Dutɛrɔnome 28:32 - Yálá laawoo hɛɓɛ (dc)

³² Ka lon ɉinąą, da ka lon nɛ̨ą da lɛɛ a nu huwu takpɛliɠaa di wɔɔ; ka ɲɛ̨i a lɛɛ di tɔwɔ, ɛlɛɛ ɉu, ka ɲɛ̨i lon ɉu yɛ haa, kaa di mąą kpɔn, di hva pa, ɛlɛɛ, ka hva pɛli mɛ̨nįi lɔpee ta kɛi ɉu.

Yálá laawoo hɛɓɛ

³² Ka lon ɉinąą, da ka lon nɛ̨ą da lɛɛ a nu huwu takpɛliɠaa di wɔɔ; ka ɲɛ̨i a lɛɛ di tɔwɔ, ɛlɛɛ ɉu, ka ɲɛ̨i lon ɉu yɛ haa, kaa di mąą kpɔn, di hva pa, ɛlɛɛ, ka hva pɛli mɛ̨nįi lɔpee ta kɛi ɉu.

Bible

³² Da pâi kálônii tɛɛ̂i lɔii-ŋuŋ da kpɛ́ni-ŋa su a luɛ-ŋa. Ka pâi wɔ̂lɔi a kpíni da fólo káfa díkaa. Ka pâi lɛɛ̂i díkɔ̂rii káfii é kpɛ́ɛ. Ká kpɔŋ-mâa nuu da fé pâi kɛ̂i ma.

Dutɛrɔnome 28:32 ပူးပေါင်းရင်းမြစ်များ

Kɔlɔnikɔ Veerɛi 29:9

Gu nąnni ka daa haa a kwɛli hɛn naa pɔɔ; yili mąą mɛ̨nį ɓa, gu lon ɉinąą, gu lon nɛ̨ąą da gu nɛ̨ąni ka luwɔlaa hu.

Zôo 11:20

Nu ɲɔ̨nwɔ̨ɔ̨ɠaa di wɛi, di ɲɛ̨i kaa pai paai. Di hva di mąąkilɛi hɔlɔɓo. Yii lɔ da di kilitɔɔ mą, ya ɓaa di haa mɛ̨nį.

Zôo 17:5

Gaa yɛ nui da kɛ mąą hanwon ɉɔɔi, diɛ kɛ mą: «A mɛlaa təli kɔ̨nɔ̨n ma, nonnii diɛ wɔlɔ pulu yəi.»

Zôo 31:8

Akɛti, yii ŋį́ ɉin, ə lɛɛ a nu takpɛli kɔ̨nɔ̨n, di mą́ą́pooɠaa kulɔ a ɉamu.

Mąątɛ̨nɛ̨ 119:123

Ɲɛ̨́i kaa kpɔlɔ málo mɛ̨nį tɔwɔ a yələ kəlee, da tələnmo yɛnɛ̨ɛ̨i ə́ naakwɛlanmoi.

Mąątɛ̨nɛ̨ 119:82

Mɛ̨nįi ə́ naakwɛlanmo, ɲɛ̨́i hɛlɛn dɛɛi kpɔlɔ dɔwɔ! Ə́ kaa pai níí laai a lə yələ?

Mąątɛ̨nɛ̨ 69:3

Gáá yɛɛi palaya kpon ɉu kwɛaa hu, gúlɔ-ɉumun dakpɛli hvo laa. Gáá yɛɛi pali kpon gwɛaa hu, ɛlɛɛ, ɲá ɠiliin yɛ li a ɲą́ą́.

Azaya 38:14

Gáá wɔlɔi, yɛ hvólóon, a wala kɛti, yɛ liɛn non, gɛ́ nwóó laa, yɛ tonwənən. Ɲɛ̨́i həɛi ə́ pɔ pələ, ɲɛ̨́i kɔ́lɔn ɉu aa haa: Yai-Laa! Gbánɉu aa haa; mą́ą́ mɛ̨nį ɲɛ̨i kulɔ wɛ!

Woolaa 1:18

Tɛ̨ą kaa Yai-Laa pɔ. Mąąhɔlɔɓo, ɲą́ą́ ɓə nwoo lɛɛ. Yɛnɛ̨ɛ̨ nuą, ka kəlee 'ka ká wəli tɔɔ! 'Ká nwɔ́ mɔ̨nɔ̨i kaa, nonnii hinąą da nonnii nɛ̨ąą kəlee daa li luwɔlaa hu.

Woolaa 2:11

Ɲɛ̨́iyá aa ɲɛ̨́i-kwəleen mɛ̨i pu, góólon ɉu aa kɛ tukpu-tukpu nwáná aa yɛɛ a gɔ́wɔ́, mąąhɔlɔɓo, nwɔ lɔi lɛlɛɛ hu aa kala. Lɛapɛlɛɛ da ɲįnį kpələ lonnii diɛ haa a kpələ wɛli gwəli hąąiɠaa ɓa.

Woolaa 4:17

Ku ɲɛ̨iyá ə kɛi pu, nui pai kpɔn ɉii kuɔ, ku ɲɛ̨i yɛ ɓo dɔwɔ; ku hvo ta gaa li hvo pa. Ku kɛ ɉį́i mɛ̨i, kuɔ ku ɲɛ̨i laa a ku mąą kpɔnmąą ɓo lɔi, hvo pɛli ku kulɔi ɉu.

Woolaa 5:17

Yili mąą mɛ̨ni ɓə kwaa kɛ la a ɲɔ̨n gɛ nuą, yili ɓə ku ɲɛ̨i kpįnįi kuɔ.

Izikiɛ 24:25

«Hulɔnu lon ə́ wəli tɔɔ, ɲələi gáá pai di hvaŋą kulɔi la di yəi, da di wɔ yɛnɛ̨ɛ̨ ɲąąnɛ̨ɛ̨ hɛnŋaai, da di mąąyili hɛnŋaa, ɉɛn da di ɲɛ̨i hee mą yɛ di kwəinɛ̨ɛ̨; ɉɛn a di wɔ yɛnɛ̨ɛ̨ ɲąąnɛ̨ɛ̨ diɛ, di lon ɉinąą da di lon nɛ̨ąą;

Amɔsə 5:27

Yili mąą mɛ̨nį ɓa, gáá pai ka kulɔi ɓɛ, ŋį́ ka tɛɛ Damasə lɔi pulu pələ. Yai-Laa yii gaa a Mɛ̨nį Kəlee ŋą Hééɓomun Yálá, nwoo li.

Mise 2:1

Nuąi da mɛ̨nį ɲɔ̨nwɔ̨ɔ̨ mąą kiliŋąhiɛ kɛ, Di nwun na ɲɔ̨nwɔ̨ɔ̨i; di ɓo di yəi gbin ŋą, diɛ mɛ̨nį ɲɔ̨nwɔ̨ɔ̨ pənə di kwəi diɛ doo. Yələ a lɛɛ kpɔlɔɔ ɓɔi, diɛ di yee pɛlɛ mɛ̨nį ɲɔ̨n gɛɛ ɓa, mąąhɔlɔɓo, mąą laa kaa di yəi.

Mise 4:10

Siɔn nɛ̨ɛ̨gbɛla! 'Kpɛlaan a mɔ̨nɔ̨, ə́ gbóó təli, yɛ nɛ̨ɛ̨nui kwəinwąną kɛi. Mąąhɔlɔɓo, ə́ kulɔ hiɛ li taai, yɛ́ li lɛɛi lɔwɔ ɓa, ə́ kaa pai lii kpɔ Babilonə, di kaa pai ə́ nwun mąąɓoi laa; nąą ɓə Yai-Laa kaa pai ə́ kulɔi laa ə́ yowoɠaa yəi.

Lonon mo 21:29

Moabə, kpalo aa ɓɛla yɛ́! Kemɔsə nwɔ lɔi ə lɛɛ ɉu. Nonnii nɛ̨ąą daa lɛɛ a luwɔɠaa, non ɉinąą daa kɛ a pu nuą. Amɔrə tɔɔmun Sihɔn yəi.

Dutɛrɔnome 28:18

A ka kwəi lonnii nɛ̨ŋɛ̨n naa, da ka wɔ hihɛnŋaa, ka wɔ taatɛlɛɛɠaai kwəi a haa, ka wɔ nįŋɛ̨ koonɛ̨ąɠaa nɛ̨ŋɛ̨n ə laa, da ka wɔ ɓɛlaa kɔ́nwɔ̨leeɠaa.

Dutɛrɔnome 28:31

Da ka wɔ niŋɛ̨i paa ka ɲɛ̨i ɓa, ka hva ɉuwɔ ta mįi. Da ka wɔ hoohvaalən kulɔ ka yəi, hva kɛa bulu pənə kaa. Ka wɔ ɓɛlaa haaɠaa da lɛɛ a ka yowoɠaa pɔɔ, nui lɔpee ta hva hɔlɔɓo, hvo ka mąą kpɔmąąɓo.

Dutɛrɔnome 28:41

Ka káá pai lon ɉinąą da lon nɛ̨ą kaai, kɛlaa, di hva lɛɛ ka yəi, gəlee da li luwɔlaa hu.

Dutɛrɔnome 28:65

Ɛlɛɛ, ka hvo pai ka kpɔɔ hɔlɔɓoi nu huwuɠaa tii pɔɔli, ɓɛi kpɔ ka ka kɔ́wɔ hvilɛn naa, ka hvo pai nąą kaai. Yai-Laa kaa pai liihɛlɛn ɉeei kaa, yɛ ka ɲɛ̨i koloon kaa ka yee kpiɛ ɲin a mɔ̨nɔ̨ yii ka kili hvo kɛ mą.