Dutɛrɔnome 28:36 - Yálá laawoo hɛɓɛ (dc)

³⁶ «Dɔɔmun ka ɉee ka nwun na, Yai-Laa kaa pai ka diɛni ka tɛɛi, nu huwui wɔlɔ ka nąnni di hvo gɔlɔn, ɛlɛɛ, kaa kpɛli ŋɛ̨i ka hvo gɔlɔn, di pɔ, kaa ɓo di yee kɔ́nma, kaa tí haliɠaa diɛ, diɛi di kaa a wulu, da kwɛni.

Yálá laawoo hɛɓɛ

³⁶ «Dɔɔmun ka ɉee ka nwun na, Yai-Laa kaa pai ka diɛni ka tɛɛi, nu huwui wɔlɔ ka nąnni di hvo gɔlɔn, ɛlɛɛ, kaa kpɛli ŋɛ̨i ka hvo gɔlɔn, di pɔ, kaa ɓo di yee kɔ́nma, kaa tí haliɠaa diɛ, diɛi di kaa a wulu, da kwɛni.

Bible

³⁶ “A pâi kákpɛ̂i ka kákâloŋ-ni ka lí lɔii da su nyii kánâŋ-ni dífe wɔ́lɔ li ní naa, káa kpîŋ káfe tela naa kɔ́lɔŋ. Ka pâi kɛ̂i naa ká kɛ́ ɣâla da kpɛ́ni-ŋa fɛ̀li nyii-ŋai dí díkpɛ̀tɛ a wúru da kɔnii.

Dutɛrɔnome 28:36 ပူးပေါင်းရင်းမြစ်များ

Tɔɔɓɛlaa veelɛ 25:11

Yili pulu, Nebuzaradan, tɔɔmun mąąkpɛ kɔ́kulááɠaa nwun nąmu, ə nɔi lonnii kpəli tii lɛɛ daa kwəi, ə li a diɛ luwɔlaa hu da bulu kulɔ nuą tii di kpɔwɔ tɛɛ Babilonə tɔɔmun bɔ, da nɔi nuą gbəli.

Tɔɔɓɛlaa veelɛ 25:21

Babilonə tɔɔmun ə nuą tii kəlee paa kpɔ kpai Rivla daai Hamatə lɔi hu. Bələ ɓə di Ɉuda nɔi nuą hon na a luwɔ, di di mąą kwɛa di pɔ lɔi ɓa.

Kɔlɔnikɔ Veerɛi 33:11

Yai-Laa ə Asiri tɔɔmun nwɔ kɔlaɠa nwun nąmįną tɔɔ, di pa a kɔ́, di bɛlɛ diɛ. Di Manase hon kwɛli kpɛlɛmąąɠaa, di ɲili a ɓala kwɛli yɛli, di li la Babilonə.

Kɔlɔnikɔ Veerɛi 36:1

Nɔi lonnii di Ɉosiasə lon Yoakazə həɠə di ɉee a tɔɔmun Ɉerusalɛmə, a nąn mąąhvalin.

Kɔlɔnikɔ Veerɛi 36:17

Yai-Laa ə Kalde tɔɔɓɛlaa ŋąątɔɔ diɛ a kɔ́. Kalde nuą di di wɔɔ hilɛlɛaɠaa paa gɛɛnąą mąąhəɠɛɛ ɓa a kɔ-kɔ ɓɔwa; di hvo kpɛli ɉilɛlɛaa da nɛ̨ɛ̨lɛaa mąąwɛli kaa, ə mą kɛ, a ɉulɔgoloɠaa da nu mąąpɔlɔɔɠaa. Yálá ə di kəlee di lɔ Kalde nuą yee ŋą.

Kɔlɔnikɔ Veerɛi 36:20

Nu təli woloi kulɔ a mowa yee wolo, ə li a diɛ Babilonə, əgɛ, di kɛ a yaa da nonnii di wɔɔ luwɔɠaa. Di lɛɛ luwɔlaa hu, ə lɛɛ ɉu Pɛrsə nuą di wɔɔ tɔɔlaai ə pa.

Kɔlɔnikɔ Veerɛi 36:6

Babilonə tɔɔmun Nabukodonosorə ə pɛlɛ ma a kɔ́, ə ɉon, ə ɲili kpɔ a kwɛli kpɔlu yɔwɔn, ə li la Babilonə.

Azaya 39:7

Di kaa pai lii a ə́ lonnii tamąą, yiiɠaai a ə́ kwəi lonnii, diɛɠaai ə́ kaa di kaai; di kaa pai daɠaai ɓɛlai di ɓo Babilonə tɔɔmun ɲəi gwəlii.»

Ɉeremi 15:14

Gáá ə́ kɛi a ə́ yowoɠaa di wɔ luwɔ, lɔi takpɛli hu, ɓɛi hvó nąą kɔ́lɔn. Nwɔ́ liiholi a ɓɛla ka mɛ̨i, yɛ nwɔ̨n, yɛ ka kələn.

Ɉeremi 16:13

Yili ɓə gɛi, gáá ka kulɔi ɓɛ nɔi, ka li ɓɛi ka nąnni di hvo nąą kɔ́lɔn, ə mą kɛ kaa kpinįi ŋɛ̨i. Ka pa lii laa, ka káá lii kɛi haliɠaa mąąwiɛi laa a yələ kəlee, ɛlɛɛ, ka hva pɛli ka kilitɔɔi nwɔ́ wɛlikɛmąąlaa ɓa.

Ɉeremi 39:1

Ɉuda tɔɔmun Sedesiasə nwɔ tɔɔlaa gwelan mɛ̨inąąn, ɲąnin bow nąą, Babilonə tɔɔmun Nabukodonosorə ə kɔ́ pɛlɛ Ɉerusalɛmə ɓa, a nwɔ kɔlaɠaɠaai kəlee. Ə daa mąątinɛ̨n a nwɔ kɔ́kuláá kpulu, ə doo gee hu.

Ɉeremi 9:15

Gáá pai di taɠa taɠai lɔiɠaa hu, ɓɛi di hvo naa kɔ́lɔn, diɛ man-o di nanii-o, ə lɛɛ ŋį́ kɔ́ hvilɛn di pulu, ə lɛɛ ɉu, di haa.

Woolaa 2:9

Siɔn kponŋaa kəlee daa lɛɛ pɔ́lɔ mu, naa kpulu kwɛliɠaa kəlee hu aa yali yali. Dɔɔmun da nwɔ kalanɉonŋaa daa lɛɛ nu takpɛliɠaa yee mu. Yálá kwəi mɛ̨ni hukulɔ mɛ̨ni hvo kɛa ɉu laa. Yálá hvo kpɛli kɛa gwəi mɛ̨ni lɛi gwəi mɛ̨ni hukulɔi nuą diɛ.

Woolaa 4:20

Dɔɔmun Yai-Laa ə ku wɔ yɛnɛ̨ɛ̨ tɛɛ bɔ, yaamun ga ŋɛ̨i, ku yowoɠaa daa gɛ a di wɔɔ luwɔ, yɛ ɓo di yəi gaho ŋą; Yaai kɛ kwa ku kili kɛ mą, kuɔ kɛ diɛ: «Kwá kɛ yaa tii vaŋan mu, kwa pɛli yɛnɛ̨ɛ̨ kɛi hį́itakpɛliɠaa lɔwai!»

Izikiɛ 11:9

Gáá pai ka kpɛi daa kwəi, ŋą́ ka tɛɛ nwɛ̨ąą pɔ, mɛ̨nįi ŋą́ mo, gáá pai bɔ mɛ̨nį kɛi.

Izikiɛ 20:39

«Yili ɓa, káái a Israɛlə nwɔ pɛlɛ́i mu nuą, yii Mɛ̨nį kəlee ŋą Hééɓomun Yálá kaa moi, ya ka: Nu kəlee ə li kani ə nwɔ halii kɔ́, yili pulu, gu kaa pai gaai, akɛ ká hvo pai lɛɛi nwóó mu. Yili a kɛ tii, ká hvo kɛa pai náá mąąhəɠɛɛ pui, a ka wɔ haláá hɛnŋaai da ka wɔ haliɠaa.

Dutɛrɔnome 28:64

Yai-Laa kaa pai ka taɠa taɠai nu huwu kəlee lɔwai, yɛnɛ̨ɛ̨ nąą kəlee. Ka káá pai kɛi tíi kɛi haliɠaa diɛ, diɛi di kaa a: kwɛniɠaa da wuluɠaa, diɛi, kaa-o ka nąnni-o ka hvo ta di kɔ́lɔn ni.

Dutɛrɔnome 29:17

Yálá hvo gɛ! Ə kɛ a hulɔnu ə kɛ a nɛ̨ɛ̨nu, a wala kɛ tii pɛlɛ ta ɓə, ə kɛ a huwu ta, hvo hɔlɔɓo ka lɔwai nwɔ kiliŋąhiɛ hvo həɠə Yai-Laa gu wɔ Yálái ɓa, yɛ hvilɛn nu huwuɠaa tii di wɔ haliɠaa pulu, ka kpuwun da hvo kɛ ka lɔwai, yii nwɔ kɛ pələ a kɛ yɛ pili mąą, a wala kɛ tii, yɛ kala ɲɔ̨n.

Dutɛrɔnome 4:27

Yai-Laa a ka taɠa taɠa lɔi mɛ̨i nuą lɔwai; ka huwu ta wolo tiikpə lɔ ɓə a lɛɛ lɔiɠaa lɔwai, ɓɛɠaai Yai-Laa kaa pai lii laa a kaa.

Dutɛrɔnome 4:28

Ka kɛ laa haliɠaa yee mu yii nuą di bɛli a di yee, di ɓo a wulu, a kwɛni; di hva pɛli kɛɛ kaai, di hva pɛli mɛ̨nį mɛ̨n ɉii, di hva pɛli kɔ̨nɔ̨n mįi, di hva pɛli hɛn gun mɛ̨n ɉii.

Samuɛlə dɔlɔɔ 12:25

Kɛlaa, ka túwɔ́ a ɲɔ̨nwɔ̨ɔ̨, a ka kalaɠala ka ká wɔɔ tɔɔmun ni.