Dutɛrɔnome 28:22 - Yálá laawoo hɛɓɛ (dc)

²² Yai-Laa kaa pai huhaa ɲɔ̨n, kwɛlɛ ɲɔ̨n, kɔ́lɔ kələn mąą, da kwəi kulɔ ɲɔ̨n bɛlɛi kaa, yɛ ka wɔ tíiɠaai kala, ɲɔ̨nŋąą tii da lɛɛ ka pulu, ə lɛɛ ɉu, di ka nwun na pili.

Yálá laawoo hɛɓɛ

²² Yai-Laa kaa pai huhaa ɲɔ̨n, kwɛlɛ ɲɔ̨n, kɔ́lɔ kələn mąą, da kwəi kulɔ ɲɔ̨n bɛlɛi kaa, yɛ ka wɔ tíiɠaai kala, ɲɔ̨nŋąą tii da lɛɛ ka pulu, ə lɛɛ ɉu, di ka nwun na pili.

Bible

²² A pâi tɔ̃lɛ kɔlɔ-fela pilîi kâa, fɛ́ɛ-fɛɛ kɔlɔ fela da kɔlɔ fãa-maa kpanaŋ. A pâi gɛ̂i fólo é tóo a ŋánaa fãa kpanaŋɔɔ kɛ́ tɛ̀ɛ nyii pâi gɛ̂i kási-sãai dí kpála. À kɛ̀ tí puru kɛ́tɛ a pâi toôi ǹɔii su. A pâi gɛ̂i pûŋ é pɛ́lɛ kási-sãai dîa dífa ŋɔ́nɔ ƃà. Mɛni-ŋai ŋí da pâi lɛɛ̂i kɛ̂i a káa é lɛ́ɛ la zu ká sáa kpɔ́ kpúŋ.

Dutɛrɔnome 28:22 ပူးပေါင်းရင်းမြစ်များ

Tɔɔɓɛlaa dɔlɔɔ 17:7

Gwɛlan tii yee mu, hvóló kɛnɛ̨ ə hɔɔ. Eli ə li mąąkilɛi Keritə huluun ɉii. Kɛlaa, ɉu hvo kɛa, ɲai tii ə kpala, mąąhɔlɔɓo, tulɔ hvo kɛi pu.

Tɔɔɓɛlaa dɔlɔɔ 8:37

«Akɛ pulu a too nɔi, kwəi kulɔ ɲɔ̨n ə pɛlɛ nuą diɛ, akɛ kolo a lɔ ɉihɛnŋąą hu, Peeləɠaa da poninŋąą diɛ kɛɛ kala nɔi, ə mą kɛ di yowoɠaa daa di mąątinɛ̨n a kɔ́, ə mą kɛ a mɛ̨nį ɲąąnwąnąą huwui lɔpee gəlee, ə kɛ a ɲɔ̨n ɉuwui lɔpee gəlee.

Kɔlɔnikɔ Veerɛi 6:28

Pulu a pa tooi nɔi, ɲɔ̨n a pu nu kanŋaa mɛ̨i, díiɠaa da ɉihɛnŋąą da pa di yee lɛɛi, peeləɠaa, ponįnŋąą awala kɛ tii, ɉaiɠaa, awala kɛ tii, di yowoɠaa da di wɔɔ taaɠaa mąątinɛ̨n a kɔ́; ə kɛ a mɛ̨nį ɲąąnwąnąą huwui lɔpee, ə kɛ a ɲɔ̨n ɉuwu lɔpee,

Ɉeremi 14:12

Daa kɛ hin nɔ, vá nwə́li tɔɔ di wɔ nɛɛmąą hvə woo ɓa. Ə mą kpɛli kɛ daa taatɛlɛɛɠaa kulɔ a haláá mą́ą́, diɛ gɔ́, yili hva níí hon. Kɔ, pulu, da ɲɔ̨n ya ɓə gáá pai di mąą mɛ̨nį kpɛɛi la ɉu.»

Ɉeremi 16:4

Pulu kaa pai di mɔ̨nɔ̨ ɓoi, diɛ haa ɉu, di hvo pai wɔlɔi di powa mɛ̨i, di hvo pai kámą hɔlɔɓoi, di kaa pai lɛɛi nɔi mɛ̨i, di kɛ a tulun bɔlɔ. Kɔ kaa pai di paai, pulu ə di paa, di powa ə lɛɛ a yələi nwɛ̨nįɠaa da lɔwɔ huwɔɠaa kɔ̨nɔ̨n.

Levetekɔ 26:16

mɛ̨nįi gáá pai gɛi ya ka: Gáá pai kpolo ɲɔ̨n da kwɛlɛ ɲɔ̨n ɉee ka hu, diɛ ka kwəi pili kaa, diɛ ka ɲɛ̨i lon ɉu haa, diɛ ka wɔ yɛnɛ̨ɛ̨ hu kpuɔ. Ka káá lɔ pai kɛi tíi kɛi kpɛli kpɛli, ka yowoɠaa ɓə pai kɛi ma mįi.

Amɔsə 4:9

Ną́mu Yai-Laa yɛ nwɔ̨nɔ̨ diɛ: Ŋą́ hvaa mą kolo ə lɔ ka wɔ hihɛnŋąąi hu, ka wɔ hihɛnŋąąi di kpala ɲeą, ka wɔ hihɛn ɲeaɠaai, ka wɔ viɲə yɛaɠaai, ka wɔ ɓolaa wuluɠaa da ka wɔ olivə wuluɠaai, peeləɠaa da gəlee laa mįi. Kɛlaa, pələi mąn ŋį́ gɛ la tii, ka hvo gɛ li ka hvo pa bɔ́. Yai-Laa woo li.

Egaa 1:11

Yili ɓə gɛ, ŋį́ hvóló laa tee ka pɔ lɔi, ɲee kpu kpuɠaa diɛ, tíiɠaa da viɲə yɛaɠaa ɓa, ə mą kɛ olivə ɲɛaɠaa da yii kpɔ ka ɲɛa laa. Hvóló laa ə tee gəlee diɛ. Huwɔɠaa diɛ ɉu mɔ̨nɔ̨ mįi, ka kɛ kóloɠaa hu ə kala.»

Egaa 2:17

Ŋą́ą́ ka kɛ kóloɠaa kəlee hu kala, ka wɔ hihɛnŋaai kəlee daa kpala, ŋą́ą́ hawon dulɔ pu, ka hvo gɛ li, ka hvo pənə, ka hvo pa ɲą́ą́ ŋɛ̨i bɔ́, Yai-Laa woo li.

Egaa 2:19

Kɛlɛi mɔ̨nun gɔ́w tɔ̨nɔ̨ kpɛli hvo kɛa ka yəi gələ́ɠaa hui ee? Viɲəɠaa, ɓolaa wuluɠaa, nwului ŋɛ̨i da kɛ mą grenadə da olivə wuluɠaa, di hvo ɓá. Ə həɠə háákələi ɓa, gáá pai lúwɔ́ tooi kaa.

Zakari 14:12

Nɔiɠaai tii gɔ́ pɛlɛ Ɉerusalɛmə ɓa, vaɠai Yai-Laa kaa pai di kɛlɛi la, ya ka: Di kaa pai lɛɛi di hvulú kɔ́wɔ ŋą, kolo ə pu di hu, di ɲɛ̨i kɔ́w yɛ luwun galai, di nɛ̨n yɛ luwun di la.

Dutɛrɔnome 28:23

Yələkɔlɔn a walawala ka nwun mɛ̨i yɛ kwɛli kpɔlu, lɔi yɛ walawala ka kɔ́wɔ mu yɛ kwɛli kpèlèè.

Dutɛrɔnome 32:24

Ɓɛlɔwai pulu a di kɛ la a nu lɛɠɛ, ɲɔ̨n ɲɔ̨nwɔ̨ɔ̨ɠaa diɛ di laanɔ̨nwɔ̨ ɓo, Ŋą́ hvɛnɛ̨ huwɔɠaa ɲąątɔɔ diɛ, ŋą́ kaalə ɲɔ̨nwɔ̨ɔ̨ɠaa tí diɛ.

Dutɛrɔnome 4:26

háákələi ŋɛ̨i, yələkɔlɔn da lɔi di kaa a gɛla, ka kpɛɛ hiɛ kpɔlɔɔ li nąąlɔwai nɔi tii mɛ̨i, ɓɛi ka káá pai Ɉurdɛn teen ɉii kaa li laa. Ka yíi hva kwɛa, ka kpɛɛ kpɔ tɛ̨ɛ̨tɛ̨ɛ̨.