Dutɛrɔnome 28:49 - Yálá laawoo hɛɓɛ (dc)

⁴⁹ Yai-Laa kaa pai nu huwu ta ŋąątɔɔi kaa, diɛ həɠə kpɔ kwɛa la lɔi kpon ɉeei, diɛ koon diɛ pa yɛ kuwɔ, diɛ ɓo a nu huwu yii ka hvo pai di laa woo mɛ̨n ɉii.

Yálá laawoo hɛɓɛ

⁴⁹ Yai-Laa kaa pai nu huwu ta ŋąątɔɔi kaa, diɛ həɠə kpɔ kwɛa la lɔi kpon ɉeei, diɛ koon diɛ pa yɛ kuwɔ, diɛ ɓo a nu huwu yii ka hvo pai di laa woo mɛ̨n ɉii.

Bible

⁴⁹ Yâwɛɛ a pâi núu kulâi ǹɔii-ŋuŋ kpóŋ ma lɔii-ŋuŋ da su é pá la gɛ́ ƃò kámɛi. A pâi kásonîi a maa félaa yɛ̂ɛ berei kuɛ a yêŋ la é gɔ́nɔ sóŋ. A pâi kɛ̂i a yao-maa nuu. Káfe pâi kɛ̂i ǹá-woo mɛnîi.

Dutɛrɔnome 28:49 ပူးပေါင်းရင်းမြစ်များ

Zɛnɛse 11:7

Yili ɓa, ka gu yɛɛ, ka gu di hvaa woo humo di la, ə gɛ, di hvo di kee hvaa woo ŋąą kaa.»

Mąątɛ̨nɛ̨ 81:5

Israɛlə yíi pələ li, Ɉakɔbə nwɔ Yálá ɓə gu tí la.

Hanwon 30:19

Kuwɔ́ kpaalə hvo mą yələi, Kaalə pɔɔ hvo mą kwɛni gbaha mɛ̨i, Kələn bɔɔ hvo mą yá ɲą, hulɔnu pɔɔ hva kaa nɛ̨ɛ̨nu ɓa.

Azaya 33:19

Hvo kɛa pai gbɔwɔ ɲąą kɛnɛ̨ nuąi tii kaai, a nu huwui tii, naa woo mɛ̨n naa walaai, diɛi di hvaawoo a nu laa yɛlɛ, nu hva pɛli gulɔ ɉu kɛi.

Azaya 39:3

Nąąlɔwai, Yálá kwəi mɛ̨nį hukulɔ mun Esai ə pa ə tɔɔmun Ezekiasə kaa, yɛ mą: «Lə mɛ̨nį ɓə nuąi tii di mo yɛ́, ɛlɛɛ, di həɠə mį?» Ezekiasə yɛ mą: «Di həɠə kpɔ kwɛaala, kpɔ Babilonə diɛ pa di woo pilii mą́ą́.»

Azaya 7:18

Mąą yələ, niiliɠaa kpɔ di kaa Eziptə ya pulu pələ, da Asiri lɔi hu kwɛ̨iŋąą, Yai-Laa a di təli a kwəlee woo,

Ɉeremi 4:13

Kaa ɲɛ̨i hee tai ku yowo ɓa! Gaa pai yɛ hvaŋą a hee tulɔ kpinįn ɉu; ku yowo nwɔ kɔ́ kɔ́ wotoloɠaai kaa yɛ tulɔ hvaŋą. Nwɔ hooɠaa mąąhulaa di tɛɛ kuwɔ ɓa. Ə́ kə néé! Ku nwun na piliɛ li-ee!

Ɉeremi 48:40

Yai-Laa woo ka, yɛ diɛ: «Gaa yɛ geelə a kɛi koon, aa goon bɛlɛ Moabə mɛ̨i.»

Ɉeremi 49:22

Gaa yɛ geelə a kɛi tɛ yələi, yɛ koon, yɛ goon ɉu lɛan Bɔsra mɛ̨i. Volói tii, Edɔmə kɔ́kulááɠaa lii a kɛ di kwəi, yɛ kwəi nwąną kɛ nɛ̨ɛ̨nu lii.

Woolaa 4:19

Ku kpɛ nuą mąąhulaai, di mąąhulaai di tɛɛ kúwɔ́ ɓa, di pu kuɔ, di lɛɛ ku pulu, ku tɛ ɲeeɠaa ɓa, di laa ku tɔwɔ, di pələ hɛlɛn tɛ ku tɔwɔ nɔi pun ɉu.

Izikiɛ 11:9

Gáá pai ka kpɛi daa kwəi, ŋą́ ka tɛɛ nwɛ̨ąą pɔ, mɛ̨nįi ŋą́ mo, gáá pai bɔ mɛ̨nį kɛi.

Izikiɛ 17:12

Mɛ̨nį ɓo gulɔ nwoo mu nuąi ɲɛ̨i diɛ, kɛ diɛ: Ká hvo mɔ̨ɔ̨ mu kulaa kɔ́lɔn? 'Mo, Babilonə tɔɔmun ə pa Ɉerusalɛmə; ə dɔɔmun ɉon, da nu kpɛa kpɛaɠaa, ə li a diɛ Babilonə, nwɔ lɔi hu.

Izikiɛ 17:3

'Kɛ diɛ: Yai-Laa woo ka, yɛ: «Guwɔ kɛnɛ̨i, goon ɲąą kpɛa kpɛa, nɛɠaɠaa ɲąą kɛnɛ̨, gɔlɔɓa lɛɠaɠaa ɲɛ̨́i pɛ̨ɛ̨ a damąą, ə pa Liban, ə kpitili da ton ɲali mɛ̨i,

Izikiɛ 3:6

Nu huwu tamąą hvə gáá ə́ tɔɔi bɔ, di laa woo hu kpinɛ̨ɛ̨, mɛ̨n naa walaa; diɛ kɛ hvo pai di laa woo mɛ̨n ɉi; ɛlɛɛ mun hɔlɔɔ, ŋą́ ə́ tɔɔ kɛ yiliɠaa pɔ, kɛlɛ di li kɛ di wə́li tɔɔ ə́ woo ɓa?

Danîa 7:4

Dɔlɔɔ tii, ə kɛ yɛ: Yala, goon ɲɛ ɓo mą yɛ kuwɔ, ɲɛ̨i ə lɛɛ lɔ ma, di goon gulɔ ma, ɉuwɔi tii ə haŋą ə tɔɔ gɔwɔ hveelɛi mɛ̨i yɛ nu, nu kili ə nɛɛ mą ə too ɉu.

Danîa 9:26

Gwɛlan pow mɛ̨ida kɔ́w hveelɛi heei gwɛlan mɛ̨ihveelɛi tii tɛɛ pulu, hulɔnu ta yii Yálá aa ɉəɠə ɉu ə mąątí, di kaa pai baai, dɔɔ bulu kɛ mun hva hɔlɔɓo nuą lɔwai. Yili pulu, nwun nąmu ta ka pai muhəɠəi, da nwɔ kɔlaɠaɠaai, di daa lee wolo, ə mą kɛ Yálá hee pɛlɛ́. Ə mą kɛ tii, Yálá nwɔ líiɲąnwąną kaa pai pui nui tii mɛ̨i, ə nwɔ yɛnɛ̨ɛ̨ ŋaakpɛɛ. Kɛlaa, gɛɛ hvo pa kɛ haai, gaa pai kɛɛ kalai kɔ́kɔ́ɔ hu, yɛ pələi di mɛ̨nį tii gbən dee la.

Osia 8:1

'Dulú hvɛɛ, mɔ̨nɔ̨ kaa pai Yai-Laa nwɔ pɛlɛ́i mɛ̨i, yɛ kuwɔ. Mąąhɔlɔɓo, daa nwɔ́ mįnɛ̨i hu kala, dɔ́n ŋį́ naa diɛ, daa di nwun gulɔ mu.

Lonon mo 24:24

Gáá ya ŋą kələnŋąą kaai, diɛ həɠə Kitimə, di kaa pai heei Asurə mɛ̨i, diɛ hee Ebɛrə mɛ̨i. Kɛlaa gɛɛ kalamun tii yaa kpɛli, nwun na kaa pai pilii.»

Maafîu 24:28

Ka kili kaa ɉu, ka diɛ ɓɛi huwɔ powa kaa laa, nąą ɓə gwąą-gwąąɠąą da di ɲąąkpɔn naa.»

Korɛntə dɔlɔɔ 14:21

Bɛ̨ɛ̨i dɔn ɉɛɓɛ́ hu yɛ mą: «Hį́i takpɛliɠaa laawoo ɓə gáá pai bələ ɓoi la nu huwui ŋɛ̨i ɓa, ɛlɛɛ, nwɛ̨ąą laaləi, ə mą kɛ tii, di hvo pai di wəli tɔɔi nwóó ɓa; gu Nąmu woo li!»