wala ka wəli tɔɔ ɉu woo ɓa, ɛlɛɛ, ka wala tɔɔ a ka nwąnąi, kaa di pɔ mɛ̨nį kɛ, mɛ̨nį nwąnąɠaai pai həlii kaa, diɛ ɓɛla kaa a kpalo, diɛ ka:

Dutɛrɔnome 28:59

Akɛ ka wala ɲɔw ma, Yai-Laa kaa pai kwəi pili mąą ɲɔ̨nŋąą, diɛi di kpɛɛ la walaa di pɛlɛi kaa ka ka huwu kəlee.

Dutɛrɔnome 6:13

Yai-Laa ka wɔ Yálái ɓə mąąnɛ̨ɛ̨ ka ɲɔw mą. Ya ɓə mąąnɛ̨ɛ̨ ka tí mą. Naa hu ɓə mąąnɛ̨ɛ̨ ka ka kwɛla la.