Dutɛrɔnome 28:12 - Yálá laawoo hɛɓɛ (dc)

¹² Yai-Laa kaa pai pələ laa ɓoi nwɔ yələkɔlɔn ɉu hɛn gɔw neelee tɔwɔ, yɛ tulɔ pu a bui lɔwai ka wɔ lɔi ɓa, yɛ lúwɔ́ too ka kɛ mɛ̨nįɠaa kəlee diɛ. Ka káá pai kwələ tɔɔi hį́i tamąą ɓa, kɛlaa, ka hvo pai kpaan ɉii, ka hvo kwələ həɠə.

Yálá laawoo hɛɓɛ

¹² Yai-Laa kaa pai pələ laa ɓoi nwɔ yələkɔlɔn ɉu hɛn gɔw neelee tɔwɔ, yɛ tulɔ pu a bui lɔwai ka wɔ lɔi ɓa, yɛ lúwɔ́ too ka kɛ mɛ̨nįɠaa kəlee diɛ. Ka káá pai kwələ tɔɔi hį́i tamąą ɓa, kɛlaa, ka hvo pai kpaan ɉii, ka hvo kwələ həɠə.

Bible

¹² A pâi ŋ̀ele-kɔlɔŋ lá ƃôi tuna é pú a bú tãi ǹɔii é yɔɔ kási-sãai dí kpɛtɛ. Ka pâi kpa-pîlii lɔii-ŋuŋ támaa su-ƃela dîa, kɛ́lɛ káfe pâi wɔ́lɔ kpa sonîi dîa.

Dutɛrɔnome 28:12 ပူးပေါင်းရင်းမြစ်များ

Tɔɔɓɛlaa dɔlɔɔ 18:1

Yələ tamąą tɛɛ pulu, Yai-Laa ə pələ ɓɔ Eli ɓa a gwɛlan ɉaaɓa nąą, yɛ mą: «'Li! Ə́i kpɔwɔ lɛ Akabə ɓa, gáá pai tulɔ pui lɔi mɛ̨i.»

Zôo 38:22

Yá ta həli ɓɛi kwɛlɛ kpuwulu puɔ laa gee mɛ̨i, da ɓɛi hanwon gbuwulu kaa la gee mɛ̨i, ya ta naa kaa?

Mąątɛ̨nɛ̨ 135:7

Ə həɠə kpɔ lɔi kpɛlai pələ, a tulɔ kpinįnŋaa muhəɠə, tulɔ ə duwɔ, yələ gbąnąą ə ɓɛla, tulɔ yɛ pu, ə hvaŋąɠaa kulɔ ɓɛi ə di pu laa gee mɛ̨i.

Hanwon 22:7

Hɛn gɔw nąmu a hee yeehvowolomun mɛ̨i, kwələ tɔɔ mun nwɔ luwɔ ɓaa kwələ həɠə mun.

Izikiɛ 34:26

Gáá pai lúwɔ kɛi nɔi ŋɛ̨i ɓa, da gwɛlɛ lɔiɠaa kəlee. Gɛ́ tulɔ pu di mɛ̨i a bui lɔwai, yili yɛ kɛ diɛ a lúwɔ.

Levetekɔ 26:4

gáá pai kɛi tulɔ pui ka mɛ̨i a bui lɔwai; lɔi yɛ lɛlɛ, hihɛnŋąą diɛ ɓá.

Dutɛrɔnome 11:14

tulɔi mąąnɛ̨ɛ̨ ə pu ka wɔ lɔi ɓa, ŋą́ bu a bui lɔwai. Ka káá pai kɛi ka wɔ mɔ̨nun ɉɔlɔɓoi, da nɔɔ nįnɛ̨, ə mą kɛ, ka wɔ wulɔi.

Dutɛrɔnome 14:29

Levi nu huwui tii lɔi hvo di yəi, di kwɛlin və di yəi, nwɛ̨ą, təliɠaa da kalaninŋąą, diɛi tii ka wɔ taaɠaai hui, da pa di di laa mįi, di pilɛ ɉu. Yai-Laa ka wɔ Yálái yɛ pɛli lúwɔ́ tooi kaa ka kɛ mɛ̨nįɠaa kəlee hu.

Dutɛrɔnome 15:10

Ka mɛ̨inɛ̨ɛ̨ kɛ mą a ka kwəinɛ̨ɛ̨. Ka hvə gɔ́ a ka ɲənąą yiliɛ, ka gɔ́ tii, Yai-Laa ka wɔ Yálái kaa pai lúwɔ tooi kaa ka kɛ mɛ̨nįɠaa kəlee hu.

Dutɛrɔnome 15:6

Mąąhɔlɔɓo, Yai-Laa ka wɔ Yálái kaa pai lúwɔ tooi kaa; yɛ bələi ə naakwɛlanmo la kaa. Ka káá pai kwələ tɔɔi nu huwu tamąą ɓa, diɛ tolaa tɛɛ ka pɔ. Kɛlaa kaa kpinįi ŋɛ̨i di hvo pai ka tolaa heei, ka hvo pai kwələ hon ɉii; ka káá pai heei nu tamąą mɛ̨i, ka wɛi, di hvo pai heei ka mɛ̨i.

Dutɛrɔnome 23:20

Ka hvo kwələ tɔɔ ka kaayɔwɔ ta ɓa, a tɔ̨nɔ̨ kwɛli pələ ɉu. Ə kɛ a wali, ə kɛ a kɔ̨nɔ̨n, ə kɛ a hɛn nɔpee gəlee yii ka pɛli gwələ tɔɔi kaa tɔ̨nɔ̨ hɔlɔɓo ɉu.

Dutɛrɔnome 28:24

Yai-Laa hvo pai tulɔ pui ka wɔ lɔi ɓa, kɛlaa luwu da muluun gbala ɓə pai kɛi kulɔi yələi, diɛ yɛɛ ka mɛ̨i, əlɛɛ ɉu ka kpɛɛ lɔi mɛ̨i.

Dutɛrɔnome 28:44

Nwɛ̨ąą tii ɓə pai kɛi kwələ tɔɔi kaa, hɛn da hvo pai hɔlɔɓoi ka yəi, kaa kwələ tɔɔ diɛ. Di kaa pai kɛi ka tɔwɔ, kaa ɓo di pulu.