Dutɛrɔnome 28:51 - Yálá laawoo hɛɓɛ (dc)

⁵¹ Diɛ ɓə pai ka wɔ taatɛlɛɛɠaa lonnii mįi, da ka wɔ hihɛnŋąąi ɓá; ə lɛɛ ɉu ka huwu ə pu, di hvo pai ka wɔ mɔ̨nun ta lɛɛi ka yəi, ə mą kɛ da lɔɔ nįnɛ̨, da nwulɔ, da ka wɔ nįŋɛ̨ koonɛ̨aɠaa, da ka wɔ ɓɛlaa kɔ̨nwɔ̨leeɠaa, ə lɛɛ ɉu di ka kpɛɛ nɔi.

Yálá laawoo hɛɓɛ

⁵¹ Diɛ ɓə pai ka wɔ taatɛlɛɛɠaa lonnii mįi, da ka wɔ hihɛnŋąąi ɓá; ə lɛɛ ɉu ka huwu ə pu, di hvo pai ka wɔ mɔ̨nun ta lɛɛi ka yəi, ə mą kɛ da lɔɔ nįnɛ̨, da nwulɔ, da ka wɔ nįŋɛ̨ koonɛ̨aɠaa, da ka wɔ ɓɛlaa kɔ̨nwɔ̨leeɠaa, ə lɛɛ ɉu di ka kpɛɛ nɔi.

Bible

⁵¹ Da pâi kátaa-tulɛ-ŋai da kási-sãai kélee mîi kpɔ́ kpɔlɔwɔ. Mii-sãa, ŋwãai, taa-tûlɛ kpaa máŋ ɔle wúlɔ da fé pâi lɛɛ̂i naa kámii mɛni ma. Ǹyaŋ ka pâi puru siɣêi é lɛ́ɛ la zu káŋuŋ lá é píli kpɔ́ kpɔlɔwɔ.

Dutɛrɔnome 28:51 ပူးပေါင်းရင်းမြစ်များ

Tɔɔɓɛlaa veelɛ 25:10

Kalde kɔ́kulááɠaai lɛɛ tɔɔmun mąąkpɛ nuą nwun nąmu pɔ, di kəlee di Ɉerusalɛmə mąąkpɛ hįi pu.

Azaya 1:7

Ka wɔ lɔi aa kɛ yɛ lɔi pun, ka wɔ taaɠaai daa kələn, nwɛ̨ąą diɛ too ka mɛ̨i, diɛ ka wɔ lɔi dɔ̨nɔ̨ kulɔ, ka ɲɛ̨i ɓa; hɛn nɔpee ta hva lɛɛ laa, yɛ bələi lɔi kalamun a lɔi kulɔ la bihɛi.

Azaya 62:8

Yai-Laa aa gwɛla, ə gwɛla a mamįiyee da ɲee kɔ̨nwɔ̨n ɉu hvąŋą kɛnɛ̨i laa, yɛ kɛ: Vá kɛa ə́ wɔ ɓai kɛ, a ə́ yowoɠaa kɔ̨nɔ̨n, nwɛą nu huwu hva kɛa ə́ wɔ lɔɔi kpələ, a nɔɔi tii ə́ hviikpɛɛ həɠə bulu.

Ɉeremi 15:13

Hɛn kpɔ gaa ə́ yəi, da ə́ yəi hɛn gɔwɠaa, ŋį́ gəlee lɛɛ laa, diɛ too di hu, nɛ̨ŋɛ̨nŋaa ə́ ɉəɠə, vɛla ka tii, yili a həli tii ə́ wɔ lɔi nąą kəlee ɓa.

Ɉeremi 17:3

Yɛi ŋɛ̨i a ɲee nwuɔ̨ haláá kulɔ mun vaŋalɔɔ, ɲɛɛ kɔ́wɔɠaa hu, gáá ə́ yəi hɛnŋaa da ə́ yəi hɛn gɔwɠaa kəlee tɛɛi di too ɉu, nɛ̨ŋɛ̨n yaa ɉəɠə nɔi kəlee hu a haláá kulaa hali ɓa mąą mɛ̨nį ɓa,

Woolaa 4:9

Nuąi ɓɔwa ə di paa, di wɛi hviɛla aa ɓo, aa tɛɛ nuąi pulu aa di paa diɛ; di nwun na yɛ pili kɔ̨nɔ̨n bulu kolo ɓa.

Izikiɛ 12:19

'Kɛ nɔi hu nuą diɛ: Mɛ̨ni kəlee ŋą Hééɓomun Yálá ɓə mɛ̨nįi ŋɛ̨i ɓoi Ɉerusalɛmə nuąi Israɛlə lɔi hu diɛ; di kaa pai kɛi di laa mįi liihɛlɛn ɉu, diɛ ya kpələ ɲɔw ə ɓo di hu, mąąhɔlɔɓo, di kaa pai nɔi hu woloi, diɛ ɉu hɛnŋąą kəlee kulɔ ɉu; a nɔi hu nuą di wɔ hulu mɛ̨nį laa pɔɔ.

Izikiɛ 25:4

Yili mąą mɛ̨nį ɓa, gáá ə́ tɛɛi hvóló kulɔi pələ nuą pɔ a di wɔɔ. Di kaa pai di wɔ taaɠaai tɔɔi ə́ pɔɔli, diɛ di heei bɛli laa, diɛ ɓə pai ə́ wɔ wulu ɓaɠaai mįi. Di ə́ wɔ taatɛlɛɛɠaai ɲįnįyá kpələ.

Levetekɔ 26:26

Ŋą́ ka kɔ̨nɔ̨n gulɔi ka yəi, nɛ̨ąą pow kaa pai kɛi kpɔn ɉii ka kɔ̨nɔ̨n ma, diɛ ɲili ləɠi tɔ̨nɔ̨ hu, gɔ̨nɔ̨n di kaa pai pai la, di kaa pai kɛi ɲąąkwɛlɛi, diɛ naa ka yəi, ka hva pilɛ.

Dutɛrɔnome 28:33

Ka wɔ hihɛnŋąąi ɓa, da ka kɛ kóló dɔlɔ, a lɛɛ a nu huwui ka hvo di kɔ́lɔn di kɔ̨nɔ̨n. Ka kɛ lɔ a nu huwui da di yee pənə ɉu, diɛ giin-giin.

Dutɛrɔnome 28:50

Di kaa pai kɛi a nu huwu ɲɛ̨i walawalaa, di hva hulɔgolo mąąwiɛ, di hva nu nwunu ɲɛ̨imąąwɛli kaa.

Dutɛrɔnome 28:52

Di kaa pai heei ka wɔ taaɠaa kəlee ɓa a kɔ́. Ə lɛɛ ɉu ka wɔ lɔi hu hįį kpoloon ɲee muhəɠɛɛ kwɛa-kwɛaɠaa di pu; a diɛi tii ka kɛi ka kilitɔɔ diɛ. Da hee ka tɔwɔ a kɔ́, ka wɔ taaɠaa kəlee hu; ka wɔ lɔi kəlee hu, ɓɛi ŋɛ̨i Yai-Laa ka wɔ Yálái kaa dɛɛi ka pɔi.