Dutɛrɔnome 27:15 - Yálá laawoo hɛɓɛ (dc)

¹⁵ «‹Nui lɔpee pai hali ta pɛlii a wala kɛ tii, hɛn da mąą nįnįn, a yɛlɛ kɛ mun da yee pɔɔ, ɛlɛɛ, yɛ di tɔɔ kɛɛnąą loɔ ɓa! Mɛ̨nįi gɔhɔɓoɔ Yai-Laa ɲɛ̨i ɓa yaa li! Yálá! Mąą nu nɛ̨ŋɛ̨n naai!› Ɛlɛɛ nɔi lonnii kəlee di di nwoo mu hon, diɛ mą: ‹Mįįną!›

Yálá laawoo hɛɓɛ

¹⁵ «‹Nui lɔpee pai hali ta pɛlii a wala kɛ tii, hɛn da mąą nįnįn, a yɛlɛ kɛ mun da yee pɔɔ, ɛlɛɛ, yɛ di tɔɔ kɛɛnąą loɔ ɓa! Mɛ̨nįi gɔhɔɓoɔ Yai-Laa ɲɛ̨i ɓa yaa li! Yálá! Mąą nu nɛ̨ŋɛ̨n naai!› Ɛlɛɛ nɔi lonnii kəlee di di nwoo mu hon, diɛ mą: ‹Mįįną!›

Bible

¹⁵ “ ‘Náɣaŋ káa ǹúui ma a Ɣâla pɔkɔɔŋ sàa a wúru kpaa máŋ kɔni gɛ̀ vɛ̀li loo-pêre sui, nyii Yâwɛɛ fé wɛ́li ní lai.’ “Ǹûai kélee da pâi m̀ôi dîyɛɛi, ‘É kɛ́ tí.’

Dutɛrɔnome 27:15 ပူးပေါင်းရင်းမြစ်များ

Zɛnɛse 31:19

Laban ə həɠə yɛ li nwɔ ɓɛlaaɠaai ləɠa mɛ̨i teei. Nąąlɔwai Rasɛlə ə nąn ɲəi bɛlɛ́n ɉalə ta həɠə bulu.

Zɛnɛse 31:34

A mɛ̨nį gɛ, Rasɛlə ɓə ɉaliɠaai tii həɠə, ə nɔ ɉoo pulu kpəlin mu, ə hee mɛ̨i. Laban ə bɛlɛ́n gəlee kaa, hvo hɛn da kaa.

Zɛnɛse 9:25

Nąąlɔwai, Noe yɛ diɛ: «Kanaan nɛ̨ŋɛ̨n naai! Gaa pai kɛi a gaayɔwɔɠaa di wɔ luwɔ pulu luwɔ.»

Tɔɔɓɛlaa veelɛ 17:19

Ɉuda yaa kpɛli mąn, hvo kɛ Yai-Laa nwɔ Yálái nwɔ tíɓoɠaa kɛ li; diɛ kpɛli, bələi Israɛlə nuą di túwɔ́ la, di kɛ mɛ̨nįɠaa tii ɓə di hvilɛn bulu.

Tɔɔɓɛlaa veelɛ 23:13

Ɉaláá kulɔiɠaa ŋɛ̨i Salomɔn ə dɔɔ ɉɛɠɛ pələ Olivə yee ɓa, Ɉerusalɛmə tənən mą, ɉaláá kulɔiɠaa tii, da ə kɛ a: Astarte nwɔ, yai kɛ a Sidɔn nuą di wɔ hali nwɔnwɔɔ. Da ə ɓo a: Kemɔsə nwɔ, yai kɛ a Moabə nuą di wɔ hali nwɔnwɔɔ; dɔ̨nɔ̨ ə ɓo a: Milkomə nwɔ, yai kɛ a Amɔn nuą di wɔ hali ɓɛlɛ kpɛɛ mą, gɔhɔɓoɔ; Ɉosiasə ə gəlee nąą wolo.

Kɔlɔnikɔ Maa-ŋuŋ 16:36

Mąąwiɛ ə kɛ Yai-Laa Israɛlə nwɔ Yálái ɓa, a yələ kəlee da yələ kəlee mɛ̨nį!» Nąąlɔwai nɔi lonnii kəlee di mu hon, diɛ mą: «Ə kɛ tii! Mąąwiɛ ə kɛ Yálá ɓa!»

Kɔlɔnikɔ Veerɛi 33:2

Ə túwɔ́ a ɲɔ̨nwɔ̨ɔ̨ Yai-Laa ɲɛ̨i ɓa. Nuą tii Yai-Laa ə di wɔɔ lɔiɠaa kulɔ di yəi, yɛ Israɛlə hee laa, ə hvilɛn di yii pələ ɲɔ̨nwɔ̨ɔ̨ɠaa pulu.

Lɛɛ gbɔwɔ ɓa 20:23

Mąą hvo nɛ̨ɛ̨li, ka hvo mą́ą́ mɛ̨nį kɛ yɛ halii di bɛli a wali kwɛli, awala kɛ ti, a hɛni. Ɛlɛɛ, mąą hvo nɛ̨ɛ̨li ka hvo ɉaliɠaa tii ta pɛli.

Lɛɛ gbɔwɔ ɓa 20:4

«Mąą nįnįn ɉaɠaa lɔpee ta hvo kɛ ka yəi, ə mą kɛ a yələkɔlɔn ɉu hɛn da kulɔmąą, ə mą kɛ, a lɔi mɛ̨i hɛn da, da yái hɛn da yii gaa lɔi mu gulɔmąą.

Lɛɛ gbɔwɔ ɓa 34:17

«'Hvo Yálá mąą nįnįn bɛli.

Azaya 44:13

Wulu haɠamun nwɛi, a nwulu kɔ́ɔn, ə pɔɔ gɛ mą ni a tiɠi, yɛ kɛa ɉaɠa a kpaawɔ, a gɛ tii, vilənŋąą diɠi pɔɔ ɓa, a goloon ɉu kɛ yɛ nu kɛ pələ, kpɔlɔɔ yɛ nu ɲɛ̨ilain ɲą́ą́lee, diɛ hee pɛlɛ́n.

Azaya 44:17

Yili pulu, gbəlii tii kɛa a lɛɛ, ə bɛli a hali, ə gɛ a nwɔ yálá, yɛ kwɛli hvilɛn mą, yɛ pɛlɛ nií la, yɛ mąą mɛ̨nį laa həli mą, yɛ kɛ mą: «Málo! Mąąhɔlɔɓo, yɛ́ lɔ ɓə a nwɔ́ yálá!»

Azaya 44:19

Di kili hva mɛ̨nį hukpɛ, di hva kpɛli di kiliŋąhiɛ, di hvo kɛ mą: «Ŋą́ą́ háá bələ tɔ̨nɔ̨ kələn nwɔ̨n ɉu, ŋą́ą́ bələ tɔ̨nɔ̨ kɛ a gɔnɔ̨n ɲili kwɛi, ŋą́ą́ huwɔ mɔ̨n dəŋą ɓa, ŋą́ą́ mįi, ɛlɛɛ gbuɔ woloi aa lɛɛ, ya ka gáá pɛlɛi gɛ́ kwɛli hvilɛ mą!»

Ɉeremi 11:3

yɛ diɛ: Yai-Laa Israɛlə nwɔ Yálái yɛ: Nui hva nwəli tɔɔ mįnɛ̨i ŋɛ̨i hu woo ɓa, mąą nu nɛ̨ŋɛ̨n naai.

Ɉeremi 11:5

Yili a kɛ kɛa tii, mɛ̨nįi ŋį́ naakwɛlanmo ka nąnni diɛ, gɛ́ kɛ diɛ, gáá lɔi tɛɛi ka pɔ, ɓɛi kwɛin nwulɔ da ɲįnįya gboloon naai laa; ŋį́ pɛli kɛa ŋį́ nwóó tii pɔ mɛ̨nį kɛ. Yili ɓa, háákələi, nɔi kaa a ka wɔɔ. Gɛ́ Yai-Laa ɓa: «Gaa tii Yai-Laa.»

Ɉeremi 23:24

Ə mą kɛ, nu ta aa noo honwon da hu, vá pɛli mɔ̨ɔ̨ gai? Ɲą́ą́ Yai-Laa nwóó li! Ɲą́ą́ hvəi mɔ̨ɔ̨ ŋą́ą́ yələkɔlɔn da lɔi di laahvɛɛ?» Yai-Laa woo li.

Ɉeremi 28:6

«Mįįną lúwɔ́; Yai-Laa əgə tii wɛ! Mɛ̨nįɠaai kpɔ ŋɛ̨i ə́ di lɛɛ kwɛa la yɛ́ mo a Yai-Laa laa, ə gəlee kɛ-oo! Yálá hee pɛlɛ́ mu hɛnŋaa da nəɠiɠaa kəlee, ə di kulɔ Babilonə, ə pa a diɛ gɛɛnąąi ŋɛ̨i ɓa-oo!

Izikiɛ 14:4

'Mo diɛ, yɛ́ diɛ: Hééɓo kəlee Nąmu woo ka, yɛ: Israɛlə mun lɔpee a nwɔ halii laa nii pɔ, ɉɛn pai doo nɛ̨ŋɛ̨n ɉu, yɛ ɲee kąnąn mą, yili pulu, yɛ pa gwə́i mɛ̨nį hu kulɔmun bɔ, ɲą́ą́ ɓə ŋą́ mąą nu woo pulu pənə; a pa, pələi lɔ nwɔ haliɠaai da kɛ la a di tamąą, bələ lɔ ɓə ŋį́ nwoo pulu pənə la.

Izikiɛ 7:20

Di kɛi di nwun dɛ di mąą yili hɛnŋaa hu, ya ɓə di di wɔ hɛn mąąnįnįn ɲɔ̨nwɔ̨ɔ̨ɠaai pɛli la, a gili kpɛɛ ɲəi hɛŋaai tii. Yili mąą mɛ̨nį ɓa, gáá pai di kɛi a di mąąluwu hɛn.

Danîa 11:31

Yai tii, gaa pai kɔ́kulááɠaa tɔɔi, ə gɛ, di kɔ́ pɛlɛ Yálá nwɔ taai ŋɛ̨i mąątínɛ̨n ŋąą a hįi ma, di kaa pai mɛlɛkpɛɛ ma. Ɉaláái ŋɛ̨i da gulɔ Yálá ɓa a hvoló kəlee, di kaa pai tɔ́n dɔɔi yili ɓa, di ‹mɛ̨nį kɔ́hɔɓoɔ laa ɉaláá kulɔi.›

Danîa 9:11

Israɛlə lɔi hu nuą kəlee daa ə́ wɔ tɔ́n kala, daa di pulu tɔɔ yɛ́, ə gɛ, di hvo pa ə́ wɔ liɛwooɠaai mɛ̨n. Yili ɓa, ku wɔ kulɔ nwoo mu laai tii ma mɛ̨nį ɓa, nɛ̨ŋɛ̨n naai ŋɛ̨i bɛ̨ɛ̨ Moisə nwɔ hɛɓɛ́i hu, aa too ku mɛ̨i.

Levetekɔ 19:4

«'Ka hvo hvilɛn haliɠaa pulu, kaa di mąą nįnįn bɛli. Ɲą́ą́ gáá a Yai-Laa ka wɔ Yálá.

Levetekɔ 26:1

«'Ka hvo hali pɛli, 'ka hvo hɛn da mąą nįnįn bɛli, a wala kɛ tii haláá kulɔi ta, ka mąą mɛ̨nį ɓa. 'Ka hvo kwɛni ta hvilɛn lɔi ɓa kaa kwɛli hvilɛn mą. Mąąhɔlɔɓo, ɲą́ą́ ɓə a Yai-Laa ka wɔ Yálá.

Lonon mo 5:22

Ɲái ŋɛ̨i nɛ̨ŋɛ̨n naa kaa ɉu, gaa pai yɛɛ ə́ kwəi, ə ə́ koo tɛ ə́ ɲą, ə ə́ kwəi paa. Nɛ̨ɛ̨nui tii a mu hon, yɛ mą: ‹Mįiną! Mįiną!›

Maafîu 24:15

«Yili ɓə gaa mą, ɓɛlɔwai ka káá pai nwun napili mɛ̨nį mąą ɲɔ̨wuɔ, kaai la tɔɔ ni ɓɛi da Yálá mąą mɛ̨nį ɓo laai, yɛ pələi Yálá kwəi mɛ̨nį hukulɔ mun Daniɛlə ə mo la. Nui gaa mɛ̨nįɠaa ŋɛ̨i kalan ɉii ə gbaɠala kaa a nəlɛɛ!

Maafîu 6:13

Hvo ku lɛɛ laa ku hvo too ɲąą hɛn mɛ̨nį hu. Kɛlaa, ku kulɔ mɛ̨nį ɲɔ̨n ɉu. Mąąhɔlɔɓo, ə́ pɔɔ ɓa tɔɔlaa, da heeɓolaa da mąąwiɛ, əlɛɛ la ɉu wɔ. Mįįną.›

Korɛntə dɔlɔɔ 14:16

Gbala ə tɔɔ, ɉį́iwooi gáá moi, ŋą́ kɛli lúwɔ́ kɛ ɉu, nuą di hvo gɔlɔn, da hvaa pələ kɛ ləi núwɔ́ mu? Mąąhɔlɔɓo, mɛ̨nįi ə́ kaa moi, hvo di mɛ̨n ɉii.

Dutɛrɔnome 27:14

«Levi lonnii di kaa pai moi a di woo kɛnɛ̨ diɛ kɛ Israɛlə nuą diɛ:

Dutɛrɔnome 29:17

Yálá hvo gɛ! Ə kɛ a hulɔnu ə kɛ a nɛ̨ɛ̨nu, a wala kɛ tii pɛlɛ ta ɓə, ə kɛ a huwu ta, hvo hɔlɔɓo ka lɔwai nwɔ kiliŋąhiɛ hvo həɠə Yai-Laa gu wɔ Yálái ɓa, yɛ hvilɛn nu huwuɠaa tii di wɔ haliɠaa pulu, ka kpuwun da hvo kɛ ka lɔwai, yii nwɔ kɛ pələ a kɛ yɛ pili mąą, a wala kɛ tii, yɛ kala ɲɔ̨n.

Dutɛrɔnome 4:25

Ɓɛlɔwai ka káá pai lon ɉɔlɔɓoi la da mąnįn mɛlaa, ka pa kɛi a nu mąą pɔlɔɔɠaa nɔi tii hu, ɲələi ka lan na kaa hali pɛli, a hɛn da mąą nįnįn, mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa kaa gɛ, kaa nwąną lɔ,

Dutɛrɔnome 5:8

«'Ka hvo hɛn da kpɛli mąą nįnįn bɛli, a hɛn ɲii da kwɛli hvilɛn mą, a hɛn lɔpee ta, yii gulaa yələkɔlɔn ɉu hɛn da ɓa, ə mą kɛ a lɔi mɛ̨i hɛn da, a wala kɛ tii yái hɛn da.

Dutɛrɔnome 7:25

Di wɔ hali mąą nįnįnŋaai mąąnɛ̨ɛ̨ ka di kələn; ɛlɛɛ, nwali kwɛli, da ɉɛnii tii bɛlɛɛ di kɔ́lɔ ɓai, ka ɲɛ̨i hvo kulɔ bɔ, əgɛ, ka da həɠə, hvo pa kɛ a hɛlɛn ka tɔwɔ. Mąąhɔlɔɓo, yili a kɛ a mɛ̨nį ɲɔ̨nwɔ̨ɔ̨ kɛnɛ̨ Yai-Laa ka wɔ Yálái ɲɛ̨i ɓa.

Nwun mąąɓo 17:3

Mika ə nɛɛmą ə nwali kwələ waa tɔ̨nɔ̨ pulu nwun-dɔnɔi tii tɛɛ nee pɔ. Nee yɛ mą: «Nwalii tii, ŋą́ naakwɛlanmo Yai-Laa ɓa, ə́ mąą mɛ̨nį ɓa. Ə gɛ, di hali ta pɛli la yɛ́, yii a kɛ a mąąnįnįn ɉaɠaa ta, yɛ ɓo a kwɛli, yili ɓa, gáá dɛɛi ə́ pɔ.»

Nwun mąąɓo 17:4

Kɛlaa, Mika ə pənə nwɔ̨nɔ̨, ə nwalii tii tɛɛ nee pɔ. Nee ə nwun-veelɛ həɠə ɉu, ə dɛɛ wali kwɛli pu mun da bɔ. Yili ə bu, ə bɛli a hali, a mąąnįnįn ɉaɠaa ta, də li di ɉee Mika yəi bɛlɛ́n.

Samuɛlə dɔlɔɔ 26:19

Nwɔ́ mɛ̨nį nąmu tɔɔmun, ə́ wəli tɔɔ yiihu ə́ wɔ tí mun woo ɓa: ‹Akɛ Yai-Laa ɓə ə́ ɲąątɔɔi mą́ą́, ə hvaa mą, haláá hɛn di kaa dɛɛi bɔ, yili ə niilaa. Kɛlaa, akɛ nuą ɓə, mąą nuąi di kɛ a nɛ̨ŋɛ̨n naa nuą Yai-Laa ɲɛ̨i ɓa. Hvo gai, daa gbɛ́ háákələi, yɛ́ gulɔ Yai-Laa nwɔ lɔi hu, diɛ kɛ mą́ą́: Li ə́ tí haliɠaa diɛ.›